ಕನ್ನಡ ಸುದ್ದಿ  /  ಕ್ರೀಡೆ  /  ಇಂಗ್ಲೆಂಡ್ Vs ಸ್ಪೇನ್​ ಯುರೋ ಕಪ್​ ಫೈನಲ್ ಪಂದ್ಯ; ಯಾವಾಗ ಮತ್ತು ಎಲ್ಲಿ, ಭಾರತದಲ್ಲಿ ವೀಕ್ಷಿಸುವುದೇಗೆ? ಇಲ್ಲಿದೆ ವಿವರ

ಇಂಗ್ಲೆಂಡ್ vs ಸ್ಪೇನ್​ ಯುರೋ ಕಪ್​ ಫೈನಲ್ ಪಂದ್ಯ; ಯಾವಾಗ ಮತ್ತು ಎಲ್ಲಿ, ಭಾರತದಲ್ಲಿ ವೀಕ್ಷಿಸುವುದೇಗೆ? ಇಲ್ಲಿದೆ ವಿವರ

England vs Spain: 2024ರ ಯುರೋ ಕಪ್​​ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ಮತ್ತು ಸ್ಪೇನ್ ತಂಡಗಳು ಮುಖಾಮುಖಿಯಾಗಲಿವೆ. ಈ ಪಂದ್ಯವನ್ನು ಎಲ್ಲಿ, ಯಾವಾಗ, ಎಲ್ಲಿ ವೀಕ್ಷಿಸಬೇಕು ಎಂಬುದರ ಮಾಹಿತಿ ಇಲ್ಲಿದೆ.

ಇಂಗ್ಲೆಂಡ್ vs ಸ್ಪೇನ್​ ಯುರೋ ಕಪ್​ ಫೈನಲ್ ಪಂದ್ಯ; ಯಾವಾಗ ಮತ್ತು ಎಲ್ಲಿ, ಭಾರತದಲ್ಲಿ ವೀಕ್ಷಿಸುವುದೇಗೆ? ಇಲ್ಲಿದೆ ವಿವರ
ಇಂಗ್ಲೆಂಡ್ vs ಸ್ಪೇನ್​ ಯುರೋ ಕಪ್​ ಫೈನಲ್ ಪಂದ್ಯ; ಯಾವಾಗ ಮತ್ತು ಎಲ್ಲಿ, ಭಾರತದಲ್ಲಿ ವೀಕ್ಷಿಸುವುದೇಗೆ? ಇಲ್ಲಿದೆ ವಿವರ

ಯುರೋ ಕಪ್ 2024 ಅಂತಿಮ ಘಟ್ಟಕ್ಕೆ ಬಂದು ನಿಂತಿದೆ. ಜೂನ್ 15 ರಿಂದ ಆರಂಭಗೊಂಡ ಮಹತ್ವದ ಟೂರ್ನಿ ಸರಿಯಾಗಿ ಒಂದು ತಿಂಗಳು ಅಂದರೆ ಜುಲೈ 14ಕ್ಕೆ ಮುಕ್ತಾಯಗೊಳ್ಳಲಿದೆ. ಅಂದರೆ ಶನಿವಾರ ರಾತ್ರಿ. ಆದರೆ ಭಾರತೀಯ ಕಾಲಮಾನದ ಪ್ರಕಾರ ಜುಲೈ 15ರ 12.30 (AM)ರಲ್ಲಿ ಜರುಗುವ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಇಂಗ್ಲೆಂಡ್ ಮತ್ತು ಸ್ಪೇನ್ ತಂಡಗಳು ಮುಖಾಮುಖಿಯಾಗಲಿವೆ. ಮೊದಲ ಸೆಮಿಫೈನಲ್​​ನಲ್ಲಿ ಫ್ರಾನ್ಸ್ ವಿರುದ್ಧ ಸ್ಪೇನ್​ 2-1 ಗೋಲುಗಳ ಅಂತರದಿಂದ ಗೆದ್ದು ಬೀಗಿತ್ತು. 2ನೇ ಸೆಮೀಸ್​ನಲ್ಲಿ ನೆದರ್ಲೆಂಡ್ಸ್ ಮಣಿಸಿದ ಇಂಗ್ಲೆಂಡ್ ಫೈನಲ್​ಗೇರಿದೆ.

ಯುರೋ 2024 ಫೈನಲ್ ಯಾವಾಗ?

