ಕರ್ನಾಟಕ

Karnataka News in Kannada, Latest Karnataka News Karnataka News Today - HT Kannada 

ಮನರಂಜನೆ

Entertainment News, Kannada Cinema News, Latest Cinema News in Kannada - HT Kannada

ಜೀವನಶೈಲಿ

Healthy Lifestyle Tips, Lifestyle Tips in Kannada, Daily Healthy Lifestyle Tips in Kannada

ರಾಶಿ ಭವಿಷ್ಯ

Astrology, Astrology Horoscope, Today Horoscope in Kannada, Weekly Horoscope 2022 - HT Kannada

ರಾಷ್ಟ್ರ-ಜಗತ್ತು

National and world news in Kannada, International News in Kannada| National News Updates in Kannada - HT Kannada

ಫೋಟೋ ಗ್ಯಾಲರಿ

Trending photos in news gallery, Latest Celebrity Photos, South Celebrities Latest Photos Online - HT Kannada

ವೆಬ್​ಸ್ಟೋರಿ

Kannada Web-Stories | ವೆಬ್​ಸ್ಟೋರಿ | Web-Stories on Movies, Tech, Celebrities & More - Kannada Hindustan Times.

ವಿಡಿಯೋ

ಕ್ರಿಕೆಟ್ 

Cricket News in Kannada, ಕ್ರಿಕೆಟ್​ Live, Live Cricket Score

ಚುನಾವಣೆ

ಕ್ರೀಡೆ

Sports News, Kannada Sports News, Today Sports News in Kannada - HT Kannada

ಜರ್ಮನಿಯ ಬರ್ಲಿನ್‌ನಲ್ಲಿ ಯೋಗ- ಸಂಗೀತ ದಿನದಂದು ಮಿಂಚಿದ ಮೈಸೂರಿನ ಪ್ರತಿಭೆಗಳು: ಅಭಯ್‌ ಯೋಗ, ಡಾ.ಮಂಜುನಾಥ್‌ ಹಾಗೂ ಮಕ್ಕಳ ನಾದಕ್ಕೆ ಫಿದಾ

paragraph

<p>ಭಾರತ ಮಾತ್ರವಲ್ಲದೇ ಜಗತ್ತಿನ ನಾನಾ ಭಾಗಗಳಲ್ಲಿ ಅಂತರಾಷ್ಟ್ರೀಯ ಯೋಗ ದಿನದ ಚಟುವಟಿಕೆಗಳು. ಕೆಲವು ಕಡೆಗಳಲ್ಲಿ ವಿಶ್ವ ಸಂಗೀತ ದಿನದ ನಿನಾದವೂ ಜೋರಾಗಿಯೇ ಇತ್ತು. ಆದರೆ ಜರ್ಮನಿಯ ರಾಜಧಾನಿ ಬರ್ಲಿನ್‌ನಲ್ಲಿ ಮಾತ್ರ ಭಿನ್ನ ವಾತಾವರಣ. ಬರ್ಲಿನ್‌ ನಗರದ ಶ್ರೀ ಗಣೇಶ ಹಿಂದೂ ದೇವಸ್ಥಾನ ಮತ್ತು ಹಸೆನ್‌ಹೈಡ್ ಪಾರ್ಕ್‌ನಲ್ಲಿ ಯೋಗ ಹಾಗೂ ಸಂಗೀತ ಸಮ್ಮಿಳನ. ಅದೂ ಮೈಸೂರಿನ ಪ್ರತಿಭೆಗಳ ಸಂಗಮ. ಯೋಗ ಹಾಗೂ ಸಂಗೀತದ ರಸದೌತಣವನ್ನು ವಿದೇಶಿ ನೆಲದಲ್ಲಿ ಹೆಮ್ಮೆಯಿಂದ ಪ್ರದರ್ಶಿಸಿ ಭಾರತದ ಹಿರಿಮೆ ಎತ್ತಿ ಹಿಡಿದ ಹೆಮ್ಮೆಯ ಕ್ಷಣ. ಯೋಗ ಮಾಡುತ್ತಲೇ ಸಂಗೀತದ ಕ್ಷಣದಲ್ಲಿ ಮಿಂದೆದ್ದವರು ಬರ್ಲಿನ್‌ನ ಸಂಸ್ಕೃತಿ ಪ್ರಿಯರು.</p><p>ಮೂಲತಃ ಮೈಸೂರಿನವರಾದ ಸದ್ಯ ಬರ್ಲಿನ್‌ನಲ್ಲಿ ಉನ್ನತ ಶಿಕ್ಷಣದಲ್ಲಿ ನಿರತರಾಗಿರುವ, ಎಂಜಿನಿಯರಿಂಗ್‌ ಶಿಕ್ಷಣ ಪಡೆದು ಸದ್ಯ ನರರೋಗಗಳ ತಜ್ಞತೆ ಹಾಗೂ ಯೋಗದ ಕುರಿತು ಅಧ್ಯಯನ ನಡೆಸಿರುವ ಅಭಯ್‌ ಕೌಶಿಕ್‌ ಈ ಕಾರ್ಯಕ್ರಮದ ರೂವಾರಿ. ಬೆಂಗಳೂರಿನಲ್ಲಿ ಕಂಪ್ಯೂಟರ್‌ ಸೈನ್ಸ್‌ನಲ್ಲಿ ಬಿಇ ಮುಗಿಸಿ ಸದ್ಯ ನ್ಯೂರೋ ಸೈನ್ಸ್‌ನಲ್ಲಿ ಪಿಎಚ್‌ಡಿ ಶಿಕ್ಷಣ ಪಡೆಯಲು ಜರ್ಮಿನಿಗೆ ತೆರಳಿದ್ದಾರೆ ಅಭಯ್‌. ಪ್ರಸ್ತುತ ಮ್ಯಾಕ್ಸ್ ಪ್ಲಾಂಕ್ ಸ್ಕೂಲ್ ಆಫ್ ಕಾಗ್ನಿಷನ್‌ನಲ್ಲಿ ಪಿಎಚ್‌ಡಿ ಅಭ್ಯರ್ಥಿ.‌ದಿ ಯೋಗಿಕ್ ಪರ್ಸ್ಪೆಕ್ಟಿವ್ ಎನ್ನುವ ಚಟುವಟಿಕೆಯನ್ನೂ ಆಗಾಗ ನಡೆಸುತ್ತಾರೆ. ಅವರಿಗೆ ಯೋಗದ ಕುರಿತು ಆಸಕ್ತಿ. ಖುದ್ದು ಯೋಗದ ಕುರಿತು ಆಸಕ್ತಿ ಬೆಳೆಸಿದವರು ಮೈಸೂರಿನಲ್ಲಿ ಪ್ರಖ್ಯಾತ ಯೋಗ ತಜ್ಞರೂ ಆಗಿರುವ ದೀಕ್ಷಿತ್‌ ಆರೋಗ್ಯಧಾಮದ ಮುಖ್ಯಸ್ಥರು ಆಗಿರುವ ಆಯುರ್ವೇದ ವೈದ್ಯ ಡಾ.ಸಿ.ಎಸ್. ಅನಿಲ್‌ಕುಮಾರ್.ಮೈಸೂರು ಯೋಗಾಚಾರ್ಯ ಶ್ರೀನಾಥ ಅವರಿಂದ ಹಠ ಯೋಗ ಶಿಕ್ಷಕ ತರಬೇತಿ ಪಡೆದಿದ್ದಾರೆ ಅಭಯ್.</p><p>ಈ ಬಾರಿ ವಿಭಿನ್ನವಾಗಿಯೇ ಯೋಗ ದಿನದ ಜತೆಗೆ ಸಂಗೀತ ದಿನ ಆಚರಿಸಲು ಅಭಯ್‌ ಸಿದ್ದತೆ ಮಾಡಿಕೊಂಡಿದ್ದರು. ಇದಕ್ಕಾಗಿ ಅವರು ಬರ್ಲಿನ್‌ನಲ್ಲಿರುವ ಗಣೇಶ ಹಿಂದೂ ದೇವಸ್ಥಾನದ ಸಹಕಾರವನ್ನೂ ಪಡೆದಿದ್ದರು. ಅಲ್ಲಿಯೇ ಬೆಳಗಿನ ಯೋಗ ಚಟುವಟಿಕೆಗಳೂ ನಡೆದವು. ಯೋಗದ ಮಹತ್ವ ಕುರಿತು ಅಭಯ್‌ ವಿವರಣೆ ನೀಡುತ್ತಲೇ ಉದ್ಯಾನವನದಲ್ಲಿ ಸೂರ್ಯ ನಮಸ್ಕಾರವನ್ನು ಪ್ರದರ್ಶಿಸಲು ಅಂತರರಾಷ್ಟ್ರೀಯ ಗುಂಪಿನ ನೇತೃತ್ವ ವಹಿಸಿದ್ದರು.ಕೊಯಮತ್ತೂರಿನಲ್ಲಿ ಇಶಾ ಫೌಂಡೇಶನ್‌ನಿಂದ ತರಬೇತಿ ಪಡೆದ ಇಬ್ಬರು ಯೋಗ ಶಿಕ್ಷಕರು ಕೂಡ ಯೋಗದ ಮಹತ್ವವನ್ನು ತಿಳಿಸಿಕೊಟ್ಟಿತು. ಹಲವರು ಯೋಗ ಚಟುವಟಿಕೆಯಲ್ಲಿ ಭಾಗಿಯಾದರು.</p><p>ಇದರ ನಂತರ ಬರ್ಲಿನ್ ಹಸೆನ್‌ಹೈಡ್ ಪಾರ್ಕ್‌ನಲ್ಲಿ ನಾದ ಪ್ರಾಣಾಯಾಮ ಎಂಬ ಸೃಜನಶೀಲ ಕಾರ್ಯಕ್ರಮವನ್ನು ನಡೆಸಲಾಯಿತು. ಅಭಯ್ ಅವರ ಯೋಗ,ಪ್ರಾಣಾಯಾಮದ ಚಟುವಟಿಕೆಗೆ ಸಂಗೀತ ಸ್ಪರ್ಶ ನೀಡಿದವರು ಮೈಸೂರಿನವರೇ ಆದ ಯುವ ಪ್ರತಿಭೆ ಪಿಟೀಲು ವಾದಕ ಸುಮಂತ್ ಮಂಜುನಾಥ್. ಇಬ್ಬರೂ ಸೇರಿ ಕೆಲ ಹೊತ್ತು ನಡೆಸಿಕೊಟ್ಟ ಚಟುವಟಿಕೆಗಳು ಪ್ರಭಾವವನ್ನು ಬೀರುವಲ್ಲಿ ಯಶಸ್ವಿಯಾದವು. ಯೋಗಾಸಕ್ತ ಅಂತರರಾಷ್ಟ್ರೀಯ ಗುಂಪಿಗೆ ಕರ್ನಾಟಕ ಶಾಸ್ತ್ರೀಯ ಸಂಗೀತದ ಪರಿಚಯವಾಗಿ ಮತ್ತು ನಾದ ಯೋಗವನ್ನು ಹಠ ಯೋಗಾಭ್ಯಾಸಗಳೊಂದಿಗೆ ಹೇಗೆ ಸಂಯೋಜಿಸಬಹುದು ಎಂಬುದನ್ನೂ ಮನವರಿಕೆ ಮಾಡಿಕೊಟ್ಟಿತು.</p><p>ಇದಾದ ಬಳಿಕ ನಡೆದಿದ್ದು ಪಿಟೀಲು ವೈಭವ. ಈಗಾಗಲೇ ಕರ್ನಾಟಕ, ಭಾರತ ಮಾತ್ರವಲ್ಲದೇ ಜಗತ್ತಿನ ಹಲವು ದೇಶಗಳಲ್ಲಿ ತಮ್ಮ ಮಾಂತ್ರಿಕತೆಯಿಂದಲೇ ಹೆಸರು ಮಾಡಿರುವ, ಮೈಸೂರಿನ ವಿದ್ವಾನ್‌ ಡಾ.ಎಂ.ಮಂಜುನಾಥ್‌ ಅವರ ಕಾರ್ಯಕ್ರಮ. ಅವರಿಗೆ ಜತೆಯಾದವರು ಮಂಜುನಾಥ್‌ ಅವರ ಹೆಮ್ಮೆಯ ಮಕ್ಕಳಾದ ಸುಮಂತ್‌ ಮಂಜುನಾಥ್‌ ಹಾಗೂ ಮಾಳವಿ ಮಂಜುನಾಥ್‌. ಸಂಗೀತ ಕ್ಷೇತ್ರದಲ್ಲಿ ಈಗಷ್ಟೇ ಪ್ರವರ್ಧಮಾನಕ್ಕೆ ಬರುತ್ತಿರುವ ಇಬ್ಬರು ಅಜ್ಜ ವಿದ್ವಾನ್‌ ಮಹದೇವಪ್ಪ ಹಾಗೂ ತಂದೆ ಡಾ.ಮಂಜುನಾಥ್‌ ಅವರ ಹಾದಿಯಲ್ಲೇ ಸಾಗುತ್ತಿದ್ದಾರೆ. ಈ ಮೂವರು ಸೇರಿ ಬರ್ಲಿನ್‌ನ ಗಣೇಶ ದೇವಸ್ಥಾನದಲ್ಲಿ ನೀಡಿದ ನೀಡಿದ ಕಾರ್ಯಕ್ರಮ ಕೂಡ ಅಲ್ಲಿನ ಸಂಗೀತಾಸಕ್ತರ ಹೃನ್ಮನ ತಣಿಸಿತು. ವಿದೇಶಿ ನೆಲದಲ್ಲಿ ಮೈಸೂರಿನ ಪ್ರತಿಭೆಗಳ ಅನುರಣನ ಮುದ ನೀಡಿತು.ಜಾನಪದ ತಜ್ಞ ಶ್ರೀ ಮತಿಘಟ್ಟ ಕೃಷ್ಣ ಮೂರ್ತಿ ಅವರ ಮೊಮ್ಮಗ ಶ್ರೀದತ್ತ ತಬಲಾ ವಾದನದಲ್ಲಿ ಮೂವರ ಪಿಟೀಲು ವಾದನಕ್ಕೆ ಜತೆಯಾದರು.</p><p>ಶ್ರೀ ಗಣೇಶ ಹಿಂದೂ ದೇವಸ್ಥಾನದ ಸ್ಥಾಪಕ ಸದಸ್ಯರಲ್ಲಿ ಒಬ್ಬರಾದ ಹನುಮಯ್ಯ ವೈದ್ಯನಾಥನ್ , ದೇವಾಲಯ ಸಮಿತಿಯ ಸದಸ್ಯರಾದ ಆರ್. ಜಯರಾಮ ನಾಯ್ಡು, ವಿಲ್ವನಾಥನ್ ಕೃಷ್ಣಮೂರ್ತಿ ಅವರು ಇಡೀ ಕಾರ್ಯಕ್ರಮದ ವೇಳೆ ಅಭಯ್‌ ಮತ್ತವರ ತಂಡವರಿಗೆ ಆಸರೆಯಾಗಿ ನಿಂತಿದ್ದರು.ಬರ್ಲಿನ್‌ನಲ್ಲಿ ಈ ಬಾರಿ ಯೋಗ- ಸಂಗೀತ ದಿನ ನೆನಪಿನ ಕಾರ್ಯಕ್ರಮವಾಗಿ ಉಳಿಯಿತು.</p>

ಮೈಸೂರಿನ ಪ್ರತಿಭೆಗಳ ಮಹಾಸಂಗಮದಂತೆ ಜರ್ಮನಿಯ ಬರ್ಲಿನ್‌ನಲ್ಲಿ ಯೋಗ ಹಾಗೂ ಸಂಗೀತ ದಿನವನ್ನು ಆಚರಿಸಲಾಯಿತು. ಅದರ ವಿಶೇಷ ಏನು ಇಲ್ಲಿದೆ ವಿವರ.

ಇತರೆಲ್ಲಾ ಭಾಷೆಗಳು ಸೊಸೆಯಾಗಲಿ, ಕನ್ನಡವೇ ಸದಾ ತಾಯಿಯ ಸ್ಥಾನದಲ್ಲಿರಲಿ: ತನಾಶಿ

<p><strong>ಮೈಸೂರು:</strong> ‘ಯಾವುದೇ ಭಾಷೆಯನ್ನು ನಾವು ತಿರಸ್ಕರಿಸಬೇಕಿಲ್ಲ. ಅಥವಾ ಅಗೌರವ ತೋರಿಸಬೇಕಿಲ್ಲ. ಎಲ್ಲ ಭಾಷೆಗಳ ಸತ್ವ ಹೀರಿ ಬೆಳೆದಿದೆ ನಮ್ಮ ತಾಯ್ನುಡಿ. ಇತರ ಭಾಷೆಗಳನ್ನು ಸೊಸೆ ಎಂದುಕೊಳ್ಳೋಣ. ಕನ್ನಡವೇ ಸದಾ ನಮ್ಮ ತಾಯಿಯ ಸ್ಥಾನದಲ್ಲಿರಲಿ' ಎಂದು ಖ್ಯಾತ ಸಾಹಿತಿ, ಕವಿ ಟಿ.ಎನ್.ಶಿವಕುಮಾರ್ (ತನಾಶಿ) ಹೇಳಿದರು.</p><p>ನಗರದ ಗಾನಭಾರತಿ ಕಲಾ ಸಮುಚ್ಚಯದ ರಮಾ ಗೋವಿಂದ ಕಲಾವೇದಿಕೆಯಲ್ಲಿ ಭಾನುವಾರ ‘ಡಿವಿಜಿ ಬಳಗ ಪ್ರತಿಷ್ಠಾನ‘ದ ವತಿಯಿಂದ ನೀಡುವ ಪ್ರತಿಷ್ಠಿತ ‘ಡಿವಿಜಿ ಪ್ರಶಸ್ತಿ 2025‘ ಸ್ವೀಕರಿಸಿ ಮಾತನಾಡಿದರು.</p><p>ಇತ್ತೀಚಿನ ದಿನಗಳಲ್ಲಿ ಕನ್ನಡ ಸಂವಾದದ ಸೊಗಸು ಕಣ್ಮರೆಯಾಗುತ್ತಿದೆ. ಅನಗತ್ಯವಾದ ಇಂಗ್ಲಿಷ್ ಪದಗಳನ್ನು ಬಳಸುವ ಪ್ರವೃತ್ತಿ ಹೆಚ್ಚಾಗಿದೆ. ನಾವು ಕನ್ನಡಿಗರು, ನಾವೇ ಕನ್ನಡ ಬಳಸದಿದ್ದರೆ ಹೇಗೆ? ಇತರ ಭಾಷೆಗಳಿಗೆ ಗೌರವ, ಮರ್ಯಾದೆ ಕೊಡೋಣ. ಆದರೆ ಕನ್ನಡವನ್ನು ಅಮ್ಮನ ಸ್ಥಾನದಲ್ಲಿ ಉಳಿಸಿಕೊಳ್ಳೋಣ' ಎಂದರು.</p><p>ಕನ್ನಡದ ಹಲವು ಮಹತ್ವದ ಕವಿಗಳ ಕೊಡುಗೆ ಮೆಲುಕು ಹಾಕಿದ ಅವರು, ‘ನೀವು ವೇದ, ಪುರಾಣ, ರಾಮಾಯಣ, ಮಹಾಭಾರತ ಓದದಿದ್ದರೂ ಪರವಾಗಿಲ್ಲ. ಆದರೆ ಡಿವಿಜಿ ಅವರ ಮಂಕುತಿಮ್ಮನ ಕಗ್ಗವನ್ನು ಮಾತ್ರ ತಪ್ಪದೇ ಓದಿ. ಅದರಲ್ಲಿ ಎಲ್ಲದರ ಸಾರವಿದೆ. ಬದುಕಿನ ಸೂಕ್ಷ್ಮಗಳಿಗೆ ನಾವು ಹೇಗೆ ಪ್ರತಿಕ್ರಿಯಿಸಬೇಕೆಂದು ತಿಳಿಸುತ್ತಲೇ ಕಷ್ಟಗಳನ್ನು ಸಹಿಸುವ ಮನಸ್ಥಿತಿಗೆ ನಮ್ಮನ್ನು ಸಜ್ಜುಗೊಳಿಸುತ್ತದೆ' ಎಂದು ತಿಳಿಸಿದರು.</p><p>ನನ್ನ ಮನೆಗೆ ಬೆಂಕಿ ಬಿದ್ದ ನಂತರದ 16 ವರ್ಷ ನಾನು ಏನೂ ಬರೆಯಲಿಲ್ಲ. ಸತತವಾಗಿ ದೇಶ ಸುತ್ತಿದ್ದೇನೆ. ಬದುಕಿನ ಕಷ್ಟಗಳ ಅರಿವು ನನಗಿದೆ. ಎದುರಾಗುವ ಎಲ್ಲರೂ ನನಗೆ ಗುರುಸ್ವರೂಪರೇ. ಎಲ್ಲರಿಂದಲೂ ಏನಾದರೂ ಒಂದು ಕಲಿತಿದ್ದೇನೆ ಎಂದು ನೆನಪಿಸಿಕೊಂಡರು.</p><p>ಸಹಿತವಾದದ್ದು ಸಾಹಿತ್ಯ. ಎಲ್ಲವನ್ನೂ ಒಳಗೊಳ್ಳಲು, ಎಲ್ಲರನ್ನೂ ಬೆಸೆಯಲು ಸಾಹಿತ್ಯಕ್ಕೆ ಸಾಧ್ಯ ಎಂದರು.</p><p>ಕಾರ್ಯಕ್ರಮದಲ್ಲಿ ಮಾತನಾಡಿದ ಖ್ಯಾತ ಸಂಗೀತ ವಿದ್ವಾಂಸ ಡಾ ರಾ.ಸ.ನಂದಕುಮಾರ್ ಮಾತನಾಡಿ, 'ಸಂಗೀತಾಭ್ಯಾಸ ಆರಂಭಿಸುವ ಮಕ್ಕಳಿಗೆ ಅನುಕೂಲವಾಗುವಂತೆ ಸ್ವರಬದ್ಧವಾದ ಸಣ್ಣ ಕೃತಿಗಳನ್ನು ರಚಿಸಿಕೊಡಿ. ಸಾಹಿತ್ಯ ಸರಸ್ವತಿ ಸಂಗೀತದಲ್ಲಿ ವಿಸ್ತರಿಸಲಿ. ಸಂಗೀತವು ಸಾಹಿತ್ಯದ ಜೊತೆಗಿದ್ದಾಗ ಹೆಚ್ಚು ಜನರನ್ನು ತಲುಪುತ್ತದೆ' ಎಂದು ಅಭಿಪ್ರಾಯಪಟ್ಟರು.</p><p>ಖ್ಯಾತ ವಾಗ್ಮಿ ಜಿ.ಎಸ್.ನಟೇಶ್ ಅವರ ತನಾಶಿ ಅವರ ವಚನಗಳನ್ನು ವಾಚಿಸಿ ಅರ್ಥ ವಿವರಿಸಿದರು. ಡಿವಿಜಿ ಅವರ ಮಂಕುತಿಮ್ಮನ ಕಗ್ಗ ಹಾಗೂ ಸರ್ವಜ್ಞನ ವಚನಗಳನ್ನು ವಾಚಿಸಿ ಅರ್ಥ ವಿವರಿಸಿದರು.</p><p>ತುಮಕೂರಿನ ಚಿಣ್ಣರಾದ ಆರ್ಯ ಭಟ್, ಗಾರ್ಗಿ ಭಟ್ ಮಂಕುತಿಮ್ಮನ ಕಗ್ಗದ ಕೆಲವು ಕಗ್ಗಗಳ ವಾಚಿಸಿ ಸೊಗಸಾಗಿ ವ್ಯಾಖ್ಯಾನಿಸಿದರು. ಅವರ ಪ್ರಯತ್ನ ಸಭಿಕರ ಮನಗೆಲ್ಲುವಲ್ಲಿ ಯಶಸ್ವಿಯಾಯಿತು.</p><p>ತನಾಶಿ ಅವರ ಕೆಲ ರಚನೆಗಳನ್ನು ಖ್ಯಾತ ಗಾಯಕ ಶ್ರೀಹರ್ಷ ಹಾಡಿದರು. ಡಿವಿಜಿ ಬಳಗದ ಸಂಚಾಲಕ ಕನಕರಾಜು ಪ್ರಾಸ್ತಾವಿಕವಾಗಿ ಮಾತನಾಡಿದರು.</p>

