ಸೀರೆಯಲ್ಲಿ ಅಪ್ಸರೆಯಂತೆ ಕಂಡ ಸೀತಾ ರಾಮ ಸೀರಿಯಲ್‌ ಪ್ರಿಯಾ; ಅಶೋಕನ ಮಡದಿ ಮುಖದಲ್ಲಿ ಮದುವೆ ಕಳೆ

 ಸೀತಾ ರಾಮ ಸೀರಿಯಲ್‌ನಲ್ಲಿ ತಮ್ಮ ಪಾತ್ರದ ಮೂಲಕವೇ ವೀಕ್ಷಕರ ಗಮನ ಸೆಳೆದಿದ್ದಾರೆ ನಟಿ ಮೇಘನಾ ಶಂಕರಪ್ಪ. 

ಸೀರಿಯಲ್‌ ಜತೆಗೆ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಶೋನಲ್ಲಿಯೂ ಭಾಗವಹಿಸಿ, ಡಾನ್ಸ್‌ಗೂ ಸೈ ಎಂದಿದ್ದರು ಮೇಘನಾ.  

ಈ ನಡುವೆ ಇದೇ ನಟಿ ಬಣ್ಣದ ಲೋಕದ ಜತೆಗೆ ವೈಯಕ್ತಿಕ ಜೀವನದ ಕಡೆಗೂ ಹೆಚ್ಚು ಗಮನಹರಿಸಿದ್ದಾರೆ. ಒಂಟಿಯಾಗಿದ್ದವರು ಇನ್ನೇನು ಶೀಘ್ರದಲ್ಲಿ ಜಂಟಿಯಾಗಲಿದ್ದಾರೆ.

ಕೆಲ ವಾರಗಳ ಹಿಂದಷ್ಟೇ, ವಿಡಿಯೋ ಶೇರ್‌ ಮಾಡಿದ್ದ ಮೇಘನಾ, ಜಯಂತ್‌ ಕುಮಾರಸ್ವಾಮಿ ಅವರನ್ನು ಪರಿಚಯಿಸಿದ್ದರು. ಅದಾದ ಬಳಿಕ ಸೀರಿಯಲ್‌ನ ಲೇಡಿ ಗ್ಯಾಂಗ್‌ಗೆ ಬ್ಯಾಚುಲರೇಟ್‌ ಪಾರ್ಟಿ ಸಹ ಕೊಟ್ಟಿದ್ದರು.

ಆ ಪಾರ್ಟಿಯಲ್ಲಿ ಸೀತಾ ರಾಮ ಸೀರಿಯಲ್‌ನ ವೈಷ್ಣವಿ ಗೌಡ, ಪೂಜಾ ಲೋಕೇಶ್‌, ಸಿಂಧೂ ರಾವ್‌ ಭಾಗವಹಿಸಿದ್ದರು. 

ಇದೀಗ ಮತ್ತೊಂದು ಗೊಂಚಲು ಫೋಟೋಗಳ ಸಮೇತ ಆಗಮಿಸಿದ್ದಾರೆ. ಅಂದರೆ, ಕ್ರೀಮ್‌ ಬಣ್ಣದ ಸೀರೆಯಲ್ಲಿ ಮೇಘನಾ ಶಂಕರಪ್ಪ ಎದುರಾಗಿದ್ದಾರೆ. 

ವಿವಿಧ ಭಾವ ಭಂಗಿಯಲ್ಲಿ ಗೊಂಬೆಯಂತೆ ಕಂಡಿದ್ದಾರೆ ಮೇಘನಾ. ನಟಿಯ ಈ ಫೋಟೋಗಳಿಗೆ ನೆಟ್ಟಿಗರಿಂದಲೂ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. 

ಫೋಟೋ ನೋಡಿದವರು, ಅಪ್ಸರೆ ಎಂಬ ಕಾಂಪ್ಲಿಮೆಂಟ್‌ ನೀಡುತ್ತಿದ್ದಾರೆ. ಇನ್ನು ಕೆಲವರು ಬ್ಯೂಟಿಫುಲ್‌ ಎಂದೂ ಹೇಳುತ್ತಿದ್ದಾರೆ.

ಅಂದಹಾಗೆ, ಮೇಘನಾ ಮತ್ತು ಜಯಂತ್‌ ಕುಮಾರಸ್ವಾಮಿ ಅವರ ಮದುವೆ ಫೆಬ್ರವರಿಯಲ್ಲಿ ನಡೆಯಲಿದೆ. ಇನ್ನೇನು ಶೀಘ್ರದಲ್ಲಿಯೇ ದಿನಾಂಕ ಬಹಿರಂಗಪಡಿಸಲಿದ್ದಾರೆ.