ಯುರೋ 2024 ಫೈನಲ್ ಪಂದ್ಯ ಜುಲೈ 14, ರಾತ್ರಿ 9:00ಕ್ಕೆ ನಡೆಯಲಿದೆ. ಭಾರತೀಯ ಕಾಲಮಾನದಲ್ಲಿ ಜುಲೈ 15, 12:30 AMಗೆ ಜರುಗಲಿದೆ.

ಫೈನಲ್​ ಪಂದ್ಯ ನಡೆಯುವ ಮೈದಾನ ಯಾವುದು?

ಬರ್ಲಿನ್ ಒಲಿಂಪಿಯಾ ಸ್ಟೇಡಿಯನ್‌ನಲ್ಲಿ ಫೈನಲ್ ನಡೆಯಲಿದೆ. ಇದು ಒಟ್ಟು 74,000 ಪ್ರೇಕ್ಷಕರ ಸಾಮರ್ಥ್ಯ ಹೊಂದಿದೆ.

ಟ್ರೆಂಡಿಂಗ್​ ಸುದ್ದಿ

ಭಾರತದಲ್ಲಿ ಎಲ್ಲಿ ವೀಕ್ಷಿಸಬಹುದು?

ಸ್ಪೇನ್‌ನಲ್ಲಿ ಈ ಪಂದ್ಯವನ್ನು RTVE ನಲ್ಲಿ ಲೈವ್ ಆಗಿ ವೀಕ್ಷಿಸಬಹುದು. ಆದರೆ ಬಿಬಿಸಿ ಮತ್ತು ಐಟಿವಿ ಎರಡರಲ್ಲೂ ಯುಕೆ ಮತ್ತು ಐರ್ಲೆಂಡ್​ನಲ್ಲಿ ವೀಕ್ಷಿಸಬಹುದು. ಇತರ ಪ್ರದೇಶಗಳಲ್ಲಿ ಪ್ರಸಾರಕರ ಸಂಪೂರ್ಣ ಪಟ್ಟಿಯನ್ನು ಇಲ್ಲಿ ಕಾಣಬಹುದು. ಭಾರತ ಮತ್ತು ಭಾರತೀಯ ಉಪಖಂಡದಲ್ಲಿ ಸೋನಿ ಸ್ಪೋರ್ಟ್ಸ್ ನೆಟ್‌ವರ್ಕ್​ನಲ್ಲಿ ಪಂದ್ಯವನ್ನು ವೀಕ್ಷಿಸಬಹುದು.

ಸ್ಪೇನ್ ವಿರುದ್ಧ ಇಂಗ್ಲೆಂಡ್ ದಾಖಲೆ ಏನು?

  • ಇದು (ಈ ಫೈನಲ್) ಯುರೋಪಿಯನ್ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪೇನ್ ವಿರುದ್ಧ ಇಂಗ್ಲೆಂಡ್​ಗೆ ಮೂರನೇ ಮುಖಾಮುಖಿಯಾಗಿದೆ. ಹಿಂದಿನ ಎರಡು ಪಂದ್ಯಗಳಲ್ಲಿ ಇಂಗ್ಲೆಂಡ್ ಗೆದ್ದಿದೆ.
  • 1980ರ ಟೂರ್ನಿಯ ಗುಂಪು ಹಂತದಲ್ಲಿ ಇಂಗ್ಲೆಂಡ್ 2-1 ಗೋಲುಗಳಿಂದ ಸ್ಪೇನ್ ತಂಡವನ್ನು ಸೋಲಿಸಿತ್ತು. ಆದರೂ ಎರಡು ತಂಡಗಳು ಲೀಗ್​ನಿಂದ ಹೊರಬಿದ್ದಿದ್ದವು.
  • 1996ರಲ್ಲಿ ತಂಡಗಳು ವೆಂಬ್ಲಿಯಲ್ಲಿ 16ರ ಘಟ್ಟದಲ್ಲಿ ಮುಖಾಮುಖಿಯಾಗಿದ್ದವು. ಗೋಲುರಹಿತ ಡ್ರಾ ನಂತರ ಇಂಗ್ಲೆಂಡ್ ಪೆನಾಲ್ಟಿಯಲ್ಲಿ ಗೆದ್ದಿತು.
  • ವಿಶ್ವಕಪ್‌ನಲ್ಲೂ 2 ಬಾರಿ ಉಭಯ ತಂಡಗಳು ಮುಖಾಮುಖಿಯಾಗಿವೆ. 1950ರಲ್ಲಿ ರಿಯೊ ಡಿ ಜನೈರೊದಲ್ಲಿ ನಡೆದ ಗುಂಪು ಹಂತದಲ್ಲಿ ಸ್ಪೇನ್ 1-0ರಲ್ಲಿ ಜಯಿಸಿತ್ತು. 1982ರಲ್ಲಿ ಉಭಯ ತಂಡಗಳು ಸೆಣಸಾಟ ನಡೆಸಿದ್ದವು. ಈ ಪಂದ್ಯ ಡ್ರಾನಲ್ಲಿ ಅಂತ್ಯ ಕಂಡಿತ್ತು.
  • ಇಂಗ್ಲೆಂಡ್ 2018 ನೇಷನ್ಸ್ ಲೀಗ್‌ನಲ್ಲಿ 3-2 ಗೆಲುವು ಸಾಧಿಸಿದೆ. ಆದರೆ ಅದಕ್ಕೂ ಮೊದಲು ಉಭಯ ತಂಡಗಳ 10 ಮುಖಾಮುಖಿಯಲ್ಲಿ ಎರಡನ್ನು ಮಾತ್ರ ಗೆದ್ದಿದೆ (ಪೆನಾಲ್ಟಿ ಹೊರತುಪಡಿಸಿ).