Mysuru News DVG Award 2025 Presentation for Tanashi About Kannada Language Poet TN Sivakumar

<h2>ಡಿವಿಜಿ ಪ್ರಶಸ್ತಿ ಪುರಸ್ಕೃತರು</h2><p>'ಡಿವಿಜಿ ಬಳಗ ಪ್ರತಿಷ್ಠಾನ' ಕೊಡುವ 'ಡಿವಿಜಿ ಪ್ರಶಸ್ತಿ'ಗೆ ಕರ್ನಾಟಕದ ಸಾರಸ್ವತ ಲೋಕದಲ್ಲಿ ತನ್ನದೇ ಆದ ಗೌರವವಿದೆ. ಈವರೆಗೆ ಒಟ್ಟು ಹತ್ತು ಪ್ರತಿಭಾನ್ವಿತರಿಗೆ ಡಿವಿಜಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಪುರಸ್ಕೃತರ ವಿವರ ಇಂತಿದೆ.</p><p>ನಡಹಳ್ಳಿ ರಂಗನಾಥ ಶರ್ಮಾ, ಎಸ್.ಆರ್.ರಾಮಸ್ವಾಮಿ, ಕುಮಾರ ನಿಜಗುಣ ಸ್ವಾಮೀಜಿ, ಅಡ್ಯನಡ್ಕ ನರಸಿಂಹ ಭಟ್, ಡಿ.ಆರ್.ವೆಂಕಟರಮಣ (ದಿವಂಗತ), ಶತಾವಧಾನಿ ಡಾ ರಾ ಗಣೇಶ್, ಗುರುರಾಜ ಕರಜಗಿ, ಕೆ.ಸಿ.ಶಿವಪ್ಪ, ಸತ್ಯೇಶ್ ಎನ್.ಬೆಳ್ಳೂರ್, ಟಿ.ಎನ್.ಶಿವಕುಮಾರ್.</p>

‘ಡಿವಿಜಿ ಬಳಗ ಪ್ರತಿಷ್ಠಾನ‘ದ ವತಿಯಿಂದ ನೀಡುವ ಪ್ರತಿಷ್ಠಿತ ‘ಡಿವಿಜಿ ಪ್ರಶಸ್ತಿ 2025‘ &nbsp;ಖ್ಯಾತ ಸಾಹಿತಿ, ಕವಿ ಟಿ.ಎನ್.ಶಿವಕುಮಾರ್ ಅವರಿಗೆ ಪ್ರದಾನ ಮಾಡಲಾಯಿತು. ಈ ವೇಳೆ ಇತರೆಲ್ಲಾ ಭಾಷೆಗಳು ಸೊಸೆಯಾಗಲಿ, ಕನ್ನಡವೇ ಸದಾ ತಾಯಿಯ ಸ್ಥಾನದಲ್ಲಿರಲಿ ಎಂದು ತನಾಶಿ ಹೇಳಿದರು.&nbsp;

ಶೈಕ್ಷಣಿಕ ಅರಾಜಕತೆಯತ್ತ ಸಾಗುತ್ತಿದೆ ಕರ್ನಾಟಕ; ರಾಜೀವ ಹೆಗಡೆ ಬರಹ

<p>ಘಟನೆ 1: ಎಸ್‌ಎಸ್‌ಎಲ್‌ಸಿ ಫಲಿತಾಂಶ ಬರುವವರೆಗೂ ಪಿಯು ಕಾಲೇಜುಗಳ ಪ್ರವೇಶ ಪ್ರಕ್ರಿಯೆ ನಡೆಸಕೂಡದು ಎನ್ನುವ ಆದೇಶವನ್ನು ಶಿಕ್ಷಣ ಇಲಾಖೆ ಹೊರಡಿಸಿತ್ತು. ಈ ನಿಯಮ ಉಲ್ಲಂಘಿಸಿದರೆ ಕಠಿಣ ಕ್ರಮದ ಎಚ್ಚರಿಕೆ ಕೂಡ ನೀಡಲಾಗಿತ್ತು. ಆ ಸಂದರ್ಭದಲ್ಲಿ ಮಂಗಳೂರು ಹಾಗೂ ಬೆಂಗಳೂರಿನ ಇಬ್ಬರು ಪ್ರತಿಷ್ಠಿತ ಸಂಸ್ಥೆಗಳ ಒತ್ತಡಕ್ಕೆ ಮಣಿದ ಪ್ರಭಾವಿ ಸಚಿವರೊಬ್ಬರು, ಅಧಿಕಾರಿಗಳನ್ನು ಕರೆಯಿಸಿಕೊಂಡರು. ʼಇವರು ನಮ್ಮವರು, ಯಾವುದೇ ಸಮಸ್ಯೆಯಾಗದಂತೆ ನೋಡಿಕೊಳ್ಳಿ‘ ಎನ್ನುವ ಮೌಖಿಕ ಎಚ್ಚರಿಕೆ ನೀಡಿದರು. ಸಚಿವರಿಂದ ಅವಾಜು ಹಾಕಿಸಿದ ಶಿಕ್ಷಣ ಸಂಸ್ಥೆಗಳು ಲಕ್ಷ ಲಕ್ಷ ರೂಪಾಯಿ ಶುಲ್ಕ ಏರಿಸಿಕೊಂಡು, ಯಾವುದೇ ನಿಯಮ ಸಂಬಂಧವಿಲ್ಲದಂತೆ ಹಣ ವಸೂಲಿ ಮಾಡಿದವು.</p><p>ಘಟನೆ 2: ಹಾಲಿ ಶಾಸಕ ಪ್ರದೀಪ್‌ ಈಶ್ವರ್‌ ಹೇಳುವಂತೆ ಬೆಂಗಳೂರಿಗೆ ಕೇವಲ 500 ಹಿಡಿದುಕೊಂಡು ಬಂದು, ಇಂದು 300 ಕೋಟಿ ಸಾಮ್ರಾಜ್ಯ ಕಟ್ಟಿದ್ದಾರೆ. ಜಗತ್ತಿನ ಯಾವುದೇ ವಿಷಯಗಳ ಬಗ್ಗೆ ಮಾತನಾಡುವ ಈ ವ್ಯಕ್ತಿಯ ಕೋಚಿಂಗ್‌ ಸೆಂಟರ್‌ನ ಶುಲ್ಕವನ್ನು ಕೇಳಿದರೆ ತಲೆ ತಿರುಗಿ ಹೋಗುತ್ತದೆ. ಈ ವ್ಯಕ್ತಿಯು 12+1 ಎನ್ನುವ ವ್ಯವಸ್ಥೆಯನ್ನು ಅನಾಯಾಸವಾಗಿ ಜಾರಿ ಮಾಡಿಕೊಂಡು, ಪರ್ಯಾಯ ಶಿಕ್ಷಣ ಸಾಮ್ರಾಜ್ಯ ಕಟ್ಟುತ್ತಿದ್ದಾರೆ.</p><p>ಘಟನೆ 3: ಪ್ರತಿಷ್ಠಿತ ಎಂದು ಬರೆಯಿಸಿಕೊಳ್ಳುವ ಬಹುತೇಕ ಖಾಸಗಿ ಶಿಕ್ಷಣ ಸಂಸ್ಥೆಗಳು ಕಳೆದ ಮೂರು ಶೈಕ್ಷಣಿಕ ವರ್ಷದಲ್ಲಿ ಶುಲ್ಕವನ್ನು ದುಪ್ಪಟ್ಟು ಮಾಡಿವೆ. ಪ್ರೀ-ನರ್ಸರಿ ಶಾಲೆಗಳ ಶುಲ್ಕ ಒಂದು-ಎರಡು ಲಕ್ಷ ರೂಪಾಯಿ ದಾಟಿವೆ. ಅಂತರರಾಷ್ಟ್ರೀಯ ಶಾಲೆಗಳೆಂದು ಬೋರ್ಡ್‌ ಹಾಕಿಕೊಂಡವರು ಎರಡಂಕಿ ಲಕ್ಷವನ್ನು ದಾಟುತ್ತಿವೆ. ಆ ಶಾಲೆಗಳ ಶುಲ್ಕ ತೋರಿಸಿಕೊಂಡು ಉಳಿದವರು ಕೂಡ ಈ ಬಾರಿ ಹೆಚ್ಚಿಸಿವೆ. ಶುಲ್ಕ ಬರಿಸಲು ಇಎಂಐ ಪಾವತಿ ರೂಪದ ವ್ಯವಸ್ಥೆ ಬಂದಿದೆ.</p><p>ಸಂಪೂರ್ಣ ರಾಜಕೀಯ ಹೊಂದಾಣಿಕೆಯಲ್ಲಿ ಮಿಂದೇಳುತ್ತಿರುವ ಕರ್ನಾಟಕದಲ್ಲಿ, ಶಿಕ್ಷಣ ಕ್ಷೇತ್ರದ ಈ ಅವ್ಯವಸ್ಥೆ ಬಗ್ಗೆ ಬೀದಿಗಿಳಿಯುವ ಕೆಲಸವನ್ನೇ ಮಾಡುತ್ತಿಲ್ಲ. ಕಳೆದ ಹತ್ತು ವರ್ಷಗಳಲ್ಲಿ ನಾವು ಎಣಿಸಲಾಗದ ಮಟ್ಟಿಗೆ ಶಿಕ್ಷಣವನ್ನು ಕುಲಗೆಡಿಸಿದ್ದೇವೆ. ಈ ಅವ್ಯವಸ್ಥೆ ಬಗ್ಗೆ ಮಾತನಾಡಬೇಕಾದ ರಾಜಕೀಯ ಶಕ್ತಿ ಹಾಗೂ ಸಂಘ-ಸಂಸ್ಥೆಗಳೇ ಈ ವಸೂಲಿ ಕೇಂದ್ರಗಳಾಗಿರುವ ಹಿನ್ನೆಲೆಯಲ್ಲಿ ಜನ ಸಾಮಾನ್ಯರ ಗೋಳಿಗೆ ಯಾರೂ ಧ್ವನಿಯಾಗುತ್ತಿಲ್ಲ. ವಿಪರ್ಯಾಸವೆಂದರೆ ಬೆವರಿನ ಜತೆಗೆ ರಕ್ತ ಸುರಿಸುತ್ತಿರುವ ನಾವು ಜನಸಾಮಾನ್ಯರು ಕೂಡ ಮೌನಕ್ಕೆ ಶರಣಾಗಿದ್ದೇವೆ.</p><p>ಕಳೆದ ಮೂರು ವರ್ಷಗಳಲ್ಲಿ ಖಾಸಗಿ ಶಾಲೆಗಳ ಶುಲ್ಕವು ಬಹುತೇಕ ದುಪ್ಪಟ್ಟಾಗಿದೆ. ಬೆಂಗಳೂರಿನ ಕೆಲವು ಶಾಲೆಗಳಲ್ಲಿ ಈ ವರ್ಷವೊಂದರಲ್ಲೇ ಶೇ 75ರಷ್ಟು ಶುಲ್ಕ ಹೆಚ್ಚಳವಾಗಿದೆ. ನನ್ನ ಸ್ನೇಹಿತರೊಬ್ಬರು ಮೊನ್ನೆ ತಮ್ಮ ಮಗನನ್ನು ಪ್ರೀ-ನರ್ಸರಿಗೆ ಸೇರಿಸಲು ಹೋದಾಗ 2.5 ಲಕ್ಷ ಶುಲ್ಕ ಕಟ್ಟಲು ಹೇಳಿದರಂತೆ. ಮಂಗಳೂರಿನ ಪ್ರತಿಷ್ಠಿತ ಕಾಲೇಜೊಂದರಲ್ಲಿ ಪಿಯುಗೆ ಎಲ್ಲ ಕೋಚಿಂಗ್‌ ಸೇರಿ ಸರಿ ಸುಮಾರು 10 ಲಕ್ಷ ಆಗುತ್ತಿದೆ ಎಂದು ಶಿಕ್ಷಣ ಇಲಾಖೆಯಲ್ಲಿನ ವ್ಯಕ್ತಿಯೊಬ್ಬರು ಅಸಹಾಯಕತೆಯಿಂದ ಹೇಳಿಕೊಂಡರು. ದುಡ್ಡಿದ್ದವರು ದುಬಾರಿ ಶಾಲೆಗೆ ಕಳುಹಿಸುತ್ತಾರೆ ಬಿಡಿ ಎಂದು ನಿರ್ಲಕ್ಷಿಸುವ ಕಾಲ ಹೋಯಿತು. ಏಕೆಂದರೆ ಈ ಶಾಲೆಯ ಶುಲ್ಕ ತೋರಿಸಿ ಅಳಿದುಳಿದ ಶಾಲೆಗಳು ಕೂಡ ಶುಲ್ಕವನ್ನು ಅತಿಯಾಗಿ ಏರಿಸುತ್ತಿವೆ.</p><p>ವಿಪರ್ಯಾಸವೆಂದರೆ ಕರ್ನಾಟಕದಲ್ಲಿ ಸಾಮಾನ್ಯವಾಗಿ ದುಬಾರಿ ಶಿಕ್ಷಣ ಎನಿಸಿಕೊಳ್ಳುವ ವೃತ್ತಿಪರ ಕೋರ್ಸ್‌ಗಳ ಶುಲ್ಕಕ್ಕಿಂತ ಪ್ರಾಥಮಿಕ ಹಾಗೂ ಪಿಯು ಶಿಕ್ಷಣದ ಶುಲ್ಕ ಹೆಚ್ಚಾಗಿದೆ. ವೃತ್ತಿಪರ ಕೋರ್ಸ್‌ಗಳ ಕಾಲೇಜುಗಳಲ್ಲಿನ ಶೇ 10ರಷ್ಟು ಮೂಲ ಸೌಕರ್ಯವನ್ನು ಈ ಶಿಕ್ಷಣ ಸಂಸ್ಥೆಗಳು ಹೊಂದಿರುವುದಿಲ್ಲ. ಆ ಶಿಕ್ಷಣ ಸಂಸ್ಥೆಗಳ ಕಾಲು ಭಾಗದಷ್ಟು ವೇತನವನ್ನು ಶಿಕ್ಷಕರಿಗೆ ನೀಡುವುದಿಲ್ಲ. ಆ ಶಾಲೆಗಳಲ್ಲಿನ ಶಿಕ್ಷಕರ ಗೋಳಿನ ಬಗ್ಗೆ ಪುಸ್ತಕ ಬರೆಯುವಷ್ಟು ವಿಚಾರಗಳಿವೆ. ಇಷ್ಟಾಗಿಯೂ ಎಂಬಿಬಿಎಸ್‌, ಎಂಜಿನಿಯರಿಂಗ್‌, ಎಂಬಿಎ ಕೋರ್ಸ್‌ಗಳಿಗಿಂತ ಪ್ರಾಥಮಿಕ ಶಾಲೆಗಳ ಶುಲ್ಕ ಹೆಚ್ಚಾಗಿದೆ. ಯಾವ ಆಧಾರದ ಮೇಲೆ ಶಿಕ್ಷಣ ಸಂಸ್ಥೆಗಳು ಈ ಮಟ್ಟದ ದುಬಾರಿ ಶುಲ್ಕ ನಿಗದಿ ಮಾಡುತ್ತಿವೆ ಎನ್ನುವುದನ್ನು ಪ್ರಶ್ನಿಸುವ ಜವಾಬ್ದಾರಿಯನ್ನೇ ಸರ್ಕಾರ ಮರೆತಿದೆ. ಏಕೆಂದರೆ ಈ ಶಿಕ್ಷಣ ಸಂಸ್ಥೆಗಳ ಉನ್ನತ ಸ್ಥಾನಗಳಲ್ಲಿ ರಾಜಕಾರಣಿಗಳು ಅಥವಾ ಅಧಿಕಾರಿಗಳ ಕುಟುಂಬವೇ ಕುಳಿತಿದೆ. ಅವರಿಗೆ ಹೇಗೂ ಲೂಟಿ ಮಾಡಿದ ದುಡ್ಡಿದೆ ಅಥವಾ ಆ ಶಾಲೆಗಳಲ್ಲಿ ಉಚಿತವಾಗಿಯೇ ಸೀಟುಗಳು ಸಿಗುತ್ತವೆ. ಆದರೆ ಜನ ಸಾಮಾನ್ಯರು ಹುಚ್ಚಿಗೆ ಬಿದ್ದವರಂತೆ ಸಾಲ ಮಾಡಿ ಈ ಶಾಲೆಗಳ ಹಿಂದೆ ಬೀಳಬೇಕಿದೆ.</p>

