WPLನಲ್ಲಿ ಇಸ್ಸಿ ವಾಂಗ್ ಚೊಚ್ಚಲ ಹ್ಯಾಟ್ರಿಕ್ ಪಡೆದ ಆಟಗಾರ್ತಿ.. ಹಾಗಾದ್ರೆ IPLನಲ್ಲಿ ಮೊದಲು ಯಾರು?
ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ (Women's Premier League) ಮೊದಲ ಹ್ಯಾಟ್ರಿಕ್ ವಿಕೆಟ್ ಸಂಪಾದಿಸಿದ ಖ್ಯಾತಿಗೆ ಮುಂಬೈ ಇಂಡಿಯನ್ಸ್ ತಂಡದ ಇಸ್ಸಿ ವಾಂಗ್ (Issy Wong) ಪಾತ್ರರಾಗಿದ್ದಾರೆ. ಹಾಗಾದರೆ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮೊದಲ ಹ್ಯಾಟ್ರಿಕ್ ಕಬಳಿಸಿದ ಆಟಗಾರ ಯಾರು.?
(1 / 5)
ಮಹಿಳಾ ಪ್ರೀಮಿಯರ್ ಲೀಗ್ನ (India Premier League) ಎಲಿಮಿನೇಟರ್ ಪಂದ್ಯದಲ್ಲಿ ಗೆದ್ದ ಮುಂಬೈ ಇಂಡಿಯನ್ಸ್ (Mumbai Indians), ಫೈನಲ್ಗೆ ಎಂಟ್ರಿಕೊಟ್ಟಿದೆ. ಯುಪಿ ವಾರಿಯರ್ಸ್ (UP Warriorz) ತಂಡವನ್ನು 72 ರನ್ಗಳಿಂದ ಮಣಿಸಿ, ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದ 2ನೇ ತಂಡ ಎನಿಸಿತು. ಮಾರ್ಚ್ 26ರಂದು ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಎದುರಿಸಲಿದೆ.(WPL/TwitterWPL/Twitter)
(2 / 5)
ಎಲಿಮಿನೇಟರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಬೌಲರ್ ಇಸ್ಸಿ ವಾಂಗ್, ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ಚೊಚ್ಚಲ ಹ್ಯಾಟ್ರಿಕ್ ವಿಕೆಟ್ ಸಾಧನೆ ಮಾಡಿದ್ದಾರೆ. WPL ಇತಿಹಾಸದಲ್ಲಿ ಮೊದಲ ಹ್ಯಾಟ್ರಿಕ್ಸಾಧಿಸಿದ ಮೊದಲ ಆಟಗಾರ್ತಿ ಎಂಬ ದಾಖಲೆ ಬರೆದಿದ್ದಾರೆ. ಬೌಲಿಂಗ್ ಮಾಡಿದ 4 ಓವರ್ಗಳಲ್ಲಿ 15 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಉರುಳಿಸಿದ್ದಾರೆ.(WPL/Twitter)
(3 / 5)
ಕಿರಣ್ ನವಿಗೆರೆ (12.2), ಸಿಮ್ರಾನ್ ಶೇಖ್ (12.3), ಸೋಫಿ ಎಕ್ಲೆಸ್ಟನ್ (12.4) ಅವರು ಮೊದಲ ಹ್ಯಾಟ್ರಿಕ್ನಲ್ಲಿ ಬಲಿಯಾದ ಆಟಗಾರ್ತಿಯಾಗಿದ್ದಾರೆ. 13ನೇ ಓವರ್ನಲ್ಲಿ ಐತಿಹಾಸಿಕ ಮೈಲಿಗಲ್ಲು ದಾಖಲಾಯಿತು. WPLನಲ್ಲಿ ಮೊದಲು ಹ್ಯಾಟ್ರಿಕ್ ಸಾಧಿಸಿದ್ದು ಇಸ್ಸಿ ವಾಂಗ್ ಆದರೆ, ಐಪಿಎಲ್ನಲ್ಲಿ ಈ ಸಾಧನೆ ಮಾಡಿದ್ಯಾರು?(WPL/Twitter)
(4 / 5)
ಲಕ್ಷ್ಮೀಪತಿ ಬಾಲಾಜಿ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಚೊಚ್ಚಲ ಹ್ಯಾಟ್ರಿಕ್ ಸಾಧಿಸಿದ ಬೌಲರ್ ಎನಿಸಿದ್ದಾರೆ. 2008ರ ಮೇ 10ರಂದು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ವೇಗದ ಬೌಲರ್ ಆಗಿದ್ದ ಬಾಲಾಜಿ, IPLನಲ್ಲಿ ಇತಿಹಾಸ ನಿರ್ಮಿಸಿದ್ದರು.(Twitter)
(5 / 5)
ಕಿಂಗ್ಸ್ XI ಪಂಜಾಬ್ (ಈಗಿನ ಪಂಜಾಬ್ ಕಿಂಗ್ಸ್) ವಿರುದ್ಧ ಹ್ಯಾಟ್ರಿಕ್ ವಿಕೆಟ್ ಕಬಳಿಸಿದ್ದರು. ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಐತಿಹಾಸಿಕ ದಾಖಲೆ ದಾಖಲಾಗಿತ್ತು. ಪಂದ್ಯದ 20ನೇ ಓವರ್ನಲ್ಲಿ ಪಂಜಾಬ್ ಗೆಲುವಿಗೆ 27 ಬೇಕಿದ್ದಾಗ ಇರ್ಫಾನ್ ಪಠಾಣ್, ಪಿಯೂಷ್ ಚಾವ್ಲಾ, ವಿಕ್ರಮ್ ರಾಜ್ ವೀರ್ಸಿಂಗ್ ಅವರನ್ನು ಮೊದಲ ಹ್ಯಾಟ್ರಿಕ್ ವಿಕೆಟ್ ಬಲಿ ಪಡೆದರು. ಆ ಪಂದ್ಯದಲ್ಲಿ ಬಾಲಾಜಿ 24 ರನ್ ಬಿಟ್ಟು 5 ವಿಕೆಟ್ ಉರುಳಿಸಿ ಪಂದ್ಯದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.(Twitter)
ಇತರ ಗ್ಯಾಲರಿಗಳು