ಸೀರೆಯುಟ್ಟಾಗ ಸುಂದರವಾಗಿ ಕಾಣಬೇಕೆಂದರೆ ರವಿಕೆಯ ತೋಳುಗಳಿಗೆ ಈ ರೀತಿಯ ವಿನ್ಯಾಸವನ್ನಿಡಿ; ಇಲ್ಲಿವೆ ಟ್ರೆಂಡಿಂಗ್ ಡಿಸೈನ್‌ಗಳು

ಬ್ಲೌಸ್‌ಗೆ ಫ್ಯಾನ್ಸಿ ಲುಕ್ ನೀಡಿ

ಯಾವುದೇ ಸೀರೆಗೆ ಅದರ ರವಿಕೆ ಪೀಸ್ ಬಹಳ ಮುಖ್ಯ. ರವಿಕೆಯನ್ನು ಹೊಲಿಯುವ ಮೊದಲು, ಅದರ ವಿನ್ಯಾಸದ ಬಗ್ಗೆ ಸ್ವಲ್ಪ ಗೊಂದಲ ಉಂಟಾಗುವುದು ಸಹಜ. ಸೀರೆ ಅಷ್ಟಾಗಿ ಅಂದವಾಗಿಲ್ಲದಿದ್ದರೂ ರವಿಕೆ ವಿನ್ಯಾಸವು ಅದರ ಅಂದವನ್ನು ಹೆಚ್ಚಿಸುತ್ತದೆ. ಹೀಗಾಗಿ ಬ್ಲೌಸ್‌ನ ಕುತ್ತಿಗೆ ಮತ್ತು ತೋಳುಗಳ ವಿನ್ಯಾಸ ಬಹಳ ಮುಖ್ಯ. ಇವೆರಡನ್ನು ಗಮನದಲ್ಲಿಟ್ಟುಕೊಂಡು, ನೀವು ಸರಳವಾದ ಸೀರೆಗೂ ಡಿಸೈನರ್ ಲುಕ್ ನೀಡಬಹುದು. ಹೆಚ್ಚಿನ ಮಹಿಳೆಯರು ಕುತ್ತಿಗೆಯ ವಿನ್ಯಾಸಕ್ಕೆ ಗಮನ ಕೊಡುತ್ತಾರೆ. ಆದರೆ ತೋಳುಗಳನ್ನು ಸರಳವಾಗಿ ಇಡುತ್ತಾರೆ. ಆದರೆ, ನೀವು ಬ್ಲೌಸ್‌ನ ನೋಟ ಸಂಪೂರ್ಣವಾಗಿ ವಿಭಿನ್ನವಾಗಿರಲು ಬಯಸಿದರೆ, ತೋಳುಗಳನ್ನು ಆಕರ್ಷಕವಾಗಿ ಹೊಲಿಸಬೇಕು. ನಿಮ್ಮ ಬ್ಲೌಸ್‌ಗೆ ತುಂಬಾ ಟ್ರೆಂಡಿ ಮತ್ತು ಸ್ಟೈಲಿಶ್ ವಿನ್ಯಾಸವನ್ನು ನೀಡುವ ಕೆಲವು ಇತ್ತೀಚಿನ ತೋಳುಗಳ ವಿನ್ಯಾಸಗಳು ಇಲ್ಲಿವೆ. 

ಬ್ಲೌಸ್‌ನಲ್ಲಿ ಬಿಲ್ಲಿನ ಆಕಾರದ ಕಟ್ ಮಾಡಿಕೊಳ್ಳಿ

ರವಿಕೆಗೆ ಹೆಚ್ಚು ಅಲಂಕಾರಿಕ ಮತ್ತು ಆಕರ್ಷಕ ನೋಟವನ್ನು ನೀಡಲು, ನೀವು ಬ್ಲೌಸ್‌ನ ತೋಳುಗಳಲ್ಲಿ ಈ ಫ್ಯಾನ್ಸಿ ಕಟ್ ಅನ್ನು ಮಾಡಬಹುದು. ಇದರಲ್ಲಿ, ಬಿಲ್ಲಿನ ಆಕಾರದ ವಿನ್ಯಾಸ ಮತ್ತು ಮಣಿಗಳನ್ನು ಬಳಸಿ ಸುಂದರವಾಗಿ ವಿನ್ಯಾಸ ಮಾಡಲಾಗಿದೆ. ಇವು ರೇಷ್ಮೆ ಸೀರೆಗಳಿಗೆ ಪರಿಪೂರ್ಣವಾಗಿರುತ್ತದೆ.

