ಕನ್ನಡ ಸುದ್ದಿ  /  ಕ್ರೀಡೆ  /  Kohli In Ctr Hotel: ಬೆಂಗಳೂರಿನ ಮಲ್ಲೇಶ್ವರಂ ಸಿಟಿಆರ್‌ ಹೋಟೆಲ್​​ನಲ್ಲಿ ಮಸಾಲೆದೋಸೆ ಸವಿದ ವಿರಾಟ್​ ಕೊಹ್ಲಿ-ಅನುಷ್ಕಾ ಶರ್ಮಾ, ವಿಡಿಯೋ ನೋಡಿ

Kohli in CTR Hotel: ಬೆಂಗಳೂರಿನ ಮಲ್ಲೇಶ್ವರಂ ಸಿಟಿಆರ್‌ ಹೋಟೆಲ್​​ನಲ್ಲಿ ಮಸಾಲೆದೋಸೆ ಸವಿದ ವಿರಾಟ್​ ಕೊಹ್ಲಿ-ಅನುಷ್ಕಾ ಶರ್ಮಾ, ವಿಡಿಯೋ ನೋಡಿ

ಬೆಂಗಳೂರಿನ ಹೆಸರಾಂತ ಮಲ್ಲೇಶ್ವರಂನ ಸಿಟಿಆರ್ ಹೋಟೆಲ್​​​ನಲ್ಲಿ ಆರ್​​ಸಿಬಿ ತಂಡದ ಬ್ಯಾಟ್ಸ್​ಮನ್​ ವಿರಾಟ್​ ಕೊಹ್ಲಿ ಮತ್ತು ಪತ್ನಿ ಅನುಷ್ಕಾ ಶರ್ಮಾ​​ ಮಸಾಲೆ ದೋಸೆ (CTR Hotel Masala Dosa) ಸವಿದು ಗಮನ ಸೆಳೆದಿದ್ದಾರೆ.

ಹೋಟೆಲ್​ನಿಂದ ಹೊರಬರುತ್ತಿರುವ ವಿರಾಟ್​  ಕೊಹ್ಲಿ ಮತ್ತು ಪತ್ನಿ ಅನುಷ್ಕಾ ಶರ್ಮಾ.
ಹೋಟೆಲ್​ನಿಂದ ಹೊರಬರುತ್ತಿರುವ ವಿರಾಟ್​ ಕೊಹ್ಲಿ ಮತ್ತು ಪತ್ನಿ ಅನುಷ್ಕಾ ಶರ್ಮಾ.

16ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ನಲ್ಲಿ (Indian Premier League) ಧಮಾಕ ಸೃಷ್ಟಿಸುತ್ತಿರುವ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (Royal Challengers Bangalore) ತಂಡದ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ (Virat Kohli) ಮತ್ತು ಪತ್ನಿ ಅನುಷ್ಕಾ ಶರ್ಮಾ (Anushka Sharma) ಅವರು ಬೆಂಗಳೂರಿನ ವಿಶೇಷ ಸ್ಥಳವೊಂದಕ್ಕೆ ಭೇಟಿ ನೀಡಿದ್ದಾರೆ. ಚಿನ್ನಸ್ವಾಮಿ ಮೈದಾನದಲ್ಲಿ (Chinnaswamy Stadium) ರಾಜಸ್ಥಾನ್​ ರಾಯಲ್ಸ್​ (Rajasthan Royals) ಎದುರಿನ ಪಂದ್ಯಕ್ಕೂ ಮುನ್ನಾ ದಿನ ಈ ಸ್ಟಾರ್​ ದಂಪತಿ ಇಂದು ಬೆಳಗ್ಗೆ ಹೆಸರಾಂತ ಮಲ್ಲೇಶ್ವರಂನ ಸಿಟಿಆರ್ ಹೋಟೆಲ್​​​ನಲ್ಲಿ​​ ಮಸಾಲೆ ದೋಸೆ (CTR Hotel Masala Dosa) ಸವಿದು ಗಮನ ಸೆಳೆದಿದ್ದಾರೆ.