<p>ಸರ್ಕಾರ ಅಥವಾ ಸಂಘಗಳಲ್ಲಿ ಮೇಲೆ ಕುಳಿತವರನ್ನು ಈ ಬಗ್ಗೆ ಒಮ್ಮೆ ಪ್ರಶ್ನಿಸಿ ನೋಡಿ, ನಿಮಗೆ ಅತ್ಯದ್ಭುತವಾದ ಉತ್ತರ ಬರುತ್ತದೆ. ʼನೀವು ತಿಳಿದವರೆಲ್ಲ ಮಕ್ಕಳನ್ನು ಖಾಸಗಿ ಶಾಲೆಗೆ ಸೇರಿಸುತ್ತೀರಿ. ಸರ್ಕಾರಿ ಶಾಲೆಯಲ್ಲಿನ ಶಿಕ್ಷಕರು ಹಾಳಾಗಿ ಹೋಗಿದ್ದಾರೆ. ಹೀಗಾಗಿ ಸರ್ಕಾರ ಏನು ಮಾಡಲು ಸಾಧ್ಯ?ʼ ಎನ್ನುವ ಅತ್ಯಂತ ಬುದ್ಧಿವಂತಿಕೆಯ ಉತ್ತರ ನೀಡುತ್ತಾರೆ. ಒಂದು ಕ್ಷಣಕ್ಕೆ ನಮ್ಮ ಕೆನ್ನೆಗೆ ರಪ್ಪೆಂದು ಹೊಡೆದುಕೊಳ್ಳಬೇಕು ಎನ್ನುವ ಮಟ್ಟಿಗೆ ಪ್ರಾಮಾಣಿಕ ಎನಿಸುವ ಉತ್ತರ ಕೊಟ್ಟುಬಿಡುತ್ತಾರೆ. ಆದರೆ ಸರ್ಕಾರಿ ಶಾಲೆಗಳಲ್ಲಿನ ವಾತಾವರಣನ್ನು ಹಾಳು ಮಾಡಿದ್ದು ಹಾಗೂ ಖಾಸಗಿ ಶಾಲೆಗಳ ಮೇಲೆ ಗೀಳು ಹುಟ್ಟಿಕೊಳ್ಳುವಂತೆ ಮಾಡಿದ್ದು ಪಾಲಕರಲ್ಲ. ಇದರ ಹಿಂದೆ ವ್ಯವಸ್ಥಿತ ಷಡ್ಯಂತ್ರಗಳಾಗಿಯೇ ಇಂದು ಈ ಹಂತಕ್ಕೆ ಬಂದು ತಲುಪಿದೆ.</p><h2>ಕೋರ್ಟ್‌ ಕಡೆ ಕೈ ತೋರಿಸುವ ಸರ್ಕಾರ</h2><p>ರಾಜ್ಯದಲ್ಲಿ ಶಿಕ್ಷಣ ಸಂಸ್ಥೆಗಳ ಹಗಲು ದರೋಡೆಯನ್ನು ಪ್ರಶ್ನಿಸಿದರೆ, ಹೈಕೋರ್ಟ್‌ನತ್ತ ರಾಜ್ಯ ಸರ್ಕಾರ ಬೊಟ್ಟು ಮಾಡುತ್ತದೆ. ಖಾಸಗಿ ಶಿಕ್ಷಣ ಸಂಸ್ಥೆಗಳ ಶುಲ್ಕವನ್ನು ನಿರ್ಧರಿಸುವ ಅಧಿಕಾರವಿಲ್ಲವೆಂದು ಹೈಕೋರ್ಟ್‌ ಏಕಸದಸ್ಯ ಪೀಠ ಆದೇಶ ನೀಡಿದೆ. ಯಾವ ಘನ ಉದ್ದೇಶ ಹಾಗೂ ಹಿನ್ನೆಲೆಯಲ್ಲಿ ಈ ಆದೇಶ ಹೊರಕ್ಕೆ ಬಂದಿದೆಯೋ ನನಗೆ ತಿಳಿದಿಲ್ಲ. ಆದರೆ ಇಂತಹದೊಂದು ಆದೇಶದ ವಿರುದ್ಧ ಮೇಲ್ಮನವಿ ಹೋಗದಿರುವ ಶಿಕ್ಷಣ ಇಲಾಖೆ ಮಾತ್ರ ಜನ ವಿರೋಧಿಯಾಗಿದೆ. ವೈಯಕ್ತಿಕ ಭ್ರಷ್ಟಾಚಾರ ಪ್ರಕರಣಗಳಿಗೆ ಕೋಟಿ ಕೋಟಿ ಸುರಿದು ದೆಹಲಿಯಿಂದ ವಕೀಲರನ್ನು ವಿಮಾನದಲ್ಲಿ ಕರೆತರುತ್ತಾರೆ. ಆದರೆ ರಾಜ್ಯದ ಬಡ ಹಾಗೂ ಸಾಮಾನ್ಯ ಜನರ ಮಕ್ಕಳ ಭವಿಷ್ಯ ನಿರ್ಧರಿಸುವ ವಿಚಾರಕ್ಕೆ ಇಂತಹ ವಕೀಲರು ಕಾಣಿಸುವುದಿಲ್ಲ. ಏಕೆಂದರೆ ಪ್ರಜಾಪ್ರಭುತ್ವ ಎನ್ನುವ ಈ ನಾಟಕದಲ್ಲಿ ನಾವು ಪ್ರಜೆಗಳು ಪ್ರಭುಗಳು ಅಲ್ಲವೇ ಅಲ್ಲ. ನಮ್ಮನ್ನು ಅಬ್ಬೆಪಾರಿಗಳನ್ನಾಗಿ ಮಾಡಿ ಲೂಟಿ ಮಾಡುತ್ತಿದ್ದಾರೆ.</p><p>ಅಷ್ಟಕ್ಕೂ ಸರ್ಕಾರಿ ಶಾಲೆಗಳ ಬಗ್ಗೆ ಮಾತನಾಡುವರು, ಈ ಖಾಸಗಿ ಶಾಲೆಗಳ ಶುಲ್ಕದ ಬಗ್ಗೆ ಕೆ ತಲೆ ಕೆಡಿಸಿಕೊಳ್ಳುತ್ತೀರಿ ಎಂದು ಟೀಕಿಸುವವರಿದ್ದಾರೆ. ವಾಸ್ತವವೇನೆಂದರೆ ಇಂಗ್ಲಿಷ್‌ ಮಾಧ್ಯಮದ ಗೀಳಿಗೆ ಬಿದ್ದು ಸರ್ಕಾರಿ ಶಾಲೆಗಳು ಹಳ್ಳ ಹಿಡಿದಿವೆ. ಇದನ್ನೇ ಅಸ್ತ್ರವಾಗಿಸಿಕೊಂಡು ಖಾಸಗಿ ಶಾಲೆಗಳು ಪಾಲಕರನ್ನು ಎಟಿಎಂ ಯಂತ್ರಗಳಂತೆ ಪರಿಗಣಿಸುತ್ತಿದ್ದಾರೆ. ಆದರೆ ಈ ಬಗ್ಗೆ ಧ್ವನಿ ಎತ್ತಬೇಕಾದವರು ಖಾಸಗಿ ಶಾಲೆಗಳ ದಾಳವಾಗಿ ಕೆಲಸ ಮಾಡುತ್ತಿದ್ದಾರೆ. ಸರ್ಕಾರಿ ಶಾಲೆ ಉದ್ಧಾರ ಮಾಡಿ ಎಂದರೆ, ಅದು ಸರಿ‌ ಮಾಡಲಾಗದಷ್ಟು ಕುಲಗೆಟ್ಟು ಹೋಗಿದೆ ಎನ್ನುತ್ತಾರೆ. ಖಾಸಗಿ ಶಾಲೆ ನಿಯಂತ್ರಿಸಿ ಎಂದರೆ ನಮ್ಮ ವ್ಯಾಪ್ತಿಗೆ ಬರುವುದಿಲ್ಲ ಎನ್ನುತ್ತಾರೆ. ಜನ ಎಲ್ಲಿಗೆ ಹೋಗಬೇಕು?</p><h2>ಕೋಚಿಂಗ್‌ ಕೇಂದ್ರಗಳ ಹಾವಳಿ</h2><p>ಕೆಲ ವರ್ಷಗಳ ಹಿಂದೆ ಕೋಚಿಂಗ್‌ ಕೇಂದ್ರಗಳು ಉಳ್ಳವರಿಗೆ ಸೀಮಿತವಾಗಿತ್ತು. ಕೋಚಿಂಗ್‌ ಇಲ್ಲದೆಯೂ ಸಿಇಟಿ ಅಥವಾ ಇನ್ನಿತರ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಉತ್ತಮ ಅಂಕ ಪಡೆಯುವ ಸಾಧ್ಯತೆ ಸಾಕಷ್ಟಿತ್ತು. ಆದರಿಂದ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ. ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಅಸಂಬದ್ಧ ಪಠ್ಯ ಕ್ರಮದ ಕಾರಣದಿಂದ ಪ್ರತಿ ದಿನ ನಡೆಯುವ ತರಗತಿಯ ಕಲಿಕೆಯಿಂದ ದ್ವಿತಿಯ ಪಿಯುಸಿನಲ್ಲಿ ಒಳ್ಳೆಯ ಅಂಕ ಪಡೆಯಬಹುದು. ಆದರೆ ಸ್ಪರ್ಧಾತ್ಮಕ ಪರೀಕ್ಷೆಯತ್ತ ತಲೆ ಹಾಕಿ ಮಲಗಲು ಕೂಡ ಸಾಧ್ಯವಿಲ್ಲ ಎನ್ನುವಂತಾಗಿದೆ. ಇದನ್ನೇ ಅಸ್ತ್ರವನ್ನಾಗಿಸಿಕೊಂಡಿರುವ ಖಾಸಗಿ ಶಿಕ್ಷಣ ಸಂಸ್ಥೆಗಳು, ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆಂದೇ ಪರ್ಯಾಯ ತರಗತಿಗಳನ್ನು ನಡೆಸಲು ಆರಂಭಿಸಿವೆ. ಅದರ ಶುಲ್ಕವು ಪಿಯು ಶುಲ್ಕಕ್ಕಿಂತ ಹೆಚ್ಚಿರುತ್ತವೆ. ಇದರ ಪರಿಣಾಮವಾಗಿ ನಮ್ಮ ಕಾಲದ ಕೋಚಿಂಗ್‌ ಸೆಂಟರ್‌ಗಳು ಇಂದು ರಾಜ್ಯದ ಪ್ರತಿಷ್ಠಿತ ಶಿಕ್ಷಣ ಲೂಟಿ ಸಂಸ್ಥೆಗಳಾಗಿ ಪರಿವರ್ತನೆಯಾಗಿವೆ. ಪ್ರಥಮ ಹಾಗೂ ದ್ವಿತೀಯ ಪಿಯುಸಿಗೆ Aಯಿಂದ Zವರೆಗೆ ವಿಂಗ್‌ಗಳು ಆರಂಭವಾಗಿವೆ. ಎಂಬಿಬಿಎಸ್‌ನ ಕಾಮೆಡ್‌-ಕೆ ಸೀಟುಗಳಿಗಿಂತ ಅತ್ಯಧಿಕ ಮೊತ್ತವನ್ನು ಕೇವಲ ಪಿಯುಗೆ ಕೊಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಇಂತಹ ಕೋಚಿಂಗ್‌ ಸೆಂಟರ್‌ ನಡೆಸುವರೆಲ್ಲ ಜಗತ್ತಿಗೆ ಮೋಟಿವೇಷನ್‌ ಸ್ಪೀಕರ್‌ಗಳಾಗಿದ್ದಾರೆ. ಶಿಕ್ಷಣದ ಹೆಸರಲ್ಲಿ ಪ್ರತಿ ವರ್ಷ ಕೋಟಿ ಕೋಟಿ ಲೂಟಿ ಮಾಡುವ ಭ್ರಷ್ಟ ರಾಜಕಾರಣಿಗಳು, ಬಡತನದ ಬಗ್ಗೆ ಪಾಡ್‌ಕಾಸ್ಟ್‌ನಲ್ಲಿ ಬಿಟ್ಟಿ ಭಾಷಣ ಮಾಡುತ್ತಾರೆ. ನಾವು ಇವರನ್ನೆಲ್ಲ ನೋಡಿಕೊಂಡು ಸುಮ್ಮನೆ ಕುಳಿತಿದ್ದೇವೆ. ಹೀಗೆ ಕುಳಿತರೆ ಇನ್ನು ಕೆಲವೇ ವರ್ಷಗಳಲ್ಲಿ ಜನಸಾಮಾನ್ಯರು ವೈದ್ಯರು ಆಗುವುದು ಸಾಧ್ಯವೇ ಇಲ್ಲದಂಥ ದುಸ್ಥಿತಿ ನಿರ್ಮಾಣವಾಗುತ್ತದೆ. ಜನರ ನೋವನ್ನು ಅರಿಯದವ, ಕಷ್ಟವನ್ನು ನೋಡದವ ವೈದ್ಯನಾದರೆ ಯಾವ ರೀತಿಯ ಚಿಕಿತ್ಸೆ ದೊರೆಯಬಹುದು ಎನ್ನುವುದನ್ನು ಒಮ್ಮೆ ಊಹಿಸಿಕೊಳ್ಳಿ. ಇದನ್ನೆಲ್ಲ ನೆನೆಸಿಕೊಂಡರೆ ಮೈ ಉರಿದುಹೋಗುತ್ತದೆ, ಕೋಪ ನೆತ್ತಿಗೇರಿ ರಾತ್ರಿ ನಿದ್ರೆ ಬರದಂಥ ಸ್ಥಿತಿ ನಿರ್ಮಾಣವಾಗುತ್ತದೆ.</p><h2>ಶಿಕ್ಷಣ ಮೇಳ ಹಾಗೂ ಮಾಧ್ಯಮ</h2><p>ಕೆಲ ವರ್ಷಗಳ ಹಿಂದೆ ಎಂಜಿನಿಯರಿಂಗ್‌ ಹಾಗೂ ವೈದ್ಯ ಕೋರ್ಸ್‌ಗಳ ಶುಲ್ಕವನ್ನು ಶೇ ೫ರಷ್ಟು ಏರಿಸಿದ್ದಾಗ ಮಾಧ್ಯಮಗಳಲ್ಲಿ ಪ್ರತಿರೋಧದ ರೂಪದಲ್ಲಿ ಮುಖಪುಟದ ವರದಿಯಾಗಿತ್ತು. ನಿಗದಿತ ಶುಲ್ಕಕ್ಕಿಂತ 5-‌10 ಸಾವಿರ ರೂಪಾಯಿ ಹೆಚ್ಚುವರಿ ಶುಲ್ಕ ಪಡೆಯುವುದರ ವಿರುದ್ಧ ದೊಡ್ಡ ಗಲಾಟೆಯಾಗಿತ್ತು. ಮಾಧ್ಯಮ ಪ್ರತಿನಿಧಿಗಳ ಒತ್ತಡಕ್ಕೆ ಮಣಿದು ಸದನದಲ್ಲಿ ಪ್ರತಿಪಕ್ಷ ನಾಯಕರು ಪ್ರತಿಭಟಿಸುವಂಥ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಸರ್ಕಾರವು ಅನಿವಾರ್ಯವಾಗಿ ಕ್ರಮವನ್ನು ಕೂಡ ತೆಗೆದುಕೊಳ್ಳಬೇಕಾಗಿತ್ತು. ಆದರೆ ಮಾಧ್ಯಮ ಸಂಸ್ಥೆಗಳು ಮಾಡಿದ ಒಂದು ಸಣ್ಣ ತಪ್ಪಿನಿಂದ ದಶಕದೊಳಗೆ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ. ಕಳೆದೊಂದು ದಶಕದಿಂದ ಬಹುತೇಕ ಮಾಧ್ಯಮ ಸಂಸ್ಥೆಗಳು ಶಿಕ್ಷಣ ಮೇಳ ನಡೆಸುತ್ತಿವೆ. ಆರಂಭಿಕ ಹಂತದಲ್ಲಿ ಓದುಗರಿಗೆ ಶೈಕ್ಷಣಿಕ ಸಲಹೆ ನೀಡುವುದು ಇದರ ಉದ್ದೇಶವಾಗಿತ್ತು. ಆದರೆ ದಿನ ಕಳೆದಂತೆ ಮಾಧ್ಯಮಗಳಲ್ಲ ಋಣಾತ್ಮಕ ಸುದ್ದಿಗಳು ಬರುವುದನ್ನು ನಡೆಯಲು ಇವು ಅಸ್ತ್ರವಾಗಿ ರೂಪಗೊಂಡವು. ಶಿಕ್ಷಣ ಮೇಳದಲ್ಲಿ ಭಾಗಿಯಾದರೆ ನಾವು ಸೇಫ್‌ ಎನ್ನುವ ಮಟ್ಟಿಗೆ ದೊಡ್ಡ ಶಿಕ್ಷಣ ಸಂಸ್ಥೆಗಳು ಬದಲಾದವು. ಇದರ ಪರಿಣಾಮವಾಗಿ ಇಂದು ಖಾಸಗಿ ಶಿಕ್ಷಣ ಸಂಸ್ಥೆಗಳ ಲೂಟಿ ಬಗ್ಗೆ ಚಕಾರವೆತ್ತುತ್ತಿಲ್ಲ. ಸರ್ಕಾರದ ಭಯದಿಂದ ಶಿಕ್ಷಣ ಇಲಾಖೆಯ ಅವ್ಯವಸ್ಥೆಯ ಬಗೆಗೂ ಜಾಣ ಕುರುಡು ಪ್ರದರ್ಶಿಸಲಾಗುತ್ತಿದೆ. ಅಂದ್ಹಾಗೆ ‘ನನ್ನ ಲೇವಲ್‌ನ ನಾಯಕರ ಬಗ್ಗೆ ಮಾತ್ರ ಮಾತನಾಡುತ್ತೇನೆ‘ ಎನ್ನುವ ಬಾಯಿ ಚಪಲದ ರಾಜಕಾರಣಿಯ ಅಸಂಬದ್ಧ ಹೇಳಿಕೆಗಳು ಎಲ್ಲ ಮಾಧ್ಯಮಗಳಲ್ಲೂ ರಾರಾಜಿಸಲು ಕಾರಣ ಕೂಡ ಇದ ‘ಪರಿಶ್ರಮ‘ದ ಜಾಹೀರಾತು ಎನ್ನುವುದನ್ನು ಮರೆಯಬೇಡಿ. ಇದೊಂದು ಸಣ್ಣ ಉದಾಹರಣೆಯಷ್ಟೆ. ನಾವು ಜನಸಾಮಾನ್ಯರು ಹೀಗೆ ಕುಳಿತರೆ ಈ ಲೂಟಿಕೋರರು ಜನಸಾಮಾನ್ಯರ ಕೈಗೆ ಸಿಗದ ಬೇರೆಯದೇ ಲೆವಲ್‌ ತಲುಪುತ್ತಾರೆ, ಹುಷಾರಾಗಿರಿ.</p><p>ಒಂದೊಮ್ಮೆ ಮಾಧ್ಯಮ ಹಾಗೂ ಸರ್ಕಾರದ ಬಗ್ಗೆ ನಾನು ಹೇಳುತ್ತಿರುವುದು ಕಲ್ಪನೆಗೆ ಸೀಮಿತವಾದ ವಿಚಾರವೆಂದಾಗಿದ್ದರೆ, ಇಷ್ಟೊಂದು ಅವ್ಯವಸ್ಥೆ ಇರಲು ಸಾಧ್ಯವಿರಲಿಲ್ಲ. ಹಾಗೆಯೇ ಸರ್ಕಾರ ಹಾಗೂ ಮಾಧ್ಯಮಗಳ ಹಂತದಲ್ಲಿ ಇಂತಹದೊಂದು ಮೌನ ಕಾಣಿಸುತ್ತಿರಲಿಲ್ಲ. ಈ ರಾಜ್ಯದಲ್ಲಿನ ಒಂದೂವರೆ ಕೋಟಿ ವಿದ್ಯಾರ್ಥಿಗಳು ಹಾಗೂ ಮೂರು ಕೋಟಿ ಪಾಲಕರಿಗೆ ಸಂಬಂಧಿಸಿದ ವಿಷಯದ ಬಗ್ಗೆ ಇನ್ನೆಷ್ಟು ದಿನ ಇದೇ ರೀತಿ ಜಾಣ ಕುರುಡು ಪ್ರದರ್ಶಿಸಿಕೊಂಡಿರುತ್ತೀರಿ?</p><h2>ತಿಳಿದವರಿಗೆ ನನ್ನ ಪ್ರಶ್ನೆಗಳು..</h2><ul><li>ನಾನು ಪಡೆಯುವ ಸಂಬಳಕ್ಕೆ ಮಾನದಂಡವಿದೆ, ನಾನು ಕಟ್ಟುವ ತೆರಿಗೆಗೆ ಮಾನದಂಡವಿದೆ, ನನ್ನ ಮನೆಗೆ ಬರುವ ವಿದ್ಯುತ್‌, ನೀರಿನ ಬಿಲ್‌ಗೆ ಇತಿ-ಮಿತಿಗಳಿವೆ. ಆದರೆ ಕೋಟ್ಯಂತರ ವಿದ್ಯಾರ್ಥಿಗಳ ಭವಿಷ್ಯ ನಿರ್ಧರಿಸುವ ಶಿಕ್ಷಣ ವ್ಯವಸ್ಥೆಗೆ ಇದ್ಯಾವುದು ಅನ್ವಯವಾಗದು ಎಂದು ಯಾರಾದರೂ ಹೇಳಿದರೆ ಸರ್ಕಾರ ಹೇಗೆ ಒಪ್ಪಿಕೊಳ್ಳುತ್ತದೆ?</li><li>ಪ್ರಾಥಮಿಕ ಶಿಕ್ಷಣದಲ್ಲಿ ಲಕ್ಷ ಲಕ್ಷ ಶುಲ್ಕ ಪಡೆದುಕೊಳ್ಳುವ ಅಗತ್ಯವೇನಿದೆ ಹಾಗೂ ಅದಕ್ಕೆ ಪೂರಕವಾದ ಯಾವ ತರಬೇತಿಯನ್ನು ಈ ಶಿಕ್ಷಣ ಸಂಸ್ಥೆಗಳು ನೀಡುತ್ತವೆ?</li><li>ಪ್ರತ್ಯೇಕ ಪಠ್ಯ-ಪುಸ್ತಕದ ಹೆಸರಲ್ಲಿ ಸಾವಿರಗಟ್ಟಲೇ ಲೂಟಿ ಮಾಡುವುದನ್ನು ಶಿಕ್ಷಣ ಇಲಾಖೆ ಹೇಗೆ ಒಪ್ಪಿಕೊಳ್ಳುತ್ತಿದೆ?</li><li>ರಾಜ್ಯದ ಯಾವ ಶಿಕ್ಷಣ ಸಂಸ್ಥೆಯು ತಾನು ಪಡೆಯುವ ಶುಲ್ಕದ ನಿಜವಾದ ವಿವರವನ್ನು ತನ್ನ ನೋಟಿಸ್‌ ಬೋರ್ಡ್‌ ಅಥವಾ ವೆಬ್‌ಸೈಟ್‌ನಲ್ಲಿ ಪ್ರಕಟಿಸುತ್ತಿದೆ?</li><li>ಶಿಕ್ಷಣದ ಹೆಸರಲ್ಲಿ ಯಾವುದಾದರೊಬ್ಬ ವ್ಯಕ್ತಿ ನೂರಾರು ಕೋಟಿ ಸಾಮ್ರಾಜ್ಯ ಕಟ್ಟುತ್ತಿದ್ದೇನೆ ಎಂದು ರಾಜಾರೋಷವಾಗಿ ಹೇಳುತ್ತಿದ್ದರೂ, ಆತನಿಗೆ ಸುಪ್ರೀಂ ಕೋರ್ಟ್‌ನ ‘ಶಿಕ್ಷಣ ಲಾಭದಾಯಕ ಉದ್ಯಮವಲ್ಲ‘ ಎನ್ನುವ ಆದೇಶವೇಕೆ ಅನ್ವಯವಾಗುವುದಿಲ್ಲ?</li></ul><p><strong>ವಿಶೇಷ ಸೂಚನೆ: </strong>ಈ ಪ್ರಶ್ನೆಗಳು ನ್ಯಾಯಾಂಗಕ್ಕೆ ಕೇಳುವ ಉದ್ಧಟತನವನ್ನು ನಾನು ಮಾಡುವುದಿಲ್ಲ. ಕೋರ್ಟ್‌ಗೆ ಮನವರಿಕೆ ಮಾಡಿಕೊಡುವ ಕೆಲಸವನ್ನು ಜವಾಬ್ದಾರಿಯುತ ಸರ್ಕಾರ ಮಾಡಬೇಕು. ಅವರಿಗೆ ಬೇಕಾದ ಪ್ರಕರಣಗಳಲ್ಲಿ ವಿದೇಶದಲ್ಲಿ ಕುಳಿತ ವಕೀಲರನ್ನಾದರೂ ಕರೆ ತಂದು ಆ ಕೆಲಸ ಮಾಡಿಸುತ್ತಾರೆ.</p><p><strong>ಕೊನೆಯದಾಗಿ: </strong>ಇದೇ ರೀತಿ ಮುಂದುವರಿದರೆ ಶೈಕ್ಷಣಿಕ ಅರಾಜಕತೆಯತ್ತ ಕರ್ನಾಟಕ ಹೆಜ್ಜೆ ಹಾಕಬೇಕಾಗುತ್ತದೆ. ಹಿಂದೊಂದು ಕಾಲದಲ್ಲಿ ಅಬಕಾರಿ ಮಾಫಿಯಾವು ರಾಜ್ಯವನ್ನು ಆಳುತ್ತಿದ್ದಂತೆ, ಶೈಕ್ಷಣಿಕ ಮಾಫಿಯಾವು ಎಲ್ಲವನ್ನೂ ನಿರ್ಧರಿಸುವ ಕಾಲ ಸನ್ನಿಹಿತವಾಗುತ್ತಿದೆ. ಶಿಕ್ಷಣ ಹಾಗೂ ಆರೋಗ್ಯ ವ್ಯವಸ್ಥೆಯು ಸರ್ಕಾರದಿಂದ ದೂರ ಸರಿದಷ್ಟು, ಬಡವರಿಂದ ಅದು ದೂರ ಹೋಗುತ್ತಿದೆ ಎಂದರ್ಥ. ಹಾಗೆಯೇ ಅಲ್ಲೊಂದು ಆಧುನಿಕ ಮಾಫಿಯಾ ಸೃಷ್ಟಿಯಾಗುತ್ತಿದೆ ಎನ್ನುವುದರ ಸಂಕೇತವೂ ಹೌದು.</p>

