Mumbai Indians: ಡಬ್ಲ್ಯುಪಿಎಲ್‌ನಲ್ಲಿ ಮುಂಬೈ ಇಂಡಿಯನ್ಸ್​​​ಗೆ ಮೊದಲ ರನ್ ಚೇಸ್ ಸೋಲು

ಗಾಯದಿಂದ ಚೇತರಿಸಿಕೊಂಡ ನಂತರ ಹರ್ಮನ್​​ಪ್ರೀತ್ ಕೌರ್ ಅವರು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಪ್ಲೇಯಿಂಗ್ ಇಲೆವೆನ್​ಗೆ ಮರಳಿದರು. ಆದರೆ ನಾಯಕಿಯ ಉಪಸ್ಥಿತಿಯಲ್ಲಿ ಮುಂಬೈ ಇಂಡಿಯನ್ಸ್ ಸೋಲಬೇಕಾಯಿತು. ಮಂಗಳವಾರ (ಮಾರ್ಚ್ 5) ನಡೆದ ಪಂದ್ಯದಲ್ಲಿ ಮೆಗ್ ಲ್ಯಾನಿಂಗ್ ಪಡೆ 29 ರನ್ ಗಳಿಂದ ಜಯದ ನಗೆ ಬೀರಿತು.. 2024ರ ಮಹಿಳಾ ಪ್ರೀಮಿಯರ್ ಲೀಗ್​​​ನಲ್ಲಿ ಮುಂಬೈ ಇಂಡಿಯನ್ಸ್ ರನ್ ಚೇಸ್​​​ನಲ್ಲಿ ಸೋತಿರುವುದು ಇದೇ ಮೊದಲು.

ಟಾಸ್ ಸೋತು ಡೆಲ್ಲಿ ಕ್ಯಾಪಿಟಲ್ಸ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಇಬ್ಬರು ಆರಂಭಿಕ ಆಟಗಾರರಾದ ಮೆಗ್ ಲ್ಯಾನಿಂಗ್ ಮತ್ತು ಶಫಾಲಿ ವರ್ಮಾ ಉತ್ತಮ ಆರಂಭ ಒದಗಿಸಿಕೊಟ್ಟರು. ಡೆಲ್ಲಿ 4.3 ಓವರ್ಗಳಲ್ಲಿ 48 ರನ್​​ಗಳಿಗೆ 2 ವಿಕೆಟ್ ಕಳೆದುಕೊಂಡಿತು. ಶೆಫಾಲಿ ಔಟಾದ ನಂತರ ಮೆಗ್ ಲ್ಯಾನಿಂಗ್ (53) ಮತ್ತು ಜೆಮಿಮಾ ರೊಡ್ರಿಗಸ್ (69*) ಅರ್ಧಶತಕ ಸಿಡಿಸಿದರು. ಪರಿಣಾಮ 20 ಓವರ್​​​ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 194 ರನ್ ಕಲೆ ಹಾಕಿತು.

ಆಲಿಸ್ ಕ್ಯಾಪ್ಸಿ ಮೂರನೇ ಸ್ಥಾನದಲ್ಲಿ ಬ್ಯಾಟಿಂಗ್ ನಡೆಸಿ 19 (20) ರನ್ ಗಳಿಸಿ ಸುಸ್ತಾದರು.  ಆದರೆ ಜೆಮಿಮಾ - ಮೆಗ್ ಲ್ಯಾನಿಂಗ್ ಸಿಡಿಲಬಬ್ಬರದ ಬ್ಯಾಟಿಂಗ್ ನಡೆಸಿದರು. ಲ್ಯಾನಿಂಗ್ 38 ಎಸೆತಗಳಲ್ಲಿ 6 ಬೌಂಡರಿ ಮತ್ತು 2 ಸಿಕ್ಸರ್​​ಗಳೊಂದಿಗೆ 53 ರನ್ ಗಳಿಸಿದರು. ಜೆಮಿಮಾ 33 ಎಸೆತಗಳಲ್ಲಿ ಅಜೇಯ 69 ರನ್ ಗಳಿಸಿದರು. ಅವರ ಇನ್ನಿಂಗ್ಸ್ 8 ಬೌಂಡರಿಗಳು ಮತ್ತು 3 ಸಿಕ್ಸರ್​​​ಳನ್ನು ಒಳಗೊಂಡಿತ್ತು. ಡೆಲ್ಲಿ 20 ಓವರ್​​ಗೆ 4 ವಿಕೆಟ್ ಕಳೆದುಕೊಂಡು 192 ರನ್ ಕಲೆಹಾಕಿತು. 

