ಪಂದ್ಯಶ್ರೇಷ್ಠ ಪ್ರಶಸ್ತಿ ನನಗಲ್ಲ, ಈತನಿಗೆ ಕೊಡಬೇಕಿತ್ತು; ವಿರಾಟ್ ಕೊಹ್ಲಿ ಅರ್ಪಿಸಿದ್ದು ಯಾರಿಗೆ?
ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ. ಪಂದ್ಯ ಗೆದ್ದ ಬಳಿಕ ಪಂದ್ಯಶ್ರೇಷ್ಠ ಪ್ರಶಸ್ತಿ ಗೆದ್ದ ವಿರಾಟ್ ಕೊಹ್ಲಿ ಇದು ನನಗೆ ಸೇರಬೇಕಿದ್ದ ಪ್ರಶಸ್ತಿ ಅಲ್ಲ ಎಂದು ಹೇಳಿದ್ದಾರೆ.
(1 / 6)
ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 7 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಇದರೊಂದಿಗೆ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಸೋಲಿಗೆ ಇದೇ ತಂಡದ ವಿರುದ್ಧ ಆರ್ಸಿಬಿ ಸೇಡು ತೀರಿಸಿಕೊಂಡಿದೆ.
(AP)
(2 / 6)
ಚಂಢೀಗಡದ ಮುಲ್ಲನ್ಪುರದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ 6 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಆರ್ಸಿಬಿ 159 ರನ್ ಕಲೆ ಹಾಕಿತು. ಇದೀಗ ಅಂಕಪಟ್ಟಿಯಲ್ಲಿ ಬೆಂಗಳೂರು ತಂಡ 3ನೇ ಸ್ಥಾನಕ್ಕೇರಿದೆ.
(PTI)
(3 / 6)
ಪಂದ್ಯದಲ್ಲಿ ಮಿಂಚಿದ ಚೇಸ್ ಮಾಸ್ಟರ್ ವಿರಾಟ್ ಕೊಹ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಅವರು 54 ಎಸೆತಗಳಲ್ಲಿ 7 ಬೌಂಡರಿ, 1 ಸಿಕ್ಸರ್ ಸಹಿತ ಅಜೇಯ 73 ರನ್ ಬಾರಿಸಿದರು. ಆದರೆ ನನಗಲ್ಲ, ಈತನಿಗೆ ಪಂದ್ಯಶ್ರೇಷ್ಠ ನೀಡಬೇಕಿತ್ತು ಎಂದು ಕೊಹ್ಲಿ ಹೇಳಿದ್ದಾರೆ.
(REUTERS)
(4 / 6)
ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದ ನಂತರ ಮಾತನಾಡಿದ ಕೊಹ್ಲಿ, ನಮಗೆ ಬಹಳ ಮುಖ್ಯವಾದ ಪಂದ್ಯ ಇದಾಗಿತ್ತು. ಅರ್ಹತೆಯ ವಿಷಯದಲ್ಲಿ 2 ಅಂಕಗಳು ಭಾರಿ ವ್ಯತ್ಯಾಸ ಉಂಟು ಮಾಡಬಹುದು. ನಾವು ತವರಿನಲ್ಲಿ ಸೋತರೂ ಮನೆಯಿಂದ ಹೊರಗಡೆ ಅತ್ಯುತ್ತಮ ಕ್ರಿಕೆಟ್ ಆಡಿದ್ದೇವೆ. ಹಾಗಾಗಿ ಪ್ರತಿ ಪಂದ್ಯದಲ್ಲೂ 2 ಅಂಕ ಗಳಿಸುವ ಮನಃಸ್ಥಿತಿ ಬೆಳೆಸಿಕೊಳ್ಳಬೇಕು ಎಂದು ಹೇಳಿದ್ದಾರೆ.
(PTI)
(5 / 6)
ನಾನು ಬ್ಯಾಟಿಂಗ್ನಲ್ಲಿ ವೇಗದ ಕಾಯ್ದುಕೊಳ್ಳಲು ಬಯಸಿದ್ದೆ. ಆದರೆ ಮತ್ತೊಂದು ಎಂಡ್ನಲ್ಲಿ ದೇವದತ್ ಪಡಿಕ್ಕಲ್ ಬಿರುಸಿನ ಬ್ಯಾಟಿಂಗ್ ನಡೆಸಲು ಪ್ರಾರಂಭಿಸಿದರು. ಇದು ಪಂದ್ಯದ ಚಿತ್ರಣವನ್ನೇ ಬದಲಿಸಿತು. ಹಾಗಾಗಿ, ಅವರಿಗೆ (ಪಡಿಕ್ಕಲ್) ಪಂದ್ಯಶ್ರೇಷ್ಠ ಪ್ರಶಸ್ತಿ ಸಿಗಬೇಕಿತ್ತು. ನನಗೆ ಈ ಪ್ರಶಸ್ತಿ ಕೊಟ್ಟಿದ್ದೇಕೆ ಎಂದು ಅರ್ಥವಾಗುತ್ತಿಲ್ಲ. ಈ ಪ್ಲೇಯರ್ ಆಫ್ ದ ಮ್ಯಾಚ್ ಪ್ರಶಸ್ತಿಗೆ ದೇವ್ ಅರ್ಹರು ಎಂದು ಹೇಳಿದ್ದಾರೆ.
(HT_PRINT)
(6 / 6)
ಟಿ20 ಕ್ರಿಕೆಟ್ ರನ್ ಚೇಸ್ನಲ್ಲಿ ಉತ್ತಮ ಜೊತೆಯಾಟ ಸಾಕು. ಇದು ಪಂದ್ಯದ ದಿಕ್ಕನ್ನೇ ಬದಲಿಸುತ್ತದೆ. ಅಂತಹದೊಂದು ಜೊತೆಯಾಟ ದೇವದತ್ ಪಡಿಕ್ಕಲ್ ಅವರಿಂದ ಬಂದಿದೆ ಎಂದು ಕೊಹ್ಲಿ ಅವರು ಡಿಡಿಪಿ ಜೊತೆಗಿನ ಆಟದ ಕುರಿತು ಮಾತನಾಡಿದ್ದಾರೆ.
(REUTERS)
Prasanna Kumar PN
ಇತರ ಗ್ಯಾಲರಿಗಳು