ರಾಜೀವ ಹೆಗಡೆ ಬರಹ: ಕರ್ನಾಟಕದಲ್ಲಿ ಸಾಮಾನ್ಯವಾಗಿ ದುಬಾರಿ ಶಿಕ್ಷಣ ಎನಿಸಿಕೊಳ್ಳುವ ವೃತ್ತಿಪರ ಕೋರ್ಸ್‌ಗಳ ಶುಲ್ಕಕ್ಕಿಂತ ಪ್ರಾಥಮಿಕ ಹಾಗೂ ಪಿಯು ಶಿಕ್ಷಣದ ಶುಲ್ಕ ಹೆಚ್ಚಾಗಿದೆ. ವೃತ್ತಿಪರ ಕೋರ್ಸ್‌ಗಳ ಕಾಲೇಜುಗಳಲ್ಲಿನ ಶೇ 10ರಷ್ಟು ಮೂಲ ಸೌಕರ್ಯವನ್ನು ಈ ಶಿಕ್ಷಣ ಸಂಸ್ಥೆಗಳು ಹೊಂದಿರುವುದಿಲ್ಲ.

ವಿಜ್ಞಾನದ ಸೊಗಸು ಹೆಚ್ಚಿಸುವ ಪ್ರಾಯೋಗಿಕ ಕಲಿಕೆಗೆ 'ಪ್ರಯೋಗ'ದ ವೇದಿಕೆ: ಎಚ್‌ಎಸ್‌ ನಾಗರಾಜ್ ಸಂದರ್ಶನ

prayoga institution of education research 

<p><i>ಪ್ರಾಯೋಗಿಕ ಕಲಿಕೆಯ ಮೂಲಕ ಮಕ್ಕಳಿಗೆ ವಿಜ್ಞಾನ ಕಲಿಕೆಯ ಹಲವು ಮಾದರಿಗಳನ್ನು ಸೃಷ್ಟಿಸುವ ಮಹತ್ತರ ಕಾರ್ಯವನ್ನು <strong>'ಪ್ರಯೋಗ'</strong> ಸಂಸ್ಥೆ ಮಾಡುತ್ತಿದೆ. ಕರ್ನಾಟಕದಲ್ಲಿ, ಅಷ್ಟೇಕೆ ಇಡೀ ದೇಶದಲ್ಲಿಯೇ ಹಲವು ಪ್ರಥಮಗಳಿಗೆ ಕಾರಣವಾದ ಶೈಕ್ಷಣಿಕ ಸಂಸ್ಥೆಯಿದು. ವಿಜ್ಞಾನ ಕ್ಷೇತ್ರಗಳಲ್ಲಿ ಹತ್ತಾರು ಅದ್ಭುತಗಳಿಗೆ ಕಾರಣವಾದ ಈ ಸಂಸ್ಥೆಯಲ್ಲಿ ಮಕ್ಕಳೇ ಪ್ರಯೋಗ ಮಾಡಿ ಸಿದ್ಧಪಡಿಸಿದ ಹಲವು ಸಂಶೋಧನಾ ವರದಿಗಳು ಖ್ಯಾತ ಸೈನ್ಸ್‌ ಜರ್ನಲ್‌ಗಳಲ್ಲಿ ಪ್ರಕಟವಾಗಿದೆ. ಇಂಥ ಮಹತ್ವದ ಸಂಸ್ಥೆಯ ಕನಸು ಕಂಡು, ಅದಕ್ಕೆ ತಮ್ಮ ಶ್ರದ್ಧೆ ಮತ್ತು ಬದ್ಧತೆಯಿಂದ ಸಾಕಾರ ರೂಪ ನೀಡಿದ ಎಚ್‌.ಎಸ್‌.ನಾಗರಾಜ ಅವರ ಸಂದರ್ಶನ ಇಲ್ಲಿದೆ.</i></p><ul><li><i><strong>'</strong></i><a rel="nofollow" href="https://www.prayoga.org.in/" target="_blank"><i><strong>ಪ್ರಯೋಗ’ </strong></i></a><i><strong>ಸಂಸ್ಥೆಯ ಉದ್ದೇಶವೇನು?</strong></i><br>– ಅಧ್ಯಯನ ಅಥವಾ ವಿದ್ಯಾಭ್ಯಾಸ ಎನ್ನುವುದು ಕೇವಲ ಪುಸ್ತಕ ಓದುವುದರಿಂದಷ್ಟೇ ಸಾಧ್ಯವಾಗುವುದಿಲ್ಲ. ಜ್ಞಾನಾರ್ಜನೆಗೆ ಅಗತ್ಯ ಪರಿಸರದ ನಿರ್ಮಾಣ ಆಗಬೇಕು. ಓದುವುದು ಎಂದಾಕ್ಷಣ ಜೀವನದಲ್ಲಿ ಮುಂದಿನ ತಲೆಮಾರು ಅವರ ಅಗತ್ಯಗಳನ್ನು, ಮುಂದೆ ಬರುವ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳುವ ಸಾಮರ್ಥ್ಯ ಬರಬೇಕು. ಬ್ರಿಟಿಷರು ರೂಪಿಸಿರುವ ಶಿಕ್ಷಣ ಪದ್ಧತಿಯನ್ನೇ ಇಂದಿಗೂ ನಾವು ಅನುಸರಿಸುತ್ತಿದ್ದೇವೆ. ಅವರಿಗೆ ಗುಮಾಸ್ತರಷ್ಟೇ ಬೇಕಿತ್ತು. ಆದರೆ ಈಗ ಸ್ವತಂತ್ರವಾಗಿ ಯೋಚಿಸುವ ಪ್ರಜೆಗಳನ್ನು ರೂಪಿಸುವುದು ಶಿಕ್ಷಣದ ಉದ್ದೇಶವಾಗಬೇಕು. ಮಕ್ಕಳು ಓದಿದ್ದು ಮರೆಯಬಹುದು, ಆದರೆ ಸೈಕಲು ತುಳಿಯುವುದು ಅಥವಾ ಈಜುವುದನ್ನು ಕಲಿತವರು ಎಂದಿಗೂ ಆ ವಿದ್ಯೆಯನ್ನು ಮರೆಯುವುದಿಲ್ಲ. ನಾವು ಓದಿದ್ದು ಮರೆಯಬಹುದು, ಅನುಭವಿಸಿದ್ದು ಮರೆಯುವುದಿಲ್ಲ. ವಿಜ್ಞಾನ ಶಿಕ್ಷಣದಲ್ಲಿ ಇದನ್ನು ರೂಪಿಸುವುದು, ಜಾರಿಗೆ ತರುವುದು, ಆಸಕ್ತ ವಿದ್ಯಾರ್ಥಿಗಳಿಗೆ ಅವಕಾಶ ಕಲ್ಪಿಸಿಕೊಡುವುದು 'ಪ್ರಯೋಗ' ಸಂಸ್ಥೆಯ ಉದ್ದೇಶ.</li><li><strong>‘ಪ್ರಯೋಗ’ ಸಂಸ್ಥೆ ಹುಟ್ಟಿದ್ದು ಹೇಗೆ?</strong><br>– ನಾನು 25 ವರ್ಷ ಭೌತಶಾಸ್ತ್ರದ ಪಾಠ ಮಾಡಿದ್ದೇನೆ. ವಿಜ್ಞಾನ ಕಲಿಕೆಯನ್ನು ಕೇವಲ 'ಉರು' ಹೊಡಿಸಿ ಅಭ್ಯಾಸ ಮಾಡಿಸಿದರೆ ಅಂಕಗಳು ಬರಬಹುದಾದರೂ ವಿದ್ಯಾರ್ಥಿಗೆ ಹೆಚ್ಚು ಪ್ರಯೋಜನವಿಲ್ಲ. ಇದು ಮನವರಿಕೆಯಾದ ನಂತರ ಪ್ರಾಯೋಗಿಕ ಕಲಿಕೆಗೆ ಒತ್ತು ಕೊಡಬೇಕು ಎನ್ನುವ ನನ್ನ ಅಭಿಪ್ರಾಯವನ್ನು ಸಮಾನ ಮನಸ್ಕರೊಂದಿಗೆ ಹಂಚಿಕೊಂಡೆ. ಒಂದಿಷ್ಟು ಜನರು ಕೈಜೋಡಿಸಿದರು. 'ಪ್ರಯೋಗ' ಆರಂಭವಾಯಿತು.</li><li><strong>'ಪ್ರಯೋಗ'ದ ವೈಶಿಷ್ಟ್ಯಗಳೇನು?</strong><br>- ಪ್ರಾಯೋಗಿಕ ಕಲಿಕೆಗಾಗಿ ರೂಪಿಸಿರುವ ಸಂಸ್ಥೆ ಇದು. ಮೊಬೈಲ್‌ನ ಉದಾಹರಣೆಯೊಂದಿಗೆ ಇದನ್ನು ವಿವರಿಸುತ್ತೇನೆ. ಈಗ್ಗೆ 35 ವರ್ಷಗಳ ಹಿಂದೆ ಮೊಬೈಲ್ ಎನ್ನುವ ಸಾಧನದ ಬಗ್ಗೆ ಯಾರಿಗಾದರೂ ಹೇಳಿದರೆ ನಂಬುತ್ತಲೇ ಇರಲಿಲ್ಲ. ಆದರೆ ಇವತ್ತಿನ ಪರಿಸ್ಥಿತಿ ಹೇಗೆ? ಮೊಬೈಲ್‌ ಇಲ್ಲದ ಜಗತ್ತು ಹಿಂದೆ ಅಸ್ತಿತ್ವದಲ್ಲಿತ್ತು ಎಂದು ಇವತ್ತಿನ ಯುವಕರಿಗೆ ನಂಬಲೂ ಕಷ್ಟವಾದೀತು. ವಿಜ್ಞಾನ ಕಲಿಕೆಯ ವಿಚಾರದಲ್ಲಿಯೂ ಇಂಥದ್ದೇ ಯೋಚನೆಯಿತ್ತು. ಅತ್ಯುನ್ನತ ತಂತ್ರಜ್ಞಾನಗಳು (ಹೈ ಎಂಡ್ ಟೆಕ್ನಾಲಜಿ) ಹೇಗಿರುತ್ತವೆ ಎನ್ನುವುದನ್ನು ನಮ್ಮ ವಿದ್ಯಾರ್ಥಿಗಳಿಗೆ ಪರಿಚಯಿಸಿದರೆ, ಅದನ್ನು ಅವರು ಬಳಸುವ ಮೂಲಕ ವಿಜ್ಞಾನದ ತತ್ವಗಳನ್ನು ಕಲಿತರೆ ಒಳ್ಳೆಯದು ಎನ್ನುವ ತತ್ವಕ್ಕೆ 'ಪ್ರಯೋಗ' ರೂಪುಗೊಂಡಿದೆ. ಪ್ರಾಯೋಗಿಕ ಕಲಿಕೆ, ವಿದ್ಯಾರ್ಥಿಗಳೇ ಇಲ್ಲಿ ವಿಜ್ಞಾನಿಗಳು, ಮಕ್ಕಳ ಹಿನ್ನೆಲೆಯನ್ನು ಗಮನಿಸದೇ ಅವರ ಕನಸುಗಳನ್ನಷ್ಟೇ ಗಮನಿಸಿ ಇಲ್ಲಿ ಪ್ರೋತ್ಸಾಹಿಸಲಾಗುವುದು. ಇದೇ 'ಪ್ರಯೋಗ'ದ ವೈಶಿಷ್ಟ್ಯ.</li></ul>