ಟ್ರೆಂಡಿಂಗ್​ ಸುದ್ದಿ

ವಿಶಿಷ್ಟ ಶೈಲಿಯ ಆಹಾರದಿಂದಲೇ ಗಮನ ಸೆಳೆದಿರುವ ಬೆಂಗಳೂರಿನ ಮಲ್ಲೇಶ್ವರಂನ 7ನೇ ಕ್ರಾಸ್​​​ನಲ್ಲಿರುವ ಸೆಂಟ್ರಲ್​ ಟಿಫನ್​ ಸೆಂಟರ್ (Shre Sagar Central Tiffin Room in Malleshwaram) ಹೋಟೆಲ್​​ ಮಸಾಲೆ ದೋಸೆಗೆ ಹೆಚ್ಚು ಪ್ರಸಿದ್ಧಿ. ಬೆಂಗಳೂರಿನ ಹಲವಾರು ಹಳೆಯ ಹೊಟೇಲ್‌ಗಳ ಪೈಕಿ ಇದು ಒಂದು. ಅತ್ಯಂತ ರುಚಿಕರ, ಆಹ್ಲಾದಕರ ದೋಸೆ ಇಲ್ಲಿ ದೊರೆಯುತ್ತದೆ. ಹೀಗಾಗಿಯೇ ಬೆಂಗಳೂರಿಗೆ ಆಗಮಿಸುವ ಗಣ್ಯರು ಈ ಹೋಟೆಲ್‌ಗೆ ತಪ್ಪದೇ ಭೇಟಿ ನೀಡುತ್ತಾರೆ.

ಇದೀಗ ಟೀಮ್​ ಇಂಡಿಯಾ ಮಾಜಿ ನಾಯಕ ವಿರಾಟ್​​ ಕೊಹ್ಲಿ ಅವರ ಪತ್ನಿ ಅನುಷ್ಕಾ ಶರ್ಮಾ ಅವರೊಂದಿಗೆ ಭೇಟಿ ನೀಡಿ ಮಸಾಲೆ ದೋಸೆ ಸವಿದು ಗಮನ ಸೆಳೆದಿದ್ದಾರೆ. ಈ ವಿಡಿಯೋ ಇದೀಗ ಸಖತ್​​ ವೈರಲ್​ ಆಗುತ್ತಿದೆ. ಮಸಾಲೆ ದೋಸೆ ಸವಿಯಲು ಸಿಟಿಆರ್​​ ಹೋಟೆಲ್​ಗೆ ಬಂದಿದ್ದ ಕೊಹ್ಲಿಯನ್ನು ಕಣ್ತುಂಬಿಕೊಳ್ಳಲು ಜನಸಾಗರವೇ ಹರಿದು ಬಂದಿತ್ತು. ಒಂದೇ ಒಂದು ಸೆಲ್ಫಿ ತೆಗೆದುಕೊಳ್ಳಲು ಮುಗಿ ಬಿದ್ದರು. ಆದರೆ ಭಾರಿ ಭದ್ರತೆಯಿದ್ದ ಕಾರಣ, ಅಭಿಮಾನಿಗಳಿಗೆ ನಿರಾಸೆಯಾಯಿತು.

