ತಿರುಮಲ ತಿರುಪತಿ ದೇವಸ್ಥಾನದ ಶ್ರೀವಾರಿ ದರ್ಶನದ ಮೇ ತಿಂಗಳ ದರ್ಶನ ಕೋಟಾ ಟಿಕೆಟ್ ಹಂಚಿಕೆ ಫೆ 18 ರಿಂದ ಶುರು
Tirumala Darshan Tickets: ತಿರುಮಲ ತಿರುಪತಿ ದೇವಸ್ಥಾನದ ಶ್ರೀವಾರಿ ದರ್ಶನದ ಮೇ ತಿಂಗಳ ಟಿಕೆಟ್ ಹಂಚಿಕೆ ಇಂದು (ಫೆ 18) ಶುರುವಾಗುತ್ತಿದೆ. ಈ ತಿಂಗಳ 18 ರಿಂದ 24 ರವರೆಗೆ ಆನ್ಲೈನ್ ಮೂಲಕವೇ ಮೇ ತಿಂಗಳ ಶ್ರೀವಾರಿ ದರ್ಶನ ಟಿಕೆಟ್ ಗಳನ್ನು ಬಿಡುಗಡೆ ಮಾಡುವುದಾಗಿ ಟಿಟಿಡಿ ಘೋಷಿಸಿದೆ.
(1 / 7)
ತಿರುಮಲ ತಿರುಪತಿ ದೇವಸ್ಥಾನದ ಭಕ್ತರಿಗೊಂದು ಖುಷಿ ಸುದ್ದಿ. ತಿರುಮಲ ತಿರುಪತಿ ದೇವಸ್ಥಾನದ ಶ್ರೀವಾರಿ ದರ್ಶನದ ಮೇ ತಿಂಗಳ ಟಿಕೆಟ್ ಹಂಚಿಕೆ ಇಂದು (ಫೆ 18) ಶುರುವಾಗುತ್ತಿದೆ. ಯಾವ ದಿನ ಎಷ್ಟು ಗಂಟೆಗೆ, ಎಲ್ಲಿ ದರ್ಶನ ಟಿಕೆಟ್ ಹಂಚಿಕೆಯಾಗಲಿದೆ ಎಂಬ ವಿವರ ಈ ಚಿತ್ರನೋಟದಲ್ಲಿದೆ. (ಸಾಂಕೇತಿಕ ಚಿತ್ರ)
(2 / 7)
ಮೇ ತಿಂಗಳಿಗೆ ಸಂಬಂಧಿಸಿದ ಶ್ರೀವಾರಿ ದರ್ಶನ ಟಿಕೆಟ್ ಗಳನ್ನು ಈ ತಿಂಗಳ ಅಂದರೆ ಫೆಬ್ರವರಿ 18 ರಿಂದ 24 ರವರೆಗೆ ಆನ್ಲೈನ್ ಮೂಲಕ ಬಿಡುಗಡೆ ಮಾಡುವುದಾಗಿ ಟಿಟಿಡಿ ಘೋಷಿಸಿದೆ.
(3 / 7)
ಫೆಬ್ರವರಿ 18ರ ಮಂಗಳವಾರ ಬೆಳಗ್ಗೆ 10 ಗಂಟೆಗೆ ಆರ್ಜಿತ ಸೇವಾ ಟಿಕೆಟ್ ವಿತರಣೆ ಶುರುವಾಗಲಿದೆ. ಆರ್ಜಿತ ಸೇವಾ ಕಲ್ಯಾಣೋತ್ಸವ, ಉಂಜಲ್ ಸೇವೆ, ಅರ್ಜಿತ ಬ್ರಹ್ಮೋತ್ಸವ ಮತ್ತು ಸಹಸ್ರದೀಪಲಂಕಾರ ಸೇವಾ ಟಿಕೆಟ್‌ಗಳನ್ನು ಈ ತಿಂಗಳ 21ರಂದು ಬೆಳಗ್ಗೆ ಬಿಡುಗಡೆ ಮಾಡಲಾಗುವುದು. ವರ್ಚುವಲ್ ಸೇವಾ ಟಿಕೆಟ್‌ಗಳನ್ನು ಅದೇ ದಿನ ಮಧ್ಯಾಹ್ನ ನಂತರ 3 ಗಂಟೆಗೆ ಬಿಡುಗಡೆ ಮಾಡಲಾಗುವುದು ಎಂದು ಟಿಟಿಡಿ ಹೇಳಿದೆ.
