Suttur Jatre 2025: ಸುತ್ತೂರು ಜಾತ್ರೆಯಲ್ಲಿ ಬಲಭೀಮರು, ತುಂಬಿದ ಚೀಲ ಹೊತ್ತು ಓಡಿದರು, ಭಾರೀ ಗುಂಡುಗಳನ್ನು ಎತ್ತಿ ಎಸೆದರು

ಮೈಸೂರಿನ ಸುತ್ತೂರು ಜಾತ್ರೆಯಲ್ಲಿ ಗ್ರಾಮೀಣ ಕ್ರೀಡೆಗಳಿಗೂ ಒತ್ತು ನೀಡಲಾಗುತ್ತದೆ. ಅದರಲ್ಲೂ ಭಾರ ಎತ್ತುವ ಸ್ಪರ್ಧೆಗೂ ಹಲವರು ಬರುತ್ತಾರೆ. 

ಈ ಬಾರಿಯೂ ಭಾರವಾದ ಗುಂಡುಗಳನ್ನು ಅನಾಯಾಸವಾಗಿಯೇ ಎತ್ತಿದ ಹಲವು ಬಲಭೀಮರು ತಮ್ಮ ಬಲವನ್ನು ತೋರಿದರು.

ಭಾರವಾದ ಗುಂಡುಗಳನ್ನು ಎತ್ತಿ ಹೆಗಲೆ ಮೇಲೆ ಹೊತ್ತು ಆನಂತರ ಎಸೆದರು. ಬಲಭೀಮರ ಈ ಶಕ್ತಿಯನ್ನು ಕಂಡು ಅಲ್ಲಿ ನೆರದವರೂ ಆಶ್ಚರ್ಯಚಕಿತರಾದರು.

ಕೆಲವರಂತೂ ಭಾರೀ ತೂಕದ ಕಲ್ಲು ಗುಂಡುಗಳನ್ನು ಸರಸರನೇ ಎತ್ತಿ ಕೆಲವು ಹೊತ್ತು ಹಿಡಿದುಕೊಂಡೇ ನಿಂತಿದ್ದು. ಆನಂತರ ಮುಂದಕ್ಕೆ ಎಸೆದರು. ಹಲವರಿಗೆ ಬಹುಮಾನವೂ ಲಭಿಸಿತು.

ಇದರೊಟ್ಟಿಗೆ ಸುತ್ತೂರು ಜಾತ್ರೆಯಲ್ಲಿ ಹೆಚ್ಚಿನ ಭಾರದ ತುಂಬಿದ ಚೀಲಗಳನ್ನು ಹೊತ್ತುಕೊಂಡು ಓಡುವ ಸ್ಪರ್ಧೆಯೂ ಆಕರ್ಷಕವಾಗಿತ್ತು. ಗ್ರಾಮೀಣ ಭಾಗದ ಹಲವರು ಭಾಗಿಯಾದರು.

ಸುತ್ತೂರು ಸಮೀಪವೇ ನಿರ್ಮಿಸಲಾಗಿದ್ದ ಕೆಸರುಗದ್ದೆಯಲ್ಲಿ ಯುವಕರು ಓಡುವ ಮೂಲಕ ಬಹುಮಾನವನ್ನೂ ತಮ್ಮದಾಗಿಸಿಕೊಂಡರು.