ಪುಟ್ಟಕ್ಕನ ಮಕ್ಕಳು, ಲಕ್ಷ್ಮೀ ನಿವಾಸ, ಶ್ರಾವಣಿ ಸುಬ್ರಮಣ್ಯ, ರಾಮಾಚಾರಿ; ಟಿಆರ್ಪಿಯಲ್ಲಿ ಈ ವಾರದ ಟಾಪ್ 10 ಧಾರಾವಾಹಿಗಳಿವು PHOTOS
- ಕನ್ನಡ ಕಿರುತೆರೆಯಲ್ಲೀ ಒಂದಾದ ಮೇಲೊಂದು ಹೊಸ ಧಾರಾವಾಹಿಗಳ ಆಗಮನವಾಗುತ್ತಿದೆ. ಇತ್ತೀಚೆಗೆ ಬಂದ ಬ್ರಹ್ಮಗಂಟು ಧಾರಾವಾಹಿ ಇನ್ನೂ ಟಾಪ್ 10ರ ಪ್ರವೇಶ ಪಡೆದಿಲ್ಲ. ಆದರೆ, ಎರಡೂವರೆ ವರ್ಷದ ಹಿಂದಿನ ಹಳೇ ಸೀರಿಯಲ್ ಮೊದಲ ಸ್ಥಾನದಲ್ಲಿಯೇ ಮುಂದುವರಿದಿದೆ. ಇದೆಲ್ಲದರ ಜತೆಗೆ ಈ ವಾರದ ಧಾರಾವಾಹಿಗಳ ಟಿಆರ್ಪಿ ಲೆಕ್ಕಾಚಾರ ಏನೇನಾಗಿದೆ ಎಂಬುದನ್ನು ಇಲ್ಲಿ ನೋಡೋಣ.
- ಕನ್ನಡ ಕಿರುತೆರೆಯಲ್ಲೀ ಒಂದಾದ ಮೇಲೊಂದು ಹೊಸ ಧಾರಾವಾಹಿಗಳ ಆಗಮನವಾಗುತ್ತಿದೆ. ಇತ್ತೀಚೆಗೆ ಬಂದ ಬ್ರಹ್ಮಗಂಟು ಧಾರಾವಾಹಿ ಇನ್ನೂ ಟಾಪ್ 10ರ ಪ್ರವೇಶ ಪಡೆದಿಲ್ಲ. ಆದರೆ, ಎರಡೂವರೆ ವರ್ಷದ ಹಿಂದಿನ ಹಳೇ ಸೀರಿಯಲ್ ಮೊದಲ ಸ್ಥಾನದಲ್ಲಿಯೇ ಮುಂದುವರಿದಿದೆ. ಇದೆಲ್ಲದರ ಜತೆಗೆ ಈ ವಾರದ ಧಾರಾವಾಹಿಗಳ ಟಿಆರ್ಪಿ ಲೆಕ್ಕಾಚಾರ ಏನೇನಾಗಿದೆ ಎಂಬುದನ್ನು ಇಲ್ಲಿ ನೋಡೋಣ.
(1 / 11)
ಟಿಆರ್ಪಿ ಲೆಕ್ಕಾಚಾರದಲ್ಲಿ ಕನ್ನಡ ಕಿರುತೆರೆಯ ಟಾಪ್ 10 ಸೀರಿಯಲ್ಗಳು ಇಲ್ಲಿವೆ ನೋಡಿ(All Images: Zee5 \ JioCinema)
(2 / 11)
ಪುಟ್ಟಕ್ಕನ ಮಕ್ಕಳು ಧಾರಾವಾಹಿ: ಜೀ ಕನ್ನಡದಲ್ಲಿ ಪ್ರಸಾರ ಕಾಣುತ್ತಿರುವ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ, ಯಾರೇ ಬರಲಿ, ಯಾರೇ ಬಿಡಲಿ ನಾನೇ ಮೊದಲು ಅನ್ನೋ ಲೆಕ್ಕದಲ್ಲಿ ಮುಂದೆ ಮುಂದೆಯೇ ಸಾಗುತ್ತಿದೆ. ಅದರಂತೆ ಈ ವಾರವೂ ಈ ಸೀರಿಯಲ್ ಮೊದಲ ಸ್ಥಾನದಲ್ಲಿಯೇ ಇದೆ. ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಈ ವಾರ 8.1 ಟಿಆರ್ಪಿ ರೇಟಿಂಗ್ ಪಡೆದುಕೊಂಡಿದೆ.
