National Horticulture day: ಕರ್ನಾಟಕದ ಹೆಮ್ಮೆಯ ವಿಜ್ಞಾನಿ ಎಂಎಚ್‌ ಮರಿಗೌಡರ ಸ್ಮರಣೆಗೆ ರಾಷ್ಟ್ರೀಯ ತೋಟಗಾರಿಕೆ ದಿನದ ಗೌರವ photos
- MH Marigowda ಕರ್ನಾಟಕದವರೇ ಆದ ಎಂಎಚ್‌ಮರಿಗೌಡ ಅವರನ್ನು ತೋಟಗಾರಿಕೆ ಪಿತಾಮಹ ಎನ್ನಲಾಗುತ್ತದೆ. ತೋಟಗಾರಿಕೆ ಕ್ಷೇತ್ರದ ಬೆಳವಣಿಗೆಗೆ ಅವರು ನೀಡಿದ ಕೊಡುಗೆ ಕಾರಣಕ್ಕೆ ಅವರ ಜನುಮ ದಿನವಾದ ಆಗಸ್ಟ್‌ 8 ಅನ್ನು ರಾಷ್ಟ್ರೀಯ ತೋಟಗಾರಿಕೆ ದಿನವಾಗಿ( National Horticulture day) ಆಚರಿಸಲಾಗುತ್ತಿದೆ. ಇಲ್ಲಿದೆ ವಿಶೇಷ
- MH Marigowda ಕರ್ನಾಟಕದವರೇ ಆದ ಎಂಎಚ್‌ಮರಿಗೌಡ ಅವರನ್ನು ತೋಟಗಾರಿಕೆ ಪಿತಾಮಹ ಎನ್ನಲಾಗುತ್ತದೆ. ತೋಟಗಾರಿಕೆ ಕ್ಷೇತ್ರದ ಬೆಳವಣಿಗೆಗೆ ಅವರು ನೀಡಿದ ಕೊಡುಗೆ ಕಾರಣಕ್ಕೆ ಅವರ ಜನುಮ ದಿನವಾದ ಆಗಸ್ಟ್‌ 8 ಅನ್ನು ರಾಷ್ಟ್ರೀಯ ತೋಟಗಾರಿಕೆ ದಿನವಾಗಿ( National Horticulture day) ಆಚರಿಸಲಾಗುತ್ತಿದೆ. ಇಲ್ಲಿದೆ ವಿಶೇಷ
(1 / 7)
ಮೈಸೂರಿನಲ್ಲಿ ಜನಿಸಿದ ಮರಿಗೌಡರು ರೈತ ಕುಟುಂಬದಲ್ಲಿ ಬಂದವರು. ಎಂಟು ದಶಕಗಳ ಹಿಂದೆಯೇ ಅವರು ತೋಟಗಾರಿಕೆಯ ಬಗ್ಗೆ ಆಸಕ್ತಿ ಹೊಂದಿ ಕೃಷಿ ಪದವಿ ಮೂಲಕ ವಿಶೇಷ ಗಮನ ನೀಡಿದವರು.
(2 / 7)
ತೋಟಗಾರಿಕೆಗೂ ಮರಿಗೌಡರಿಗೂ ಇಲ್ಲದ ನಂಟು.ಕರ್ನಾಟಕದಲ್ಲಿ ಹೂವು, ಹಣ್ಣು, ತರಕಾರಿಗಳನ್ನು ಒಳಗೊಂಡ ತೋಟಗಾರಿಕೆ ವಲಯಕ್ಕೆ ಯಥೇಚ್ಛ ಅವಕಾಶ ಇದೆ ಎಂದು ಅದಕ್ಕೆ ಮಾನ್ಯತೆ ಕೊಟ್ಟವರು ಮರಿಗೌಡರು.
