Trisha Birthday: ಈ ವಿಚಾರದಲ್ಲಿ ಲೇಡಿ ಸೂಪರ್‌ಸ್ಟಾರ್‌ ನಯನತಾರಾ, ಸಮಂತಾರನ್ನೇ ಹಿಂದಿಕ್ಕಿದ ತ್ರಿಷಾ ಕೃಷ್ಣನ್!
ಟಾಲಿವುಡ್‌ ನಟ ಚಿರಂಜೀವಿ ಅವರ ವಿಶ್ವಂಭರ ಚಿತ್ರದ ಮೂಲಕ ಸುಮಾರು ಎಂಟು ವರ್ಷಗಳ ನಂತರ ಟಾಲಿವುಡ್‌ಗೆ ಮರಳುತ್ತಿದ್ದಾರೆ ನಟಿ ತ್ರಿಷಾ ಕೃಷ್ಣನ್. ವಸಿಷ್ಠ ಮಲ್ಲಿದಿ ನಿರ್ದೇಶನದ ಈ ಚಿತ್ರವು ಫ್ಯಾಂಟಸಿ ಎಂಟರ್ಟೈನರ್ ಆಗಿದ್ದು, 2025ರ ಸಂಕ್ರಾಂತಿಗೆ ಬಿಡುಗಡೆಯಾಗಲಿದೆ. ಈ ಚಿತ್ರಕ್ಕೆ ದಾಖಲೆಯ ಸಂಭಾವನೆಯನ್ನೂ ಪಡೆದಿದ್ದಾರೆ ತ್ರಿಷಾ.
(1 / 5)
'ವಿಶ್ವಂಭರ' ತೆಲುಗಿನಲ್ಲಿ ಚಿರಂಜೀವಿ ಮತ್ತು ತ್ರಿಷಾ ಜೋಡಿಯಾಗಿ ನಟಿಸುತ್ತಿರುವ ಎರಡನೇ ಚಿತ್ರ. ಈ ಹಿಂದೆ ಸ್ಟಾಲಿನ್ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿತ್ತು ಈ ಜೋಡಿ. ವಿಶ್ವಂಭರ ಚಿತ್ರದ ಮೂಲಕ ಸುಮಾರು 18 ವರ್ಷಗಳ ಸುದೀರ್ಘ ಅಂತರದ ನಂತರ ಚಿರಂಜೀವಿ ಮತ್ತು ತ್ರಿಷಾ ಮತ್ತೆ ತೆರೆ ಹಂಚಿಕೊಳ್ಳಲಿದ್ದಾರೆ.
(2 / 5)
ವಿಶ್ವಂಭರ ಚಿತ್ರಕ್ಕಾಗಿ ತ್ರಿಷಾ ಸುಮಾರು 12 ಕೋಟಿ ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಮೂಲಕ ದಕ್ಷಿಣ ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಾಯಕಿಯರ ಸಾಲಿಗೂ ಸೇರಿದ್ದಾರೆ ತ್ರಿಷಾ. ನಯನತಾರಾ, ಸಮಂತಾ ಅವರನ್ನೂ ಹಿಂದಿಕ್ಕಿದ್ದಾರೆ ಈ ನಟಿ.
(3 / 5)
ಕಳೆದ ಕೆಲವು ವರ್ಷಗಳಿಂದ ಸೋಲುಗಳಿಂದಾಗಿ ಅವಕಾಶಗಳ ಓಟದಲ್ಲಿ ಹಿಂದುಳಿದಿರುವ ತ್ರಿಷಾ, ವಿಜಯ್ ಅವರ ಲಿಯೋ ಸಿನಿಮಾ ಮೂಲಕ ಗೆಲುವಿನ ಕಂಬ್ಯಾಕ್‌ ಮಾಡಿದ್ದರು. ಆ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ 590 ಕೋಟಿ ರೂ. ಗಳಿಸಿತ್ತು.
(4 / 5)
ಕಮಲ್ ಹಾಸನ್ ಮತ್ತು ಮಣಿರತ್ನಂ ಕಾಂಬಿನೇಷನ್ ನಲ್ಲಿ ನಿರ್ಮಾಣವಾಗುತ್ತಿರುವ ಥಗ್ ಲೈಫ್ ಚಿತ್ರದಲ್ಲಿಯೂ ತ್ರಿಷಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಅಜಿತ್ ಜತೆಗೆ ವಿಧಾ ಮುಯಾರ್ಚಿ ಚಿತ್ರದಲ್ಲೂ ಬಣ್ಣ ಹಚ್ಚುತ್ತಿದ್ದಾರೆ.
(5 / 5)
ಮಲಯಾಳಂನಲ್ಲಿ ಐಡೆಂಟಿಟಿ ಚಿತ್ರದಲ್ಲೂ ನಟಿಸುತ್ತಿದ್ದಾರೆ. ಸದ್ಯದ ಅವರ ಸಿನಿಮಾಗಳ ಲಿಸ್ಟ್‌ ನೋಡಿದರೆ, ಈ ವರ್ಷ ಅವರ ಎರಡು ಸಿನಿಮಾಗಳು ತೆರೆಗೆ ಬರಲಿವೆ.
ಇತರ ಗ್ಯಾಲರಿಗಳು