ಇದಕ್ಕೆ ಉತ್ತರವಾಗಿ ಮುಂಬೈ ಆರಂಭದಿಂದಲೂ ಅಸ್ಥಿರವಾಗಿತ್ತು. ಯಸ್ತಿಕಾ ಭಾಟಿಯಾ ಕೇವಲ 6 ರನ್, ನಟಾಲಿ ಸ್ಕಿವರ್ 5 ರನ್ ಗಳಿಸಿ ಔಟಾದರು. ಹರ್ಮನ್ ಕೂಡ ವಿಫಲರಾದರು. ಅವರು 6 ರನ್ ಗಳಿಸಿ ಔಟಾದರು. ಮುಂಬೈ 29 ರನ್ ಗಳಿಗೆ 3 ವಿಕೆಟ್ ಕಳೆದುಕೊಂಡಿತು. ಅಮನ್ಜೋತ್ ಕೌರ್ ಮಾತ್ರ ಸ್ವಲ್ಪ ಹೆಣಗಾಡಿದರು. ಅವರು 27 ಎಸೆತಗಳಲ್ಲಿ42 ರನ್​​ಗಳ ಇನ್ನಿಂಗ್ಸ್ ಆಡಿದರು. = ಸಂಜಿಬೊನ್ ಸಜ್ನಾ 14 ಎಸೆತಗಳಲ್ಲಿ ಅಜೇಯ 24 ರನ್ ಗಳಿಸಿದರು. ಹೇಲಿ ಮ್ಯಾಥ್ಯೂಸ್ 17 ಎಸೆತಗಳಲ್ಲಿ 29 ರನ್ ಸಿಡಿಸಿ ಔಟಾದರು. ಅಮೆಲಿಯಾ ಕೆರ್ ಮತ್ತು ಪೂಜಾ ವಸ್ತ್ರಾಕರ್ ತಲಾ 17 ರನ್ ಗಳಿಸಿದರು. ಅಂತಿಮವಾಗಿ ಮುಂಬೈ 20 ಓವರ್​​​ಗೆ 8 ವಿಕೆಟ್ ನಷ್ಟಕ್ಕೆ 163 ರನ್ ಕಲೆಹಾಕಿತು.

ಈ ಪಂದ್ಯವನ್ನು ಡೆಲ್ಲಿ 29 ರನ್ ಗಳಿಂದ ಗೆದ್ದುಕೊಂಡಿತು. ಡಿಸಿ ಪರ ಜೆಸ್ ಜೊನಾಸೆನ್ 3 ವಿಕೆಟ್ ಪಡೆದರು. ಮರಿಜಾನೆ ಕಾಪ್ 2 ವಿಕೆಟ್ ಪಡೆದರು. ಏತನ್ಮಧ್ಯೆ, ಡೆಲ್ಲಿ ಕ್ಯಾಪಿಟಲ್ಸ್, ಮುಂಬೈ ಇಂಡಿಯನ್ಸ್ ವಿರುದ್ಧದ ಗೆಲುವಿನೊಂದಿಗೆ ಪಾಯಿಂಟ್ಸ್ ಟೇಬಲ್​​ನಲ್ಲಿ ಅಗ್ರಸ್ಥಾನವನ್ನು ಭದ್ರಪಡಿಸಿಕೊಂಡಿತು. ಹಾರ್ಮನ್ ಗಳು ಮೂರಕ್ಕೆ ಇಳಿದರೆ,. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎರಡನೇ ಸ್ಥಾನದಲ್ಲಿದೆ.  

ಕ್ಷಣಕ್ಷಣದ ಅಪ್ಡೇಟ್ಸ್​​ಗಾಗಿ ಹಿಂದೂಸ್ತಾನ್ ಕನ್ನಡ ಓದಿ.