ಚಿತ್ರಮಂದಿರಗಳಲ್ಲಿ ತೆರೆಕಂಡು ಕೇವಲ 14 ದಿನಕ್ಕೆ ಒಟಿಟಿ ಅಂಗಳ ಪ್ರವೇಶಿಸಿದ ರೋಟಿ ಕಪಡಾ ರೊಮ್ಯಾನ್ಸ್‌ ಸಿನಿಮಾ

ತೆಲುಗಿನ ರೋಟಿ ಕಪಡಾ ರೊಮ್ಯಾನ್ಸ್ ಸಿನಿಮಾ ನವೆಂಬರ್ 28ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಸದ್ದು ಮಾಡಿತ್ತು. ಇದೀಗ ಇದೇ ಸಿನಿಮಾ ಒಟಿಟಿಗೆ ಆಗಮಿಸಿದೆ. 

ರೋಟಿ ಕಪಡಾ ರೊಮ್ಯಾನ್ಸ್‌ ಸಿನಿಮಾ ನಾಲ್ಕು ಜೋಡಿಗಳ ನಡುವಿನ ಪ್ರೀತಿ, ಪ್ರೇಮ ಮತ್ತು ಪ್ರಣಯದ ಕುರಿತ ಸಿನಿಮಾವಾಗಿದೆ.

ಬೋಲ್ಡ್ ರೊಮ್ಯಾಂಟಿಕ್ ಕಾಮಿಡಿ ಎಂಟರ್ಟೈನರ್ ಜಾನರ್‌ನ ಈ ಸಿನಿಮಾದಲ್ಲಿ ಹರ್ಷ ನರ್ರಾ, ಸಂದೀಪ್ ಸರೋಜ್, ತರುಣ್, ಸುಪ್ರಜ್ ರಂಗಾ, ಸೋನು ಠಾಕೂರ್, ಮೇಘಲೇಖಾ ಮತ್ತು ಖುಷ್ಬೂ ಚೌಧರಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.  

ರೋಟಿ ಕಪಡಾ ರೊಮ್ಯಾನ್ಸ್ ಚಿತ್ರವನ್ನು ವಿಕ್ರಮ್ ರೆಡ್ಡಿ ನಿರ್ದೇಶಿಸಿದ್ದಾರೆ. ಲಕ್ಕಿ ಮೀಡಿಯಾ ಬ್ಯಾನರ್ ಅಡಿಯಲ್ಲಿ ಬೆಕ್ಕೆಮ್ ವೇಣುಗೋಪಾಲ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಅವರು ಈ ಹಿಂದೆ ಹುಷಾರು, ಸಿನಿಮಾ ಚುಪಿಸ್ತಾ ಮಾವ, ವಿ ಹ್ಯಾವ್ ಕಮ್ ಆಫ್ ಏಜ್, ಪ್ರೇಮಾ ಇಷ್ಕ್ ಕಾದಲ್ ಮತ್ತು ಪಾಗಲ್ ನಂತಹ ಚಿತ್ರಗಳನ್ನು ಈ ಸಂಸ್ಥೆ ನಿರ್ಮಿಸಿದೆ. 

ಇದೀಗ ನಾಲ್ಕು ಜೋಡಿಗಳ ಪ್ರೇಮಕಥೆಯಾದ ರೋಟಿ ಕಪಡಾ ರೊಮ್ಯಾನ್ಸ್ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ 14 ದಿನಗಳಲ್ಲಿ ಒಟಿಟಿಗೆ ಬಂದಿದೆ. 

ಒಟಿಟಿ ಪ್ಲಾಟ್ ಫಾರ್ಮ್ ಈಟಿವಿ ವಿನ್‌ನಲ್ಲಿ ರೋಟಿ ಕಪಡಾ ರೊಮ್ಯಾನ್ಸ್ ಒಟಿಟಿ ಡಿಜಿಟಲ್ ರೂಪದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಡಿಸೆಂಬರ್ 12 ರಿಂದ ತೆಲುಗು ಭಾಷೆಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಹಾಸ್ಯದೊಂದಿಗೆ ರೊಮ್ಯಾಂಟಿಕ್ ಬೋಲ್ಡ್ ಚಿತ್ರಗಳನ್ನು ಇಷ್ಟಪಡುವವರಿಗೆ ಈ ಸಿನಿಮಾ ರುಚಿಸಬಹುದು.