ನೀರಜ್ ಚೋಪ್ರಾ ಕ್ಲಾಸಿಕ್ ಜಾವೆಲಿನ್ ಥ್ರೋ ಈವೆಂಟ್; ಪ್ರದರ್ಶಕರ ಪಟ್ಟಿ ಹೀಗಿದೆ, ಭಾರತೀಯರು ಯಾರು?

ನೀರಜ್ ಚೋಪ್ರಾ ಕ್ಲಾಸಿಕ್ ಜಾವೆಲಿನ್ ಥ್ರೋ ಈವೆಂಟ್​ಗೆ ಬೆಂಗಳೂರಿನ ಶ್ರೀ ಕಂಠೀರವ ಕ್ರೀಡಾಂಗಣ ಸಿದ್ಧಗೊಂಡಿದೆ. ಭಾರತದಲ್ಲಿ ಜರುಗುವ ಮೊದಲ ಜಾಗತಿಕ ಜಾವೆಲಿನ್ ಟೂರ್ನಿಯಾಗಿದ್ದು, ಘಟಾನುಘಟಿಗಳೇ ಭಾಗವಹಿಸುತ್ತಿದ್ದಾರೆ. ಎರಡು ಒಲಿಂಪಿಕ್ಸ್ ಪದಕ ವಿಜೇತ ನೀರಜ್ ಚೋಪ್ರಾ ಮತ್ತು ಜೆಎಸ್​ಡಬ್ಲ್ಯು ಸ್ಪೋರ್ಟ್ಸ್​ ಜಂಟಿಯಾಗಿ ಆಯೋಜನೆ ಮಾಡಲಾಗುತ್ತಿದೆ. ವಿಶ್ವ ಅಥ್ಲೆಟಿಕ್ಸ್ ಮತ್ತು ಭಾರತೀಯ ಅಥ್ಲೆಟಿಕ್ಸ್ ಫೆಡರೇಷನ್ ಸಹಯೋಗ ಹೊಂದಿದೆ.

ಭಾರತ ತಂಡವು ತನ್ನ ಅತಿದೊಡ್ಡ ಅಂತಾರಾಷ್ಟ್ರೀಯ ಅಥ್ಲೆಟಿಕ್ಸ್ ಪ್ರದರ್ಶನಗಳಲ್ಲಿ ಒಂದಕ್ಕೆ ಸಜ್ಜಾಗುತ್ತಿದೆ. ಮೇ 24ರಂದು ಈ ಗೋಲ್ಡ್ ಲೇಬಲ್ ಸ್ಪರ್ಧೆಯು ಜಾಗತಿಕ ಜಾವೆಲಿನ್‌ನಲ್ಲಿ ವಿಶ್ವಶ್ರೇಷ್ಠ ಆಟಗಾರರೇ ಕಾಣಿಸಿಕೊಳ್ಳಲಿದ್ದಾರೆ. ಇವರೊಂದಿಗೆ ಭಾರತದ ತಾರೆಗಳೂ ಮಿಂಚಿನ ಪ್ರದರ್ಶನ ನೀಡಲು ಸಿದ್ಧತೆ ನಡೆಸಿದ್ದಾರೆ. ವಿಶ್ವ ಚಾಂಪಿಯನ್‌ಗಳು, ಒಲಿಂಪಿಕ್ ಪದಕ ವಿಜೇತರು, ವಿಶ್ವ ಶ್ರೇಷ್ಠ ಆಟಗಾರರನ್ನು ಒಟ್ಟುಗೂಡಿಸುವ ಈ ಕೂಟವು ಭಾರತದಲ್ಲಿ ಟ್ರ್ಯಾಕ್ ಮತ್ತು ಫೀಲ್ಡ್ ಈವೆಂಟ್‌ಗಳಿಗೆ ಮಾನದಂಡ ಹೆಚ್ಚಿಸುವ ಗುರಿ ಹೊಂದಿದೆ.

ನೀರಜ್ ಚೋಪ್ರಾ ಕ್ಲಾಸಿಕ್ ಎಂದರೇನು?

ಎನ್‌ಸಿ ಕ್ಲಾಸಿಕ್ ಭಾರತದ ಅಥ್ಲೆಟಿಕ್ಸ್‌ನ ಚಿನ್ನದ ಹುಡುಗ ನೀರಜ್ ಚೋಪ್ರಾ ಅವರ ಹೆಸರಿನ ಉನ್ನತ ಶ್ರೇಣಿಯ ಅಂತಾರಾಷ್ಟ್ರೀಯ ಜಾವೆಲಿನ್ ಕೂಟವಾಗಿದೆ. ಜಾವೆಲಿನ್ ಥ್ರೋ ಆಟವನ್ನು ಹೈಲೈಟ್ ಮಾಡಲು ಮತ್ತು ದೇಶದಲ್ಲಿ ಶಾಶ್ವತ ಕ್ರೀಡಾ ಸಂಸ್ಕೃತಿಯನ್ನು ಪೋಷಿಸಲು ವಿನ್ಯಾಸಗೊಳಿಸಲಾದ ಈ ಕಾರ್ಯಕ್ರಮವನ್ನು ವಿಶ್ವ ಅಥ್ಲೆಟಿಕ್ಸ್ ಗೋಲ್ಡ್ ಲೇಬಲ್ ಕೂಟವೆಂದು ಗುರುತಿಸಿದೆ. ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ಜಾವೆಲಿನ್ ಪಟುಗಳು ಯಾರು? ಅವರ ಟ್ರ್ಯಾಕ್ ರೆಕಾರ್ಡ್ ಹೇಗಿದೆ ಎನ್ನುವುದರ ವಿವರ ಇಂತಿದೆ.

