ಕರ್ನಾಟಕ

Karnataka News in Kannada, Latest Karnataka News Karnataka News Today - HT Kannada 

ಮನರಂಜನೆ

Entertainment News, Kannada Cinema News, Latest Cinema News in Kannada - HT Kannada

ಜೀವನಶೈಲಿ

Healthy Lifestyle Tips, Lifestyle Tips in Kannada, Daily Healthy Lifestyle Tips in Kannada

ರಾಶಿ ಭವಿಷ್ಯ

Astrology, Astrology Horoscope, Today Horoscope in Kannada, Weekly Horoscope 2022 - HT Kannada

ರಾಷ್ಟ್ರ-ಜಗತ್ತು

National and world news in Kannada, International News in Kannada| National News Updates in Kannada - HT Kannada

ಫೋಟೋ ಗ್ಯಾಲರಿ

Trending photos in news gallery, Latest Celebrity Photos, South Celebrities Latest Photos Online - HT Kannada

ವೆಬ್​ಸ್ಟೋರಿ

Kannada Web-Stories | ವೆಬ್​ಸ್ಟೋರಿ | Web-Stories on Movies, Tech, Celebrities & More - Kannada Hindustan Times.

ವಿಡಿಯೋ

ಕ್ರಿಕೆಟ್ 

Cricket News in Kannada, ಕ್ರಿಕೆಟ್​ Live, Live Cricket Score

ಚುನಾವಣೆ

ಕ್ರೀಡೆ

Sports News, Kannada Sports News, Today Sports News in Kannada - HT Kannada

ʻಕೆಡಿ; ದಿ ಡೆವಿಲ್‌ʼ ಚಿತ್ರದ ಮೊದಲ ಟೀಸರ್‌ ಬಿಡುಗಡೆ; ರೆಟ್ರೋ ಲುಕ್‌ನಲ್ಲಿ ಧ್ರುವ ಸರ್ಜಾ ಆಕ್ಷನ್‌ ಅಬ್ಬರ

