ಸದ್ಯಕ್ಕೆ ಕಾಶ್ಮೀರದ ಗೊಡವೆ ಬಿಡಿ; ಕರ್ನಾಟಕದಲ್ಲಿರುವ ಕೂಲ್‌ ಬೆಟ್ಟ ಹಿಮವದ್ ಗೋಪಾಲಸ್ವಾಮಿ ಬೆಟ್ಟಕ್ಕೆ ಹೊರಡಿ
ಬೇಸಿಗೆಯಲ್ಲಿ ಪ್ರವಾಸಕ್ಕೆ ಹೇಳಿ ಮಾಡಿಸಿದ ತಾಣ ಚಾಮರಾಜನಗರ ಜಿಲ್ಲೆಯ ವರ್ಷವಿಡೀ ಕೂಲ್‌ ಇರುವ ಹಿಮವದ್ ಗೋಪಾಲಸ್ವಾಮಿ ಬೆಟ್ಟ. ಅಲ್ಲಿನ ವಾತಾವರಣವೇ ಮೈಮನ ಪುಳಕಿತಗೊಳಿಸುತ್ತದೆ.
(1 / 9)
ಕರ್ನಾಟಕದಲ್ಲಿ ವಿಭಿನ್ನ ಬೆಟ್ಟಗಳಿವೆ. ಅದರಲ್ಲಿ ಚಾಮರಾಜನಗರ ಜಿಲ್ಲೆ ಗುಂಡ್ಲುಪೇಟೆ ತಾಲ್ಲೂಕಿನ ಹಿಮವದ್ ಗೋಪಾಲಸ್ವಾಮಿ ಬೆಟ್ಟವೂ ಒಂದು. ಹೆಸರೇ ಹೇಳುವಂತೆ ಹಿಮವನ್ನು ಹೊದ್ದ ಗೋಪಾಲಸ್ವಾಮಿ ಬೆಟ್ಟವಿದು.
(2 / 9)
ಹಿಮವದ್ ಗೋಪಾಲಸ್ವಾಮಿ ಬೆಟ್ಟವು ಪಶ್ಚಿಮ ಘಟ್ಟಗಳ ಮಧ್ಯಭಾಗದಲ್ಲಿರುವ ಮಧ್ಯಮ ಗಾತ್ರದ ಬೆಟ್ಟ, ಕರ್ನಾಟಕ ಗಡಿ ಭಾಗದಲ್ಲಿರುವ ಬಂಡೀಪುರ ರಾಷ್ಟ್ರೀಯ ಉದ್ಯಾನವನದ ಉತ್ತರ ಭಾಗದಲ್ಲಿರುವ ಹಂಗಳ ಗ್ರಾಮದ ಮೂಲಕ ಸಣ್ಣ ರಸ್ತೆಯ ಮೂಲಕ ಪ್ರವೇಶಿಸಬಹುದು
(3 / 9)
ಹಿಮವದ್ ಗೋಪಾಲಸ್ವಾಮಿ ಬೆಟ್ಟ ವು ಬಂಡೀಪುರ ರಾಷ್ಟ್ರೀಯ ಉದ್ಯಾನದ ಅತಿ ಎತ್ತರದ ಶಿಖರವಾಗಿದೆ. ಮೈಸೂರು ಜಿಲ್ಲೆಯ ಗುಂಡ್ಲುಪೇಟೆ ಬಳಿ ಇರುವ ಹಿಮವದ್ ಗೋಪಾಲಸ್ವಾಮಿ ಬೆಟ್ಟವು ವೇಣುಗೋಪಾಲಸ್ವಾಮಿ ದೇವಾಲಯ ಮತ್ತು ಹಚ್ಚ ಹಸಿರಿನಿಂದ ಕೂಡಿದ ನೈಸರ್ಗಿಕ ಪರಿಸರದಿಂದಾಗಿ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.
(4 / 9)
ಬೆಟ್ಟಕ್ಕೆ ಹೋಗುವ ಹತ್ತು ಕಿ.ಮಿ ಮಾರ್ಗ, ಬೆಟ್ಟ ಏರಿದ ನಂತರ ಸಿಗುವ ರಮಣೀಯ ಸೌಂದರ್ಯ ಎಂಥವರನ್ನು ಖುಷಿಗೊಳಿಸುತ್ತದೆ. ಈ ಬೆಟ್ಟವು ಧಾರ್ಮಿಕ ಮಹತ್ವವನ್ನು ಹೊಂದಿದೆ. ಬೆಟ್ಟಗಳ ಮೇಲಿನ ಬಯಲು ಪ್ರದೇಶಗಳು ಹಚ್ಚ ಹಸಿರಿನ ಹುಲ್ಲಿನಿಂದ ಆವೃತವಾಗಿದ್ದು, ಆನೆಗಳು, ಜಿಂಕೆಗಳು ಮತ್ತು ಮೊಲಗಳಿಗೆ ನೆಲೆಯಾಗಿದೆ, ಆದರೆ ಇಳಿಜಾರುಗಳು ದಟ್ಟವಾದ ಕಾಡುಗಳಿಂದ ಆವೃತವಾಗಿದ್ದು, ಹುಲಿ, ಆನೆ, ಚಿರತೆ ಸಹಿತ ಹಲವು ವನ್ಯಜೀವಿಗಳ ನೆಲೆವೀಡು.
