ಸೀತಾ ರಾಮ ಧಾರಾವಾಹಿಯಲ್ಲಿ ಸಿಹಿ ಇಲ್ಲದ ಮೇಲೆ.. ಪುಟಾಣಿ ಜತೆಗಿನ ಫೋಟೋ ಹಂಚಿಕೊಂಡ ವೈಷ್ಣವಿ ಗೌಡ

ಸೀತಾ ರಾಮ ಸೀರಿಯಲ್‌ನಲ್ಲಿ ಸಿಹಿಯ ಅಕಾಲಿಕ ಸಾವು ಕಥೆ ದಿಕ್ಕನ್ನೇ ಬದಲಿಸಿದೆ. ಅನಿರೀಕ್ಷಿತ ತಿರುವಿನೆಡೆಗೆ ಈ ಧಾರಾವಾಹಿ ಸಾಗುತ್ತಿದ್ದು, ರೋಚಕತೆ ಮೂಡಿಸುತ್ತಿದೆ. 

ಈ ನಡುವೆ ಸಿಹಿ ಇಲ್ಲದಿರುವುದು ವೀಕ್ಷಕ ವಲಯದಿಂದಲೂ ಬೇಸರದ ಕಾರ್ಮೋಡ ಆವರಿಸಿದೆ. ಸಿಹಿ ಇಲ್ಲದಿದ್ದರೆ ನಾವು ಧಾರಾವಾಹಿ ವೀಕ್ಷಿಸುವುದಿಲ್ಲ ಎನ್ನುತ್ತಿದ್ದಾರೆ. 

ಈ ನಡುವೆ ಭಾರ್ಗವಿ ತನ್ನ ಹಗೆತನ ಸಾಧಿಸಲು ಪುಟ್ಟ ಜೀವದ ಬಲಿ ಪಡೆದಿದ್ದಾಳೆ. ಇತ್ತ ಸಿಹಿ ಇಲ್ಲದೇ ಸೀತಾ ಮಾನಸಿಕವಾಗಿ ಕುಗ್ಗಿದ್ದಾಳೆ. ರಾಮ್‌ಗೆ ದಿಕ್ಕು ತೋಚದಂತಾಗಿದೆ. 

ಸೀರಿಯಲ್‌ನಲ್ಲಿ ಈ ಸಾವು ತಂದ ನೋವು ಅಷ್ಟಿಷ್ಟಲ್ಲ. ವೀಕ್ಷಕರಿಗೂ ಮನೆಯ ಪುಟಾಣಿ ಕಂದ ಇಲ್ಲದ ಭಾವ ಕಾಡುತ್ತಿದೆ. ಹೀಗಿರುವಾಗಲೇ ಸೀತಾ ಖ್ಯಾತಿಯ ವೈಷ್ಣವಿ ಗೌಡ ಇದೇ ಪುಟಾಣಿ ಜತೆಗಿನ ಫೋಟೋಗಳನ್ನು ಶೇರ್‌ ಮಾಡಿಕೊಂಡಿದ್ದಾರೆ.

ಈ ಮುದ್ದಾದ ಮುಖವನ್ನು ನೀವೆಷ್ಟು ಮಿಸ್‌ ಮಾಡಿಕೊಳ್ಳುತ್ತಿದ್ದೀರಿ ಎಂದು ಕ್ಯಾಪ್ಶನ್‌ ನೀಡಿದ್ದಾರೆ ವೈಷ್ಣವಿ. ನಟಿಯ ಈ ಪೋಸ್ಟ್‌ಗೆ ಬಹುತೇಕರು ಇನ್ಮೇಲೆ ಈ ಸೀರಿಯಲ್‌ ನೋಡಲ್ಲ ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.