paragraph

<p>KD The Devil Movie: ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಕಳೆದ ವರ್ಷದ ಡಿಸೆಂಬರ್‌ನಲ್ಲಿ ಧ್ರುವ ಸರ್ಜಾ ನಾಯಕನಾಗಿ ನಟಿಸಿರುವ "ಕೆಡಿ ದಿ ಡೆವಿಲ್‌" ಸಿನಿಮಾ ಗ್ರ್ಯಾಂಡ್‌ ಆಗಿಯೇ ರಿಲೀಸ್‌ ಆಗಬೇಕಿತ್ತು. ಆದರೆ, ಶೂಟಿಂಗ್‌ ಬಾಕಿ ಇದ್ದ ಹಿನ್ನೆಲೆಯಲ್ಲಿ ಸಿನಿಮಾ ಬಿಡುಗಡೆ ಮುಂದೂಡಲ್ಪಟ್ಟಿತ್ತು. ಇದೀಗ ಇದೇ ಸಿನಿಮಾ, ಪ್ಯಾನ್‌ ಇಂಡಿಯನ್‌ ಪ್ರೇಕ್ಷಕರೆಡೆಗೆ ಹೊರಟು ನಿಂತಿದೆ. ಅಂದರೆ, ಈ ಚಿತ್ರದ ಮೊದಲ ಟೀಸರ್‌ ಝಲಕ್‌ ಬಿಡುಗಡೆ ಆಗಿದೆ. ಅದೂ ಮಾಯಾನಗರಿ ಮುಂಬೈನಲ್ಲಿ.</p><p>ಜೋಗಿ ಪ್ರೇಮ್ ನಿರ್ದೇಶನ ಹಾಗೂ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಪ್ಯಾನ್ ಇಂಡಿಯಾ ಚಿತ್ರ "ಕೆಡಿ ದಿ ಡೆವಿಲ್‌". ಈ ಚಿತ್ರವನ್ನು ದಕ್ಷಿಣ ಭಾರತದ ಹೆಸರಾಂತ ನಿರ್ಮಾಣ ಸಂಸ್ಥೆ ಕೆ.ವಿ.ಎನ್. ಪ್ರೊಡಕ್ಷನ್ಸ್ ನಿರ್ಮಿಸುತ್ತಿದೆ. ಚಿತ್ರೀಕರಣ ಮುಗಿದು, ಹಾಡುಗಳ ಶೂಟಿಂಗ್ ಸಹ ಮುಗಿಸಿಕೊಂಡಿರುವ ಚಿತ್ರತಂಡ, ಗುರುವಾರ ಮುಂಬೈನಲ್ಲಿ ಚಿತ್ರದ ಟೀಸರ್‌ ಬಿಡುಗಡೆ ಮಾಡಿದೆ.</p><p>ಬಹುತಾರಾಗಣದ "ಕೆಡಿ ದಿ ಡೆವಿಲ್‌" ಸಿನಿಮಾದಲ್ಲಿ ಧ್ರುವ ಸರ್ಜಾ ನಾಯಕನಾಗಿ ನಟಿಸಿದರೆ, ಇನ್ನುಳಿದಂತೆ ಬಾಲಿವುಡ್‌ನ ಸಂಜಯ್ ದತ್‌ ಖಳನಾಗಿದ್ದಾರೆ. ಕ್ರೇಜಿಸ್ಟಾರ್‌ ರವಿಚಂದ್ರನ್‌, ರಮೇಶ್‌ ಅರವಿಂದ್‌, ಶಿಲ್ಪಾ ಶೆಟ್ಟಿ, ರೀಷ್ಮಾ ನಾಣಯ್ಯ, ನೋರಾ ಫತೇಹಿ ಈ ಸಿನಿಮಾದ ಪಾತ್ರವರ್ಗದಲ್ಲಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲಿ ಏಕಕಾಲಕ್ಕೆ ಈ ಸಿನಿಮಾ ರಿಲೀಸ್ ಆಗಲಿದೆ.</p><p>1970- 75ರ ಕಾಲಘಟ್ಟದಲ್ಲಿ ನಡೆದ ನೈಜಘಟನೆ ಆಧರಿತ ಗ್ಯಾಂಗ್‌ಸ್ಟರ್ ಕಥೆ ಈ ಚಿತ್ರದಲ್ಲಿದೆ. ಚಿತ್ರಕ್ಕಾಗಿಯೇ 20 ಎಕರೆಯಷ್ಟು ವಿಶಾಲವಾದ ಜಾಗದಲ್ಲಿ ಬಹು ಕೋಟಿ ವೆಚ್ಚದಲ್ಲಿ ಅದ್ದೂರಿ ಸೆಟ್‌ಹಾಕಲಾಗಿತ್ತು. ಆರು ಕಲರ್ ಫುಲ್ ಹಾಡುಗಳಿಗೆ ಆರು ಜನ ಕೊರಿಯಾಗ್ರಾಫರ್‌ಗಳು ಕೆಲಸ ಮಾಡುತ್ತಿದ್ದಾರೆ. ವಿಕ್ರಾಂತ್ ರೋಣ ಖ್ಯಾತಿಯ ವಿಲಿಯಂ ಡೇವಿಡ್ ಅವರ ಕ್ಯಾಮೆರಾ ವರ್ಕ್ ಚಿತ್ರಕ್ಕಿದೆ. ಅರ್ಜುನ್‌ ಜನ್ಯ ಹಾಡುಗಳಿಗೆ ಸಂಗೀತ ನೀಡಿದ್ದಾರೆ.</p><h2>ಯಾರಿಗೆ ಯಾವ ಪಾತ್ರ?</h2><p>‘ಕಾಳಿದಾಸ’ನಾಗಿ ಧ್ರುವ ಸರ್ಜಾ, ‘ಡಕ್‌ ದೇವ’ ಎಂಬ ಪಾತ್ರದಲ್ಲಿ ಸಂಜಯ್‌ ದತ್‌, ‘ಸತ್ಯವತಿ’ ಲುಕ್‌ನಲ್ಲಿ ಶಿಲ್ಪಾ ಶೆಟ್ಟಿ, ಧರ್ಮನ ಪಾತ್ರದಲ್ಲಿ ರಮೇಶ್‌ ಅರವಿಂದ್‌, ‘ಅಣ್ಣಯ್ಯಪ್ಪ’ನಾಗಿ ರವಿಚಂದ್ರನ್ ಟೀಸರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರೀಷ್ಮಾ ನಾಣಯ್ಯಗೆ ಮಚ್‌ಲಕ್ಷ್ಮಿಯಾಗಿ ಕಂಡಿದ್ದಾರೆ. ಸದ್ಯಕ್ಕೆ ಟೀಸರ್‌ ರಿಲೀಸ್‌ ಆಗಿದ್ದು, ಸಿನಿಮಾ ಯಾವಾಗ ಬಿಡುಗಡೆ ಎಂಬ ಬಗ್ಗೆ ಸ್ಪಷ್ಟ ಉತ್ತರ ಇಲ್ಲ.</p>

