ಪದಕ ಬೇಟೆಯಾಡಿದ ಹುಬ್ಬಳ್ಳಿ ಶೂಟಿಂಗ್ ಅಕಾಡೆಮಿ; ಎರಡು ಚಿನ್ನ ಸೇರಿ 6 ಪದಕಕ್ಕೆ ಮುತ್ತಿಕ್ಕಿದ ಶೂಟರ್​ಗಳು

ಹುಬ್ಬಳ್ಳಿ: ಗೋವಾದಲ್ಲಿ ಇತ್ತೀಚೆಗೆ ‘ನ್ಯಾಷನಲ್ ರೈಪಲ್ ಅಸೋಸಿಯೇಷನ್ ಆಪ್ ಇಂಡಿಯಾ’ (ಎನ್ಆರ್​ಎಐ) ಆಯೋಜಿಸಿದ್ದ ‘0832 ಇಂಡಿಯಾ ಓಪನ್ (ರೈಫಲ್/ಪಿಸ್ತೂಲ್) ಸ್ಪರ್ಧೆ’ಯಲ್ಲಿ 'ಹುಬ್ಬಳ್ಳಿ ಶೂಟಿಂಗ್ ಆಕಾಡೆಮಿಯ ಶೂಟರ್​​ಗಳು 2 ಚಿನ್ನ ಸೇರಿದಂತೆ ಒಟ್ಟು 6 ಪದಕ ಗೆದ್ದುಕೊಂಡಿದ್ದಾರೆ.

ಪ್ಯಾರಾ ಶೂಟರಗಳಾದ ಶಂಕರಲಿಂಗ ಬಟವಳಿ 50 ಮೀಟರ್ ಪ್ರೋನ್ ವಿಭಾಗದಲ್ಲಿ ಮತ್ತು ಚಿನ್ನ- 10 ಮೀಟರ್ ಸ್ಟಾಂಡಿಂಗ್ ವಿಭಾಗದಲ್ಲಿ -ಬೆಳ್ಳಿ ಗೆದ್ದಿದ್ದಾರೆ. 

ಸಚಿನ್ ಸಿದ್ದಣ್ಣವರ ಅವರು 10 ಮೀಟರ್ ಸ್ಟ್ಯಾಂಡಿಂಗ್ ವಿಭಾಗದಲ್ಲಿ ಚಿನ್ನ ಮತ್ತು 50 ಮೀ ಪ್ರೋನ್ ವಿಭಾಗದಲ್ಲಿ ಬೆಳ್ಳಿ ಪದಕವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಇದನ್ನೂ ಓದಿ: BA Scope: ಬಿಎ ಪದವಿಯಲ್ಲಿ ಯಾವೆಲ್ಲಾ ಕಾಂಬಿನೇಷನ್ ಲಭ್ಯ, ಯಾವುದು ಜನಪ್ರಿಯ; ಸರ್ಕಾರಿ ಕೆಲಸಕ್ಕೆ ಯಾವುದು ಒಳ್ಳೆಯದು?

ಪಿಸ್ತೂಲ್ (ಐಎಸ್ಎಸ್ಎಫ್) ಮಹಿಳಾ ಯೂತ್ ವಿಭಾಗದಲ್ಲಿ ಐಶ್ವರ್ಯ ಬಾಳೆಹೊಸೂರ್ 10 ಮೀ ಪಿಸ್ತೂಲ್​ ವಿಭಾಗದಲ್ಲಿ ಬೆಳ್ಳಿ ಹಾಗೂ ಜಯಶ್ರೀ ಪಾಟೀಲ್ ಅವರು 50 ಮೀಟರ್ ಮಾಸ್ಟರ್ ಪ್ರಿಪಿಸ್ತೂಲ್ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.

ಅಕಾಡೆಮಿಯ ಮುಖ್ಯ ಕೋಚ್ ಆದ ರವಿಚಂದ್ರ ಬಾಳೆಹೊಸೂರ್ ತಮ್ಮ ಶೂಟರ್​​​ಗಳಾದ ಸಾಧನೆಗೆ ಹರ್ಷ ವ್ಯಕ್ತಪಡಿಸಿದ್ದು, ಮುಂದಿನ ಹಂತಕ್ಕೆ ತಯಾರಿ ನಡೆಸುವುದಾಗಿ ತಿಳಿಸಿದ್ದಾರೆ.

ಇದನ್ನೂ ಓದಿ: Hassan News: ಮಕ್ಕಳ ಆಟಾಟೋಪ, ಸರ್ಕಾರಿ ಹಾಸ್ಟೆಲ್‌ನಲ್ಲಿ ಮಕ್ಕಳಿಂದ ಧಂ ಮಾರೋ ಧಂ, ಹೇಳೋರಿಲ್ಲ ಕೇಳೋರಿಲ್ಲ!