<ul><li><i><strong>'ಪ್ರಯೋಗ'ದಲ್ಲಿ ಮಕ್ಕಳ ಸಾಮರ್ಥ್ಯವನ್ನು ಹೇಗೆ ಅಂದಾಜಿಸುತ್ತೀರಿ?</strong></i><br>- ಪ್ರತಿ ಮಗುವು ಬೇರೆಬೇರೆ ರೀತಿಯಲ್ಲಿ ಯೋಚಿಸುತ್ತದೆ. ಆ ಮಕ್ಕಳು ಹೇಗೆ ಯೋಚಿಸುತ್ತಾರೆ, ಹೇಗೆ ಕಲಿಯುತ್ತಾರೆ ಎಂದು ಗೊತ್ತಾದರೆ ಸಾಂದರ್ಭಿಕವಾಗಿ ಆಯಾ ಭೂಪ್ರದೇಶದಲ್ಲಿ ಯಾವ ರೀತಿ ಹೇಳಿಕೊಡಬೇಕು ಅಂತ ಗೊತ್ತಾಗುತ್ತದೆ. ಈ ನಿಟ್ಟಿನಲ್ಲಿ ಸಂಶೋಧನೆ ನಡೆಯುತ್ತಿದೆ. ನಮ್ಮಲ್ಲಿಗೆ ಬರುವ ಎಲ್ಲ ಮಕ್ಕಳ ಬಗ್ಗೆಯೂ ಹಲವು ರೀತಿಯ ದತ್ತಾಂಶ ಸಂಗ್ರಹಿಸುತ್ತೇವೆ. ಆ ಮಗು ಹೇಗೆ ಯೋಚಿಸುತ್ತದೆ? ಕಾನ್ಸಪ್ಟೆ ಲರ್ನಿಂಗ್‌ ಆಗ್ತಾ ಇದೆಯಾ? ಐಡಿಯಾ ಬರುತ್ತಿದೆಯಾ? ಇದು ಬೇರೆ, ಅದು ಬೇರೆ ಅಂತ ಗೊತ್ತಾಗುತ್ತಿದೆಯಾ, ನೆಟ್ವರ್ಕ್‌ ಮಾಡುವುದು, ಕಾಂಟ್ರಾಸ್ಟ್‌ ಮಾಡುವುದು, ಕಂಪ್ಯೂಟೇಷನ್‌ ಸ್ಕಿಲ್‌, ಪ್ರಾಬ್ಲಮ್‌ ಸಾಲ್ವಿಂಗ್‌ ಸ್ಕಿಲ್‌ ಎಂದು ಅಧ್ಯಯನ ಮಾಡುತ್ತಿರುತ್ತೇವೆ. ಈ ಅಧ್ಯಯನಕ್ಕೆ ಸುಮಾರು 5 ವರ್ಷ ಹಿಡಿಯುತ್ತದೆ.</li><li><i><strong>'ಪ್ರಯೋಗ'ದಲ್ಲಿ ಯಾವೆಲ್ಲ ಚಟುವಟಿಕೆಗಳು ನಡೆಯುತ್ತವೆ?</strong></i><br>- ಇಲ್ಲಿಗೆ ಪ್ರತಿ ವಾರ ನಾಲ್ಕು ದಿನ 3 ಶಾಲೆಯ 100 ಮಕ್ಕಳು ಬರುತ್ತಾರೆ. ಪ್ರತಿದಿನ 2 ಶಾಲೆಗಳ ಮಕ್ಕಳು ಇಲ್ಲಿ ವಿಜ್ಞಾನ ಕಲಿಯುತ್ತಿರುತ್ತಾರೆ. ಇದರ ಜೊತೆಗೆ ಕರ್ನಾಟಕದ ವಿವಿಧ ಜಿಲ್ಲೆಗಳ ಹಲವು ಗ್ರಾಮಗಳಲ್ಲಿ ನಮ್ಮ ಕೆಲಸ ನಡೆಯುತ್ತಿದೆ. ಸುಮಾರು 11,000 ಮಕ್ಕಳು ನಮ್ಮೊಂದಿಗೆ ಇದ್ದಾರೆ. ಪ್ರತಿ ಮಕ್ಕಳಿಗೆ ಕೈಪಿಡಿಗಳನ್ನು ಕೊಡುತ್ತೇವೆ. ವಿಜ್ಞಾನ ಶಿಕ್ಷಕರಿಗೆ ತರಬೇತಿ ಕೊಡುವುದರೊಂದಿಗೆ ಅವರಿಗೂ ಪ್ರತ್ಯೇಕ ಕೈಪಿಡಿ ಸಿದ್ಧಪಡಿಸಿಕೊಟ್ಟಿದ್ದೇವೆ. ಈ ಕೈಪಿಡಿಗಳನ್ನು ಆಧರಿಸಿ ಪ್ರಯೋಗದ ಚಟುವಟಿಕೆ ನಡೆಸಲು ಪ್ರಯೋಗಾಲಯಗಳನ್ನೂ ಮಾಡಿಕೊಟ್ಟಿದ್ದೇವೆ. ಗಣಿತ ಶಿಕ್ಷಣಕ್ಕಾಗಿ 'ಧಾತು', ವಿದ್ಯಾರ್ಥಿ ವಿಜ್ಞಾನಿಗಳಿಗಾಗಿ 'ಅನ್ವೇಷಣಾ' ಯೋಜನೆಗಳನ್ನು ಅನುಷ್ಠಾನಗೊಳಿಸಿದ್ದೇವೆ. ನಮ್ಮಲ್ಲಿರುವ ಎಲ್ಲ ಸೌಲಭ್ಯಗಳೂ ಉಚಿತ.</li><li><i><strong>'ಪ್ರಯೋಗ' ಕೇಂದ್ರವನ್ನು ವೀಕ್ಷಿಸಲು ಶಾಲಾ ಮಕ್ಕಳು ಬರಬಹುದೇ?</strong></i><br>- ಖಂಡಿತ ಬರಬಹುದು. ಒಂದು ದಿನಕ್ಕೆ ಗರಿಷ್ಠ 50 ಮಕ್ಕಳ ಭೇಟಿಗೆ ಅವಕಾಶವಿದೆ. ಆದರೆ ಮೊದಲೇ ಕರೆ ಮಾಡಿ ಮಾಹಿತಿ ಕೊಟ್ಟಿರಬೇಕು.</li><li><i><strong>ನೀವು ಸಂಗ್ರಹಿಸುವ ಮಕ್ಕಳ ಮಾಹಿತಿ, ದತ್ತಾಂಶವನ್ನು ಏನು ಮಾಡುತ್ತೀರಿ? ಯಾರಿಗೆ ಕೊಡುತ್ತೀರಿ?</strong></i><br>– ರಾಜ್ಯ ಪಠ್ಯಕ್ರಮದ (ಸ್ಟೇಟ್ ಸಿಲಬಸ್) ಶಾಲೆಗಳಲ್ಲಿ ವಿಜ್ಞಾನ ಶಿಕ್ಷಣದ ಚಟುವಟಿಕೆ ನಡೆಯುತ್ತಿದೆ. ನಾವು ಸಂಗ್ರಹಿಸುವ ದತ್ತಾಂಶವನ್ನು ಸರಿಯಾದ ಕ್ರಮದಲ್ಲಿ ಜೋಡಿಸಿ ನಮ್ಮದೇ ವೆಬ್‌ಸೈಟ್‌ನಲ್ಲಿ ಪ್ರಕಟಿಸುತ್ತೇವೆ. ನಾವು ಒಂದು ಮಾದರಿಯನ್ನು ರೂಪಿಸಿಕೊಡಲು ಕಳೆದ ಎರಡು ವರ್ಷಗಳಿಂದಲೂ ಪ್ರಯತ್ನಿಸುತ್ತಿದ್ದೇವೆ. ಮುಂದಿನ ದಿನಗಳಲ್ಲಿ ಅದನ್ನು ಇತರ ಸಂಸ್ಥೆಗಳೂ ಅನುಸರಿಸಬಹುದು. ಈ ಥರದ ಪ್ರಯತ್ನಗಳು ರಾಷ್ಟ್ರಮಟ್ಟದಲ್ಲಿಯೂ ನಡೆಯಬೇಕಿದೆ.</li></ul>

<ul><li><i><strong>ಈ ಎಲ್ಲಾ ಚಟುವಟಿಕೆಗಳನ್ನು ಮಾಡಲು ಹಣಕಾಸನ್ನು ಹೇಗೆ ಹೊಂದಿಸಿಕೊಳ್ಳುತ್ತಿದ್ದೀರಿ?</strong></i><br>– ನಾನು ಮತ್ತು ನಮ್ಮ ಟ್ರಸ್ಟ್‌ನ ಸದಸ್ಯರು ಈ ಮೊದಲು ಶಿಕ್ಷಕರಾಗಿದ್ದವರು ಅಥವಾ ಶಿಕ್ಷಣ ಕ್ಷೇತ್ರದಲ್ಲಿದ್ದವರು. 'ಪ್ರಯೋಗ'ದ ಮೊದಲ 7 ವರ್ಷಗಳ ಚಟುವಟಿಕೆಘಳನ್ನು ನಮ್ಮ ಸ್ವಂತ ದುಡಿಮೆ ಹಣದ ಉಳಿತಾಯದಲ್ಲಿ ನಿರ್ವಹಿಸಿದೆವು. ನಂತರದ ದಿನಗಳಲ್ಲಿ ಹಲವು ಕಾರ್ಪೊರೇಟ್ ಸಂಸ್ಥೆಗಳು ಸಾಮಾಜಿಕ ಹೊಣೆಗಾರಿಕೆ ನಿಧಿಯಡಿ (ಕಾರ್ಪೊರೇಟ್ ಸೋಷಿಯಲ್ ರೆಸ್ಪಾನ್ಸಿಬಲಿಟಿ ಫಂಡ್) ನಮ್ಮೊಡನೆ ಕೈಜೋಡಿಸಿದವು. ಈ ಪೈಕಿ ಕಂಪನಿಯೊಂದು ದೊಡ್ಡಮಟ್ಟದಲ್ಲಿ ಸಹಾಯ ಮಾಡಿತು. ಇತ್ತೀಚಿನ ದಿನಗಳಲ್ಲಿ ಹಲವು ಸಹೃದಯರು ನಮ್ಮೊಂದಿಗೆ ಕೈಜೋಡಿಸಲು ಮುಂದೆ ಬರುತ್ತಿದ್ದಾರೆ.</li><li><i><strong>'ಪ್ರಯೋಗ' ಸಂಸ್ಥೆಯ ಮೂಲಕ ಏನು ಸಾಧಿಸಬೇಕು ಎಂದುಕೊಂಡಿದ್ದೀರಿ?</strong></i><br>- ಸದ್ಯಕ್ಕೆ ನಾವು ಕರ್ನಾಟಕದಲ್ಲಿ ಸಕ್ರಿಯರಾಗಿದ್ದೇವೆ. ನಾವು ಒಂದು ಮಾದರಿ ರೂಪಿಸುವ ಕೆಲಸ ಮಾಡುತ್ತಿದ್ದೇವೆ. ಮುಂದೊಂದು ದಿನ ಇದು ರಾಷ್ಟ್ರಮಟ್ಟದಲ್ಲಿ ಅನುಷ್ಠಾನಗೊಳ್ಳಬೇಕು. ಮುಂದಿನ ದಿನಗಳಲ್ಲಿ ಪ್ರಾಯೋಗಿಕ ವಿಜ್ಞಾನ ಶಿಕ್ಷಣಕ್ಕೆ ಹೆಚ್ಚಿನ ಆದ್ಯತೆ ಸಿಗುವಂತೆ ಆಗಲು ನಾವು ಮುನ್ನುಡಿ ಬರೆಯುತ್ತಿದ್ದೇವೆ.</li><li><i><strong>'ಧಾತು' ಕಾರ್ಯಕ್ರಮದ ಬಗ್ಗೆ ವಿವರಿಸಿ</strong></i><br>- ಇದು ಗಣಿತಕ್ಕೆ ಸಂಬಂಧಿಸಿದ ಕಾರ್ಯಕ್ರಮ. ಗಣಿತ ಕಷ್ಟ ಎನ್ನುವ ಭಾವನೆ ಹಲವರಲ್ಲಿದೆ. ಆದರೆ ಗಣಿತವಿಲ್ಲದೆ ಏನೂ ಇಲ್ಲ. ಜೀವನದಲ್ಲಿ ಬದಕಲು, ಒಂದು ಅಂಗಡಿಗೆ ಹೋಗಿ ವ್ಯಾಪಾರ ಮಾಡಬೇಕೆಂದರೂ, ಗಣಿತ ಬೇಕು. ಗಣಿತವನ್ನು ಭಯವಿಲ್ಲದೆ ಕಲಿಸುವ ಸಾಧ್ಯತೆಯ ಮಾದರಿ ರೂಪಿಸಲು ಪ್ರಯತ್ನಿಸುತ್ತಿದ್ದೇವೆ. ಟ್ಯೂರಿಂಗ್ ಅವಾರ್ಡ್‌ (ಇದು ಗಣಿತದಲ್ಲಿ ನೊಬೆಲ್ ಪ್ರಶಸ್ತಿಗೆ ಸಮಾನವಾದುದು) ವಿಜೇತ ಗಣಿತಜ್ಞರಾದ ಜೆಫ್ರಿ ಉಲ್ಮಾನ್ ನಮ್ಮ ಶಿಕ್ಷಕರು ಮತ್ತು ಸಿಬ್ಬಂದಿಯೊಂದಿಗೆ ಸಮಾಲೋಚನೆ ನಡೆಸುತ್ತಿದ್ದಾರೆ. 'ಧಾತು' ಶೀಘ್ರದಲ್ಲಿಯೇ ಆರಂಭವಾಗಲಿದೆ. ನಾವು ಉಪಯುಕ್ತ ಎಂದು ಕಂಡುಕೊಳ್ಳುವ ಗಣಿತದ ಕಲಿಕಾ ಮಾದರಿಯನ್ನು ಮುಕ್ತವಾಗಿ ವೆಬ್‌ಸೈಟ್‌ಗೆ ಅಪ್‌ಲೋಡ್ ಮಾಡುತ್ತೇವೆ. ಅದನ್ನು ಯಾರು ಉಚಿತವಾಗಿ ಬಳಸಿಕೊಳ್ಳಬಹುದು. ಗಣಿತವನ್ನು ಆಟದಂತೆ ಕಲಿಸುವ ಪ್ರಯತ್ನ ಇದು.</li></ul>

<ul><li><i><strong>ಮಕ್ಕಳಿಗೆ ಯಾವ ವಿಷಯದಲ್ಲಿ ಆಸಕ್ತಿಯಿದೆ ಎಂದು ಪೋಷಕರು, ಶಿಕ್ಷಕರು ಕಂಡುಕೊಳ್ಳುವುದು ಹೇಗೆ?</strong></i><br>– ಈಗ ಊಟದ ವಿಷಯ ಮಾತನಾಡೋಣ. ಮಗುವಿಗೆ ಯಾವ ತಿನಿಸು ಇಷ್ಟ ಎಂದು ತಾಯಿ ಹೇಗೆ ಕಂಡುಕೊಳ್ಳುತ್ತಾಳೆ. ಮಗುವಿಗೆ ಹಲವು ಬಗೆಯ ತಿನಿಸು ಕೊಟ್ಟು ಯಾವುದು ಇಷ್ಟ ಎಂದು ಕಂಡುಕೊಳ್ಳುವ ಪ್ರಯತ್ನ ನಡೆಯುತ್ತದೆ. ಮಗು ಪದೇಪದೆ ಯಾವುದಕ್ಕೆ ಕೈಹಾಕುತ್ತದೆಯೋ ಅದೇ ತಿನಿಸು ಮಗುವಿಗೆ ಇಷ್ಟವಿರಬಹುದು ಎನ್ನುವ ತೀರ್ಮಾನಕ್ಕೆ ತಾಯಿ ಬರುತ್ತಾಳೆ. ವಿವಿಧ ವಿಷಯಗಳನ್ನು ಮೊದಲು ಮಕ್ಕಳಿಗೆ ಹೀಗೆಯೇ ಕೊಡಬೇಕು. ಉದಾ: ಭೌತಶಾಸ್ತ್ರ, ರಸಾಯನಶಾಸ್ತ್ರ, ಜೀವಶಾಸ್ತ್ರ, ಗಣಿತ, ಇತಿಹಾಸ ಇತ್ಯಾದಿ. ವಿವಿಧ ವಿಷಯಗಳಿಗೆ ಸಂಬಂಧಿಸಿದ ಪರಿಕರಗಳನ್ನು ಕೊಟ್ಟು ಮಗು ಯಾವುದನ್ನು ಹೆಚ್ಚು ಕುತೂಹಲದಿಂದ ಗಮನಿಸುತ್ತದೆ ಮತ್ತು ಹೆಚ್ಚು ಕಾಲ ಕಳೆಯುತ್ತದೆ ಎನ್ನುವುದನ್ನು ಗಮನಿಸಿದರೆ ಮಕ್ಕಳಿಗೆ ಯಾವ ವಿಷಯದಲ್ಲಿ ಆಸಕ್ತಿಯಿದೆ ಎನ್ನುವುದನ್ನು ಗುರುತಿಸಬಹುದು.</li><li><i><strong>ಹಲವಾರು ಬಗೆಯ ಪೋಷಕರನ್ನು ನೀವು ಮಾತನಾಡಿಸಿದ್ದೀರಿ. ನಿಮ್ಮ ಪ್ರಕಾರ ಇಂದಿನ ಪೋಷಕರಲ್ಲಿ ಯಾವ ಬಗೆಯ ಬದಲಾವಣೆ ಬೇಕು?</strong></i><br>- ನಮ್ಮ ಬಾಲ್ಯಕ್ಕೂ, ನಮ್ಮ ಪೋಷಕರಿಗೂ ಇಂದಿನ ಮಕ್ಕಳ ಬಾಲ್ಯಕ್ಕೂ, ಈಗಿನ ಪೋಷಕರಿಗೂ ಬಹಳ ವ್ಯತ್ಯಾಸವಿದೆ. ನಿಜ ಹೇಳಬೇಕು ಎಂದರೆ ಇಂದಿನ ಮಕ್ಕಳ ಮೇಲೆ ಹೆಚ್ಚು ಒತ್ತಡವಿದೆ. ನಾವು ಮಕ್ಕಳಿಗೆ ಕೊಡಬೇಕಾದದ್ದು ಪ್ರೀತಿ ಮತ್ತು ಕಲಿಕೆಗೆ ಪೂರಕವಾದ ವಾತಾವರಣ ಮಾತ್ರ. ಮಿಕ್ಕಿದ್ದನ್ನೆಲ್ಲಾ ಮಗುವೇ ಕಂಡುಕೊಳ್ಳುತ್ತದೆ. ಮಕ್ಕಳಿಗೆ ಟಿವಿ ನೋಡಬೇಡ, ಮೊಬೈಲ್‌ನಿಂದ ದೂರ ಇರು ಎನ್ನುವ ಪೋಷಕರು ಸ್ವತಃ ಹೇಗೆ ನಡೆದುಕೊಳ್ಳುತ್ತಾರೆ ಎನ್ನುವುದು ಮುಖ್ಯ. ಮಕ್ಕಳು ನಾವು ಹೇಳುವುದನ್ನು ಕೇಳದಿರಬಹುದು, ಆದರೆ ನಮ್ಮ ನಡತೆಯನ್ನು ಮಾತ್ರ ಖಂಡಿತ ಅನುಸರಿಸುತ್ತಾರೆ. ಮಗು ಒಂದು ಯಂತ್ರವಲ್ಲ. ಇಂದು ಮಕ್ಕಳಿಗಿಂತ ಪೋಷಕರಿಗೆ ಶಿಕ್ಷಣ ಕೊಡಬೇಕಿದೆ. ಜೀವನವೆಂದರೆ ಕೇವಲ ಅಂಕ, ಅಂಕಪಟ್ಟಿಯಷ್ಟೇ ಅಲ್ಲ.</li><li><i><strong>ಪೋಷಕರಿಗೆ ನೀವು ಏನು ಸಲಹೆ ಕೊಡುತ್ತೀರಿ?</strong></i><br>- ನಮ್ಮ ಮಕ್ಕಳ ಭವಿಷ್ಯವನ್ನು ನಾವು ರೂಪಿಸುತ್ತೇವೆ ಎನ್ನುವ ಭ್ರಮೆಯನ್ನು ಪೋಷಕರು ಮೊದಲು ತಲೆಯಿಂದ ತೆಗೆದು ಹಾಕಬೇಕು. ಮಕ್ಕಳ ಆಸಕ್ತಿಯನ್ನು ಗುರುತಿಸಿ ಪ್ರೋತ್ಸಾಹಿಸಿ ಅವರ ಉತ್ಸಾಹಕ್ಕೆ ನೀರೆರೆಯುವುದು ಬಹಳ ಮುಖ್ಯ. ಮಕ್ಕಳನ್ನು ಪ್ರೀತಿಯಿಂದ ಬೆಳೆಸಿ, ಓದಿಸಿ. ಅವರನ್ನು ಒಳ್ಳೆಯ ಪ್ರಜೆಗಳನ್ನಾಗಿಸಲು ಪ್ರಯತ್ನಿಸಿ. ಡಿಗ್ರಿ ಸರ್ಟಿಫಿಕೇಟ್‌ಗಳಷ್ಟೇ ಶಿಕ್ಷಣವಲ್ಲ. ವ್ಯಕ್ತಿಯ ಯೋಗ್ಯತೆಯನ್ನು ಸಂಬಳವಷ್ಟೇ ತೀರ್ಮಾನ ಮಾಡಬಾರದು. ಬದುಕಿಗಾಗಿ ಶಿಕ್ಷಣ ಬೇರೆ, ಹೊಟ್ಟೆಪಾಡಿಗಾಗಿ ಶಿಕ್ಷಣ ಬೇರೆ. (education is for life not for livelihood).</li></ul><h2><i>(ಪ್ರಯೋಗ ಸಂಸ್ಥೆಯ ಕುರಿತು ಹೆಚ್ಚಿನ ಮಾಹಿತಿ </i><a rel="nofollow" href="https://www.prayoga.org.in/" target="_blank"><i>www.prayoga.org.in</i></a><i> ಜಾಲತಾಣದಲ್ಲಿ ಲಭ್ಯ).</i></h2>

ವಿಜ್ಞಾನವನ್ನು ಮಕ್ಕಳು ಇಷ್ಟಪಟ್ಟು ಕಲಿಯುವಂತೆ ಮಾಡುವುದು ಹೇಗೆ ಎನ್ನುವ ಪ್ರಶ್ನೆಗೆ ಉತ್ತರ ಹುಡುಕುವ ಮಹತ್ತರ ಕಾರ್ಯಕ್ಕೆ 'ಪ್ರಯೋಗ' ಸಂಸ್ಥೆಯು ಮುಂದಾಗಿದೆ. ಕರ್ನಾಟಕದ ಸಾವಿರಾರು ಮಕ್ಕಳಿಗೆ, ಶಿಕ್ಷಕರಿಗೆ, ಪೋಷಕರಿಗೆ ವಿಜ್ಞಾನದ ದೀಕ್ಷೆ ಕೊಟ್ಟಿರುವ 'ಪ್ರಯೋಗ' ಸಂಸ್ಥೆಯ ಸಂಸ್ಥಾಪಕ ಎಚ್‌ಎಸ್ ನಾಗರಾಜ ಅವರ ಮನದ ಮಾತು ಇಲ್ಲಿದೆ. (ಸಂದರ್ಶನ: ಅರ್ಚನಾ ವಿ.ಭಟ್)

ʻಕಪಟ ನಾಟಕ ಸೂತ್ರಧಾರಿʼ ಚಿತ್ರದ ಟ್ರೇಲರ್‌ ಬಿಡುಗಡೆ; ಜುಲೈ 4ರಂದು ಚಿತ್ರಮಂದಿರಕ್ಕೆ ಹೊಸಬರ ಹೊಸ ಪ್ರಯತ್ನ