ʻಕೆಡಿ; ದಿ ಡೆವಿಲ್‌ʼ ಸಿನಿಮಾ, ಪ್ಯಾನ್‌ ಇಂಡಿಯನ್‌ ಪ್ರೇಕ್ಷಕರೆಡೆಗೆ ಹೊರಟು ನಿಂತಿದೆ. ಅಂದರೆ, ಈ ಚಿತ್ರದ ಮೊದಲ ಟೀಸರ್‌ ಝಲಕ್‌ ಬಿಡುಗಡೆ ಆಗಿದೆ. ಅದೂ ಮಾಯಾನಗರಿ ಮುಂಬೈನಲ್ಲಿ.

Opinion: ಕರ್ನಾಟಕ ಬಿಜೆಪಿಯಲ್ಲಿ ವಲಸಿಗರಿಗೆ ಮಾತ್ರವೇ ಬೆಲೆ - ಮೂಲ ಬಿಜೆಪಿಗರಿಗೆ ಇಲ್ಲ ನೆಲೆ !

<p>ರಾಜ್ಯ ಬಿಜೆಪಿಯಲ್ಲಿನ ಆಂತರಿಕ ಭಿನ್ನಮತ, ಬಿಕ್ಕಟ್ಟು, ಬೇಗುದಿ, ಬಣ ಬಡಿದಾಟ ಮುಂದುವರಿಯುತ್ತಿದ್ದು ರಾಜ್ಯಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ಮತ್ತಷ್ಟು ವಿಳಂಬವಾಗುವ ಸಾಧ್ಯತೆ ಗೋಚರಿಸುತ್ತಿದೆ. ರಾಜ್ಯ ಮಟ್ಟದ ನಾಯಕರ ಕಚ್ಚಾಟದಿಂದಾಗಿ ಕಾರ್ಯಕರ್ತರೂ ರೋಸಿ ಹೋಗಿದ್ದು ಪಕ್ಷದ ಬಗ್ಗೆ ನಿರುತ್ಸಾಹ ಹೊಂದಿರುವುದು ಕಂಡುಬರುತ್ತಿದೆ. ಪಕ್ಷ ಸಂಘಟನೆಗಾಗಿ ದುಡಿಯುವ ಪಕ್ಷ ನಿಷ್ಠ ಕಾರ್ಯಕರ್ತರು ಹುರುಪು ಕಳೆದುಕೊಂಡಿರುವುದು ಮೇಲ್ನೋಟಕ್ಕೆ ಕಾಣುತ್ತಿದೆ.</p><h2>ಲಿಂಗಾಯಿತ - ಒಕ್ಕಲಿಗ ಮಾನದಂಡವೇ ?</h2><p>ಬಿಜೆಪಿಯಲ್ಲಿ ಆಯಕಟ್ಟಿನ ಹುದ್ದೆ ದೊರೆಯಬೇಕಾದರೆ ಒಂದೋ ಲಿಂಗಾಯಿತ ಆಗಿರಬೇಕು, ಇಲ್ಲವೇ ಒಕ್ಕಲಿಗನಾಗಿರಬೇಕು ಎನ್ನುವಂತಿದೆ. ರಾಜ್ಯದಲ್ಲಿ ಬಿಜೆಪಿ ಅಧಿಕಾರದಲ್ಲಿರುವಾಗ ಮುಖ್ಯಮಂತ್ರಿ ಆದವರು ಬಿ.ಎಸ್.‌ ಯಡಿಯೂರಪ್ಪ, ಜಗದೀಶ್‌ ಶೆಟ್ಟರ್‌, ಬಸವರಾಜ ಬೊಮ್ಮಾಯಿ. ಅವರೆಲ್ಲರೂ ಲಿಂಗಾಯಿತ ಸಮುದಾಯಕ್ಕೆ ಸೇರಿದವರು. ಅದನ್ನು ಹೊರತುಪಡಿಸಿ ಮುಖ್ಯಮಂತ್ರಿ ಪಟ್ಟ ಅಲಂಕರಿಸಿದವರು ಕರಾವಳಿಯ ಸದಾನಂದ ಗೌಡ ಓರ್ವರೇ.