Clarke on Hazlewood: ದೇಶಕ್ಕಿಂತ ಐಪಿಎಲ್ನಲ್ಲಿ ಸಿಗುವ ದುಡ್ಡೇ ಮುಖ್ಯವಾಯ್ತಾ; ಆರ್ಸಿಬಿ ಆಟಗಾರನ ವಿರುದ್ಧ ಆಸಿಸ್ ಮಾಜಿ ಕ್ರಿಕೆಟಿಗ ಕಿಡಿ
ಜೂನ್ ತಿಂಗಳಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡವು, ಪ್ರಮುಖ ಸರಣಿಗಳನ್ನು ಆಡಲಿದೆ. ಜೂನ್ 7ರಿಂದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ಎದುರಿನ ಆ್ಯಷಸ್ ಸರಣಿ ಆಡಲಿದೆ. ಆಸ್ಟ್ರೇಲಿಯಾದ ಆಟಗಾರರು ಕೂಡ ಈ ಪ್ರತಿಷ್ಠಿತ ಟೆಸ್ಟ್ ಸರಣಿಗಳಿಗಾಗಿ ಭರ್ಜರಿ ಸಿದ್ಧತೆ ನಡೆಸುತ್ತಿದ್ದಾರೆ.
ಬಿಸಿಸಿಐ (BCCI) ಕನಸಿನ ಕೂಸು ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (Indian Premier League) ಕಣಕ್ಕಿಳಿಯುವುದು ವಿಶ್ವದ ಎಲ್ಲಾ ಕ್ರಿಕೆಟಿಗರ ಕನಸು. ದೇಶ-ವಿದೇಶ ಆಟಗಾರರಿಗೆ ಒಮ್ಮೆ ಈ ಲೀಗ್ ಆಡಿದರೆ ಸಾಕು ಎನ್ನುವ ರೀತಿ ಕಾಯುತ್ತಿದ್ದಾರೆ. ಹಾಗಾಗಿ ಬೇರೆ ಬೇರೆ ಕ್ರಿಕೆಟ್ ಮಂಡಳಿಗಳ ಆಟಗಾರರು ಐಪಿಎಲ್ ಅನ್ನು ವಿರೋಧಿಸಿದ್ದೂ ಇದೆ.
ಜಗತ್ತಿನ ಅತ್ಯಂತ ಶ್ರೀಮಂತ ಕ್ರಿಕೆಟ್ ಲೀಗ್ ಐಪಿಎಲ್ (IPL 2023).. ಇಷ್ಟೊಂದು ಜನಪ್ರಿಯತೆ ಪಡೆದಿರುವ ಈ ಲೀಗ್ನಲ್ಲಿ ಒಮ್ಮೆಯಾದರೂ ಆಡಬೇಕು ಎನ್ನುವುದು ಪ್ರತಿಯೊಬ್ಬ ಕ್ರಿಕೆಟಿಗನ ಆಸೆ. ಈ ಎರಡು ತಿಂಗಳ ಹಬ್ಬದಲ್ಲಿ ಐಸಿಸಿ ಟೂರ್ನಮೆಂಟ್ಗಳು (ICC Tournaments) ನಡೆಯುವುದಿಲ್ಲ ಎಂಬುದು ವಿಶೇಷ.
ಇದೀಗ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಮೈಕಲ್ ಕ್ಲಾರ್ಕ್ (Australia Former Cricketer Michael Clarke) ತಮ್ಮ ದೇಶದ ಆಟಗಾರನೊಬ್ಬನನ್ನು, ದೇಶಕ್ಕಿಂತ ದುಡ್ಡೇ ಮುಖ್ಯವಾಯ್ತಾ ಎಂದು ಪ್ರಶ್ನಿಸಿದ್ದಾರೆ. ಎಲ್ಲಾ ಕ್ರಿಕೆಟಿಗರಂತೆ ಆಸ್ಟ್ರೇಲಿಯಾ ಕ್ರಿಕೆಟಿಗರು (Australia Cricketer) ಸಹ ಐಪಿಎಲ್ನ ಭಾಗವಾಗಿದ್ದಾರೆ.
ಮಿಲಿಯನ್ ಡಾಲರ್ ಟೂರ್ನಿ ಆಡ್ತಿರುವ ಆಸ್ಟ್ರೇಲಿಯಾ ಆಟಗಾರ ಮೇಲೆ ಕಿಡಿ ಕಾರಿದ ಮೈಕಲ್ ಕ್ಲಾರ್ಕ್, ದೇಶದ ಅಭಿಮಾನಕ್ಕಿಂತ ಐಪಿಎಲ್ನ ಹಣವೇ ಮುಖ್ಯವಾಯ್ತಾ ಎಂದು ಪ್ರಶ್ನಿಸಿದ್ದಾರೆ. ಹೇಜಲ್ವುಡ್, ಕ್ಯಾಮರೂನ್ ಗ್ರೀನ್ ಮತ್ತು ಡೇವಿಡ್ ವಾರ್ನರ್ ಕೂಡ ಐಪಿಎಲ್ ಆಡುತ್ತಿರುವುದು ಬೇಸರದ ಸಂಗತಿ ಎಂದು ಹೇಳಿದ್ದಾರೆ.
