ಪೆನ್‌ಡ್ರೈವ್‌ ನೋಡಿ ಶಾಕ್‌ ಆದ ರಮೇಶ್‌ ಅರವಿಂದ್‌; ಪ್ರಜ್ವಲ್‌ ರೇವಣ್ಣ ಪ್ರಕರಣದ ಸಮಯದಲ್ಲಿ ಆತಂಕಗೊಂಡ ಮಹಾನಟಿ ನಿರೂಪಕ
- ಪ್ರಜ್ವಲ್‌ ರೇವಣ್ಣ ಅಶ್ಲೀಲ ವಿಡಿಯೋ ಪ್ರಕರಣದ ಬಳಿಕ ಎಲ್ಲರಿಗೂ ಪೆನ್‌ಡ್ರೈವ್‌ ಎಂದರೆ ಭಯ. ಇದೀಗ ಕನ್ನಡದ ಪ್ರತಿಭಾನ್ವಿತ ನಟ ರಮೇಶ್‌ ಅರವಿಂದ್‌ಗೂ ಅಪರಿಚಿತರೊಬ್ಬರು ನೀಡಿದ ಪೆನ್‌ಡ್ರೈವ್‌ ನೋಡಿ ಭಯವಾಗಿದೆ.
- ಪ್ರಜ್ವಲ್‌ ರೇವಣ್ಣ ಅಶ್ಲೀಲ ವಿಡಿಯೋ ಪ್ರಕರಣದ ಬಳಿಕ ಎಲ್ಲರಿಗೂ ಪೆನ್‌ಡ್ರೈವ್‌ ಎಂದರೆ ಭಯ. ಇದೀಗ ಕನ್ನಡದ ಪ್ರತಿಭಾನ್ವಿತ ನಟ ರಮೇಶ್‌ ಅರವಿಂದ್‌ಗೂ ಅಪರಿಚಿತರೊಬ್ಬರು ನೀಡಿದ ಪೆನ್‌ಡ್ರೈವ್‌ ನೋಡಿ ಭಯವಾಗಿದೆ.
(1 / 8)
ರಮೇಶ್‌ ಅರವಿಂದ್‌ ಅವರು ಝೀ ಕನ್ನಡ ವಾಹಿನಿಯ ಮಹಾನಟಿ ರಿಯಾಲಿಟಿ ಶೋ ಹೋಸ್ಟ್‌ ಮಾಡುತ್ತಿದ್ದಾರೆ. ಕರ್ನಾಟಕದ ವಿವಿಧ ಯುವ ಪ್ರತಿಭೆಗಳ ಪ್ರತಿಭೆಯನ್ನು ಒರೆಗೆ ಹಚ್ಚುತ್ತಿದ್ದಾರೆ. ಇದೇ ಸಮಯದಲ್ಲಿ ಪೆನ್‌ಡ್ರೈವ್‌ ನೋಡಿ ರಮೇಶ್‌ ಅರವಿಂದ್‌ ಬೆಚ್ಚಿ ಬಿದ್ದಿದ್ದಾರೆ.
(2 / 8)
ಎಂದಿನಂತೆ ರಮೇಶ್‌ ಅರವಿಂದ್‌ ಮಹಾನಟಿ ಶೂಟಿಂಗ್‌ ಸ್ಥಳಕ್ಕೆ ಬಂದಿದ್ದಾರೆ. ಅಪರಿಚಿತರೊಬ್ಬರು ನಿಮಗೆ ಪೆನ್‌ಡ್ರೈವ್‌ ನೀಡಲು ಕಾಯುತ್ತಿದ್ದಾರೆ ಎಂದು ಹೇಳಿದಾಗ ಅಚ್ಚರಿಗೊಳ್ಳುತ್ತಾರೆ.
(3 / 8)
ಸರ್‌ ತೆಗೆದುಕೊಳ್ಳಿ ಪೆನ್‌ಡ್ರೈವ್‌ ಎಂದಾಗ ಇದೇನಿದು ಎಂದು ಕೇಳುತ್ತಾರೆ. ಕಿರುಚಿತ್ರದ ಪೆನ್‌ಡ್ರೈವ್‌ ಎಂದು ಅಪರಿಚಿತ ವ್ಯಕ್ತಿ ಹೇಳುತ್ತಾರೆ.
