ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ಗೆ ವಿರಾಟ್ ಕೊಹ್ಲಿ ನಿವೃತ್ತಿ ಘೋಷಿಸಲು ನಿಜವಾದ ಕಾರಣ ಇದು
ಟೀಮ್ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರು ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಿಂದ ನಿವೃತ್ತಿ ಹೊಂದಲು ಪ್ರಮುಖ ಕಾರಣ ಏನೆಂದು ಅವರೇ ಬಹಿರಂಗಪಡಿಸಿದ್ದಾರೆ.
(1 / 8)
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ಗೆ ತಾನು ನಿವೃತ್ತಿ ಘೋಷಿಸಿದ್ದು ಏಕೆ ಎಂದು ಸೂಪರ್ ಸ್ಟಾರ್ ವಿರಾಟ್ ಕೊಹ್ಲಿ ಬಹಿರಂಗಪಡಿಸಿದ್ದಾರೆ. ಯುವ ಆಟಗಾರರಿಗೆ ಹಿರಿಯ ಆಟಗಾರರಿಂದ ತೊಂದರೆ ಉಂಟಾಗಬಾರದು ಎನ್ನುವ ಕಾರಣಕ್ಕೆ ನಿವೃತ್ತಿ ನಿರ್ಧಾರ ಕೈಗೊಂಡಿರುವುದಾಗಿ ಹೇಳಿದ್ದಾರೆ.
(2 / 8)
18ನೇ ಆವೃತ್ತಿಯ ಐಪಿಎಲ್ನಲ್ಲಿ ಆರ್ಸಿಬಿ ಬ್ಯಾಟರ್ ವಿರಾಟ್ ಕೊಹ್ಲಿ ಅದ್ಭುತ ಲಯದಲ್ಲಿದ್ದಾರೆ. ತಂಡದ ಗೆಲುವಿಗೆ ಶ್ರಮಿಸುತ್ತಿದ್ದಾರೆ. ಸ್ಟ್ರೈಕ್ರೇಟ್ ಬಗ್ಗೆ ಕೆಲವರು ಟೀಕೆ ಮಾಡುತ್ತಿದ್ದರೂ ಮತ್ತೊಂದು ಎಂಡ್ನಲ್ಲಿ ಅವರ ನಿರ್ವಹಿಸುತ್ತಿರುವ ಕಾರ್ಯ ಅಮೋಘವಾದದ್ದು ಎಂದು ಕೆಲ ಕ್ರಿಕೆಟ್ ತಜ್ಞರಿಂದ ಅಭಿಪ್ರಾಯ ಕೇಳಿ ಬರುತ್ತಿದೆ.
(3 / 8)
ಕೊಹ್ಲಿ ನಿಧಾನವಾಗಿ ಆಡುತ್ತಿದ್ದಾರೆ ನಿಜ. ಅದಕ್ಕೆ ಸಂಬಂಧಿಸಿ ಸ್ಟ್ರೈಕ್ರೇಟ್ ಕೂಡ ಹೇಳಿಕೊಳ್ಳುವಂತಿಲ್ಲ. ಆದರೆ ಅವರು ವಿಕೆಟ್ ರಕ್ಷಿಸಲು ಮತ್ತು ತಂಡವು ಒತ್ತಡಕ್ಕೆ ಸಿಲುಕಿದ ಸಮಯದಲ್ಲೆಲ್ಲಾ ಅವರು ಒಬ್ಬ ಆಪತ್ಭಾಂಧವನನಾಗಿದ್ದಾರೆ ಎಂಬುದು ಅಷ್ಟೇ ಸತ್ಯ. ವೇಗವಾಗಿಯೂ ಬ್ಯಾಟ್ ಬೀಸುತ್ತಾರೆ, ನಿಧಾನವಾಗಿ ಆಡುವ ಶಕ್ತಿಯೂ ಅವರಲ್ಲಿದೆ.
(ICC-X)
(4 / 8)
ವಿರಾಟ್ ಕೊಹ್ಲಿ ಕಳೆದ 1 ವರ್ಷದಲ್ಲಿ ಐಪಿಎಲ್ ಪ್ಲೇಆಫ್ ಆಡುವುದರ ಜೊತೆಗೆ 2024ರ ಟಿ20 ವಿಶ್ವಕಪ್ ಗೆದ್ದಿದ್ದು, ಫೈನಲ್ನಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾಗಿದ್ದಾರೆ. ಇತ್ತೀಚೆಗೆ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಕೂಡ ಅದ್ಭುತ ಪ್ರದರ್ಶನ ನೀಡಿದ್ದರು. ಹೀಗಿದ್ದರೂ ಟಿ20 ಕ್ರಿಕೆಟ್ನಲ್ಲಿ ತೊರೆದಿದ್ದೇಕೆ ಎಂದು ಕೊಹ್ಲಿಯೇ ಸ್ವತಃ ಉತ್ತರಿಸಿದ್ದಾರೆ.