<p>ಧೀರಜ್ ಎಂ.ವಿ ನಿರ್ದೇಶನದ, ಅಭಿರಾಮ ಅರ್ಜುನ ಬ್ಯುಸಿನೆಸ್ ಹೆಡ್ ಆಗಿ ಕಾರ್ಯನಿರ್ವಹಿಸಿರುವ ʻಕಪಟ ನಾಟಕ ಸೂತ್ರಧಾರಿʼ ಚಿತ್ರದ ಟ್ರೈಲರ್ ಬಿಡುಗಡೆಗೊಂಡಿದೆ. ಜುಲೈ 4ರಂದು ತೆರೆಕಾಣಲಿರುವ ಈ ಸಿನಿಮಾದ ಪ್ರಧಾನ ಕಥಾ ಸುಳಿವೊಂದು ಈ ಮೂಲಕ ಜಾಹೀರಾದಂತಾಗಿದೆ. ಭಾರತದ ಪ್ರಥಮ ನ್ಯೂ ಏಜ್ ಪೊಲಿಟಿಕಲ್ ಸಟೈರ್ ಸಿನಿಮಾ ಎಂಬುದೂ ಸೇರಿದಂತೆ ಒಂದಷ್ಟು ವಿಶೇಷತೆಗಳ ಮೂಲಕ ಗಮನ ಸೆಳೆದುಕೊಂಡಿದ್ದ ಚಿತ್ರವಿದು. ಬಿಡುಗಡೆಗೆ ಕೆಲ ದಿನಗಳು ಬಾಕಿ ಇರುವಾಗಲೇ ಚಿತ್ರತಂಡ ಟ್ರೈಲರ್ ಅನ್ನು ಪ್ರೇಕ್ಷಕರ ಮುಂದಿಟ್ಟಿದೆ. ನಮ್ಮ ಸಮಾಜದಲ್ಲಿನ ಪ್ರಸ್ತುತ ಸ್ಥಿತಿಗತಿಗತಿಗಳನ್ನು ಕಣ್ಣೆದುರು ತರುವಂಥ ದೃಶ್ಯಗಳ ಮೂಲಕ ಈ ಟ್ರೈಲರ್ ಕುತುಹಲ ಮೂಡಿಸಿದೆ.</p><p>ಈ ನೆಲದ ಜನಸಾಮಾನ್ಯರಲ್ಲಿ ಸಹಜವಾಗಿ ನೆಲೆಗೊಂಡಿರುವ ಧಾರ್ಮಿಕ ಭಾವನೆಗಳು ರಾಜಕಾರಣದ ಕಪಿಮುಷ್ಠಿಗೆ ಸಿಲುಕಿಕೊಂಡಿರುವ ಕಾಲಮಾನವಿದು. ಒಂದು ಸಮುದಾಯದ ನಂಬಿಕೆಯ ತಾಣಕ್ಕೆ ಮತ್ತೊಂದು ಸಮುದಾಯದ ಯುವಕ ಸಹಜ ಕುತೂಹಲದಿಂದ ಭೇಟಿ ನೀಡಿದಾಗ ಘಟಿಸುವ ಕಥನದ ಬಿಂದುವಿನಿಂದ ರೋಚಕ ಕಥನವೊಂದು ಬಿಚ್ಚಿಕೊಳ್ಳುವ ಬಿಂದುವೊಂದು ಈ ಟ್ರೈಲರಿನಲ್ಲಿ ಕಾಣಿಸಿದೆ. ಸಹಜವಾದ ದೃಶ್ಯಗಳ ಮೂಲಕ, ಗಹನಾದ ಕಥೆ ಹೇಳ ಹೊರಟಂತೆ ಭಾಸವಾಗುವ ಟ್ರೈಲರ್ ಮೂಲಕ ಕಪಟ ನಾಟಕ ಸೂತ್ರಧಾರಿ ಪ್ರೇಕ್ಷಕರನ್ನು ಸೆಳೆದುಕೊಂಡಂತಿದೆ.</p><p>ಹೊಸಬರೇ ಸೇರಿ ಈ ಸಿನಿಮಾವನ್ನು ರೂಪಿಸಿದ್ದಾರೆ. ಈ ಹಿಂದೆ ಫಸ್ಟ್ ಲುಕ್ ಸೇರಿದಂತೆ ಒಂದಷ್ಟು ಬಗೆಯಲ್ಲಿ ಚಿತ್ರತಂಡ ಪ್ರೇಕ್ಷಕರನ್ನು ಮುಖಾಮುಖಿಯಾಗಿತ್ತು. ಈ ಮೂಲಕ ಮೂಡಿಕೊಂಡಿದ್ದ ಕುತೂಹಲದ ನಡುವೆಯೇ ಟ್ರೈಲರ್ ಲಾಂಚ್ ಆಗಿದೆ. ವಿಎಸ್ ಕೆ ಸಿನಿಮಾಸ್ ಬ್ಯಾನರಿನಡಿಯಲ್ಲಿ ಈ ಚಿತ್ರವನ್ನು ನಿರ್ಮಾಣ ಮಾಡಲಾಗಿದೆ. ಅಭಿರಾಮ ಅರ್ಜುನ ಈ ಸಿನಿಮಾದ ಬ್ಯುಸಿನೆಸ್ ಹೆಡ್ ಆಗಿ ಕಾರ್ಯ ನಿರ್ವಹಿಸಿರುವುದಲ್ಲದೆ, ಪ್ರಧಾನ ಪಾತ್ರಕ್ಕೆ ಜೀವ ತುಂಬಿದ್ದಾರೆ.</p><p>ಐಟಿ ವಲಯದಿಂದ ಬಂದಿರುವ ಧೀರಜ್ ಎಂ.ವಿ ಈ ಮೂಲಕ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ. ವೀರೇಶ್ ಎನ್ ಟಿ ಎ ಛಾಯಾಗ್ರಹಣ, ಪ್ರಸನ್ನ ಕುಮಾರ್ ಎಂ.ಎಸ್ ಸಂಗೀತ ನಿರ್ದೇಶನ ಹಾಗೂ ಮುರಳಿ ಶಂಕರ್ ಸಹ ನಿರ್ದೇಶನವಿರುವ ಈ ಚಿತ್ರದಲ್ಲಿ ಹರೀಶ್ ರಂಗರಾವ್ ಕ್ರಿಯೇಟಿವ್ ಹೆಡ್ ಆಗಿ, ವರುಣ್ ಗುರುರಾಜ್ ಪ್ರೊಡಕ್ಷನ್ ಹೆಡ್ ಆಗಿ ಕಾರ್ಯನಿರ್ವಹಿಸಿದ್ದಾರೆ. ಕಪಟ ನಾಟಕ ಸೂತ್ರಧಾರಿ ಜುಲೈ 4ರಂದು ಪ್ರೇಕ್ಷಕರ ಮುಂದೆ ಬರಲಿದೆ.</p>

ಧೀರಜ್ ಎಂ.ವಿ ನಿರ್ದೇಶನದ, ಅಭಿರಾಮ ಅರ್ಜುನ ಬ್ಯುಸಿನೆಸ್ ಹೆಡ್ ಆಗಿ ಕಾರ್ಯನಿರ್ವಹಿಸಿರುವ ʻಕಪಟ ನಾಟಕ ಸೂತ್ರಧಾರಿʼ ಚಿತ್ರದ ಟ್ರೇಲರ್ ಬಿಡುಗಡೆಗೊಂಡಿದೆ. ಜುಲೈ 4ರಂದು ಸಿನಿಮಾ ರಿಲೀಸ್‌ ಆಗಲಿದೆ.&nbsp;

ʻಅವನಿರಬೇಕಿತ್ತುʼ ಚಿತ್ರ ಬಿಡುಗಡೆಗೆ ರೆಡಿ; ಜೂನ್ 27ರಂದು ರಾಜ್ಯಾದ್ಯಂತ ತೆರೆಗೆ

<p>ಅವನಿರಬೇಕಿತ್ತು... ಕನ್ನಡ ಚಿತ್ರರಂಗಕ್ಕೆ ಅಚ್ಚರಿಯಾಗಿ ಕಾಣ್ತಿರೋ ಹೊಸಬರ ಹೊಸ ಬಗೆಯ ಸಿನಿಮಾ. ಅಂದಕಾಲತ್ತಿಲ್.. ಇಂದ ಕಾಲತ್ತಿಲ್ ಹಾಡಿನಿಂದ ಗಮನ ಸೆಳೆದಿದ್ದ ಅವನಿರಬೇಕಿತ್ತು.. ಓ ಹೃದಯ ಅನ್ನೋ ಹಾಡಿನಿಂದ ಮತ್ತೊಂದು ಪಟ್ಟು ಭರವಸೆಯನ್ನ ಹೆಚ್ಚಿಸಿತ್ತು. ಈ ನಡುವೆ ಟ್ರೈಲರ್ ರಿಲೀಸ್ ಮಾಡಿ, ಇಡೀ ಉದ್ಯಮಕ್ಕೆ ಮೆರಗು ತರೋ ಸೂಚನೆ ನೀಡಿದೆ ಚಿತ್ರತಂಡ. ಅದಕ್ಕೆ ಸಾಕ್ಷಿ ಎಂಬಂತೆ ಆರ್ಗ್ಯಾನಿಕ್ ಆಗಿ ಸೋಷಿಯಲ್ ಮಿಡಿಯಾದಲ್ಲಿ ಈ ಚಿತ್ರದ ಟ್ರೈಲರ್ ಹಾಗೂ ಹಾಡುಗಳಿಗೆ ಅಪ್ಪಟ ಕನ್ನಡ ಸಿನಿಪ್ರಿಯರಿಂದ ಪ್ರಶಂಸೆಗಳು ವ್ಯಕ್ತವಾಗ್ತಿವೆ.</p><p>ಕನ್ನಡ ಚಿತ್ರರಂಗದಲ್ಲಿ ಹಲವು ಚಿತ್ರಗಳಿಗೆ ಕೆಲಸ ಮಾಡಿದ ಅನುಭವವಿರೋ ಬಹುಮುಖ ಪ್ರತಿಭೆ ಅಶೋಕ್ ಸಾಮ್ರಾಟ್ ನಿರ್ದೇಶನದ ಚೊಚ್ಚಲ ಸಿನಿಮಾ ಅವನಿರಬೇಕಿತ್ತು.. ಗೆಳೆಯ ಮುರಳಿ ಬಿಟಿ ಅಶೋಕ್ ಸಿನಿಮಾ ಕನಸಿಗೆ ಬಂಡವಾಳ ಹೂಡಿದ್ದಾರೆ. ಹಂಸಲೇಖ ಶಿಷ್ಯ ಲೋಕಿ ತವಸ್ಯಾ ಸಂಗೀತ ಸಂಯೋಜಿಸಿದ್ದು, ದೇವರಾಜ್ ಪೂಜಾರಿ ಛಾಯಾಗ್ರಹಣ ಮಾಡಿದ್ದಾರೆ. ತಾಂತ್ರಿಕವಾಗಿ ನಿಪುಣರ ತಂಡವನ್ನ ಕಟ್ಟಿಕೊಂಡು, ಹೊಸ ಬಗೆಯ ಕಥೆಯನ್ನ ಹೆಣೆದು, ವಿನೂತನ ಸ್ಕ್ರೀನ್ ಪ್ಲೇ ಜೊತೆಗೆ ಗುಣ ಮಟ್ಟದ ಮೇಕಿಂಗ್ ಮಾಡಿರೋ ಸಿನಿಮಾ `ಅವನಿರಬೇಕಿತ್ತು'.</p><p>ಅವನಿರಬೇಕಿತ್ತು... ಸಿನಿಮಾ ಹಲವಾರು ವಿಶೇಷ ವಿಚಾರಗಳಿಗೆ ಹೆಸರಾಗುವಂತೆ ಕಾಣ್ತಿದೆ.. ಕನ್ನಡ ಪ್ರೇಕ್ಷಕರಿಗೆ ಹೊಸ ಅನುಭವ ಕೊಡುವ ಭರವಸೆಯನ್ನೂ ನೀಡಿದೆ.. ಚಿತ್ರದಲ್ಲಿ ನಾಯಕ ಭರತ್, ನಾಯಕಿ ಸೌಮ್ಯಾ ಹೊಸ ಮುಖಗಳೇ ಆದ್ರೂ ಟ್ರೈಲರ್ ನೋಡಿದಾಗ ಅನುಭವಸ್ಥ ಕಲಾವಿದರಿಗಿಂತ ಏನು ಕಡಿಮೆ ಕಾಣ್ತಿಲ್ಲ.. ಹಾಡುಗಳಲ್ಲಿ ಇವ್ರ ಡ್ಯಾನ್ಸ್ ಮತ್ತು ಅಭಿನಯ ವಿಶೇಷವಾಗಿ ಕಾಣ್ತಿದೆ.. ಚಿತ್ರದಲ್ಲಿ ಪ್ರಶಾಂತ್ ಸಿದ್ದಿ, ಕಿರಣ್ ನಾಯಕ್, ಹಿರಿಯ ನಟಿ ಲಕ್ಷ್ಮೀ ದೇವಮ್ಮ ಸೇರಿದಂತೆ ಹಲವು ಅನುಭವಸ್ಥ ಕಲಾವಿದರು ಅವನಿರಬೇಕಿತ್ತು ಚಿತ್ರಕ್ಕೆ ಶಕ್ತಿಯಾಗಿದ್ದಾರೆ.</p><p>ನಿರ್ಮಾಪಕ ಮುರಳಿ ನಿರ್ದೇಶಕ ಅಶೋಕ್ ಹೊಸಬರೇ ಆದ್ರೂ ಅಪಾರ ಸಿನಿಮಾಸಕ್ತಿ, ಸಿನಿಮಾನುಭವವನ್ನ ಹೊಂದಿರೋ ಸ್ನೇಹಿತರು.. ಹಾಗಾಗಿ ಈ ಸಿನಿಮಾ ಪ್ರೇಕ್ಷಕನೊಬ್ಬ ನಿರ್ಮಾಪಕ ನಿರ್ದೇಶಕನಾಗಿ ಮಾಡಿದಂತೆ ಭಾಸವಾಗ್ತಿದೆ. ಈಗಾಗ್ಲೇ ಪ್ರಚಾರ ಕಾರ್ಯದಲ್ಲಿ ತಲ್ಲೀನವಾಗಿದೆ. ಕೆ.ಆರ್.ಜಿ ಸ್ಟುಡಿಯೋಸ್ ಈ ಚಿತ್ರವನ್ನ ವಿತರಣೆ ಮಾಡಲು ಮುಂದಾಗಿರೋದು ಈ ಸಿನಿಮಾ ಮೇಲಿನ ನಿರೀಕ್ಷೆ ಮತ್ತೊಂದು ಪಟ್ಟು ಹೆಚ್ಚಾಗುವಂತೆ ಮಾಡಿದೆ. ಈ ನಡುವೆ ಅವನಿರಬೇಕಿತ್ತು ಚಿತ್ರದ ಟ್ರೈಲರ್ ನ ನೋಡಿ ಪಿ.ಆರ್.ಕೆ ಸಂಸ್ಥೆಯ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಕೂಡ ಚಿತ್ರತಂಡವನ್ನ ಪ್ರಶಂಸಿಸಿದ್ದಾರೆ.</p><p>ಅವನಿರಬೇಕಿತ್ತು.. ಜೂನ್ 27ರಂದು ರಾಜ್ಯದಾದ್ಯಂತ ರಿಲೀಸ್ ಆಗ್ತಿದೆ. ಎಲ್ಲಾ ವರ್ಗದವರನ್ನೂ ಸೆಳೆಯುವಂತಹ ಅಂಶಗಳಿರೋ ಈ ಚಿತ್ರವನ್ನ ಕನ್ನಡ ಪ್ರೇಕ್ಷಕರು ಹೇಗೆ ಸ್ವೀಕರಿಸ್ತಾರೆ ಅನ್ನೋದೇ ಸದ್ಯದ ಕುತೂಹಲ.</p><h2>ಹೀಗಿದೆ ತಾರಾಗಣ ಮತ್ತು ತಾಂತ್ರಿಕ ವರ್ಗ</h2><p>ಭರತ್, ಸೌಮ್ಯಾ ಜಾನ್, ಜಯಸಿಂಹ, ಲಕ್ಷ್ಮೀದೇವಮ್ಮ, ಪ್ರಶಾಂತ್ ಸಿದ್ದಿ, ಕಿರಣ್ ನಾಯಕ್, ಮಂಜುನಾಥ್ ಎಜಿ, ತೀರ್ಥ ಪೊನ್ನಮ್ಮ, ರಂಗನಾಥ್, ಬಸವ ಮೇತ್ರಿ, ಆಚಾರ್ಯ, ವಿಶೇಷ್, ನಾಗರಾಜ್ ಮತ್ತಿತರರು ನಟಿಸಿದ್ದಾರೆ. ನೋವಿಕಾ ಸಿನಿಪ್ರೊಡಕ್ಷನ್ ಬ್ಯಾನರ್‌ನಲ್ಲಿ ನಿರ್ಮಾಣವಾದ ಈ ಸಿನಿಮಾವನ್ನು ಅಶೋಕ್ ಸಾಮ್ರಾಟ್ ನಿರ್ದೇಶನ ಮಾಡಿದ್ದಾರೆ. ಲೋಕಿ ತವಸ್ಯಾ ಸಂಗೀತ, ದೇವರಾಜ್ ಪೂಜಾರಿ ಛಾಯಾಗ್ರಹಣ, ಮುರಳಿ ಬಿಟಿ ನಿರ್ಮಾಣವಿದೆ.</p>

ಕನ್ನಡ ಚಿತ್ರರಂಗದಲ್ಲಿ ಹಲವು ಚಿತ್ರಗಳಿಗೆ ಕೆಲಸ ಮಾಡಿದ ಅನುಭವವಿರೋ ಬಹುಮುಖ ಪ್ರತಿಭೆ ಅಶೋಕ್ ಸಾಮ್ರಾಟ್ ನಿರ್ದೇಶನದ ಚೊಚ್ಚಲ ಸಿನಿಮಾ ʻಅವನಿರಬೇಕಿತ್ತುʼ. ಈ ಸಿನಿಮಾ ಜೂನ್‌ 27ರಂದು ರಾಜ್ಯಾದ್ಯಂತ ತೆರೆಗೆ ಬರಲಿದೆ.&nbsp;

ವಿಶ್ವ ಯೋಗ ದಿನಾಚರಣೆ ಪ್ರಯುಕ್ತ ಸೋಮೇಶ್ವರ ಕಡಲ ಕಿನಾರೆಯಲ್ಲಿ ಜೂನ್‌ 21 ರಂದು ಯೋಗ ವಿತ್ ಯೋಧ: ಸಂಸದ ಕ್ಯಾಪ್ಟನ್ ಬ್ರಿಜೇಶ್‌ ಚೌಟ