</p><p>ಬಿಜೆಪಿಯ ಮಾಸ್‌ ಲೀಡರ್‌ ಎಂದೇ ಬಿಂಬಿತರಾಗಿರುವ ಯಡಿಯೂರಪ್ಪ ಕೆಜೆಪಿ ಕಟ್ಟಿ ಬಿಜೆಪಿ ವಾಪಸ್ಸಾದವರು. ಜಗದೀಶ್‌ ಶೆಟ್ಟರ್‌ ಕಾಂಗ್ರೆಸ್‌ಗೆ ಹೋಗಿ ಮರಳಿ ಬಿಜೆಪಿ ಸೇರ್ಪಡೆಯಾದವರು. ಬಸವರಾಜ ಬೊಮ್ಮಾಯಿ ಮೂಲತಃ ಜೆಡಿಎಸ್‌ನವರು. ವಿ. ಸೋಮಣ್ಣ ಜೆಡಿಎಸ್‌, ಕಾಂಗ್ರೆಸ್‌ ಅಲೆದು ಬಳಿಕ ಬಿಜೆಪಿ ಬಂದು ಇದೀಗ ಕೇಂದ್ರ ಸಚಿವರಾಗಿದ್ದಾರೆ. ಎರಡು ಸ್ಥಾನ ಗೆದ್ದಿರುವ ಕುಮಾರಸ್ವಾಮಿ ಕೇಂದ್ರದಲ್ಲಿ ಪ್ರಭಾವಿ ಮಂತ್ರಿಯಾಗಿದ್ದಾರೆ. ಚುನಾವಣೆಯಲ್ಲಿ ಸೋತಿದ್ದ ಲಕ್ಷ್ಮಣ ಸವದಿಗೆ ಬೊಮ್ಮಾಯಿ ಸಂಪುಟದಲ್ಲಿ ಡಿಸಿಎಂ ಪಟ್ಟ ಕಟ್ಟಲಾಗಿತ್ತು. ಕಾರ್ಯಕರ್ತರು ಮಾತ್ರ ಜಾತಿ ನೋಡದೇ ಕಣ್ಮುಚ್ಚಿ ಒಪ್ಪಿಕೊಳ್ಳಬೇಕೆನ್ನುವುದು ಯಾವ ನ್ಯಾಯ ?</p><h2>ಬಿಜೆಪಿಗೆ ಲಿಂಗಾಯಿತರಲ್ಲದ ಮತ ಬೇಡವೇ ?</h2><p>ಬಿಜೆಪಿ ರಾಜ್ಯಾಧ್ಯಕ್ಷ ಹುದ್ದೆಯನ್ನೇರಿದವರಲ್ಲಿ ಬಹುತೇಕರು ಲಿಂಗಾಯಿತ - ಒಕ್ಕಲಿಗರೇ. ಬಿಜೆಪಿಯಲ್ಲಿ ಉನ್ನತ ಸ್ಥಾನ ಅಲಂಕರಿಸಬೇಕಾದರೆ ಲಿಂಗಾಯಿತ ಅಥವಾ ಒಕ್ಕಲಿಗನಾಗಿರುವುದು ಮಾನದಂಡವೇ ? ಎಂಬ ಪ್ರಶ್ನೆ ಮೂಡುತ್ತಿದೆ. ಹಾಗೆ ನೋಡುವುದಾದರೆ ಕಾಂಗ್ರೆಸ್‌ ನಲ್ಲಿ ಎಲ್ಲ ವರ್ಗದವರೂ ಕೆಪಿಸಿಸಿ ಅಧ್ಯಕ್ಷರಾಗಿದ್ದಾರೆ. ಪ್ರಸ್ತತ ಡಿ.ಕೆ. ಶಿವಕುಮಾರ್‌ ಅಧ್ಯಕ್ಷರಾಗಿದ್ದರೆ ಅದಕ್ಕೂ ಮುನ್ನ ದಿನೇಶ್‌ ಗುಂಡೂರಾವ್‌, ಜಿ. ಪರಮೇಶ್ವರ, ಆರ್‌.