ಆಸ್ಟ್ರೇಲಿಯಾಗೆ ಮುಂದಿನ ತಿಂಗಳಿಂದ ಪ್ರಮುಖ 2 ಸವಾಲುಗಳಿವೆ. ಭಾರತದ ಎದುರು ಜೂನ್ 7ರಿಂದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ (ICC World Test Championship Final 2023) ಪಂದ್ಯದಲ್ಲಿ ನಡೆಯಲಿದೆ. ಫೈನಲ್ ಬಳಿಕ ಇಂಗ್ಲೆಂಡ್ ವಿರುದ್ಧ ಆ್ಯಶಸ್ ಸರಣಿಯನ್ನು (Aus vs Eng Ashes Series 2023) ಆಡಲಿದೆ.
ಪ್ರತಿಷ್ಠಿತ ಆ್ಯಷಸ್ ಸಿರೀಸ್ ಆಸ್ಟ್ರೇಲಿಯಾಗೆ ಒಂದು ವಿಶ್ವಕಪ್ಗೆ ಸಮ. ಹಾಗಾಗಿ ಆಸ್ಟ್ರೇಲಿಯಾ ಆಟಗಾರರು, ಈಗಿನಿಂದಲೇ ಸಮರಾಭ್ಯಾಸದಲ್ಲಿ ತೊಡಗಿದ್ದಾರೆ. ಪ್ಯಾಟ್ ಕಮಿನ್ಸ್, ಸ್ಟೀವ್ ಸ್ಮಿತ್, ಟ್ರಾವಿಸ್ ಹೆಡ್, ಉಸ್ಮಾನ್ ಖವಾಜ ಸೇರಿದಂತೆ ಪ್ರಮುಖ ಆಟಗಾರರು ಸತತ ಪರಿಶ್ರಮ ಹಾಕುತ್ತಿದ್ದಾರೆ.
ಆಸಿಸ್ ಕೆಲ ಆಟಗಾರರು ಸದ್ಯ ಐಪಿಎಲ್ ನಲ್ಲಿ ಆಡುತ್ತಿರುವುದಕ್ಕೆ ಆಸ್ಟ್ರೇಲಿಯಾದ ದಿಗ್ಗಜ ಕ್ರಿಕೆಟಿಗ ಮೈಕಲ್ ಕ್ಲಾರ್ಕ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವೇಗಿ ಜೋಶ್ ಹೇಜಲ್ವುಡ್ ಐಪಿಎಲ್ನಲ್ಲಿ ಏಕೆ ಆಡ್ತಿದ್ದಾರೆ ಎಂಬುದು ನನಗೆ ಅರ್ಥವಾಗ್ತಿಲ್ಲ ಎಂದು ಕ್ಲಾರ್ಕ್ ಕಿಡಿ ಕಾರಿದ್ದಾರೆ.
ಡಬ್ಲ್ಯುಟಿಸಿ ಫೈನಲ್, ಆ್ಯಶಸ್ ಸರಣಿಗಾಗಿ ಆಸೀಸ್ ಆಟಗಾರರೆಲ್ಲಾ ತಯಾರಿ ನಡೆಸುತ್ತಿದ್ದಾರೆ. ಆದರೆ ಹೇಜಲ್ವುಡ್ ಮಾತ್ರ ಐಪಿಎಲ್ ಆಡುವುದನ್ನು ತಪ್ಪಿಸಿಕೊಳ್ಳುತ್ತಿಲ್ಲ. ಜೋಶ್ ಹೇಜಲ್ವುಡ್ ಅವರು ಬಿಸಿಸಿಐಗೆ ಐಪಿಎಲ್ ಆಡಲ್ಲ ಎನ್ನುವ ಧೈರ್ಯ ಇಲ್ಲದ ಕಾರಣ ಆಡುತ್ತಿದ್ದಾರೆ ಎನ್ನುತ್ತಾರೆ ಕ್ಲಾರ್ಕ್
ಐಪಿಎಲ್ ಆಟಗಾರರಿಗಿಂತಲೂ ಹೆಚ್ಚಿನದಾಗಿ ಹೇಜಲ್ವುಡ್ ಬೌಲಿಂಗ್ ಮಾಡುತ್ತಿದ್ದಾರೆ. ಮೂರು, ನಾಲ್ಕು ಓವರ್ಗಳು ಮಾಡಿದರೆ, ಬೌಲಿಂಗ್ ಅಭ್ಯಾಸ ಆಗುವುದಿಲ್ಲ. ಇಂಜುರಿ ಬಳಿಕ ಫಿಟ್ ಆಗದಿದ್ದರೂ ಕಣಕ್ಕಿಳಿದಿದ್ದಾರೆ. ಮತ್ತೆ ಗಾಯದ ಸಮಸ್ಯೆಗೆ ತುತ್ತಾದರೆ, ದೇಶದ ಪರ ಯಾರು ಆಡುತ್ತಾರೆ ಎಂದು ಕೇಳಿದ್ದಾರೆ.