(5 / 9)
ಗುಂಡ್ಲುಪೇಟೆ ಶತಮಾನಗಳ ಹಿಂದೆ ನಿರ್ಮಿಸಲಾದ ಅದ್ಭುತ ವಾಸ್ತುಶಿಲ್ಪದ ಅನೇಕ ಪ್ರಾಚೀನ ದೇವಾಲಯಗಳನ್ನು ಹೊಂದಿದೆ, ಹಿಮವದ್ ಗೋಪಾಲಸ್ವಾಮಿ ದೇವಾಲಯವನ್ನು ದ್ರಾವಿಡ ಶೈಲಿಯ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲಾಗಿದೆ. ದೇಗುಲದ ಒಳಗೆ ಸದಾ ನೀರು ಜಿನುಗುತ್ತಲೇ ಇರುತ್ತದೆ.
(6 / 9)
ಈ ದೇವಾಲಯವು ಹಿಂದಿನ ಕಾಲದ ಕುಶಲಕರ್ಮಿಗಳ ವಾಸ್ತುಶಿಲ್ಪ ಮತ್ತು ಕಲಾತ್ಮಕ ಪ್ರತಿಭೆಯ ಸಾರಾಂಶವಾಗಿದೆ. ಈ ದೇವಾಲಯವು ಗೋಪಾಲಸ್ವಾಮಿಗೆ ಸಮರ್ಪಿತವಾಗಿದೆ, ಇದು ಹಿಂದೂ ದೇವರು ಕೃಷ್ಣನ ಹೆಸರುಗಳಲ್ಲಿ ಒಂದಾಗಿದೆ. ದೇಗುಲ ಸುತ್ತಲೂ ಹಸುರಿನಿಂದ ಕೂಡಿದೆ.
(7 / 9)
ಗರ್ಭಗೃಹವು ಮರದ ಕೆಳಗೆ ಕೊಳಲನ್ನು ಹಿಡಿದಿರುವ ಕೃಷ್ಣನ ವಿಗ್ರಹವನ್ನು ಹೊಂದಿದೆ. ಶ್ರೀಕೃಷ್ಣನ ವಿಗ್ರಹವು 6 ಅಡಿ ಎತ್ತರವಿದ್ದು, ವಿಗ್ರಹವನ್ನು ಪರಿಪೂರ್ಣವಾಗಿ ಕೆತ್ತಲಾಗಿದೆ ಮತ್ತು ಎಡ ಹೆಬ್ಬೆರಳು ಬಲಗಾಲಿನಲ್ಲಿ ಇರಿಸಿ ನೃತ್ಯ ಮಾಡುವ ಭಂಗಿಯಿದೆ. ಸರಳವಾದರೂ ಭವ್ಯವಾದ ವಿಗ್ರಹದ ಹಿಂದಿರುವ ಪ್ರಭಾವಲಿ / ಫಲಕವು ಮರದ ಕೆತ್ತನೆಗಳನ್ನು ಹೊಂದಿದೆ
(8 / 9)
ಬಂಡೀಪುರ ವನ್ಯಜೀವಿ ಅಭಯಾರಣ್ಯದ ಭಾಗವಾಗಿರುವುದರಿಂದ, ಬೆಟ್ಟಗಳು ಮೇಯುವ ಕಾಡು ಆನೆಗಳಿಂದ ಕೂಡಿವೆ. ಪಕ್ಕದಲ್ಲೇ ಸುತ್ತುವ ಆನೆಗಳು ದೇಗುಲ ಬಳಿಯೂ ಬಂದು ದರ್ಶನ ನೀಡುತ್ತವೆ.
(9 / 9)
ಬೆಟ್ಟಗಳು ನವಿಲುಗಳು, ಗಿಳಿಗಳು, ಕಾಡು ಕೋಳಿಗಳು ಸೇರಿದಂತೆ ಕೆಲವು ಶ್ರೀಮಂತ ಪಕ್ಷಿ ಸಂಕುಲಕ್ಕೂ ನೆಲೆಯಾಗಿದೆ. ಈ ಸ್ಥಳಕ್ಕೆ ಭೇಟಿ ನೀಡುವ ಯಾರಾದರೂ ಇಲ್ಲಿನ ವಾತಾವರಣ ಕಂಡು ತಕ್ಷಣವೇ ಇದನ್ನು ಪ್ರೀತಿಸುತ್ತಾರೆ ಎಂಬುದರಲ್ಲಿ ಸಂದೇಹವೇ ಬೇಡ. ತಡ ಏಕೆ ಪ್ರವಾಸಕ್ಕೆ ಯೋಜಿಸಿಕೊಳ್ಳಿ.
Umesha Bhatta P H
ಇತರ ಗ್ಯಾಲರಿಗಳು