Pak vs Afg: ಪಾಕಿಸ್ತಾನ ವಿರುದ್ಧ ಆಫ್ಘನ್ಗೆ ಐತಿಹಾಸಿಕ ಗೆಲುವು
ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನ ತಂಡಗಳ ನಡುವೆ ಮೊದಲ ಟಿ20 ಪಂದ್ಯ, ಮಾರ್ಚ್ 24ರಂದು ನಡೆಯಿತು. ಈ ಪಂದ್ಯದಲ್ಲಿ ಅಫ್ಘಾನಿಸ್ತಾನ 6 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು. ಆ ಮೂಲಕ ಸರಣಿಯಲ್ಲಿ 1-0 ಅಂತರದಲ್ಲಿ ಮುನ್ನಡೆ ಸಾಧಿಸಿತು. ಆದರೆ ಅಫ್ಘಾನ್ನ ಈ ಗೆಲುವು ಚರಿತ್ರೆಯ ಪುಟಗಳಲ್ಲಿ ಸೇರಿದೆ. ಟಿ20 ಕ್ರಿಕೆಟ್ನಲ್ಲಿ ಮೊದಲ ಬಾರಿಗೆ ಪಾಕ್ ವಿರುದ್ಧ ಗೆದ್ದಿದೆ.
(1 / 6)
ಅಫ್ಘಾನಿಸ್ತಾನ ಕ್ರಿಕೆಟ್ ತಂಡವು ಹೊಸ ಮೈಲಿಗಲ್ಲು ತಲುಪಿದೆ. ಪಾಕಿಸ್ತಾನ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಈ ಸಾಧನೆ ಮಾಡಿದೆ. ಅಂತಾರಾಷ್ಟ್ರೀಯ ಇದೇ ಮೊದಲ ಬಾರಿಗೆ ಪಾಕಿಸ್ತಾನ ಎದುರು ಗೆದ್ದು ಚರಿತ್ರೆ ಸೃಷ್ಟಿಸಿದೆ. ಮಾರ್ಚ್ 24 ಅಫ್ಘಾನಿಸ್ತಾನ ಪಾಲಿಗೆ ಅವಿಸ್ಮರಣೀಯ ದಿನ.!( Afghanistan Cricket Board/Twitter)
(2 / 6)
ಯುಎಇ ಶಾರ್ಜಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕಿಸ್ತಾನ ಮೊದಲು ಬ್ಯಾಟಿಂಗ್ ನಡೆಸಿತು. ಆಫ್ಘಾನಿಸ್ತಾನ ಬೌಲರ್ಗಳ ಮಾರಕ ದಾಳಿಗೆ ನಡುಗಿದ ಪಾಕ್, 20 ಓವರ್ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 92 ರನ್ ಗಳಿಸಲಷ್ಟೇ ಶಕ್ತವಾಯಿತು.(Afghanistan Cricket Board/Twitter)
(3 / 6)
ಪಾಕಿಸ್ತಾನ ಬ್ಯಾಟರ್ಗಳು ವೈಫಲ್ಯ ಅನುಭವಿಸಿದರೆ, ಆಫ್ಘನ್ ಬೌಲರ್ಗಳು ದರ್ಬಾರ್ ನಡೆಸಿದರು. ಫಜಲ್ಹಕ್ ಫಾರೂಕಿ, ಮುಜೀಬ್, ಮೊಹಮ್ಮದ್ ನಬಿ ತಲಾ 2 ವಿಕೆಟ್ ಪಡೆದು ಮಿಂಚಿದರು. ಅಜ್ಮತುಲ್ಲಾ ಒಮರ್ಜಾಯ್, ರಶೀದ್ ಖಾನ್, ನವೀನ್ ಉಲ್ ಹಕ್ ತಲಾ 1 ವಿಕೆಟ್ ಪಡೆದರು.(Afghanistan Cricket Board/Twitter)
(4 / 6)
ಪಾಕಿಸ್ತಾನ ನೀಡಿದ ಸಾಧಾರಣ ಗುರಿ ಬೆನ್ನತ್ತಿದ ಆಫ್ಘಾನಿಸ್ತಾನ ಆರಂಭದಲ್ಲೇ ಮೊದಲ ಮೂರು ವಿಕೆಟ್ ಕಳೆದುಕೊಂಡಿತು. ಬಳಿಕ ಮಾಜಿ ನಾಯಕ ಮೊಹಮ್ಮದ್ ನಬಿ, ಜವಾಬ್ದಾರಿಯುತ ಇನ್ನಿಂಗ್ಸ್ ಕಟ್ಟಿ ಪಂದ್ಯಕ್ಕೆ ಗೆಲುವಿನ ಮಾಲೆ ತೊಡಿಸಿದರು. ಆ ಮೂಲಕ 3 ಪಂದ್ಯಗಳ ಟಿ20 ಸರಣಿಯಲ್ಲಿ ಆಫ್ಘನ್ 1-0ರಲ್ಲಿ ಸರಣಿ ಮುನ್ನಡೆ ಪಡೆದಿದೆ.(Afghanistan Cricket Board/Twitter)
(5 / 6)
ಪಾಕಿಸ್ತಾನ ತಂಡವು ಹಿರಿಯ ಆಟಗಾರರಿಗೆ ವಿಶ್ರಾಂತಿ ನೀಡಿದೆ. ಕಾರಣ, ಯುವ ಆಟಗಾರರೇ ಆಫ್ಘಾನಿಸ್ತಾನ ಸರಣಿಗೆ ಆಯ್ಕೆಯಾಗಿದ್ದಾರೆ. ಬಾಬರ್ ಅಜಮ್, ಮೊಹಮ್ಮದ್ ರಿಜ್ವಾನ್, ಶಾನ್ ಮಸೂದ್, ಶಾಹೀನ್ ಶಾ ಅಫ್ರೀದಿ ಸೇರಿದಂತೆ ಪ್ರಮುಖರಿಗೆ ರೆಸ್ಟ್ ನೀಡಲಾಗಿದೆ. ಶದಾಬ್ ಖಾನ್ ನಾಯಕತ್ವ ವಹಿಸಿಕೊಂಡಿದ್ದಾರೆ.(Afghanistan Cricket Board/Twitter)
(6 / 6)
ಪಾಕಿಸ್ತಾನ ತಂಡವನ್ನು ಶದಾಬ್ ಖಾನ್ ಮುನ್ನಡೆಸಿದರೆ, ಆಫ್ಘಾನಿಸ್ತಾನ ತಂಡಕ್ಕೆ ರಶೀದ್ ಖಾನ್ ನಾಯಕತ್ವ ವಹಿಸಿಕೊಂಡಿದ್ದರು. ನವೆಂಬರ್ನಲ್ಲಿ ಟಿ20 ವಿಶ್ವಕಪ್ನ ನಂತರ ಮೊಹಮ್ಮದ್ ನಬಿ ನಾಯಕತ್ವದಿಂದ ಕೆಳಗಿಳಿದಿದ್ದರು. ಆಗ ರಶೀದ್ಗೆ ಪಟ್ಟ ಕಟ್ಟಲಾಗಿತ್ತು. ಇದೀಗ ರಶೀದ್, ಪಾಕಿಸ್ತಾನ ತಂಡವನ್ನು ಸೋಲಿಸಿದ ಆಫ್ಘನ್ನ ಮೊದಲ ನಾಯಕ ಎಂಬ ದಾಖಲೆಗೆ ಒಳಗಾಗಿದ್ದಾರೆ.(Afghanistan Cricket Board/Twitter)
ಇತರ ಗ್ಯಾಲರಿಗಳು