ವಿ. ದೇಶಪಾಂಡೆ, ಮಲ್ಲಿಕಾರ್ಜುನ ಖರ್ಗೆ,ಜನಾರ್ದನ ಪೂಜಾರಿ ಹೀಗೆ ಎಲ್ಲ ಸಮುದಾಯಕ್ಕೂ ಪ್ರಾಶಸ್ತ್ಯ ದೊರೆತಿದೆ. ಬಿಜೆಪಿ ವರಿಷ್ಠರು ಜಾತಿ, ಹಣಬಲಕ್ಕೆ ಅಂಟಿಕೊಳ್ಳದೇ ಓರ್ವ ಸೂಕ್ತ, ಸರ್ವ ಸಮ್ಮತ, ಸಮರ್ಥ ನಾಯಕನನ್ನು ರಾಜ್ಯಾಧ್ಯಕ್ಷರನ್ನಾಗಿ ಮಾಡದಿದ್ದಲ್ಲಿ ಮುಂದಿನ ದಿನಗಳಲ್ಲಿ ಭಾರಿ ಬೆಲೆ ತೆರಬೇಕಾಗುವುದು ದಿಟ. ವರಿಷ್ಠರ ನಿಲುವು ಕಂಡಾಗ ಕೇವಲ ಎರಡೇ ಸಮುದಾಯದ ಮತ ಬಿಜೆಪಿಗೆ ಸಾಕು ಎಂಬಂತಿದೆ.</p><h2>ವಲಸಿಗರಿಗೆ ಆದ್ಯತೆ</h2><p>ಬಿಜೆಪಿಯಲ್ಲಿ ಮೂಲ ಬಿಜೆಪಿಗರಿಗೆ ಬೆಲೆಯೇ ಇಲ್ಲ ಎಂಬಂತಾಗಿದೆ. ಜೆಡಿಎಸ್‌, ಕಾಂಗ್ರೆಸ್‌ ನಿಂದ ಬಂದಿರುವ ನಾಯಕರಿಗೆ ನಿರಂತರವಾಗಿ ಹೈಕಮಾಂಡ್ ಮಣೆ‌ ಹಾಕುತ್ತಿದೆ. ಮೂಲ ಬಿಜೆಪಿಗರಿಗೆ ಅರ್ಹತೆ ಇಲ್ಲವೇ ? ಯೋಗ್ಯತೆ ಇಲ್ಲವೇ ? ಅಥವಾ ಯೋಗ ಇಲ್ಲವೇ ? ತಿಳಿಯದು. ಪ್ರತಿ ಬಾರಿಯೂ ಬಿಜೆಪಿ ಹೈಕಮಾಂಡ್ ಉನ್ನತ ಸ್ಥಾನದಲ್ಲಿ ವಲಸಿಗರನ್ನೇ ತಂದು ಕೂರಿಸುತ್ತಿದೆ.</p><h2>ಕಾರ್ಯಕರ್ತರಿಗೆ ಇರುಸು ಮುರುಸು</h2><p>ಬಿಜೆಪಿ ನಿಷ್ಠಾವಂತ ಕಾರ್ಯಕರ್ತರು ಆಮದು ನಾಯಕರನ್ನು ಸೀದಾ ಒಪ್ಪಿಕೊಳ್ಳುವುದಿಲ್ಲ. ನೈಜ ಕಾರ್ಯಕರ್ತರಲ್ಲಿ ಅಡ್ಜೆಸ್ಟ್ಮೆಂಟ್‌ ರಾಜಕಾರಣ ಜನ್ಮತಃ ಇರುವುದಿಲ್ಲ. ಬಿಜೆಪಿ ವರಿಷ್ಠರ ಕೆಲವೊಂದು ನಿರ್ಧಾರಗಳು ದೇವದುರ್ಲಭ ಕಾರ್ಯಕರ್ತರಲ್ಲಿ ಇರುಸು ಮುರುಸು ತಂದೊಡ್ಡುತ್ತಿದೆ. ಇದು ಮುಂದಿನ ದಿನಗಳಲ್ಲಿ ಪಕ್ಷದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲಿದೆ. ಕೆಲವೊಮ್ಮೆ ಪಕ್ಷದ ತತ್ವ ಸಿದ್ಧಾಂತ ಕೇವಲ ಕಾರ್ಯಕರ್ತರಿಗೆ ಮಾತ್ರ ಎಂಬಂತೆ ಭಾಸವಾಗುತ್ತಿದೆ.</p>