(4 / 8)
ಇದು ಝೀ ಕನ್ನಡ ವಾಹಿನಿಯ "ಕಿರುಚಿತ್ರ ಸ್ಪರ್ಧೆಯ" ಪ್ರಮೋಷನ್‌ ವಿಡಿಯೋ. ಝೀ ಫಿಕ್ಚರ್‌ ಕಡೆಯಿಂದ ಸಿನಿಮಾ ಕನಸು ಹೊತ್ತ ಭವಿಷ್ಯದ ನಿರ್ದೇಶಕರಿಗೆ ಅದ್ಭುತ ಅವಕಾಶವೊಂದು ದೊರಕಿದೆ. ಕರ್ನಾಟಕದ ಪ್ರತಿಭಾನ್ವಿತರಿಗೆ ಕಿರುಚಿತ್ರ ನಿರ್ಮಿಸುವ ಸ್ಪರ್ಧೆಯನ್ನು ಝೀ ವಾಹಿನಿ ಏರ್ಪಡಿಸಿದೆ.
(5 / 8)
ಈ ಕಿರುಚಿತ್ರ ರಚನೆ ಸ್ಪರ್ಧೆಯಲ್ಲಿ ಭಾಗವಹಿಸಿದ ಐದು ಪ್ರತಿಭಾನ್ವಿತ ನಿರ್ದೇಶಕರಿಗೆ ಮಹಾನಟಿ ಸ್ಪರ್ಧಿಗಳಿಗಾಗಿ ಕಿರುಚಿತ್ರ ನಿರ್ಮಿಸುವ ಅವಕಾಶ ದೊರಕಲಿದೆ.
(6 / 8)
ಈಗಾಗಲೇ ನಿರ್ದೇಶನ ಮಾಡಿರುವ ಕಿರುಚಿತ್ರದ ಲಿಂಕ್‌ಗಳನ್ನು ಝೀ ಕನ್ನಡ ವಾಹಿನಿ ನೀಡಿರುವ ಫಾರಮ್‌ನಲ್ಲಿ ನೀಡಬೇಕು. ಕಿರುಚಿತ್ರ ಕನ್ನಡದಲ್ಲಿರಬೇಕು. ಝೀ ವಾಹಿನಿಯ ಸೋಷಿಯಲ್‌ ಮೀಡಿಯಾ ಖಾತೆಗಳಲ್ಲಿ ಇದಕ್ಕೆ ಸಂಬಂಧಪಟ್ಟ ಫಾರಮ್‌ ನೀಡಲಾಗಿದೆ. ಝೀ 5 ಆಪ್‌ ಮೂಲಕವೂ ನೋಂದಣಿ ಮಾಡಬಹುದು.
(7 / 8)
ಈ ರೀತಿ ಕಿರುಚಿತ್ರ ಕಳುಹಿಸಿದವರಿಗೆ ನಗದು ಬಹುಮಾನವೂ ಇದೆ. ಆಯ್ಕೆಯಾದ ಅತ್ಯುತ್ತಮ ಐದು ಕಿರುಚಿತ್ರಗಳನ್ನು ಝೀ ವಾಹಿನಿಯಲ್ಲಿ ಪ್ರಸಾರ ಮಾಡಲಾಗುತ್ತದೆ. ಮಹಾನಟಿ ಸ್ಪರ್ಧಿಗಳನ್ನು ಇಟ್ಟುಕೊಂಡು ಹೊಸ ಕಿರುಚಿತ್ರ ನಿರ್ಮಿಸುವ ಅವಕಾಶವೂ ಆಯ್ಕೆಯಾದವರಿಗೆ ದೊರಕಲಿದೆ ಎಂದು ಝೀ ವಾಹಿನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
(8 / 8)
ಸಿನಿಮಾ, ಕಿರುತೆರೆ, ಒಟಿಟಿ ಸುದ್ದಿಗಳಿಗಾಗಿ ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡದ ಮನರಂಜನೆ ವಿಭಾಗಕ್ಕೆ ಭೇಟಿ ನೀಡಿ.
ಇತರ ಗ್ಯಾಲರಿಗಳು