ಎಲೆಯಾಕಾರದ ಕಟ್ ಸ್ಲೀವ್‌ಗಳು

ನೀವು ಬ್ಲೌಸ್‌ನ ತೋಳುಗಳ ಮೇಲೆ ಮಾಡಿದ ಈ ಎಲೆ ಆಕಾರದ ಕಟ್ ವಿನ್ಯಾಸವನ್ನು ಸಹ ಪಡೆಯಬಹುದು. ಇದು ನೋಡಲು ಸಾಕಷ್ಟು ವಿಶಿಷ್ಟ ಮತ್ತು ಆಕರ್ಷಕವಾಗಿದೆ. ನಿಮ್ಮ ದೈನಂದಿನ ಉಡುಗೆ ಹಾಗೂ ಪಾರ್ಟಿ ವೇರ್ ಸೀರೆಗಳಿಗೂ ಈ ವಿನ್ಯಾಸಗಳನ್ನು ನೀವು ಆಯ್ಕೆ ಮಾಡಬಹುದು. ನೀವು ಬ್ಲೌಸ್‌ಗೆ ಲೇಸ್ ಮತ್ತು ಮಣಿಗಳನ್ನು ಸೇರಿಸುವ ಮೂಲಕ ಇನ್ನಷ್ಟು ಅಲಂಕಾರಿಕ ನೋಟವನ್ನು ನೀಡಬಹುದು.

ಸರಳ ವಿನ್ಯಾಸ

ನಿಮ್ಮ ಬ್ಲೌಸ್‌ಗೆ ನೀವು ಇಂತಹ ಫ್ಯಾನ್ಸಿ ತೋಳುಗಳನ್ನು ಸಹ ವಿನ್ಯಾಸಗೊಳಿಸಬಹುದು. ನಿಮಗೆ ತುಂಬಾ ಡಿಸೈನ್‌ಗಳಿರುವಂತಹವುಗಳು ಇಷ್ಟವಾಗದಿದ್ದರೆ, ಈ ರೀತಿಯ ಸರಳವಾದ ವಿನ್ಯಾಸವನ್ನು ಪಡೆಯಬಹುದು. ಲೇಸ್ ಮಾದರಿಯಲ್ಲಿ ವಿನ್ಯಾಸಗೊಳಿಸಲಾಗಿರುವ ಈ ತೋಳುಗಳ ಡಿಸೈನ್ ಬಹಳ ಚೆನ್ನಾಗಿ ಕಾಣುತ್ತದೆ.

ವಿಂಟೇಜ್ ಪಫ್ ಸ್ಲೀವ್‌ಗಳು

ಪಫ್ ತೋಳುಗಳು ಯಾವಾಗಲೂ ಪ್ರವೃತ್ತಿಯಲ್ಲಿರುತ್ತವೆ. ಇದಲ್ಲದೆ, ಇವು ಎಲ್ಲಾ ರೀತಿಯ ಸೀರೆಗಳಿಗೂ ಚೆನ್ನಾಗಿ ಕಾಣುತ್ತವೆ. ನಿಮ್ಮ ತೋಳುಗಳಿಗೆ ಇಂತಹ ಪಫ್ ವಿನ್ಯಾಸವನ್ನು ನೀವು ಆಯ್ಕೆ ಮಾಡಬಹುದು. ಸೀರೆಗೆ ಮ್ಯಾಚಿಂಗ್ ಲೇಸ್ ಮತ್ತು ಬಾರ್ಡರ್ ಜೋಡಿಸುವ ಮೂಲಕ ಅವುಗಳಿಗೆ ಇನ್ನಷ್ಟು ಆಕರ್ಷಕ ನೋಟವನ್ನು ನೀಡಬಹುದು.

