ಹಾಟ್‌ ಏರ್ ಬಲೂನ್‌ಗಳನ್ನು ನೋಡುವಾಸೆಯೇ, ತಮಿಳುನಾಡಲ್ಲಿ ಅಂತಾರಾಷ್ಟ್ರೀಯ ಬಿಸಿಗಾಳಿ ಬಲೂನ್ ಉತ್ಸವ ಶುರುವಾಗಿದೆ ನೋಡಿ- ಫೋಟೋಸ್‌

ತಮಿಳುನಾಡು ಪ್ರವಾಸೋದ್ಯಮ ಆಯೋಜಿಸಿರುವ ತಮಿಳುನಾಡು ಇಂಟರ್‌ನ್ಯಾಷನಲ್‌ ಬಲೂನ್ ಫೆಸ್ಟಿವಲ್ (TNIBF) ನ 10 ನೇ ಆವೃತ್ತಿ ಶುರುವಾಗಿದೆ. ಚೆನ್ನೈ ಸಮೀಪದ ಮಾಮಲ್ಲಪುರಂನಲ್ಲಿ ನಿನ್ನೆ ಬಿಸಿಗಾಳಿ ಬಲೂನು ಉತ್ಸವ ಶುರುವಾಗಿದೆ. ಅದರ ಚಿತ್ರನೋಟ ಮತ್ತು ಆಯೋಜಿಸಿರುವ ತಮಿಳುನಾಡು ಇಂಟರ್‌ನ್ಯಾಷನಲ್‌ ಬಲೂನ್ ಫೆಸ್ಟಿವಲ್ ಕುರಿತ ಇನ್ನಷ್ಟು ವಿವರ ಇಲ್ಲಿದೆ.

ಬಿಸಿಗಾಳಿ ಬಲೂನ್‌ ಉತ್ಸವದಲ್ಲಿ ಯುನೈಟೆಡ್ ಕಿಂಗ್‌ಡಮ್, ಫ್ರಾನ್ಸ್, ಆಸ್ಟ್ರಿಯಾ, ಬ್ರೆಜಿಲ್, ಬೆಲ್ಜಿಯಂ, ಜಪಾನ್, ಥೈಲ್ಯಾಂಡ್ ಮತ್ತು ವಿಯೆಟ್ನಾಂ ಸೇರಿ ಹಲವಾರು ದೇಶಗಳ ಬಿಸಿಗಾಳಿ ಬಲೂನ್‌ಗಳು ಪಾಲ್ಗೊಳ್ಳುತ್ತಿವೆ.

ಬಿಸಿಗಾಳಿ ಬಲೂನ್‌ ಉತ್ಸವ ತಮಿಳುನಾಡಿನ ಚೆನ್ನೈನಲ್ಲಿ ಜನವರಿ 10 ರಿಂದ 12ರ ತನಕ, ಪೊಲ್ಲಾಚಿಯಲ್ಲಿ ಜನವರಿ 14 ರಿಂದ 16, ಮದುರೈನಲ್ಲಿ ಜನವರಿ 18 - 19ರಂದು ನಡೆಯಲಿದೆ. ಚೆನ್ನೈನಲ್ಲಿ ಶಾಲಾ ಬಾಲಕಿಯರು ಬಿಸಿಗಾಳಿ ಬಲೂನ್ ಅನ್ನು ಹತ್ತಿರದಿಂದ ವೀಕ್ಷಿಸಿ ಸಂಭ್ರಮಿಸಿದರು. 

ಈ ಸಲದ ಬಿಸಿಗಾಳಿ ಬಲೂನ್ ಉತ್ಸವದಲ್ಲಿ ಬ್ರೆಜಿಲ್‌ನ ಬೇಬಿ ಮಾನ್‌ಸ್ಟರ್‌, ಇಂಗ್ಲೆಂಡ್‌ನ ವೆಸ್‌ ದಿ ವೂಲ್ಫ್‌, ಎಲಿ ದಿ ಎಲಿಫೆಂಟ್‌, ಆಸ್ಟ್ರಿಯಾದ ಹುಗೋ ಮತ್ತು ಚೀತಾ ಬಲೂನ್‌ಗಳು ಪ್ರಮುಖ ಆಕರ್ಷಣೆಯಾಗಿ ಗೋಚರಿಸಿವೆ. 

ಥೈಲ್ಯಾಂಡ್ ಮತ್ತು ತೈವಾನ್‌ನಲ್ಲಿ ಬಲೂನ್ ಉತ್ಸವಗಳೊಂದಿಗೆ ಕೆಲಸ ಮಾಡುತ್ತಿದ್ದ ಬಲೂನ್ ಫೆಸ್ಟಿವಲ್‌ನ ಸಂಸ್ಥಾಪಕ ಮತ್ತು ಗ್ಲೋಬಲ್ ಮೀಡಿಯಾ ಬಾಕ್ಸ್‌ನ ಈವೆಂಟ್ ಡೈರೆಕ್ಟರ್ ಬೆನೆಡಿಕ್ಟ್ ಸವಿಯೊ ಅವರ ಕನಸಿನ ಕೂಸು ಈ ಉತ್ಸವ.

ಬಿಸಿಗಾಳಿ ಬಲೂನ್‌ ಹಾರಿಸುವುದಕ್ಕಾಗಿ ಬಿಸಿಗಾಳಿ ತುಂಬಿಸುತ್ತಿರುವ ದೃಶ್ಯ

ತಮಿಳುನಾಡು ಅಂತಾರಾಷ್ಟ್ರೀಯ ಬಿಸಿಗಾಳಿ ಬಲೂನ್ ಉತ್ಸವ 2015ರಲ್ಲಿ ಮೊದಲ ಬಾರಿ ನಡೆಯಿತು. ಅಂದು ಪೊಲ್ಲಾಚಿಯಲ್ಲಿ ಒಂದೆರಡು ಬಿಸಿಗಾಳಿ ಬಲೂನ್‌ನೊಂದಿಗೆ ಆರಂಭವಾಗಿದ್ದ ಉತ್ಸವ ಇದು. ಈಗ ಭಾರತದ ನಿರೀಕ್ಷಿತ ವಾರ್ಷಿಕ ಹಬ್ಬವಾಗಿ ಬದಲಾಗತೊಡಗಿದೆ.

ಬಿಸಿಗಾಳಿ ಬಲೂನ್ ಉತ್ಸವದಲ್ಲಿ ಬೃಹತ್ ಬಲೂನ್‌ಗೆ ಬಿಸಿಗಾಳಿ ತುಂಬಿಸುತ್ತಿರುವ ದೃಶ್ಯ.

ಮಾಮಲ್ಲಪುರಂನಲ್ಲಿ ಬಿಸಿಗಾಳಿ ಬಲೂನ್ ಉತ್ಸವದಲ್ಲಿ ಆಕರ್ಷಣೆಯ ಭಾಗವಾಗಿರುವ ಹುಲಿಮುಖದ ಬಲೂನ್‌.