(ICC X)
(5 / 8)
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಿಂದ ನಿವೃತ್ತಿ ನನ್ನ ಮೇಲೆ ಹೆಚ್ಚಿನ ಪರಿಣಾಮ ಬೀರಿಲ್ಲ ಎಂದು ನಾನು ಭಾವಿಸುತ್ತೇನೆ. ನಾನು ಸಾಕಷ್ಟು ಯೋಚಿಸಿಯೇ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ಏಕೆಂದರೆ ಹೊಸ ಆಟಗಾರರು ಬರುತ್ತಿದ್ದು, ಅವರು ಕುದುರಿಕೊಳ್ಳಲು 2-3 ವರ್ಷಗಳ ಸಮಯ ಬೇಕಾಗುತ್ತದೆ ಎಂದು ಹೇಳಿದ್ದಾರೆ.
(REUTERS)
(6 / 8)
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಒತ್ತಡದಲ್ಲಿ ತಮ್ಮನ್ನು ಹೇಗೆ ವ್ಯಕ್ತಪಡಿಸಬೇಕೆಂದು ಅರ್ಥಮಾಡಿಕೊಳ್ಳುವುದು ಮುಖ್ಯ. ಮುಂದಿನ ವಿಶ್ವಕಪ್ಗೂ ಮುನ್ನ ಯುವ ಆಟಗಾರರು ವಿಶ್ವದ ವಿವಿಧ ದೇಶಗಳಲ್ಲಿ ವಿಭಿನ್ನ ಪರಿಸ್ಥಿತಿಗಳಲ್ಲಿ ಆಡಿದ ಅನುಭವ ಅವರು ಪಡೆಯಬೇಕು. ಆ ಮೂಲಕ ಮಹತ್ವದ ಟೂರ್ನಿಗೆ ಅವರು ಸಿದ್ದರಾಗಲು ನೆರವಾಗುತ್ತದೆ ಎಂದು ಯುವ ಆಟಗಾರರ ಕುರಿತು ಹೇಳಿದ್ದಾರೆ.
(7 / 8)
ವಿರಾಟ್ ಕೊಹ್ಲಿ ತಮ್ಮ ಅಂತಾರಾಷ್ಟ್ರೀಯ ಟಿ20 ವೃತ್ತಿಜೀವನದಲ್ಲಿ 125 ಪಂದ್ಯಗಳಲ್ಲಿ 4188 ರನ್ ಗಳಿಸಿದ್ದು, ಬ್ಯಾಟಿಂಗ್ ಸರಾಸರಿ 48 ಹೊಂದಿದ್ದಾರೆ. 2014 ಮತ್ತು 2016ರ ಐಸಿಸಿ ಟಿ20 ವಿಶ್ವಕಪ್ನಲ್ಲಿ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದರು. ಕಳೆದ ಐಪಿಎಲ್ನಲ್ಲಿ ಆರೆಂಜ್ ಕ್ಯಾಪ್ ಕೂಡ ಗೆದ್ದಿದ್ದರು.
(AFP)
(8 / 8)
2025ರ ಐಪಿಎಲ್ನಲ್ಲಿ 10 ಇನ್ನಿಂಗ್ಸ್ಗಳಲ್ಲಿ 63.29 ಸರಾಸರಿಯಲ್ಲಿ 443 ರನ್ ಗಳಿಸಿದ್ದಾರೆ. ಈಗ ಯುವ ಆಟಗಾರರಿಗೆ ಪೈಪೋಟಿ ನೀಡುತ್ತಿದ್ದಾರೆ. ಆದರೆ ಭಾರತದ ಟಿ20 ತಂಡದಲ್ಲಿ ಅವರ ಅಲಭ್ಯತೆ ಕಾಡುವುದು ನಿಜಕ್ಕೂ ಸುಳ್ಳಲ್ಲ.
(PTI)
Prasanna Kumar PN
ಇತರ ಗ್ಯಾಲರಿಗಳು