ಇದನ್ನೂ ಓದಿ: ಜಾಂಟಿ ರೋಡ್ಸ್‌ಗೆ ಸಿಕ್ಕಿದ್ರು ಸಹೋದರ; ಸೂಪರ್​ಮ್ಯಾನ್​ನಂತೆ ಹಾರಿ ಕಣ್ಮನ ಸೆಳೆಯುವ ಕ್ಯಾಚ್ ಹಿಡಿದ ರವಿ ಬಿಷ್ಣೋಯ್

ವರ್ಷವಿಜೇತಸ್ಕೋರ್ರನ್ನರ್ ಅಪ್
2024---
2021ಇಟಲಿ3–2ಇಂಗ್ಲೆಂಡ್
2016ಪೋರ್ಚುಗಲ್1-0ಫ್ರಾನ್ಸ್
2012ಸ್ಪೇನ್4-0ಇಟಲಿ
2008ಸ್ಪೇನ್1-0ಜರ್ಮನಿ
2004ಗ್ರೀಸ್1-0ಪೋರ್ಚುಗಲ್
2000ಫ್ರಾನ್ಸ್2-1ಇಟಲಿ
1996ಜರ್ಮನಿ2-1ಜೆಕಿಯಾ
1992ಡೆನ್ಮಾರ್ಕ್2-0ಜರ್ಮನಿ
1988ನೆದರ್ಲೆಂಡ್ಸ್2-0ಸೋವಿಯತ್ ಒಕ್ಕೂಟ
1984ಫ್ರಾನ್ಸ್2-0ಸ್ಪೇನ್
1980ವೆಸ್ಟ್ ಜರ್ಮನಿ2-1ಬೆಲ್ಜಿಯಂ
1976ಜೆಕೊಸ್ಲೊವಾಕಿಯಾ2-2ವೆಸ್ಟ್ ಜರ್ಮನಿ
1972ವೆಸ್ಟ್ ಜರ್ಮನಿ3-0ಸೋವಿಯತ್ ಒಕ್ಕೂಟ
1968ಇಟಲಿ2-0ಯುಗೊಸ್ಲಾವಿಯ
1964ಸ್ಪೇನ್2-1ಸೋವಿಯತ್ ಒಕ್ಕೂಟ
1960ಸೋವಿಯತ್ ಒಕ್ಕೂಟ2-1 ಯುಗೊಸ್ಲಾವಿಯ

ಬ್ಯಾಡ್ಮಿಂಟನ್, ಟೆನಿಸ್, ಕಬಡ್ಡಿ, ಫುಟ್ಬಾಲ್, ಆರ್ಚರಿ, ಶೂಟಿಂಗ್, ಒಲಿಂಪಿಕ್ಸ್, ಏಷ್ಯನ್ ಗೇಮ್ಸ್, ಅಥ್ಲೆಟಿಕ್ಸ್ ಸೇರಿದಂತೆ ಕ್ರೀಡಾ ಜಗತ್ತಿನ ಸಮಗ್ರ ವಿದ್ಯಮಾನಗಳನ್ನು ತಿಳಿಯಲು 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ'ದ ಕ್ರೀಡಾ ವಿಭಾಗಕ್ಕೆ ಭೇಟಿ ನೀಡಿ.