ಪ್ಯಾರಿಸ್ ಒಲಿಂಪಿಕ್ಸ್; ಸರ್ಫಿಂಗ್ ಸ್ಪರ್ಧೆಗೆ ಗೂಗಲ್ ಡೂಡಲ್ ಗೌರವ, ಸತತ 6ನೇ ದಿನವೂ ಬದಲಾಯ್ತು ಸರ್ಚ್​ ಎಂಜಿನ್ ಲೋಗೋ

2024ರ ಪ್ಯಾರಿಸ್ ಒಲಿಂಪಿಕ್ಸ್ ಉದ್ಘಾಟನೆ ಆದಾಗಿನಿಂದಲೂ ಗೂಗಲ್ ತನ್ನ ಚಿತ್ರವನ್ನು ಬದಲಾಯಿಸುತ್ತಿದೆ. ಗೂಗಲ್​ ಆಗಸ್ಟ್ 1ರ ಸರ್ಚ್ ಎಂಜಿನ್ ಲೋಗೋವನ್ನು ಒಲಿಂಪಿಕ್ಸ್​​ನಲ್ಲಿ ಭಾಗವಹಿಸುವ ಅದ್ಭುತ ಸರ್ಫರ್​​ಗಳಿಗೆ ಅರ್ಪಿಸಿದೆ. ಹಿಂದಿನ ಡೂಡಲ್​​​ಗಳಂತೆ ಇಂದು ಸಹ ಡೂಡಲ್ ಪಕ್ಷಿ ನೀರಿನ ಮೇಲೆ ಸರ್ಫಿಂಗ್ ಮಾಡುವ ಮೂಲಕ ಸರ್ಫರ್ಸ್​ಗೆ​ಗೌರವ ಸಲ್ಲಿಸಿದೆ. ನೀರಿನಲ್ಲಿ ಮರದ ಎಲೆಯನ್ನೇ ಸ್ಕೇಟ್ ಬೋರ್ಡ್ ಮಾಡಿಕೊಂಡಿದೆ.

ಪ್ಯಾರಿಸ್​​ನಲ್ಲಿಂದು ನಡೆಯುವ ಸರ್ಫಿಂಗ್ ಈವೆಂಟ್​​ನಲ್ಲಿ 100ಕ್ಕೂ ಹೆಚ್ಚು ದೇಶಗಳು ಭಾಗವಹಿಸುತ್ತಿವೆ. ಒಲಿಂಪಿಕ್ ಸರ್ಫಿಂಗ್ ಸ್ಥಳ ಟೆಹುಪೊದಲ್ಲಿ ಪ್ರತಿಕೂಲ ಹವಾಮಾನ ಮತ್ತು ಬಿರುಗಾಳಿಯ ಹವಾಮಾನ ಪರಿಸ್ಥಿತಿಗಳ ಕಾರಣದಿಂದ ಜುಲೈ 30ರ ಮಂಗಳವಾರ ನಡೆಯಬೇಕಿದ್ದ ಸರ್ಫಿಂಗ್ ಆಗಸ್ಟ್ 31ರ ಬುಧವಾರ ಮಧ್ಯಾಹ್ನಕ್ಕೆ ಮುಂದೂಡಲಾಗಿತ್ತು. ಆದರೆ ನಂತರ ಬುಧವಾರವೂ ರದ್ದುಪಡಿಸಿ ಬುಧವಾರಕ್ಕೆ ಮುಂದೂಡಲಾಯಿತು.

ಸರ್ಫಿಂಗ್ ನಡೆಯುವ ಪ್ರದೇಶದಲ್ಲಿ ಚಂಡಮಾರುತ ಕಾಣಿಸಿಕೊಂಡ ಕಾರಣ ಸ್ಪರ್ಧೆ ಆಯೋಜಿಸುವುದು ಸವಾಲಿನದ್ದಾಗಿದ್ದು, ಸಂಘಟಕರು ಆಯೋಜನೆಗೆ ಹಿಂದೇಟು ಹಾಕಿದರು. ಪುರುಷರ 3ನೇ ಸುತ್ತಿನ ಸರ್ಫಿಂಗ್ ಸ್ಪರ್ಧೆಗೆ ವಾತಾವರಣ ಅಡ್ಡಿಯಾಗಿತ್ತು. ಸ್ಫರ್ಧೆ ನಡೆಯುವ ತಾಣ ಟಹೀಟಿ ಕರಾವಳಿಯ ಭಾಗವಾಗಿರುವ ಕಾರಣ ಪರಿಸ್ಥಿತಿ ಕೈ ಮೀರಿದೆ. ಇಂದು ಆರಂಭವಾದರೆ ವಾರಾಂತ್ಯದಲ್ಲಿ ಮುಕ್ತಾಯಗೊಳ್ಳುವ ಸಾಧ್ಯತೆ ಇದೆ.

ನಿಗದಿಯಂತೆ ಸ್ಪರ್ಧೆ ಆರಂಭವಾಗಿದ್ದರೆ, ಇವತ್ತಿಗೆ ಪದಕದ ಪಂದ್ಯ ನಡೆಯಬೇಕಿತ್ತು. ಮಹಿಳೆಯರ 6ನೇ ಸುತ್ತಿನಲ್ಲಿ ಆಸ್ಟ್ರೇಲಿಯಾದ ವಿಶ್ವ ಚಾಂಪಿಯನ್ ಟೈಲರ್ ರೈಟ್ ಇಸ್ರೇಲ್​ ಅನಾಟ್ ಲೆಲಿಯರ್ ವಿರುದ್ಧ ಸೆಣಸಲಿದ್ದಾರೆ. ಸ್ಥಳೀಯ ಫೇವರಿಟ್ ವಹಿನೆ ಫಿಯೆರೊ 2ನೇ ಸುತ್ತಿನಲ್ಲಿ ದೇಶೀಯ ಆಟಗಾರ್ತಿ ಜೊಹಾನೆ ಡೆಫೇ ವಿರುದ್ಧ ಸೆಣಸಲಿದ್ದು, ಮಿಂಚಿನ ಪ್ರದರ್ಶನ ನೀಡಲು ಸಜ್ಜಾಗಿದ್ದಾರೆ.

ಇದನ್ನೂ ಓದಿ: ರಕ್ತ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಭಾರತದ ಮಾಜಿ ಕ್ರಿಕೆಟಿಗ ಅಂಶುಮಾನ್ ಗಾಯಕ್ವಾಡ್ ಇನ್ನಿಲ್ಲ - Anshuman Gaekwad

ಇದನ್ನೂ ಓದಿ: ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನಕ್ಕೆ ಭಾರತ ಸಂಭಾವ್ಯ XI; ಕೊಹ್ಲಿ-ರೋಹಿತ್ ಸೇರಿ ಹಲವರು 9 ತಿಂಗಳ ನಂತರ ಕಣಕ್ಕೆ