ಕ್ರಿಸ್-ಕ್ರಾಸ್ ಆಕಾರದ ತೋಳುಗಳ ವಿನ್ಯಾಸ

ಬ್ಲೌಸ್‌ನ ತೋಳುಗಳಿಗೆ ಅಲಂಕಾರಿಕ ನೋಟವನ್ನು ನೀಡಲು, ನೀವು ಈ ರೀತಿಯ ಕ್ರಿಸ್-ಕ್ರಾಸ್ ಆಕಾರದ ವಿನ್ಯಾಸವನ್ನು ಸಹ ಆಯ್ಕೆ ಮಾಡಬಹುದು. ಈ ರೀತಿಯ ವಿನ್ಯಾಸವು ಕಾಟನ್ ಮತ್ತು ರೇಷ್ಮೆ ಬಟ್ಟೆಯಿಂದ ಮಾಡಿದ ಬ್ಲೌಸ್‌ಗಳಿಗೆ ಸೂಕ್ತವಾಗಿದೆ. ಈ ವಿನ್ಯಾಸವು ತುಂಬಾ ಸೊಗಸಾಗಿ ಕಾಣುತ್ತದೆ.

ಕ್ಲಾಸಿ ಲುಕ್‌ಗಾಗಿ ಈ ವಿನ್ಯಾಸವನ್ನು ಪ್ರಯತ್ನಿಸಿ

ಬ್ಲೌಸ್‌ಗೆ ಕ್ಲಾಸಿ ಲುಕ್ ನೀಡಲು, ನೀವು ತೋಳುಗಳ ವಿನ್ಯಾಸವನ್ನು ಈ ರೀತಿ ಇಟ್ಟುಕೊಳ್ಳಬಹುದು. ಇದರಲ್ಲಿ, ತೋಳುಗಳಿಗೆ ಮೇಲಿನ ಭಾಗದಿಂದ ಸ್ವಲ್ಪ ಪಫ್ ಲುಕ್ ನೀಡಲಾಗಿದೆ. ಮುತ್ತುಗಳು ಮತ್ತು ಮಣಿಗಳಿಂದ ಕೂಡಿದ ಲೇಸ್ ಬಳಕೆಯು ಈ ತೋಳುಗಳಿಗೆ ಇನ್ನಷ್ಟು ಅಲಂಕಾರಿಕ ನೋಟವನ್ನು ನೀಡುತ್ತಿದೆ.

ಫ್ರಿಲ್ಡ್ ತೋಳುಗಳ ವಿನ್ಯಾಸ

ಈ ರೀತಿಯ ಫ್ರಿಲ್ಡ್ ವಿನ್ಯಾಸವು ದಿನನಿತ್ಯದ ಸೀರೆಗಳಿಗೆ ಸೂಕ್ತವಾಗಿದೆ. ಇದು ನೋಡಲು ಸ್ಟೈಲಿಶ್ ಆಗಿದ್ದು, ಧರಿಸುವಾಗ ತುಂಬಾ ಆರಾಮದಾಯಕ ಅನುಭವ ನೀಡುತ್ತದೆ. ಈ ರೀತಿಯ ತೋಳುಗಳನ್ನು ಶಿಫೋನ್ ಮತ್ತು ಜಾರ್ಜೆಟ್‌ನಂತಹ ಮೃದುವಾದ ಬಟ್ಟೆಗಳಲ್ಲಿ ಚೆನ್ನಾಗಿ ತಯಾರಿಸಲಾಗುತ್ತದೆ ಮತ್ತು ತುಂಬಾ ಸ್ಟೈಲಿಶ್ ಆಗಿ ಕಾಣುತ್ತವೆ.

ಆಹಾರ, ಆರೋಗ್ಯ, ಫ್ಯಾಷನ್‌, ರಿಲೇಷನ್‌ಶಿಪ್‌ , ಪೇರೆಂಟಿಂಗ್‌ ಸಂಬಂಧಿಸಿದ ಲೇಖನಗಳಿಗಾಗಿ ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ ಲೈಫ್‌ಸ್ಟೈಲ್‌ ಪುಟಕ್ಕೆ ಭೇಟಿ ನೀಡಿ.