(3 / 11)
ಲಕ್ಷ್ಮೀ ನಿವಾಸ: ಜೀ ಕನ್ನಡದ ಮತ್ತೊಂದು ಸೀರಿಯಲ್ ಲಕ್ಷ್ಮೀ ನಿವಾಸ, ಆರಂಭದಿಂದಲೂ ಮೊದಲ ಸ್ಥಾನಕ್ಕೆ ಪೈಪೋಟಿ ನೀಡುತ್ತಲೇ ಬಂದಿದೆ. ಕೆಲವು ಸಲ ಪುಟ್ಟಕ್ಕನಿಗೆ ಟಕ್ಕರ್ ಕೊಟ್ಟಿದ್ದೂ ಉಂಟು. ಇದೀಗ ಇದೇ ಸೀರಿಯಲ್ ಈ ವಾರ ಪುಟ್ಟಕ್ಕನಿಗಿಂತ ತುಂಬ ಇಳಿಕೆ ಕಂಡಿದೆ. 7.4 ಟಿಆರ್ಪಿ ಪಡೆಯುವ ಮೂಲಕ ಎರಡನೇ ಸ್ಥಾನದಲ್ಲಿದೆ.
(4 / 11)
ಶ್ರಾವಣಿ ಸುಬ್ರಹ್ಮಣ್ಯ: ಇತ್ತೀಚೆಗಷ್ಟೇ ಶುರುವಾದ ಶ್ರಾವಣಿ ಸುಬ್ರಮಣ್ಯ ಧಾರಾವಾಹಿ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದೆ. ಈ ಧಾರಾವಾಹಿಯೂ ನೋಡುಗರ ಗಮನ ಸೆಳೆಯುತ್ತಿದೆ. ಮುಖ್ಯಭೂಮಿಕೆಯಲ್ಲಿ ಹೊಸ ಕಲಾವಿದರಿರುವ ಈ ಧಾರಾವಾಹಿಗೆ ವೀಕ್ಷಕ ಫಿದಾ ಆಗಿದ್ದಾನೆ. ಅದರಂತೆ ಈ ಸೀರಿಯಲ್ ಈ ವಾರ 7.1 ರೇಟಿಂಗ್ ಪಡೆಯುವ ಮೂಲಕ ಮೂರನೇ ಸ್ಥಾನದಲ್ಲಿದೆ.
(5 / 11)
ಸೀತಾರಾಮ ಧಾರಾವಾಹಿ: ಇನ್ನು ಸೀತಾ ರಾಮ ಧಾರಾವಾಹಿಯೂ ಸಹ ಆರಂಭದ ದಿನಗಳಲ್ಲಿ ಟಾಪ್ 2ನೇ ಸ್ಥಾನಕ್ಕೆ ಲಗ್ಗೆ ಇಟ್ಟಿತ್ತು. ಇನ್ನೇನು ಮೊದಲ ಸ್ಥಾನ ಅಲಂಕರಿಸಲಿದೆ ಎನ್ನುತ್ತಿದ್ದಂತೆ, ಕುಸಿತದ ಹಾದಿ ಹಿಡಿಯಿತು. ಇತ್ತೀಚಿನ ದಿನಗಳಲ್ಲಿ ಟಾಪ್ ಐದರಲ್ಲಿ ಕೊನೆಯಲ್ಲಿಯೇ ಹೆಚ್ಚು ಕಾಣಿಸುತ್ತಿದೆ ಈ ಸೀರಿಯಲ್. ಅದರಂತೆ ಈ ವಾರ 6.5 ರೇಟಿಂಗ್ ಪಡೆಯುವ ಮೂಲಕ ನಾಲ್ಕನೇ ಸ್ಥಾನದಲ್ಲಿದೆ.
(6 / 11)
ರಾಮಾಚಾರಿ: ಕಲರ್ಸ್ ಕನ್ನಡದ ಟಾಪ್ ಸೀರಿಯಲ್ ರಾಮಾಚಾರಿ ಈ ಸಲ ಒಟ್ಟಾರೆ ಕನ್ನಡ ಕಿರುತೆರೆಯ ಸೀರಿಯಲ್ಗಳ ಟಿಆರ್ಪಿ ಲೆಕ್ಕಾಚಾರದಲ್ಲಿ ಟಾಪ್ ಐದರಲ್ಲಿ ಸ್ಥಾನ ಪಡೆದಿದೆ. ರಾಮಾಚಾರಿ ಧಾರಾವಾಹಿ 6.1 ಟಿಆರ್ಪಿ ಪಡೆದು ಐದನೇ ಪ್ಲೇಸ್ನಲ್ಲಿದೆ.