(4 / 7)
ಫೆಬ್ರವರಿ 22 ರಂದು ಬೆಳಿಗ್ಗೆ 10 ಗಂಟೆಗೆ ಅಂಗಪ್ರದಕ್ಷಿಣೆ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಲಾಗುವುದು. ಅದೇ ದಿನ ಬೆಳಿಗ್ಗೆ 11 ಗಂಟೆಗೆ ಶ್ರೀವಾಣಿ ದರ್ಶನದ ಟಿಕೆಟ್ ಗಳನ್ನು ಬಿಡುಗಡೆ ಮಾಡಲಾಗುವುದು. 22 ರಂದು ಮಧ್ಯಾಹ್ನ 3 ಗಂಟೆಗೆ ವೃದ್ಧರು ಮತ್ತು ಅಂಗವಿಕಲರ ದರ್ಶನ ಟಿಕೆಟ್ ಗಳನ್ನು ಬಿಡುಗಡೆ ಮಾಡಲಾಗುವುದು ಎಂದು ಟಿಟಿಡಿ ಹೇಳಿದೆ,
(5 / 7)
300 ರೂಪಾಯಿಯ ವಿಶೇಷ ಪ್ರವೇಶ ದರ್ಶನ ಟಿಕೆಟ್‌ಗಳನ್ನು ಫೆ 24 ರಂದು ಬೆಳಿಗ್ಗೆ 10 ಗಂಟೆಗೆ ಬಿಡುಗಡೆ ಮಾಡಲಾಗುವುದು. ಫೆ 24 ರಂದು ಮಧ್ಯಾಹ್ನ ನಂತರ 3 ಗಂಟೆಗೆ ವಸತಿ ಸ್ಲಾಟ್‌ಗಳ ಕೋಟಾವನ್ನು ಬಿಡುಗಡೆ ಮಾಡಲಾಗುವುದು ಎಂದು ಟಿಟಿಡಿ ಘೋಷಿಸಿದೆ. ಟಿಟಿಡಿಯ ಅಧಿಕೃತ ವೆಬ್‌ಸೈಟ್‌ ಮತ್ತು ಟಿಟಿಡಿ ದೇವಸ್ಥಾನಂ ಅಪ್ಲಿಕೇಶನ್ ಮೂಲಕವೇ ಟಿಕೆಟ್ ಕಾಯ್ದಿರಿಸಬೇಕು ಎಂದು ಭಕ್ತರಿಗೆ ಟಿಟಿಡಿ ಸೂಚಿಸಿದೆ.
(6 / 7)
ಮಾರ್ಚ್ 09 ರಿಂದ 13 ರವರೆಗೆ ತಿರುಮಲದಲ್ಲಿ ಶ್ರೀವಾರಿ ಸಲಕಟ್ಲಾ ತೆಪ್ಪೋತ್ಸವ ನಡೆಯಲಿದೆ. ಈ ದಿನಗಳಲ್ಲಿ ಸಂಜೆ 7 ರಿಂದ ರಾತ್ರಿ 8 ರವರೆಗೆ, ದೇವರು ಮತ್ತು ದೇವಿ ಪುಷ್ಕರಿಣಿಯಲ್ಲಿ ಭಕ್ತರ ಮುಂದೆ ಕಾಣಿಸಿಕೊಳ್ಳುತ್ತಾರೆ. ಮಾರ್ಚ್ 09 ಮತ್ತು 10 ರಂದು ಸಹಸ್ರದೀಪಲಂಕಾರ ಸೇವೆ, ಮಾರ್ಚ್ 09 ಮತ್ತು 10 ರಂದು ಸಹಸ್ರದೀಪಲಂಕಾರ ಸೇವೆ, ಮಾರ್ಚ್ 11, 12 ಮತ್ತು 13 ರಂದು ನಡೆಯುವ ಅರ್ಜಿತ ಬ್ರಹ್ಮೋತ್ಸವ ಮತ್ತು ಸಹಸ್ರದೀಪಲಂಕಾರ ಸೇವೆಗಳನ್ನು ಟಿಟಿಡಿ ರದ್ದುಗೊಳಿಸಿದೆ.
(7 / 7)
ತೆಪ್ಪೋತ್ಸವದ ಮೊದಲ ದಿನವಾದ ಮಾರ್ಚ್ 09 ರಂದು ಶ್ರೀ ರಾಮಚಂದ್ರ ಮೂರ್ತಿಯ ತೆಪ್ಪದ ಮೇಲೆ ಸೀತಾ ಲಕ್ಷ್ಮಣ ಆಂಜನೇಯ ಮತ್ತು ಶ್ರೀ ರಾಮಚಂದ್ರ ಮೂರ್ತಿಯನ್ನು ಭಕ್ತರು ನೋಡಲಿದ್ದಾರೆ. ಎರಡನೇ ದಿನ ಮಾರ್ಚ್ 10ರಂದು ರುಕ್ಮಿಣಿ, ಶ್ರೀ ಕೃಷ್ಣ ಸ್ವಾಮಿ ಅವರೊಂದಿಗೆ ತೆಪ್ಪದಲ್ಲಿ ಮೂರು ಬಾರಿ ಪ್ರವಾಸ ಕೈಗೊಳ್ಳಲಿದ್ದಾರೆ. ಮೂರನೇ ದಿನವಾದ ಮಾರ್ಚ್ 11 ರಂದು ಶ್ರೀಭೂ ಮಲಯಪ್ಪ ಸ್ವಾಮಿಯೊಂದಿಗೆ ಮೂರು ಬಾರಿ ಪುಷ್ಕರಿಣಿಯಲ್ಲಿ ಸುತ್ತಿ ಭಕ್ತರನ್ನು ಆಶೀರ್ವದಿಸಲಾಗುವುದು. ಅದೇ ರೀತಿ ಮಾರ್ಚ್ 12ರ ನಾಲ್ಕನೇ ದಿನ ಶ್ರೀಮಲಯಪ್ಪ ಸ್ವಾಮಿ ಐದು ಬಾರಿ ಭಕ್ತರಿಗೆ ದರ್ಶನ ನೀಡಲಿದ್ದಾರೆ ಎಂದು ಟಿಟಿಡಿ ತಿಳಿಸಿದೆ.
Umesh Kumar S
ಇತರ ಗ್ಯಾಲರಿಗಳು