(3 / 7)
ಕೃಷಿ ಶಿಕ್ಷಣ ಪಡೆದು ಅಮೆರಿಕದಲ್ಲಿ ಉನ್ನತ ವ್ಯಾಸಂಗ ಮಾಡಿ ಅಲ್ಲಿಯೇ ದೊಡ್ಡ ಹುದ್ದೆ ದೊರೆತರೂ ವಿದೇಶದಲ್ಲಿ ಉಳಿಯದೇ ಮಾತೃಭೂಮಿಗೆ ಮರಳಿ ಭಾರತದಲ್ಲಿ ತೋಟಗಾರಿಕೆ ವಿಜ್ಞಾನದಲ್ಲಿ ತೊಡಗಿಸಿಕೊಂಡರು. ಇದರಿಂದ ಕರ್ನಾಟಕವೂ ತೋಟಗಾರಿಕೆ ರಾಜ್ಯವಾಗಿ ರೂಪುಗೊಂಡಿತು.
(4 / 7)
ಬೆಂಗಳೂರಿನಲ್ಲಿ ಲಾಲ್‌ ಬಾಗ್‌,ಮೈಸೂರಿನಲ್ಲಿ ಕರ್ಜನ್‌ ಪಾರ್ಕ್‌ ಸಹಿತ ತೋಟಗಾರಿಕೆಗೆ ಮಹತ್ವ ಇರುವ ಸ್ಥಳಗಳನ್ನು ಅಭಿವೃದ್ದಿಪಡಿಸಿದವರೇ ಮರಿಗೌಡರು.
(5 / 7)
ತೋಟಗಾರಿಕೆ ಕೃಷಿ ಎನ್ನುವುದು ರೈತರನ್ನು ವರ್ಷದ ಎಲ್ಲಾ ಋತುವಿನಲ್ಲೂ ಕೈ ಹಿಡಿಯಬಲ್ಲದು. ಇದರಿಂದ ರೈತರು ಸ್ಥಿತಿವಂತರಾಗಲು ತೋಟಗಾರಿಕೆ ಬೇಕೇ ಬೇಕು ಎಂದು ಪ್ರತಿಪಾದಿಸಿ ಅದಕ್ಕೆ ಇನ್ನಿಲ್ಲದ ಒತ್ತು ನೀಡಿದ್ದರಿಂದಲೇ ಅವರನ್ನು ತೋಟಗಾರಿಕೆ ಪಿತಾಮಹ ಎಂದೇ ಕರೆಯಲಾಗುತ್ತದೆ.
(6 / 7)
ತೋಟಗಾರಿಕೆ ಎನ್ನುವುದು ಉಳ್ಳವರ ಪಾಲಾಗಬಾರದು.ಎಲ್ಲರಿಗೂ ಇದರ ಉಪಯೋಗ ದೊರಕಬೇಕು ಎಂದು ನರ್ಸರಿಗಳನ್ನು ತೋಟಗಾರಿಕೆ ಇಲಾಖೆ ನಿರ್ದೇಶಕರಾಗಿ ಪ್ರತಿ ಜಿಲ್ಲೆಯಲ್ಲೂ ಆರಂಭಿಸಿದರು. ಹಣ್ಣು, ಹೂವುಗಳ ಬೀಜಗಳನ್ನು ಉಚಿತವಾಗಿ ವಿತರಿಸಿದರು.
(7 / 7)
ತೋಟಗಾರಿಕೆಯ ಮೂಲಕ, ಒಣ ಭೂಮಿಯಲ್ಲಿ ಬರಗಾಲದ ಬವಣೆ ಮತ್ತು ಅರ್ಥಿಕ ಸಂಕಷ್ಟಗಳಿಂದ ತಪ್ಪಿಸಬಹುದೆಂದು ಯೋಚಿಸಿ ಮರಿಗೌಡರು ರಾಜ್ಯದಾದ್ಯಂತ ಅದಕ್ಕೆ ಒತ್ತು ಕೊಟ್ಟರು. ಈಗ ಕರ್ನಾಟಕದಾದ್ಯಂತ ವ್ಯಾಪಕ ಪ್ರಮಾಣದಲ್ಲಿ ಕಂಡುಬರುತ್ತದೆ. ಅವರ ನೆನಪಿನಲ್ಲಿಯೇ ರಾಷ್ಟ್ರೀಯ ತೋಟಗಾರಿಕೆ ದಿನವನ್ನು ಆಚರಿಸುವುದು ಅವರಿಗೆ ನೀಡಿರುವ ಗೌರವ.
ಇತರ ಗ್ಯಾಲರಿಗಳು