<p><strong>ಮಂಗಳೂರು: </strong>ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯ ಅಂಗವಾಗಿ ಈ ಬಾರಿ ಸೋಮೇಶ್ವರ ಕಡಲ ತೀರದಲ್ಲಿ 'ಯೋಗ ವಿತ್ ಯೋಧ’ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ದಕ್ಷಿಣ ಕನ್ನಡ ಸಂಸದ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಅವರು ತಿಳಿಸಿದರು.</p><p>ದಕ್ಷಿಣ ಕನ್ನಡದ ಪ್ರಸಿದ್ಧ ಪ್ರವಾಸಿ ತಾಣಗಳಲ್ಲಿ ಒಂದಾದ ಸೋಮೇಶ್ವರ ಬೀಚ್ ನ ಕಡಲ ಕಿನಾರೆಯಲ್ಲಿ ಜೂನ್‌ 21ರ ಶನಿವಾರ ಅಪರಾಹ್ನ 3 ಗಂಟೆಗೆ ನಡೆಯಲಿರುವ 'ಯೋಗ ವಿತ್ ಯೋಧ’ ಯೋಗಾಭ್ಯಾಸ ಕಾರ್ಯಕ್ರಮದಲ್ಲಿ ಭಾಗವಹಿಸುವಂತೆ ದಕ್ಷಿಣ ಕನ್ನಡ ಸಂಸದ ಕ್ಯಾಪ್ಟನ್ ಬ್ರಿಜೇಶ್‌ ಚೌಟ ಅವರು ಸಾರ್ವಜನಿಕರಿಗೆ ಆಹ್ವಾನ ನೀಡಿದರು</p><p>ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು 2014ರಲ್ಲಿ ಪ್ರಸ್ತಾವನೆ ಮಾಡಿದ ನಂತರ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು ಜೂನ್‌ 21 ಅನ್ನು ಅಂತರಾಷ್ಟ್ರೀಯ ಯೋಗ ದಿನವನ್ನಾಗಿ ಘೋಷಿಸಿತ್ತು. ಅದರಂತೆ ಈ ಬಾರಿಯ ಆಚರಿಸಲಾಗುತ್ತಿರುವ 11ನೇ ವಿಶ್ವ ಯೋಗ ದಿನದ ಥೀಮ್ ʼಒಂದು ಭೂಮಿ, ಒಂದು ಆರೋಗ್ಯಕ್ಕಾಗಿ ಯೋಗ (Yoga for One Earth, One Health)ʼ ಆಗಿದ್ದು, ನಮ್ಮ ಆರೋಗ್ಯ ಮತ್ತು ಸರ್ವತೋಮುಖ ಬೆಳವಣಿಗೆಗೆ ಯೋಗ ಉತ್ತಮ ಅಭ್ಯಾಸ. ಅದರಂತೆ ದಕ್ಷಿಣ ಕನ್ನಡದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸುವ ಸಲುವಾಗಿ 'ಯೋಗ ವಿತ್ ಯೋಧ' ಕಾರ್ಯಕ್ರಮವನ್ನು ಜಿಲ್ಲೆಯ ಪ್ರವಾಸಿ ತಾಣಗಳಲ್ಲಿ ಆಯೋಜಿಸಲಾಗುತ್ತಿದೆ. ಕಳೆದ ಬಾರಿ ಸಾಹಸ ಜಲಕ್ರೀಡೆಗಳ ತಾಣವಾಗಿರುವ ಸಸಿಹಿತ್ಲುವಿನಲ್ಲಿ ಯಶಸ್ವಿಯಾಗಿ ಆಯೋಜಿಸಲಾಗಿತ್ತು. ಈ ಬಾರಿ ಐತಿಹಾಸಿಕ ಸೋಮೇಶ್ವರ ದೇವಸ್ಥಾನದ ಕಡಲ ಕಿನಾರೆಯಲ್ಲಿ ಯೋಗಾಭ್ಯಾಸ ನಡೆಸಲು ಸಿದ್ದತೆ ನಡೆಸಲಾಗಿದೆ ಎಂದು ಕ್ಯಾ. ಚೌಟ ಅವರು ತಿಳಿಸಿದರು.</p><p>ಸೋಮೇಶ್ವರ ಬೀಚ್ ತನ್ನ ರುದ್ರ ಗಾಂಭೀರ್ಯದಿಂದ ಎಲ್ಲರ ಮನ ಸೆಳೆಯುತ್ತಿದೆ. ಈ ಮನಮೋಹಕ ಪ್ರವಾಸಿ ಹಾಗೂ ಧಾರ್ಮಿಕ ತಾಣವು ಜಾಗತಿಕವಾಗಿ ಮತ್ತಷ್ಟು ಪ್ರವಾಸಿಗರನ್ನು ಸೆಳೆಯುವಂತಾಗಬೇಕು ಎಂಬುದು ನಮ್ಮ ಆಶಯ. ಈ ನಿಟ್ಟಿನಲ್ಲಿ, ನಮ್ಮ ಪ್ರವಾಸಿ ತಾಣಗಳನ್ನು ವಿಶ್ವಕ್ಕೆ ಪರಿಚಯಿಸುವ ಸಣ್ಣ ಪ್ರಯತ್ನ ಇದಾಗಿದೆ. ನಮ್ಮ ಕರಾವಳಿಯ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್‌ಗಳು, ಮಾಧ್ಯಮ ಪ್ರತಿನಿಧಿಗಳು ಹಾಗೂ ಸಾರ್ವಜನಿಕರು ಇಲ್ಲಿದೆ ಭೇಟಿ ನೀಡಿ, ಈ ತಾಣದ ಸೌಂದರ್ಯವನ್ನು ಅನಾವರಣಗೊಳಿಸುವ ಉತ್ತಮ ಗುಣಮಟ್ಟದ ಕಟೆಂಟ್ ಸೃಷ್ಟಿಸಿ, ಹೆಚ್ಚು ಹೆಚ್ಚು ಪ್ರವಾಸಿಗರನ್ನು ಈ ಸ್ಥಳಕ್ಕೆ ಭೇಟಿ ನೀಡಲು ಪ್ರೇರೇಪಿಸುವಂತೆ ಸಂಸದರು ಮನವಿ ಮಾಡಿದರು.</p><p>ಇನ್ನು ’<a target="_blank" href="https://kannada.hindustantimes.com/topic/yoga">ಯೋಗ</a> ವಿತ್ ಯೋಧ ’ ಕಾರ್ಯಕ್ರಮದಲ್ಲಿ <a target="_blank" href="https://kannada.hindustantimes.com/topic/dakshina-kannada">ದಕ್ಷಿಣ ಕನ್ನಡ</a> ಜಿಲ್ಲೆಯ ಸಾಧಕರು, ಕ್ರೀಡಾ ಸಿಬ್ಬಂದಿ, ಮಾಜಿ ಸೈನಿಕರು, ಜೀವರಕ್ಷಕರು, ಸಾಮಾಜಿಕ ಕಾರ್ಯಕರ್ತರು ಮತ್ತು ಇತರ ಗಣ್ಯರು ಭಾಗವಹಿಸಿಲಿದ್ದು, ಆಸಕ್ತರು ಪಾಲ್ಗೊಳ್ಳಬಹುದು ಎಂದು ಕ್ಯಾ. ಚೌಟ ಹೇಳಿದರು.</p><p>(ವರದಿ- ಹರೀಶ್ ಮಾಂಬಾಡಿ, <a target="_blank" href="https://kannada.hindustantimes.com/topic/mangaluru">ಮಂಗಳೂರು</a>)</p>

ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ನಿಮಿತ್ತ ಸೋಮೇಶ್ವರ ಕಡಲ ತೀರದಲ್ಲಿ 'ಯೋಗ ವಿತ್ ಯೋಧ’ ಕಾರ್ಯಕ್ರಮ ನಡೆಯಲಿದೆ ಚಎಂದು ದಕ್ಷಿಣ ಕನ್ನಡ ಸಂಸದ ಕ್ಯಾಪ್ಟನ್ ಬ್ರಿಜೇಶ್ ಚೌಟ ತಿಳಿಸಿದರು. (ವರದಿ- ಹರೀಶ್ ಮಾಂಬಾಡಿ, ಮಂಗಳೂರು)

ಬಂಟ್ವಾಳ: ಗರ್ಭಿಣಿ ಪತ್ನಿಯ ಹತ್ಯೆಗೈದು ಪತಿ ಆತ್ಮಹತ್ಯೆ; ನಾವೂರಿನಲ್ಲಿ ನಡೆಯಿತು ದಾರುಣ ಘಟನೆ

<p><strong>ಮಂಗಳೂರು:</strong> ಬಂಟ್ವಾಳ ತಾಲೂಕು ನಾವೂರು ಗ್ರಾಮದ ಬಡಗುಂಡಿ ಸಮೀಪ ಕಿಲ್ತೋಡಿ ಎಂಬಲ್ಲಿ ಮನೆಯೊಂದರಲ್ಲಿ ಸಜೀಪದ ತಿಮ್ಮಪ್ಪ ಮೂಲ್ಯ (52) ಹಾಗೂ ಅವರ ಗರ್ಭಿಣಿ ಪತ್ನಿ ಜಯಂತಿ (45) ಎಂಬಿಬ್ಬರ ಮೃತದೇಹ ಗುರುವಾರ ಬೆಳಗ್ಗೆ ಪತ್ತೆಯಾಗಿದೆ. ಯಾವುದೋ ವಿಷಯಕ್ಕೆ ಪತ್ನಿಯನ್ನು ಕೊಂದು ತಾನೂ ಆತ್ಮಹತ್ಯೆ ಮಾಡಿಕೊಂಡಿರಬೇಕು ಎಂಬ ಮೃತರ ಸಂಬಂಧಿಗಳ ದೂರಿನಂತೆ ಪ್ರಕರಣ ದಾಖಲಾಗಿದೆ.</p><p>ಜಯಂತಿ ಅವರ ಮೃತದೇಹ ಕೋಣೆಯಲ್ಲಿ ಮಲಗಿದ್ದ ಸ್ಥಿತಿಯಲ್ಲಿ ಇದ್ದರೆ, ತಿಮ್ಮಪ್ಪ ಅವರು ನೇಣು ಬಿಗಿದ ಸ್ಥಿತಿಯಲ್ಲಿ ಕಂಡುಬಂದಿದ್ದರು. ಸಮೀಪದವರು ಬೆಳಗ್ಗೆಯಾದರೂ ಬಾಗಿಲು ತೆರೆಯಲಿಲ್ಲವೇಕೆ ಎಂದು ಸಂಶಯದಿಂದ ಗಮನಿಸಿದಾಗ ವಿಷಯ ಗೊತ್ತಾಗಿದ್ದು, ಕೂಡಲೇ ಪೊಲೀಸರ ಗಮನಕ್ಕೆ ತಂದರು.</p><h2>ಸೀಮಂತ ದಿನ ನಿಗದಿಯಾಗಿತ್ತು</h2><p>ಜಯಂತಿ ಅವರು ಎಂಟು ತಿಂಗಳ ಗರ್ಭಿಣಿಯಾಗಿದ್ದು, ಜುಲೈ 2ರಂದು ಸೀಮಂತ ನಡೆಸುವುದು ಎಂದು ದಿನ ನಿಗದಿಯಾಗಿತ್ತು. ಈ ನಡುವೆ ಅವರು ಆತ್ಮಹತ್ಯೆ ಮಾಡಿಕೊಂಡಿರುವುದು ಕುಟಂಬ ವರ್ಗವನ್ನು ದುಃಖದ ಮಡುವಿನಲ್ಲಿರುವಂತೆ ಮಾಡಿದೆ. ತಿಮ್ಮಪ್ಪ ಮೂಲ್ಯ ಅವರು ಸಜೀಪದಲ್ಲಿ ಅಂಗಡಿ ನಡೆಸಿಕೊಂಡಿದ್ದರು. ಅವರ ಪತ್ನಿಯ ತವರುಮನೆ ಕಿಲ್ತೋಡಿಯಲ್ಲಿ ಘಟನೆ ನಡೆದಿದೆ. ಕೆಲ ಸಮಯಗಳಿಂದ ಪತಿ, ಪತ್ನಿ ಇದೇ ಮನೆಯಲ್ಲಿ ವಾಸಿಸುತ್ತಿದ್ದರು. ಜಯಂತಿ ಅವರಿಗೆ ತಂಗಿ ಇದ್ದು, ಅವರು ಪರಂಗಿಪೇಟೆಗೆ ವಿವಾಹವಾಗಿದ್ದರು. ಕಿಲ್ತೋಡಿಯ ಸಣ್ಣ ಮನೆಯಲ್ಲಿ ಇಬ್ಬರೂ ವಾಸಿಸುತ್ತಿದ್ದು, ಅನ್ಯೋನ್ಯವಾಗಿಯೇ ಇದ್ದು, ವಿವಾಹವಾಗಿ ಸುಮಾರು 16 ವರ್ಷಗಳ ಬಳಿಕ ಗರ್ಭಿಣಿಯಾಗಿರುವುದು ಕುಟುಂಬದಲ್ಲಿ ಸಂತಸವನ್ನೂ ತಂದಿತ್ತು. ಈ ಹಿನ್ನೆಲೆಯಲ್ಲಿ ಅವರ ಸೀಮಂತ ಕಾರ್ಯಕ್ರಮ ಜುಲೈ 2ರಂದು ನಿಗದಿಯಾಗಿತ್ತು.</p><h2>ಘಟನೆಗೆ ಕಾರಣ ನಿಗೂಢ</h2><p>ತಿಮ್ಮಪ್ಪ ಮೂಲ್ಯ ಅವರು ಯಾವ ಕಾರಣಕ್ಕೆ ಈ ಕಠೋರ ಕೃತ್ಯವನ್ನು ಎಸಗಿದ್ದಾರೆ ಎಂಬ ಕಾರಣ ಇನ್ನೂ ನಿಗೂಢವಾಗಿದೆ. ಆರ್ಥಿಕ ಸಂಕಷ್ಟವೇ ಅಥವಾ ಜಗಳವೇನಾದರೂ ಆಗಿತ್ತೇ ಎಂಬ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಮೇಲ್ನೋಟಕ್ಕೆ ಯಾವುದೋ ಕಾರಣಕ್ಕೆ ಜಗಳ ನಡೆದು, ಕತ್ತು ಹಿಸುಕಿ ಪತ್ನಿಯ ಕೊಲೆಗೈದು ಬಳಿಕ ತಾನೂ ಸಾವನ್ನಪ್ಪಿರುವುವ ಸಂಶಯದ ಆಧಾರದಲ್ಲಿ ಪ್ರಕರಣ ದಾಖಲಾಗಿದ್ದು, ವಿಸ್ತ್ಋತ ತನಿಖೆಯಲ್ಲಿ ಇನ್ನಷ್ಟು ಮಾಹಿತಿಗಳು ಹೊರಬರಬೇಕಾಗಿದೆ.</p><h2>ಪ್ರಕಟಣೆಯಲ್ಲಿ ಏನಿದೆ?</h2><p>ಈ ಕುರಿತು ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಕುರಿತು ಪೊಲೀಸರು ಹೊರಡಿಸಿರುವ ಪತ್ರಿಕಾ ಪ್ರಕಟಣೆಯ ವಿವರ ಹೀಗಿದೆ.</p><p>ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ, ನಾವೂರು ಗ್ರಾಮದ ಬಡಗುಂಡಿ ಎಂಬಲ್ಲಿ, ಜೂನ್ 18ರ ರಾತ್ರಿ 11ರಿಂದ ಜೂನ್ 19ರ ಬೆಳಗ್ಗೆ 8ರ ಮಧ್ಯೆ ಅವಧಿಯಲ್ಲಿ ತಿಮ್ಮಪ್ಪ ರಾಮ ಮೂಲ್ಯ (52) ತನ್ನ ಹೆಂಡತಿ ಜಯಂತಿ (45) ಎಂಬವರೊಂದಿಗೆ ಕ್ಷುಲ್ಲಕ ಕಾರಣಕ್ಕೆ ಜಗಳ ತೆಗೆದು, ಜಗಳ ವಿಕೋಪಕ್ಕೆ ತಿರುಗಿ ಜಯಂತಿ ಅವರಿಗೆ ಹಲ್ಲೆ ಮಾಡಿ, ಕತ್ತು ಹಿಚುಕಿ ಸಾಯಿಸಿರುತ್ತಾನೆ. ನಂತರ ತಿಮ್ಮಪ್ಪ ಅಡುಗೆ ಮನೆಯ ಪಕ್ಕಾಸಿಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುತ್ತಾನೆ. ಘಟನೆಗೆ ಸಂಬಂಧಿಸಿದಂತೆ, ಮೃತ ಜಯಂತಿ ಅವರ ತಂಗಿ ಸುಜಾತ ಫರಂಗಿಪೇಟೆ ಎಂಬವರ ದೂರಿನ ಮೇರೆಗೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಅ.ಕ್ರ 72/2025 U/S 103 BNS ಹಾಗೂ ಮೃತ ತಿಮ್ಮಪ್ಪ ಅವರ ಅಣ್ಣ ವಿಶ್ವನಾಥ ಸಜೀಪಮೂಡ, ಬಂಟ್ವಾಳ ಅವರ ದೂರಿನ ಮೇರೆಗೆ UDR No 25/2025 U/S 194 BNSS ರಂತೆ ಪ್ರಕರಣ ದಾಖಲಾಗಿದೆ.</p><p>(ವರದಿ- ಹರೀಶ್ ಮಾಂಬಾಡಿ, ಮಂಗಳೂರು)</p>

ನಾವೂರು ಗ್ರಾಮದ ಬಡಗುಂಡಿ ಸಮೀಪ ಕಿಲ್ತೋಡಿ ಎಂಬಲ್ಲಿ ಮನೆಯೊಂದರಲ್ಲಿ ಸಜೀಪದ ತಿಮ್ಮಪ್ಪ ಮೂಲ್ಯ (52) ಹಾಗೂ ಅವರ ಗರ್ಭಿಣಿ ಪತ್ನಿ ಜಯಂತಿ (45) ಎಂಬಿಬ್ಬರ ಮೃತದೇಹ ಗುರುವಾರ ಬೆಳಗ್ಗೆ ಪತ್ತೆಯಾಗಿದೆ. (ವರದಿ- ಹರೀಶ್ ಮಾಂಬಾಡಿ, ಮಂಗಳೂರು)

ನಿಮಗೆ ಆಗಾಗ ಶನಿ ದೇವರ ಕನಸು ಬೀಳುತ್ತಿದೆಯಾ: ಶನಿ ದೇವರು ಹೇಗೆ ಕಾಣಿಸಿದರೆ ಶುಭ ಮತ್ತು ಹೇಗೆ ಕಾಣಿಸಿದರೆ ಅಶುಭ

