ಮಲ್ಲಿ ಮೋಹಿನಿ ಕಾಟಕ್ಕೆ ದಿಯಾ ವಿಲವಿಲ, ಅಕ್ರಮ ಸಂಬಂಧ ಮಾಡಿದವಳ ಬೆವರಿಳಿಸಿದ ಜೈದೇವ್‌ ಪತ್ನಿ- ಅಮೃತಧಾರೆ ಇಂದಿನ ಸ್ಟೋರಿ
ಜೀ ಕನ್ನಡದ ಅಮೃತಧಾರೆ ಧಾರಾವಾಹಿಯ ಇಂದಿನ ಸಂಚಿಕೆಯಲ್ಲಿ ಮಲ್ಲಿಯ ಮೋಹಿನಿ ಅವತಾರ ಇರಲಿದೆ. ಹೌದು, ಜೀ ಕನ್ನಡ ವಾಹಿನಿಯು ಬಿಡುಗಡೆ ಮಾಡಿದ ಪ್ರೊಮೊದಲ್ಲಿ ಈ ಕುರಿತ ಝಲಕ್‌ ಇದೆ. ಮಲ್ಲಿಯ ಕಾಟಕ್ಕೆ ದಿಯಾ ವಿಲವಿಲ ಒದ್ದಾಡಿದ್ದಾಳೆ.
(1 / 12)
ಅಮೃತಧಾರೆ ಧಾರಾವಾಹಿಯ ಇಂದಿನ ಕಥೆ: ಜೈದೇವ್‌ ಮತ್ತು ದಿಯಾ ಮನೆಯಲ್ಲಿದ್ದಾರೆ. ಮನೆಯಿಂದ ಎಲ್ಲರೂ ಹೊರಗೆ ಹೋಗಿರುವುದನ್ನು ಬಳಸಿರುವ ಜೈದೇವ ತನ್ನ ಮನೆಗೆ ದಿಯಾಳನ್ನು ಕರೆಸಿಕೊಂಡಿದ್ದಾನೆ. ದಿಯಾಳ ಜತೆ ಚಕ್ಕಂದ ಆಡಲು ಮೋಹಿನಿ ಕಾಟ ಅಡ್ಡಿಪಡಿಸುತ್ತಿದೆ.
(2 / 12)
ಒಂದೆಡೆ ಗೌತಮ್‌ ದಿವಾನ್‌ ಮತ್ತು ಭೂಮಿಕಾ ಕನಕದುರ್ಗಾ ಗೆಸ್ಟ್‌ ಹೌಸ್‌ಗೆ ಹೋಗಿದ್ದಾರೆ. ಪಂಕಜಾಳ ರಹಸ್ಯ ತಿಳಿಯಲು ನಂಜಮ್ಮಳನ್ನು ಹುಡುಕಿಕೊಂಡು ಭೂಮಿಕಾ ಅಲ್ಲಿಗೆ ಹೋಗಿದ್ದಾರೆ. ಉಪಾಯವಾಗಿ ಅಲ್ಲಿಗೆ ಗೌತಮ್‌ ಕೂಡ ಬರುವಂತೆ ಮಾಡಿದ್ದಾರೆ ಭೂಮಿಕಾ ಮತ್ತು ಆನಂದ್.
(3 / 12)
ಶಕುಂತಲಾ ದೇವಿ ಮತ್ತು ಲಕ್ಕಿ ಲಕ್ಷ್ಮಿಕಾಂತ್‌ ಕೂಡ ಹೊರಗೆ ಹೋಗಿದ್ದಾರೆ. ಈ ಸಮಯದಲ್ಲಿ ಮಲ್ಲಿಯನ್ನೂ ಹೊರಗೆ ಕಳುಹಿಸಿದ್ದಾನೆ ಜೈದೇವ್‌. ಜೈದೇವನ ಬುದ್ದಿ ಗೊತ್ತಿರುವ ಮಲ್ಲಿ ವಾಪಸ್‌ ಬಂದಿದ್ದಾಳೆ.
(4 / 12)
ಜೈದೇವ್‌ ಮತ್ತು ದಿಯಾ ಮನೆಯೊಳಗಿನ ಜೋಕಾಲಿಯಲ್ಲಿ ಕುಳಿತಿದ್ದಾರೆ. ಆಗ ಜೈದೇವ್‌ಗೆ ಯಾಕೋ ಮಾಯಿಶ್ಚರ್‌ ಕ್ರೀಮ್‌ ಹಚ್ಚಬೇಕೆನಿಸಿದೆ. ಈಗ ಕ್ರೀಮ್‌ ತರುವೆ ಎಂದು ಹೋಗಿದ್ದಾನೆ.
