Seetha Rama Serial: ರಾಮನ ಪ್ರೀತಿಗೆ ಸಿಕ್ಕಾಯ್ತು ಸೀತೆಯ ಒಪ್ಪಿಗೆ; ಸೀತಾ ರಾಮ ಸೀರಿಯಲ್‌ನಲ್ಲಿ ಇನ್ನೇನಿದ್ರೂ ಪ್ರೇಮಾಯಣ

ಹಲವು ಅನಿರೀಕ್ಷಿತ ತಿರುವುಗಳ ಬಳಿಕ ಕೊನೆಗೂ ಒಂದಾಗಿದೆ ಸೀತಾ ರಾಮ ಸೀರಿಯಲ್‌ನ ಸೀತಾ ಮತ್ತು ರಾಮ ಜೋಡಿ.

ಈ ಜೀವಗಳು ಆದಷ್ಟು ಬೇಗ ಒಂದಾಗಲಿ ಎಂದು ಸೀರಿಯಲ್‌ ವೀಕ್ಷಕರು ಕಾದಿದ್ದೇ ಬಂತು. ಆದರೆ, ಆ ಕ್ಷಣ ಮಾತ್ರ ನಿಜವಾಗಿರಲಿಲ್ಲ. 

ಈಗ ರಾಮನ ಹೃದಯದಲ್ಲಿ ಸೀತಾ ಸ್ಥಾನ ಖಾಯಂ ಆಗಿದೆ. ಅಂದರೆ, ರಾಮ ತಮ್ಮ ಪ್ರೀತಿಯನ್ನು ಸೀತಾಳ ಮುಂದೆ ಹೇಳಿಕೊಂಡಿದ್ದಾನೆ.

ರಾಮನ ಮಾತಿಗೆ ಸೀತಾಳಿಂದಲೂ ಸಹಮತಿ ಸಿಕ್ಕಿದೆ. ನಾನೂ ನಿಮ್ಮನ್ನು ತುಂಬ ಪ್ರೀತಿಸುತ್ತಿದ್ದೇನೆ ಎಂದು ಹೇಳಿದ್ದಾಳೆ. ರಾಮನ ಎದೆಯಲ್ಲೂ ಚಿಟ್ಟೆ ಹಾರಾಡಿದೆ. 

ನನಗೆ ಇದನ್ನು ನಂಬಲೂ ಆಗ್ತಿಲ್ಲ. ನಾವಿಬ್ಬರೂ ಈ ರೀತಿ ಇರ್ತಿವಿ ಅಂತಲೂ ನಂಬೋಕೆ ಆಗ್ತಿಲ್ಲ ಎಂದಿದ್ದಾಳೆ ಸೀತಾ. ಇತ್ತ ನನ್ನ ಲೈಫ್‌ನ ಪ್ರತಿ ಕ್ಷಣವನ್ನೂ ನಿಮ್ಮ ಜತೆ ಹಂಚಿಕೊಳ್ಳಲು ಕಾಯ್ತಿದ್ದೇನೆ ಎಂದಿದ್ದಾನೆ ರಾಮ. 

ನಿಮ್ಮನ್ನು ಇಷ್ಟೊಂದು ಇಷ್ಟ ಪಡ್ತಿನಿ ಅಂತ ಅಂದುಕೊಂಡಿರಲಿಲ್ಲ ರಾಮ್ ಎಂದು ಸೀತಾ ಹೇಳಿದರೆ, ಐ ಲವ್‌ ಯೂ ಸೀತಾ ಎಂದು ಮತ್ತೆ ಪ್ರೇಮನಿವೇದನೆ ಮಾಡಿದ್ದಾನೆ ರಾಮ. ಸೀತೆಯಿಂದಲೂ ಅದೇ ಉತ್ತರ ಸಿಕ್ಕಿದೆ. 

ಹೀಗೆ ಈ ಜೋಡಿಯ ಯುಗಳಗೀತೆ ಶುರುವಾಗುತ್ತಿದ್ದಂತೆ, ಸೀರಿಯಲ್‌ ವೀಕ್ಷಕರೂ ಬಗೆಬಗೆ ಕಾಮೆಂಟ್‌ ಮೂಲಕ ಹಾರೈಸುತ್ತಿದ್ದಾರೆ. ಈ ಕ್ಷಣಕ್ಕಾಗಿ ಕಾಯುತ್ತಿದ್ದೆವು ಎಂದು ಕೆಲವರು ಹೇಳಿದರೆ, ಯಾರ ಕಣ್ಣೂ ಈ ಜೋಡಿ ಮೇಲೆ ಬೀಳದಿರಲಿ ಎಂದೂ ಹಾರೈಸುತ್ತಿದ್ದಾರೆ.   

ಸಿನಿಮಾ, ಕನ್ನಡ ಕಿರುತೆರೆ, ರಿಯಾಲಿಟಿ ಶೋ ಮತ್ತು ಒಟಿಟಿ ಕುರಿತ ಅಪ್‌ಡೇಟ್‌ಗಳಿಗಾಗಿ, ಹಿಂದೂಸ್ತಾನ್ ಟೈಮ್ಸ್ ಕನ್ನಡ  ವೆಬ್‌ಸೈಟ್ ನೋಡಿ