MIW vs GGW: ಐದಕ್ಕೆ ಐದೂ ಗೆಲುವು ದಾಖಲಿಸಿದ ಮುಂಬೈ; ಪ್ಲೇ ಆಫ್ ಟಿಕೆಟ್ ಕನ್ಫರ್ಮ್.!
MIW vs GGW: ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ಪಂದ್ಯ ಪಂದ್ಯಕ್ಕೂ ಆಲ್ರೌಂಡ್ ಪ್ರದರ್ಶನ ನೀಡುತ್ತಿರುವ ಮುಂಬೈ, ಪ್ಲೇ ಆಫ್ನತ್ತ ಹೆಜ್ಜೆ ಹಾಕಿದೆ. ಸೋಮವಾರ ರಾತ್ರಿ ನಡೆದ ಲೀಗ್ನ 12ನೇ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ ಮತ್ತೊಂದು ಅಮೋಘ ಗೆಲುವು ಸಾಧಿಸಿದೆ.
ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ಗೆಲುವಿನ ನಾಗಾಲೋಟ ಮುಂದುವರೆಸಿದೆ. ಟೂರ್ನಿಯಲ್ಲಿ ಆಡಿದ ಐದೂ ಪಂದ್ಯಗಳನ್ನೂ ಗೆದ್ದು ಬೀಗಿದೆ. ಪಂದ್ಯ ಪಂದ್ಯಕ್ಕೂ ಆಲ್ರೌಂಡ್ ಪ್ರದರ್ಶನ ನೀಡುತ್ತಿರುವ ಮುಂಬೈ, ಪ್ಲೇ ಆಫ್ನತ್ತ ಹೆಜ್ಜೆ ಹಾಕಿದೆ. ಸೋಮವಾರ ರಾತ್ರಿ ನಡೆದ ಲೀಗ್ನ 12ನೇ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ ಮತ್ತೊಂದು ಅಮೋಘ ಗೆಲುವು ಸಾಧಿಸಿದೆ.
ಮುಂಬೈನ ಬ್ರಬೋರ್ನ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಹರ್ಮನ್ ನೇತೃತ್ವದ ತಂಡ 55 ರನ್ಗಳ ಭರ್ಜರಿ ಜಯ ದಾಖಲಿಸಿದೆ. ಟಾಸ್ ಗೆದ್ದ ಗುಜರಾತ್ ಜೈಂಟ್ಸ್ ತಂಡದ ನಾಯಕಿ ಸ್ನೇಹ್ ರಾಣಾ, ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಜಿದ್ದಿನ ಫೈಟ್ ನೀಡುವ ಲೆಕ್ಕಾಚಾರ ಹಾಕಿಕೊಂಡಿದ್ದ ಗುಜರಾತ್ಗೆ, ಮುಂಬೈ ಎಲ್ಲವನ್ನೂ ಉಲ್ಟಾ ಮಾಡಿಬಿಟ್ಟಿತು.
ಅದರಂತೆ ಮೊದಲು ಬ್ಯಾಟ್ ಮಾಡಿದ ಮುಂಬೈ ಪಲ್ಟಾನ್ಸ್ ಪರ ನಾಯಕಿ ಹರ್ಮನ್ಪ್ರೀತ್ ಕೌರ್ (51) ಸ್ಪೋಟಕ ಅರ್ಧಶತಕ ಬಾರಿಸಿ ಮತ್ತೆ ಮಿಂಚಿದರೆ, ಯಾಸ್ತಿಕಾ ಭಾಟಿಯಾ (44), ನಟಾಲಿ ಸೀವರ್ (36) ಸಾಥ್ ನೀಡಿದರು. ಹೀಲಿ ಮ್ಯಾಥ್ಯೂಸ್ ನಿರಾಸೆ ಮೂಡಿಸಿದರೆ, ಅಮೇಲಿಯಾ ಕೇರ್, ಇಸಿ ವಾಂಗ್ ಯಾರೂ ಸಹ ಅಬ್ಬರಿಸಲಿಲ್ಲ. ಟಾಪ್ ಆರ್ಡರ್ ಬ್ಯಾಟರ್ಗಳು ಅಬ್ಬರಿಸಿದರೆ, ಮಧ್ಯಮ ಕ್ರಮಾಂಕದ ಆಟಗಾರರು ದೊಡ್ಡ ಪೇರಿಸುವಲ್ಲಿ ವಿಫಲರಾದರು.
ಆ್ಯಶ್ಲೆ ಗಾರ್ಡ್ನರ್ 3 ವಿಕೆಟ್ ಪಡೆದು ಮುಂಬೈ ರನ್ ವೇಗಕ್ಕೆ ಕಡಿವಾಣ ಹಾಕಿದರು. ಕಿಮ್ ಗಾರ್ತ್, ಸ್ನೇಹ್ ರಾಣಾ, ತನುಜ ಕನ್ವರ್ ತಲಾ 1 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ಪರಿಣಾಮ ನಿಗದಿತ 20 ಓವರ್ಗಳಲ್ಲಿ ಮುಂಬೈ ಇಂಡಿಯನ್ಸ್ ವಿಕೆಟ್ ನಷ್ಟಕ್ಕೆ 162 ರನ್ಗಳ ಸವಾಲಿನ ಮೊತ್ತವನ್ನೇ ಕಲೆ ಹಾಕಿತು.
