ಅನುಷ್ಕಾ ಶೆಟ್ಟಿ ನಮ್ಮ ಮನೆ ಸೊಸೆಯಾಗಲು ನಮ್ಮದೇನು ಅಭ್ಯಂತರವಿಲ್ಲ, ಆದರೆ ಕುಟುಂಬಕ್ಕೆ ಪ್ರಭಾಸ್‌ನ ಈ ಸಮಸ್ಯೆಯದ್ದೇ ಚಿಂತೆ!
Prabhas Anushka Wedding: ಟಾಲಿವುಡ್‌ ನಟಿ ಪ್ರಭಾಸ್ ಅವರ ಸಿನಿಮಾಕ್ಕೆ ಕಾಯುವ ಅಭಿಮಾನಿಗಳು, ಅವರ ಮದುವೆ ಬಗ್ಗೆಯೂ ಅಷ್ಟೇ ಕಾಯುತ್ತಿದ್ದಾರೆ. ವಯಸ್ಸು 43 ದಾಟಿದರೂ, ಇನ್ನೂ ಜಂಟಿಯಾಗುವ ಸುಳಿವು ನೀಡಿಲ್ಲ. ಹೀಗಿರುವಾಗಲೇ ಅನುಷ್ಕಾ ಶೆಟ್ಟಿ ಜತೆಗಿನ ಮದುವೆ ವಿಚಾರ ಮತ್ತೆ ಮುನ್ನೆಲೆಗೆ ಬಂದಿದೆ.
(1 / 8)
ಪ್ರಭಾಸ್, ಅನುಷ್ಕಾ.. ಬೆಳ್ಳಿತೆರೆಯಲ್ಲಿ ಎಲ್ಲರೂ ಪ್ರೀತಿಸುವ ಜೋಡಿ. ಈ ಜೋಡಿಯನ್ನು ನಿಜ ಜೀವನದಲ್ಲಿ ಒಟ್ಟಿಗೆ ನೋಡಲು ಅಭಿಮಾನಿಗಳು ಹಲವು ವರ್ಷಗಳಿಂದ ಬಯಸುತ್ತಿದ್ದಾರೆ.
(2 / 8)
ಈ ಜೋಡಿ ಪ್ರೀತಿಯಲ್ಲಿದೆ, ಮದುವೆ ಆಗಲಿದೆ ಎಂಬ ಎಷ್ಟೋ ವಿಚಾರಗಳು ಕಳೆದ ಕೆಲವು ವರ್ಷಗಳಿಂದ ಹರಿದಾಡುತ್ತಲೇ ಇವೆ.
(3 / 8)
ಆದರೆ, ನಾವಿಬ್ಬರೂ ಸ್ನೇಹಿತರೆಂದು ಈ ಜೋಡಿ ಹೇಳಿಕೊಳ್ಳುತ್ತಲೇ ಬಂದಿದೆ. ಎಲ್ಲಿಯೂ ಪ್ರೀತಿ, ಪ್ರೇಮ್‌ ಬಗ್ಗೆ ಇವರಿಬ್ಬರು ಮಾತನಾಡಿಲ್ಲ.
(4 / 8)
ಇದೀಗ ಇದೇ ಜೋಡಿಯ ಮದುವೆ ಬಗ್ಗೆ ಪ್ರಭಾಸ್ ಕುಟುಂಬದಿಂದಲೂ ಮಾಹಿತಿಯೊಂದು ಹೊರಬಿದ್ದಿದೆ. ಅದೇನೆಂದರೆ, ಪ್ರಭಾಸ್ ಮನೆಯವರಿಗೂ ಅನುಷ್ಕಾ ಅಂದರೆ ಇಷ್ಟವಂತೆ.
(5 / 8)
ಅನುಷ್ಕಾ ಶೆಟ್ಟಿ ನಮ್ಮ ಮನೆ ಸೊಸೆಯಾಗುತ್ತಾಳೆ ಎಂದರೆ ನಮ್ಮದೇನೂ ಅಭ್ಯಂತರವಿಲ್ಲ ಎಂದೂ ಕುಟುಂಬದ ಮೂಲದಿಂದ ಮಾಹಿತಿ ಹೊರಬಿದ್ದಿದೆ.
(6 / 8)
ಪ್ರಭಾಸ್ ಸದ್ಯ ಒಂಟಿ. ಯಾರೊಂದಿಗೂ ಡೇಟಿಂಗ್ ಮಾಡುತ್ತಿಲ್ಲ. ಇತ್ತ ಅನುಷ್ಕಾ ಶೆಟ್ಟಿ ನಮ್ಮ ಕುಟುಂಬಕ್ಕೆ ತುಂಬಾ ಆಪ್ತರು. ಅವರ ಕುಟುಂಬ ಸದಸ್ಯರು ಸಹ ಪರಿಚಯ.
(7 / 8)
ಇತ್ತ ಪ್ರಭಾಸ್ ಮತ್ತು ಅನುಷ್ಕಾ ಸ್ನೇಹಿತರು. ಮುಂದೆ ಅದು ಪ್ರೀತಿಯಾಗಿ ಬದಲಾಗುತ್ತಾ ಎಂಬುದು ನಮಗೆ ಗೊತ್ತಿಲ್ಲ. ಎಲ್ಲವೂ ಕೂಡಿ ಬಂದರೆ ನಮ್ಮಿಂದ ಅಭ್ಯಂತರವಿಲ್ಲ.
(8 / 8)
ಆದರೆ, ಇಲ್ಲೊಂದು ಸಮಸ್ಯೆ ಇದೆ ಎಂಬುದನ್ನೂ ಪ್ರಭಾಸ್ ಕುಟುಂಬವೇ ಹೇಳಿಕೊಂಡಿದೆ. ಪ್ರಭಾಸ್ ತನ್ನ ಬಹುತೇಕ ಸಮಯವನ್ನು ಸಿನಿಮಾ ಶೂಟಿಂಗ್‌ ಸೆಟ್‌ನಲ್ಲಿಯೇ ಕಳೆಯುತ್ತಾನೆ. ಕುಟುಂಬದ ಜತೆ ಇರುವುದೇ ಇಲ್ಲ ಎಂಬ ವಿಚಾರವನ್ನೂ ಹೇಳಿಕೊಂಡಿದ್ದಾರೆ. ವರ್ಷದ ಬಹುಪಾಲು ದಿನ ಶೂಟಿಂಗ್‌ನಲ್ಲಿಯೇ ಕಾಲ ಕಳೆಯುತ್ತಾರೆ.
ಇತರ ಗ್ಯಾಲರಿಗಳು