ಆರ್​ಸಿಬಿ.. ಆರ್​​ಸಿಬಿ.. ಘೋಷಣೆ

ಕೊಹ್ಲಿ-ಅನುಷ್ಕಾ ಹೋಟೆಲ್​ನಿಂದ ಬರುವಿಕೆಗೆ ಹೊರೆಗ ಕಾಯುತ್ತಿದ್ದ ಅಭಿಮಾನಿಗಳು ವಿಡಿಯೋ, ಫೋಟೋಗೆ ತೆಗೆದುಕೊಂಡರು. ಹಾಗೆಯೇ ಇದೇ ವೇಳೆ ​ಆರ್​ಸಿಬಿ, ಆರ್​ಸಿಬಿ ಎಂದು ಕೂಗಿದರು. ಹಾಗೆಯೇ ಸ್ಟಾರ್​ ದಂಪತಿಗೆ ಜೈಕಾರ ಹಾಕಿದರು. ಅನುಷ್ಕಾ ಕಾರು ಹತ್ತುವಾಗ ಅಭಿಮಾನಿಯೊಬ್ಬರು ಸೆಲ್ಫಿಗೆ ಮುಗಿ ಬಿದ್ದರು. ಆದರೆ ಬೇಡ ಎಂದು ಕೊಹ್ಲಿ ಹೇಳಿದ್ದನ್ನು ವೈರಲ್​ ವಿಡಿಯೋದಲ್ಲಿ ಕಾಣಬಹುದು. ಪ್ರಸ್ತುತ ಐಪಿಎಲ್​​ನಲ್ಲಿ ಕೊಹ್ಲಿ 4 ಅರ್ಧಶತಕಗಳ ನೆರವಿನಿಂದ 279 ರನ್​ ಗಳಿಸಿ ಆರೆಂಜ್​ ಕ್ಯಾಪ್​ ರೇಸ್​​​ನಲ್ಲಿದ್ದಾರೆ. ಬಹಳ ದಿನಗಳ ನಂತರ ಕಳೆದ ಪಂದ್ಯದಲ್ಲಿ ಕ್ಯಾಪ್ಟನ್​ ಆಗಿದ್ದರು.

ಸಿಟಿಆರ್​ ಮಸಾಲೆ ದೋಸೆ ಮಿಸ್​ ಮಾಡಿಕೊಳ್ತಿದ್ದೇನೆ: ಎಬಿ ಡಿವಿಲಿಯರ್ಸ್

ಇತ್ತೀಚೆಗೆ ಆರ್​ಸಿಬಿ ಇನ್​ಸೈಡರ್​ ಶೋನಲ್ಲಿ ಮಾತನಾಡಿದ್ದ ಎವಿ ಡಿವಿಲಿಯರ್ಸ್​​​​​, ಮಲ್ಲೇಶ್ವರಂನ ಸಿಟಿಆರ್​ ಹೋಟೆಲ್​​​ನ ಮಸಾಲೆ ದೋಸೆ ಮಿಸ್​ ಮಾಡಿಕೊಳ್ಳುತ್ತಿರುವುದಾಗಿ ಹೇಳಿದ್ದರು. ​​ಸಿಟಿಆರ್​​ನಲ್ಲಿ ಮಸಾಲೆ ದೋಸೆ (CTR Masala Dosa) ಅಂದರೆ ಎಲ್ಲಿಲ್ಲದ ಪ್ರೀತಿ. ಆದರೆ ಅದಕ್ಕೂ ದೂರವಾಗಿದ್ದೇನೆ. ಅತ್ಯಂತ ರುಚಿಯಾಗಿರುತ್ತದೆ ಎಂದು ಎಬಿಡಿ ಹೇಳಿದ್ದರು.

ಹಾಗೆಯೇ ಮಲ್ಲೇಶ್ವರಂ ಸಾಯಿರಾಮ್​ ಚಾಟ್ಸ್​​​ನಲ್ಲಿ ಮಸಾಲೆ ಪೂರಿ (Malleshwaram Sai Ram Chats Masala Puri) ತಿನ್ನುವುದನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತೇನೆ. ಮಸಾಲೆಪೂರಿ ತುಂಬಾ ಅದ್ಭುತವಾಗಿರುತ್ತದೆ. ಜೊತೆಗೆ ಆ ರಸ್ತೆಯಲ್ಲಿ ಹೂವುಗಳ ಸುವಾಸನೆ ಇಷ್ಟ ಆಗುತ್ತದೆ. ಅಷ್ಟೇ ಅಲ್ಲ, ಜಯನಗರದ ಕೂಲ್‌ ಜಾಯಿಂಟ್‌ನಲ್ಲಿ ಲೈಮ್‌ ಜ್ಯೂಸ್‌ (Laim Juice Cool Joint in Jayanagar) ಕುಡಿಯುವುದು ಬಹಳ ಇಷ್ಟ ಎಂದು ಬೆಂಗಳೂರಿನ ನಂಟಿನ ಬಗ್ಗೆ ಮಾತನಾಡಿದ್ದಾರೆ ಆರ್​ಸಿಬಿ ಮಾಜಿ ಆಟಗಾರ.