ಆಟಗಾರರು ಮತ್ತು ಅವರ ರೆಕಾರ್ಡ್

ನೀರಜ್ ಚೋಪ್ರಾ (ಭಾರತ) - ಒಲಿಂಪಿಕ್ಸ್​​ನಲ್ಲಿ ಚಿನ್ನ, ಬೆಳ್ಳಿ ಪದಕ ವಿಜೇತ, ವೈಯಕ್ತಿಕ ದೂರ - 89.94 ಮೀಟರ್

ಆಂಡರ್ಸನ್ ಪೀಟರ್ಸ್ (ಗ್ರೆನಡಾ) - ಡಬಲ್ ವಿಶ್ವ ಚಾಂಪಿಯನ್ ಮತ್ತು ಪ್ಯಾನ್-ಅಮೆರಿಕನ್ ಚಿನ್ನದ ಪದಕ ವಿಜೇತ; ವೈಯಕ್ತಿಕ ದೂರ - 93.07 ಮೀಟರ್​.

ಥಾಮಸ್ ರೋಹ್ಲರ್ (ಜರ್ಮನಿ) - ಒಲಿಂಪಿಕ್ ಚಿನ್ನದ ಪದಕ ವಿಜೇತ (2016), ಶಕ್ತಿಶಾಲಿ ಎಸೆತಗಳಿಗೆ ಹೆಸರುವಾಸಿ; ವೈಯಕ್ತಿಕ ದೂರ - 93.90 ಮೀಟರ್.

ಜೂಲಿಯಸ್ ಯೆಗೊ (ಕೀನ್ಯಾ) - 2015ರ ವಿಶ್ವ ಚಾಂಪಿಯನ್ ಮತ್ತು ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ; ವೈಯಕ್ತಿಕ ದೂರ - 92.72 ಮೀಟರ್.

ಇದನ್ನೂ ಓದಿ: ನಟಿಗೆ ಆಕಸ್ಮಿಕವಾಗಿ ಒತ್ತಿದ ಲೈಕ್​ನಿಂದ ಹೊತ್ತಿ ಉರಿಯುತ್ತಿದೆ ಕೊಹ್ಲಿ ಕುಟುಂಬ? ವಿರಾಟ್​ಗೆ ಕ್ಯಾರೆ ಎನ್ನದೆ ಹೋದ ಅನುಷ್ಕಾ, ವಿಡಿಯೋ

ಕರ್ಟಿಸ್ ಥಾಂಪ್ಸನ್ (ಯುನೈಟೆಡ್ ಸ್ಟೇಟ್ಸ್) - ಅಮೆರಿಕದ ಪ್ರಮುಖ ಎಸೆತಗಾರ, 2023ರ ಪ್ಯಾನ್-ಅಮೆರಿಕನ್ ಚಾಂಪಿಯನ್; ವೈಯಕ್ತಿಕ ದೂರ - 87.76 ಮೀಟರ್.

ಗೆಂಕಿ ಡೀನ್ (ಜಪಾನ್) - 2023ರ ಏಷ್ಯನ್ ಕ್ರೀಡಾಕೂಟದ ಕಂಚಿನ ವಿಜೇತ ಮತ್ತು ಏಷ್ಯಾದ ಅಗ್ರ ಸ್ಪರ್ಧಿ; ವೈಯಕ್ತಿಕ ದೂರ - 84.28 ಮೀಟರ್​.

ಲೂಯಿಜ್ ಮೌರಿಸಿಯೊ ಡಾ ಸಿಲ್ವಾ (ಬ್ರೆಜಿಲ್) - ಸ್ಥಿರ ಪ್ರದರ್ಶನ ನೀಡುವ ದಕ್ಷಿಣ ಅಮೆರಿಕಾದ ಅತ್ಯುತ್ತಮ ಪ್ರದರ್ಶನ; ವೈಯಕ್ತಿಕ ದೂರ- 85.91 ಮೀ.

ಇದನ್ನೂ ಓದಿ: ಶುಭ್ಮನ್ ಗಿಲ್ ಟು ಕೆಎಲ್ ರಾಹುಲ್: ರೋಹಿತ್ ಶರ್ಮಾ ಆರಂಭಿಕ ಸ್ಥಾನ ತುಂಬಬಲ್ಲ ಬಲಿಷ್ಠ ಐವರು ಆಟಗಾರರಿವರು!

ರುಮೇಶ್ ಪತಿರಗೆ (ಶ್ರೀಲಂಕಾ) - ಉಪಖಂಡದ ಭರವಸೆಯ ಪ್ರತಿಭೆ; ವೈಯಕ್ತಿಕ ದೂರ: 85.45 ಮೀಟರ್​

ಸಚಿನ್ ಯಾದವ್ (ಭಾರತ)

ರೋಹಿತ್ ಯಾದವ್ (ಭಾರತ)

ಸಾಹಿಲ್ ಸಿಲ್ವಾಲ್ (ಭಾರತ)

ಕಿಶೋರ್ ಜೆನಾ (ಭಾರತ)

ಇದನ್ನೂ ಓದಿ: ಪಿಎಸ್​ಎಲ್ ಪಂದ್ಯಕ್ಕೆ ಕೆಲವೇ ಗಂಟೆಗಳಿರುವಾಗ ರಾವಲ್ಪಿಂಡಿ ಮೈದಾನದ ಮೇಲೆ ಡ್ರೋನ್ ದಾಳಿ; ಪಾಕ್ ತೊರೆಯಲು ವಿದೇಶಿ ಕ್ರಿಕೆಟಿಗರು ಹಠ!