(7 / 11)
ಲಕ್ಷ್ಮೀ ಬಾರಮ್ಮ: ಇನ್ನು ಕಲರ್ಸ್ ಕನ್ನಡದ ಮತ್ತೊಂದು ಸೀರಿಯಲ್ ಲಕ್ಷ್ಮೀ ಬಾರಮ್ಮ ಸಹ ನೋಡುಗರನ್ನು ಆಕರ್ಷಿಸುತ್ತಿದೆ. ಅದರಂತೆ, ಟಿಆರ್ಪಿಯಲ್ಲಿಯೂ ಕಲರ್ಸ್ ಕನ್ನಡದ ಎರಡನೇ ಟಾಪ್ ಸೀರಿಯಲ್ ಎನಿಸಿಕೊಂಡಿದೆ. ಅಂದಹಾಗೆ ಈ ಸೀರಿಯಲ್ ಈ ವಾರ 5.8 ಟಿಆರ್ಪಿ ಪಡೆಯುವ ಮೂಲಕ ಆರನೇ ಸ್ಥಾನದಲ್ಲಿದೆ.
(8 / 11)
ಅಮೃತಧಾರೆ: ಜೀ ಕನ್ನಡದ ಅಮೃತಧಾರೆ ಸೀರಿಯಲ್ ಈ ಮೊದಲು ಟಾಪ್ 5ರಲ್ಲಿ ಸ್ಥಾನ ಖಚಿತಪಡಿಸಿಕೊಂಡಿತ್ತು. ಆದರೆ, ಇತ್ತೀಚಿನ ಕೆಲ ವಾರಗಳಿಂದ ಟಾಪ್ 5ರಲ್ಲಿಯೂ ಕಾಣಿಸುತ್ತಿಲ್ಲ. ಧಾರಾವಾಹಿಯಲ್ಲಿನ ಟ್ವಿಸ್ಟ್ ಟರ್ನ್ಗಳು ರೋಚಕ ಎನಿಸಿದರೂ, ನೋಡುಗರ ಮಾತ್ರ ಇಳಿಕೆಯಾಗುತ್ತಿದ್ದಾರೆ. ಅಂದಹಾಗೆ ಈ ಧಾರಾವಾಹಿ ಈ ವಾರ 5.4 ಟಿಆರ್ಪಿ ಪಡೆದು ಏಳನೇ ಸ್ಥಾನದಲ್ಲಿದೆ.
(9 / 11)
ಭಾಗ್ಯಲಕ್ಷ್ಮೀ: ಅದೇ ರೀತಿ ಕಲರ್ಸ್ ಕನ್ನಡದ ಇನ್ನೊಂದು ಪ್ರಮುಖ ಸೀರಿಯಲ್ ಎಂದರೆ ಅದು ಭಾಗ್ಯಲಕ್ಷೀ. ದಂಪತಿಯ ಕಿತ್ತಾಟದ ಜತೆಗೆ ಗಂಡನ ಅಹಂ ಇಳಿಸುವ ಈ ಸೀರಿಯಲ್ಗೂ ಅಪಾರ ವೀಕ್ಷಕ ಅಭಿಮಾನಿಗಳಿದ್ದಾರೆ. ಈ ಸೀರಿಯಲ್ ಈ 5.3 ರೇಟಿಂಗ್ ಪಡೆದು ಎಂಟನೇ ಸ್ಥಾನದಲ್ಲಿದೆ.
(10 / 11)
ನಿನಗಾಗಿ: ಕಲರ್ಸ್ ಕನ್ನಡದಲ್ಲಿ ಇತ್ತೀಚೆಗೆ ಶುರುವಾಗಿರುವ, ಬಿಗ್ ಬಾಸ್ ಖ್ಯಾತಿಯ ದಿವ್ಯಾ ಉರುಡುಗ ಮುಖ್ಯಭೂಮಿಕೆಯಲ್ಲಿರುವ ನಿನಗಾಗಿ ಧಾರಾವಾಹಿ, ಟಾಪ್ 10ರಲ್ಲಿ ಸ್ಥಾನ ಪಡೆದಿದೆ. ಈ ವಾರ ಈ ಸೀರಿಯಲ್ 5.2 ರೇಟಿಂಗ್ ಪಡೆಯುವ ಮೂಲಕ ಒಂಭತ್ತನೇ ಸ್ಥಾನದಲ್ಲಿದೆ.
(11 / 11)
ಕರಿಮಣಿ: ಕಲರ್ಸ್ ಕನ್ನಡದ ಮತ್ತೊಂದು ಧಾರಾವಾಹಿ ಕರಿಮಣಿ ಈ ವಾರ ಟಾಪ್ 10ರಲ್ಲಿದೆ. ಈ ಸೀರಿಯಲ್ 5.0 ಟಿಆರ್ಪಿ ಪಡೆಯುವ ಮೂಲಕ 10ನೇ ಸ್ಥಾನದಲ್ಲಿದೆ.
ಇತರ ಗ್ಯಾಲರಿಗಳು