<p>ನಾವು ನಿದ್ರಿಸುವಾಗ, ನಮಗೆ ಅನೇಕ ಕನಸುಗಳು ಬೀಳುತ್ತವೆ. ಅವುಗಳಲ್ಲಿ ಕೆಲವು ಕನಸುಗಳು ಮನಸ್ಸಿಗೆ ಸಂತೋಷ ನೀಡುವಂತಿದ್ದರೆ, ಇನ್ನು ಕೆಲವು ಕನಸುಗಳು ನಿದ್ದೆಯಿಂದ ಎಚ್ಚರಗೊಳ್ಳುವಂತೆ ಮಾಡಿ, ಭಯವನ್ನು ಹುಟ್ಟಿಸುತ್ತವೆ. ಪ್ರತಿ ಕನಸುಗಳ ಹಿಂದೆ ಏನಾದರೊಂದು ಸಂಕೇತವಿರುತ್ತದೆ ಎಂದು ಸ್ವಪ್ನ ಶಾಸ್ತ್ರ ಹೇಳುತ್ತದೆ. ಹಾಗೆ ಬೀಳುವ ಕೆಲವು ಕನಸುಗಳು ಒಳ್ಳೆಯ ಫಲಿತಾಂಶಗಳನ್ನು ನೀಡಬಹುದು. ಕೆಲವು ಕೆಟ್ಟ ಫಲಿತಾಂಶಗಳನ್ನು ನೀಡಬಹುದು. ಕೆಲವೊಮ್ಮೆ ಕಾಣವು ದುಃಸ್ವಪ್ನಗಳು ನಮ್ಮನ್ನು ಬಹಳ ಸಮಯದವರೆಗೆ ಕಾಡಲೂಬಹುದು. ಸ್ವಪ್ನ ಶಾಸ್ತ್ರದ ಪ್ರಕಾರ ನಾವು ಕಾಣುವ ಕನಸುಗಳ ಆಧಾರದ ಮೇಲೆ ಅದರ ಅರ್ಥವನ್ನು ಗ್ರಹಿಸಬಹುದಾಗಿದೆ. ಆ ಅರ್ಥಕ್ಕೆ ಅನುಗುಣವಾಗಿ ಪರಿಹಾರ, ಸಮಾಧಾನಗಳನ್ನು ಕಂಡುಕೊಳ್ಳಬಹುದಾಗಿದೆ. ಎಂದಾದರೂ ನಿಮ್ಮ ಕನಸಿನಲ್ಲಿ ಶನಿ ದೇವರನ್ನು ನೀವು ಕಂಡಿದ್ದೀರಾ? ನ್ಯಾಯದ ದೇವರು ಎಂದು ಕರೆಯುವ ಶನಿ ದೇವರು ಕನಸಿನಲ್ಲಿ ಬರುವುದರಿಂದ ಏನಾಗುತ್ತದೆ? ಅದು ಶುಭವೋ, ಅಶುಭವೋ? ಶನಿ ದೇವರು ಹೇಗೆ ಕಾಣಿಸಿದರೆ ಶುಭ ಮತ್ತು ಹೇಗೆ ಕಾಣಿಸಿದರೆ ಅಶುಭ? ಅದಕ್ಕೆ ಪರಿಹಾರವೇನು ಎಂಬುದನ್ನು ಇಂದು ತಿಳಿಯೋಣ.</p><h2>ಕನಸಿನಲ್ಲಿ ಶನಿ ದೇವನನ್ನು ನೋಡುವುದು ಶುಭವೋ ಅಶುಭವೋ?</h2><p>ನೀವು ನಿದ್ದೆ ಮಾಡುವಾಗ ಕನಸಿನಲ್ಲಿ ಶನಿದೇವನನ್ನು ನೋಡಿದರೆ ಅದರ ಅರ್ಥವೇನು?‌ ಅದು ಒಳ್ಳೆಯ ಫಲಿತಾಂಶಗಳನ್ನು ತರುತ್ತದೆಯೇ ಅಥವಾ ಕೆಟ್ಟ ಫಲಿತಾಂಶಗಳನ್ನು ತರುತ್ತದೆಯೇ? ಈಗಾಗಲೇ ಶನಿ ಸಾಡೇ ಸತಿಯ ಪ್ರಭಾವಕ್ಕೆ ಒಳಗಾಗಿದ್ದವರಿಗೆ ಈ ಪ್ರಶ್ನೆ ಕಾಡಬಹುದು. ಈ ಸಮಯದಲ್ಲಿ ಅವರು ತಮ್ಮ ಕನಸಿನಲ್ಲಿ ಶನಿದೇವನನ್ನು ನೋಡಿದರೆ, ಶನಿದೇವನ ವಕ್ರ ದೃಷ್ಟಿಯ ಪ್ರಭಾವ ಕಡಿಮೆಯಾಗುತ್ತದೆ. ಇದಲ್ಲದೆ, ಆ ವ್ಯಕ್ತಿಯ ದುಃಖವೂ ದೂರವಾಗುತ್ತದೆ. ಈ ಕನಸು ಶುಭ ಫಲಿತಾಂಶಗಳನ್ನು ಸಹ ನೀಡುತ್ತದೆ. ಆದರೆ ಶನಿ ದೇವರು ಯಾವ ರೀತಿ ಕಾಣಿಸಿದರೆ ನಿಮಗೆ ಶುಭವಾಗುತ್ತದೆ ಎಂದು ತಿಳಿಯೋಣ.</p><h2>ನವಿಲಿನೊಂದಿಗೆ ಶನಿದೇವ</h2><p>ನಿಮ್ಮ ಕನಸಿನಲ್ಲಿ ಶನಿದೇವನು ನವಿಲಿನೊಂದಿಗೆ ಕಾಣಿಸಿಕೊಂಡರೆ, ಅದನ್ನು ಒಳ್ಳೆಯ ಸಂಕೇತವೆಂದು ಪರಿಗಣಿಸಬೇಕು. ಅದರಿಂದ ಸಂತೋಷ ಹೆಚ್ಚಾಗುತ್ತದೆ. ಜೀವನದಲ್ಲಿ ಉತ್ತಮ ಫಲಿತಾಂಶಗಳು ದೊರೆಯುತ್ತವೆ. ನೀವು ಆರ್ಥಿಕ ಲಾಭಗಳನ್ನು ಸಹ ಪಡೆಯಬಹುದು.</p><h2>ಕಾಗೆಯೊಂದಿಗೆ ಶನಿ ದೇವರು</h2><p>ಶನಿ ದೇವರು ಕಾಗೆಯ ಮೇಲೆ ಸವಾರಿ ಮಾಡುತ್ತಿರುವ ಕನಸು ಕಂಡರೆ ಅದು ಅಶುಭವೆಂದು ಪರಿಗಣಿಸಲಾಗುತ್ತದೆ. ಶನಿಯ ವಾಹನ ಕಾಗೆ. ಆದರೆ, ಶನಿ ದೇವರು ಕಾಗೆಯ ಮೇಲೆ ಸವಾರಿ ಮಾಡುತ್ತಿರುವ ಕನಸು ಕಂಡರೆ ಅದು ಒಳ್ಳೆಯದಲ್ಲ. ಆ ವ್ಯಕ್ತಿಯು ತನ್ನ ಜೀವನದಲ್ಲಿ ಅನೇಕ ಏರಿಳಿತಗಳನ್ನು ಅನುಭವಿಸುತ್ತಾನೆ. ಜೊತೆಗೆ ತನ್ನ ಗೌರವವನ್ನು ಕಳೆದುಕೊಳ್ಳುತ್ತಾನೆ.</p><h2>ಆನೆಯೊಂದಿಗೆ ಶನಿ ದೇವರು</h2><p>ನಿಮ್ಮ ಕನಸಿನಲ್ಲಿ ಶನಿಯು ಆನೆಯ ಜೊತೆಗೆ ಕಾಣಿಸಿಕೊಂಡರೆ, ಅದು ಒಳ್ಳೆಯ ಫಲಿತಾಂಶಗಳನ್ನು ನೀಡುತ್ತದೆ. ಶನಿಯು ಆನೆಯ ಮೇಲೆ ಇರುವಂತೆ ಕನಸು ಕಂಡರೆ, ಆರ್ಥಿಕ ಸಮಸ್ಯೆಗಳು ದೂರವಾಗುತ್ತವೆ ಮತ್ತು ನೀವು ಸಮೃದ್ದಿಯನ್ನು ಪಡೆಯುತ್ತೀರಿ. ಶನಿಯ ಪ್ರಭಾವದಲ್ಲಿರುವ ವ್ಯಕ್ತಿ ಅಂತಹ ಕನಸು ಕಾಣುವುದರಿಂದ ಅವನ ತೊಂದರೆಗಳು ನಿವಾರಣೆಯಾಗುತ್ತದೆ.</p><h2>ಹದ್ದಿನೊಂದಿಗೆ ಶನಿ ದೇವರು</h2><p>ನಿಮ್ಮ ಕನಸಿನಲ್ಲಿ ಶನಿದೇವನು ಹದ್ದಿನ ಜೊತೆ ಕಾಣಿಸಿಕೊಂಡರೆ, ಅದನ್ನು ಅಶುಭವೆಂದು ಪರಿಗಣಿಸಬೇಕು. ಅಂತಹ ಕನಸುಗಳು ಬಿದ್ದರೆ, ನೀವು ಅವುಗಳ ಮಾತನ್ನು ಕೇಳಬೇಕು. ಅಂತಹ ಸಂದರ್ಭದಲ್ಲಿ ಸ್ವಲ್ಪ ಜಾಗರೂಕರಾಗಿರುವುದು ಉತ್ತಮ.</p><h2>ಶನಿ ದೇವರ ಆರಾಧನೆ</h2><p>ನೀವು ಶನಿ ದೇವರನ್ನು ಪೂಜಿಸುತ್ತಿರುವಂತೆ ಕನಸು ಕಂಡರೆ, ಶನಿಯು ನಿಮ್ಮ ಬಗ್ಗೆ ಸಂತೋಷವಾಗಿದ್ದಾನೆ ಎಂದರ್ಥ. ಅಂತಹ ಕನಸುಗಳು ಶುಭ ಫಲಿತಾಂಶಗಳನ್ನು ನೀಡಬಹುದು. ಕೆಲವೊಮ್ಮೆ ಅಶುಭ ಫಲಿತಾಂಶಗಳನ್ನು ನೀಡಬಹುದು.</p><p><i><strong>(ಗಮನಿಸಿ:</strong> ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪುಷ್ಟಿಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.)</i></p>

ನಾವು ಮಲಗಿದಾಗ, ನಮಗೆ ಅನೇಕ ಕನಸುಗಳು ಬೀಳುತ್ತವೆ. ಸ್ವಪ್ನ ಶಾಸ್ತ್ರದ ಪ್ರಕಾರ, ನಾವು ಕಾಣುವ ಕನಸುಗಳ ಆಧಾರದ ಮೇಲೆ, ಅವುಗಳ ಹಿಂದಿನ ಅರ್ಥವನ್ನು ಕಂಡುಕೊಳ್ಳಬಹುದು. ಮತ್ತು ಅದಕ್ಕೆ ಅನುಗುಣವಾಗಿ ಪರಿಹಾರಗಳನ್ನು ಕಂಡುಕೊಳ್ಳಬಹುದು. ನಿಮ್ಮ ಕನಸಿನಲ್ಲಿ ಶನಿ ದೇವರು ಕಾಣಿಸಿಕೊಳ್ಳುವುದು ಶುಭವೋ ಅಥವಾ ಅಶುಭವೋ ಎಂದು ನೋಡೋಣ.

ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹ ನಿರ್ಮಿಸುವುದು ಶುಭವೋ ಅಶುಭವೋ: ವಾಸ್ತು ಹೇಳುವುದನ್ನೊಮ್ಮೆ ಕೇಳಿ

<p>ಮನೆ ಕಟ್ಟುವುದು ಅಷ್ಟು ಸುಲಭದ ಕೆಲಸವಲ್ಲ. ಪ್ರೀತಿಯಿಂದ ಕಟ್ಟಿಸಿದ ಮನೆ ಕುಟುಂಬದ ಎಲ್ಲ ಸದಸ್ಯರಿಗೂ ಸಂತೋಷವನ್ನುಂಟು ಮಾಡುತ್ತಿರಬೇಕು. ಅಲ್ಲಿ ಯಾವುದೇ ನಕಾರಾತ್ಮಕ ಶಕ್ತಿಗಳಿಗೆ ಜಾಗವಿರಕೂಡದು. ಧನಾತ್ಮಕ ಶಕ್ತಿ ಮನೆಯಲ್ಲಿ ತುಂಬಿರುವಂತಿರಬೇಕು. ಆದ್ದರಿಂದ ಸಾಮಾನ್ಯವಾಗಿ ಎಲ್ಲರೂ ವಾಸ್ತು ಪ್ರಕಾರವೇ ಮನೆ ಕಟ್ಟಲು ಮುಂದಾಗುತ್ತಾರೆ. ವಾಸ್ತು ಶಾಸ್ತ್ರವನ್ನು ಸರಿಯಾಗಿ ಪಾಲಿಸುವುದರಿಂದ ಸದ್ಯದ ಸಮಸ್ಯೆಗಳು ಸಹ ದೂರವಾಗುತ್ತವೆ. ಮನೆ ಕಟ್ಟುವಾಗ ಮನೆಯ ಪ್ರತಿ ಕೊಠಡಿ, ಮುಂಭಾಗ, ಕಿಟಕಿ ಎಲ್ಲವನ್ನು ವಾಸ್ತು ಪ್ರಕಾರವೇ ನಿರ್ಮಿಸಲಾಗುತ್ತದೆ. ಭಾರವಾದ ವಸ್ತುವನ್ನು ಯಾವ ದಿಕ್ಕಿಗೆ ಇಡಬೇಕು, ಹಾಸಿಗೆ ಯಾವ ದಿಕ್ಕಿಗೆ ಇರಬೇಕು, ಯಾವ ದಿಕ್ಕಿಗೆ ತಲೆಯಿಟ್ಟು ಮಲಗಬೇಕು, ಹೀಗೆ ಪ್ರತಿಯೊಂದನ್ನು ಪರಿಗಣಿಸಲಾಗುತ್ತದೆ. ಆದರೂ ಕೆಲವು ತಪ್ಪುಗಳನ್ನು ತಿಳಿದೋ ಅಥವಾ ತಿಳಿಯದೆಯೋ ಮಾಡಲಾಗುತ್ತದೆ. ಅದರಿಂದ ವಾಸ್ತು ದೋಷ ಉಂಟಾಗುತ್ತದೆ. ಅವುಗಳನ್ನು ಸರಿಪಡಿಸಿದರೆ ತೊಂದರೆಯಿಂದ ಹೊರಬರಬಹುದು. ಬಹಳಷ್ಟು ಮನೆಗಳಲ್ಲಿ ಎಲ್ಲವನ್ನು ವಾಸ್ತು ಪ್ರಕಾರ ನಿರ್ಮಿಸಿ, ಸ್ನಾನಗೃಹವನ್ನು ಮಾತ್ರ ತಮ್ಮ ಮನಸ್ಸಿಗೆ ಬಂದಂತೆಯೋ ಅಥವಾ ಜಾಗವಿದ್ದಲ್ಲೋ ನಿರ್ಮಿಸಲಾಗುತ್ತದೆ. ಅದರಲ್ಲಿ ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹ ನಿರ್ಮಿಸುವುದು ಒಂದು. ಹಾಗೆ ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವನ್ನು ನಿರ್ಮಿಸುವುದು ಒಳ್ಳೆಯದೋ ಅಥವಾ ಅಲ್ಲವೋ ಎಂಬುದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯವಾಗಿದೆ. ಅದಕ್ಕೆ ವಾಸ್ತು ಏನು ಹೇಳುತ್ತದೆ ಎಂದು ತಿಳಿದುಕೊಳ್ಳೋಣ ಬನ್ನಿ.</p><h2>ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹ</h2><p>ವಾಸ್ತು ಪ್ರಕಾರ ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿದ್ದರೆ ಒಳ್ಳೆಯದೇ? ಅನೇಕ ಮನೆಗಳಲ್ಲಿ ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿರುತ್ತದೆ. ವಾಸ್ತು ಪ್ರಕಾರ, ಮನೆಯಲ್ಲಿ ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿರುವುದು ಒಳ್ಳೆಯದೋ ಅಲ್ಲವೋ ಎಂಬ ವಿಷಯಕ್ಕೆ ಬಂದಾಗ, ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವನ್ನು ನಿರ್ಮಿಸುವುದು ತೂಕ ಮತ್ತು ಒತ್ತಡವನ್ನು ಪ್ರತಿನಿಧಿಸುತ್ತದೆ. ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿರುವುದು ಎಂದರೆ ನಕಾರಾತ್ಮಕ ಶಕ್ತಿಯನ್ನು ಎದುರಿಸಬೇಕಾಗುತ್ತದೆ. ಇದು ಮನೆಯವರ ಮನಸ್ಥಿತಿಯ ಮೇಲೆ ಪರಿಣಾಮ ಬೀರಬಹುದು. ಆರೋಗ್ಯವೂ ಹದಗೆಡುವ ಸಾಧ್ಯತೆಯಿದೆ. ಅದೇ ರೀತಿ, ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿದ್ದರೆ, ಆರ್ಥಿಕ ಸ್ಥಿರತೆ ಮತ್ತು ಸಂಪತ್ತು ನಷ್ಟವಾಗುವ ಸಾಧ್ಯತೆಯಿದೆ. ಹಣವನ್ನು ಪಡೆಯುವಲ್ಲಿ ಅಡೆತಡೆಗಳು ಉಂಟಾಗುತ್ತವೆ. ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿದ್ದರೆ, ಆರೋಗ್ಯ ಸಮಸ್ಯೆಗಳೂ ಇರಬಹುದು ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ಅಷ್ಟೇ ಅಲ್ಲದೆ, ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿದ್ದರೆ ಸಂಬಂಧಗಳ ಮೇಲೆ ಪರಿಣಾಮ ಬೀರಬಹುದು. ಕುಟುಂಬ ಸದಸ್ಯರ ನಡುವೆ ತಪ್ಪು ತಿಳುವಳಿಕೆ ಮತ್ತು ಭಿನ್ನಾಭಿಪ್ರಾಯಗಳ ಸಾಧ್ಯತೆಯೂ ಇರುತ್ತದೆ. ಹಾಗಾದರೆ ಈ ಸಮಸ್ಯೆಗೆ ಸಮಾಧಾನವೇನು?</p><h2>ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹ ಸಮಸ್ಯೆಗೆ ಪರಿಹಾರ</h2><p>ಮೆಟ್ಟಿಲುಗಳ ಕೆಳಗೆ ಇರುವ ಸ್ನಾನಗೃಹದಿಂದ ಉಂಟಾಗುವ ಸಮಸ್ಯೆಗಳನ್ನು ತಪ್ಪಿಸಲು ನೀವು ಈ ಪರಿಹಾರಗಳನ್ನು ಪ್ರಯತ್ನಿಸಬಹುದು.</p><ul><li>ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿರುವುದರಿಂದ ಅದು ಕತ್ತಲೆಯಿಂದ ಕೂಡಿರುತ್ತದೆ. ಗಾಳಿಯೂ ಅಷ್ಟಾಗಿ ಓಡಾಡುವುದಿಲ್ಲ. ಅದರಿಂದ ಅಲ್ಲಿ ಸಕಾರಾತ್ಮಕ ಶಕ್ತಿಯ ಕೊರತೆ ಕಾಣಿಸಬಹುದು. ಆಗ ಅದನ್ನು ಕಾಲಕಾಲಕ್ಕೆ ಸ್ವಚ್ಛವಾಗಿಡಬೇಕು ಹಾಗೂ ಸ್ನಾನಗೃದಲ್ಲಿ ಶುದ್ಧ ಗಾಳಿಯಾಡುವಂತೆ ನೋಡಿಕೊಳ್ಳಬೇಕು.</li><li>ಮೆಟ್ಟಿಲುಗಳ ಕೆಳಗೆ ಸ್ನಾನಗೃಹವಿದ್ದರೆ, ಅದಕ್ಕೆ ತಿಳಿ ಬಣ್ಣಗಳ ಪೇಂಟ್‌ ಮಾಡಿಸುವುದು ಉತ್ತಮ. ಅದು ನಕಾರಾತ್ಮಕ ಪರಿಣಾಮಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.</li><li>ಸ್ನಾನಗೃಹದ ಕಿಟಕಿಯ ಬಳಿ ಅಥವಾ ಸ್ನಾನಗೃಹದ ಹೊರಗೆ ಅಶೋಕ ಗಿಡವನ್ನು ನೆಡುವುದರಿಂದ ನಕಾರಾತ್ಮಕ ಶಕ್ತಿಯನ್ನು ಹೊರಹಾಕಲು ಸಹಾಯವಾಗುತ್ತದೆ. ಈ ಸಣ್ಣ ಪರಿಹಾರವು ನಿಮ್ಮ ಸಮಸ್ಯೆಯನ್ನು ದೂರಮಾಡಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ.</li></ul><p><i><strong>(ಗಮನಿಸಿ: </strong>ಈ ಮಾಹಿತಿಯು ಸಾಮಾನ್ಯಜ್ಞಾನ ಹಾಗೂ ಅಂತರ್ಜಾಲದಲ್ಲಿ ಸಿಕ್ಕ ಮಾಹಿತಿಯನ್ನ ಆಧರಿಸಿದೆ. ಈ ವಿಚಾರ ಸಂಪೂರ್ಣ ನಿಖರವಾಗಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ಕನ್ನಡ (ಎಚ್‌ಟಿ ಕನ್ನಡ) ಪ್ರತಿಪಾದಿಸುವುದಿಲ್ಲ. ಈ ವಿಷಯದ ಕುರಿತ ನಿಖರ ಮಾಹಿತಿಗಾಗಿ ಸಂಬಂಧಪಟ್ಟ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ.)</i></p>

ವಾಸ್ತು ಪ್ರಕಾರ ಮನೆ ಕಟ್ಟುವಾಗ ಮನೆಯ ಎಲ್ಲಾ ಕೊಠಡಿಗಳು ವಾಸ್ತು ಪ್ರಕಾರವೇ ಇವೆಯೇ ಎಂಬುದನ್ನು ಮೊದಲು ಖಚಿತಪಡಿಸಿಕೊಳ್ಳಬೇಕು. ಅದರಲ್ಲಿ ಸ್ನಾನಗೃಹವನ್ನು ಯಾವ ದಿಕ್ಕಿನಲ್ಲಿ ನಿರ್ಮಿಸಬೇಕು ಎಂಬುದನ್ನು ಕೂಡಾ ನೀವು ತಿಳಿದುಕೊಳ್ಳುವುದು ಬಹಳ ಮುಖ್ಯ.&nbsp;

Trending-News

Latest column Photos

Motivational Quotes: ದಿನಕ್ಕೊಂದು ಪ್ರೇರಣೆಯ ಮಾತು ಡೌನ್‌ಲೋಡ್‌ ಮಾಡಿ, ಶೇರ್‌ ಮಾಡಿ; ಸ್ನೇಹಿತರಿಗೆ, ಹಿತೈಷಿಗಳಿಗೆ ನಮಸ್ಕಾರ ಹೇಳಿ

Motivational Quotes 

Motivational Quotes: ದಿನಾ ಬೆಳಗ್ಗೆ ಸ್ನೇಹಿತರಿಗೆ, ಹಿತೈಷಿಗಳಿಗೆ ಯಾವ ಸುಭಾಷಿತ ಕಳುಹಿಸಿ, ಗುಡ್‌ ಮಾರ್ನಿಂಗ್‌ ಹೇಳುವುದಪ್ಪಾ ಅಂತ ಚಿಂತಿಸಬೇಡಿ. ಈ ಲಿಂಕ್‌ ಸೇವ್‌ ಮಾಡ್ಕೊಳ್ಳಿ. ದಿನಕ್ಕೆ ಒಂದು ಸುಭಾಷಿತ ಡೌನ್‌ಲೋಡ್‌ ಮಾಡಿ, ಸ್ನೇಹಿತರಿಗೆ, ಹಿತೈಷಿಗಳಿಗೆ ವಾಟ್ಸ್‌ಆಪ್‌ ಮಾಡಿ, ನಮಸ್ಕಾರ ಹೇಳಿ.

ಅಂಕಣಗಳು

Catch the latest Karnataka news today including breaking news, top stories, and real-time updates with Karnataka state news and get comprehensive coverage of events happening across the state only on HT Kannada. ಕರ್ನಾಟಕ, ಬೆಂಗಳೂರು ನಗರದ ಸುದ್ದಿಗಾಗಿ ಎಚ್‌ಟಿ ಕನ್ನಡ ನೋಡಿ

Latest column Photos

Photos

Motivational Quotes: ದಿನಕ್ಕೊಂದು ಪ್ರೇರಣೆಯ ಮಾತು ಡೌನ್‌ಲೋಡ್‌ ಮಾಡಿ, ಶೇರ್‌ ಮಾಡಿ; ಸ್ನೇಹಿತರಿಗೆ, ಹಿತೈಷಿಗಳಿಗೆ ನಮಸ್ಕಾರ ಹೇಳಿ

Loading...