ಈ ಗುರಿ ಬೆನ್ನತ್ತುವ ಲೆಕ್ಕಾಚಾರದೊಂದಿಗೆ ಕಣಕ್ಕಿಳಿದ ಗುಜರಾತ್ ಜೈಂಟ್ಸ್, ನಿರೀಕ್ಷೆಗೆ ತಕ್ಕಂತೆ ಪ್ರದರ್ಶನ ನೀಡಲೇ ಇಲ್ಲ. ಇನ್ನಿಂಗ್ಸ್ ಆರಂಭದ ಮೊದಲ ಎಸೆತದಲ್ಲೇ ಡೇಂಜರಸ್ ಸೋಫಿಯಾ ಡಂಕ್ಲಿ (0), ಔಟಾಗಿ ತಂಡದ ಹಿನ್ನಡೆಗೆ ಭಾರೀ ಕಾರಣರಾದರು. ಆಘಾತದ ನಡುವೆಯೂ ಬ್ಯಾಟರ್ಗಳು ಚೇತರಿಕೆ ನೀಡುವಲ್ಲಿ ವಿಫಲರಾದರು. ಸಬ್ಬಿನೇನಿ ಮೇಘನಾ (16), ಹರ್ಲೀನ್ ಡಿಯೋಲ್ (22), ಸದರ್ಲ್ಯಾಂಡ್ (0), ಆ್ಯಶ್ಲೆ ಗಾರ್ಡ್ನರ್ (8), ದಯಾಲನ್ ಹೇಮಲತಾ (6), ನಾಯಕಿ ಸ್ನೆಹ್ ರಾಣಾ (20) ಹೀಗೆ ಮುಂಬೈ ಬೌಲರ್ಗಳ ಅಬ್ಬರದ ಮುಂದೆ ಯಾರೊಬ್ಬರೂ ಕ್ರೀಸ್ ಕಚ್ಚಿ ನಿಲ್ಲುವ ಪ್ರಯತ್ನಕ್ಕೆ ಮುಂದಾಗಲಿಲ್ಲ.
ಬ್ಯಾಟಿಂಗ್ನಲ್ಲೂ ಅದ್ಭುತ ಕೊಡುಗೆ ನೀಡಿದ ನಟಾಲಿ ಸೀವರ್ ಮತ್ತು ಬೌಲಿಂಗ್ನಲ್ಲಿ ಅಬ್ಬರಿಸಿದ ಹೀಲಿ ಮ್ಯಾಥ್ಯೂಸ್ ತಲಾ 3 ವಿಕೆಟ್ ಪಡೆದು ಮಿಂಚಿದರು. ಅಮೇಲಿಯಾ ಕೇರ್ 2 ಮತ್ತು ಇಸೀ ವಾಂಗ್ 1 ವಿಕೆಟ್ ಕಬಳಿಸುವಲ್ಲಿ ಯಶಸ್ವಿಯಾದರು. ಅಂತಿಮವಾಗಿ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 109 ರನ್ ಗಳಿಸಲಷ್ಟೇ ಶಕ್ತವಾಯಿತು. ಆ ಮೂಲಕ 55 ರನ್ಗಳಿಂದ ಮುಂಬೈಗೆ ಶರಣಾಯಿತು.
ಗುಜರಾತ್ ಜೈಂಟ್ಸ್ (ಪ್ಲೇಯಿಂಗ್ XI): ಸಬ್ಬಿನೇನಿ ಮೇಘನಾ, ಸೋಫಿಯಾ ಡಂಕ್ಲಿ, ಹರ್ಲೀನ್ ಡಿಯೋಲ್, ಆಶ್ಲೀಗ್ ಗಾರ್ಡ್ನರ್, ದಯಾಲನ್ ಹೇಮಲತಾ, ಅನ್ನಾಬೆಲ್ ಸದರ್ಲ್ಯಾಂಡ್, ಸುಷ್ಮಾ ವರ್ಮಾ, ಕಿಮ್ ಗಾರ್ತ್, ತನುಜಾ ಕನ್ವರ್, ಸ್ನೇಹ ರಾಣಾ (ನಾಯಕಿ), ಮಾನ್ಸಿ ಜೋಶಿ.
ಮುಂಬೈ ಇಂಡಿಯನ್ಸ್ (ಪ್ಲೇಯಿಂಗ್ XI): ಹೇಲಿ ಮ್ಯಾಥ್ಯೂಸ್, ಯಾಸ್ತಿಕಾ ಭಾಟಿಯಾ, ನ್ಯಾಟ್ ಸಿವರ್-ಬ್ರಂಟ್, ಹರ್ಮನ್ಪ್ರೀತ್ ಕೌರ್ (ನಾಯಕಿ), ಧಾರಾ ಗುಜ್ಜರ್, ಅಮೆಲಿಯಾ ಕೆರ್, ಇಸ್ಸಿ ವಾಂಗ್, ಅಮನ್ಜೋತ್ ಕೌರ್, ಹುಮೈರಾ ಕಾಜಿ, ಜಿಂಟಿಮಣಿ ಕಲಿತಾ, ಸೈಕಾ ಇಶಾಕ್.