(5 / 12)
ಆಗ ಅಲ್ಲಿಗೆ ಎಂಟ್ರಿ ನೀಡಿದ ಮಲ್ಲಿ ಹಿಂದಿನಿಂದ ಜೋರಾಗಿ ಜೋಕಾಲಿ ತಳ್ಳಿದ್ದಾಳೆ. ಹೋಗ್ತಿನಿ ಅಂದವ ಇಷ್ಟು ಬೇಗ ಬಂದೆಯ ಜೈ, ಇಷ್ಟು ಜೋರು ತಳ್ಳಬೇಡ ಜೈ ಎಂದು ಹಿಂದುರುಗಿ ನೋಡಿದಾಗ ಅಲ್ಲಿ ಯಾರೂ ಇರುವುದಿಲ್ಲ.
(6 / 12)
ದಿಯಾಳಿಗೆ ನಿಜಕ್ಕೂ ಭಯವಾಗುತ್ತದೆ. ಈ ಮನೆಯಲ್ಲಿ ಭೂತ ಪ್ರೇತ ಪಿಶಾಚಿ ಇದೆಯೇ ಎಂದು ಭಯಗೊಳ್ಳುತ್ತಾಳೆ.
(7 / 12)
ಆಗ ನಿಜಕ್ಕೂ ದೆವ್ವದ ವೇಷದಲ್ಲಿ ಮಲ್ಲಿ ಎಂಟ್ರಿ ನೀಡಿದ್ದಾಳೆ. ಮೆಲ್ಲಗೆ ದಿಯಾಳ ಹಿಂದೆ ನಿಂತಿದ್ದಾಳೆ. ಏನು ಜೈ ಹೀಗೆ ಹೋಗಿ ಹಾಗೆ ಬಂದ್ರಿ ಎಂದು ದಿಯಾ ಹಿಂದೆ ತಿರುಗಿ ನೋಡಿದ್ದಾಳೆ. ಅಷ್ಟೇ...
(8 / 12)
ನಿಜವಾದ ದೆವ್ವದ ರೂಪವನ್ನು ನೋಡಿ ದಿಯಾ ಕಿಟಾರನೆ ಕಿರುಚಿದ್ದಾಳೆ. ಅವಳ ಮುಂದೆ ಮಲ್ಲಿ ದೆವ್ವವಾಗಿ ನಿಂತಿದ್ದಾಳೆ. ಒಟ್ಟಾರೆ ಇಂದಿನ ಸಂಚಿಕೆ ಸಖತ್‌ ಕುತೂಹಲ ಕೆರಳಿಸಿದೆ.
(9 / 12)
ಸೋಷಿಯಲ್‌ ಮೀಡಿಯಾದಲ್ಲಿ ಈ ಪ್ರೊಮೊ ನೀಡಿ ಸೀರಿಯಲ್‌ ವೀಕ್ಷಕರು ಖುಷಿಗೊಂಡಿದ್ದಾರೆ. ಸರಿಯಾಗಿ ಬುದ್ದಿ ಕಲಿಸು ಮಲ್ಲಿ ಎಂದು ಹುರಿದುಂಬಿಸಿದ್ದಾರೆ.
(10 / 12)
"ಮಲ್ಲಿ ನಿನ್ನ ಧೈರ್ಯ ಮೆಚ್ಚಲೇಬೇಕು ಮನೇಲಿ ಯಾರೂ ಇಲ್ದೆ ಇರುವಾಗ ಈ ತರ ಎಲ್ಲಾ ಮಾಡೋದು ಬೇಕಾ???ಏನಾದ್ರೂ ಗೊತ್ತಗಿ ಸಿಕ್ಕಿಬಿದ್ದರೆ ಅಲ್ಲೇ ಇಬ್ಬರೂ ಸೇರಿ ಗೋರಿ ಕಟ್ಟುತ್ತಾರೆ ನಿನಗೆ " ಎಂದು ಕೆಲವರು ಕಾಮೆಂಟ್‌ನಲ್ಲಿ ಎಚ್ಚರಿಸಿದ್ದಾರೆ.
(11 / 12)
ಕಳೆದ ಕೆಲವು ದಿನಗಳ ಹಿಂದೆ ಏಕತಾನತೆಯಿಂದ ಬಳಲುತ್ತಿದ್ದ ಸೀರಿಯಲ್‌ನಲ್ಲಿ ನಿರ್ದೇಶಕರು ದೆವ್ವದ ಆಟ ಆಡಿಸಿ ಕುತೂಹಲ ಕೆರಳಿಸುತ್ತಿದ್ದಾರೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಜನರು ಕಾಮೆಂಟ್‌ ಮಾಡುತ್ತಿದ್ದಾರೆ.
(12 / 12)
ಇನ್ನೊಂದೆಡೆ ನಿನ್ನೆ ಭೂಮಿಕಾ ಮತ್ತು ಆನಂದ್ ರಾತ್ರಿ ಎಲ್ಲಿಗೆ ಹೋಗಿದ್ರಿ ಎಂದು ಗೌತಮ್‌ ಕೇಳುತ್ತಾರೆ. ಭೂಮಿಕಾ ಗೌತಮ್‌ಗೆ ಪಂಕಜಾಳ ರಹಸ್ಯ ಹೇಳುತ್ತಾರ? ಕಾದು ನೋಡಬೇಕಿದೆ.
Praveen Chandra B
ಇತರ ಗ್ಯಾಲರಿಗಳು