<h2>ಸೂಕ್ತ ಸಮರ್ಥ ನಾಯಕನ ಅವಶ್ಯವಿದೆ</h2><p>ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ವಿ. ಸೋಮಣ್ಣ, ಬಸವರಾಜ ಬೊಮ್ಮಾಯಿ ಹೆಸರು ಕೇಳಿ ಬರುತ್ತಿದೆ. ಅವರನ್ನು ಬಿಜೆಪಿ ಕಾರ್ಯಕರ್ತರು ಖಂಡಿತ ಒಪ್ಪಲಾರರು. ಬೊಮ್ಮಾಯಿ ಬಿಜೆಪಿ ಬಂದು ಸುಲಭವಾಗಿ ಮುಖ್ಯಮಂತ್ರಿ ಸ್ಥಾನ ಗಿಟ್ಟಿಸಿಕೊಂಡವರು. ಆದರೆ, ಅವರು ಮತ್ತೆ ಪಕ್ಷವನ್ನು ಅಧಿಕಾರಕ್ಕೆ ತರುವಲ್ಲಿ ವಿಫಲರಾದರು. ಬಿಜೆಪಿ ಕಾರ್ಯಕರ್ತರು ಅವರನ್ನು ನಮ್ಮವರು ಎನ್ನುವ ಭಾವನೆಯಿಂದ ಸ್ವೀಕರಿಸಿಲ್ಲ. ವಿ. ಸೋಮಣ್ಣ ಅವರಿಗೆ ಈಗಾಗಲೇ 74 ವರ್ಷವಾಗಿದೆ. ಈ ಪ್ರಾಯದಲ್ಲಿ ಅವರು ರಾಜ್ಯಾದ್ಯಂತ ಓಡಾಡಿ ಪಕ್ಷ ಸಂಘಟಿಸುವುದು ಕಷ್ಟಕರ. ಆರ್.‌ ಅಶೋಕ್‌ ಅವರು ಅಡ್ಜೆಸ್ಟ್‌ ಮೆಂಟ್‌ ರಾಜಕೀಯ ಮಾಡುತ್ತಿದ್ದಾರೆ ಎಂಬ ಕಾರಣಕ್ಕಾಗಿ ಕಾರ್ಯಕರ್ತರು ಅವರನ್ನು ಇಷ್ಟಪಡುತ್ತಿಲ್ಲ. ಬಿಜೆಪಿ ವರಿಷ್ಠರು ಜೆಡಿಎಸ್, ಕಾಂಗ್ರೆಸ್‌ ಸಿದ್ಧಾಂತ ಹೊಂದಿದ್ದ ನಾಯಕರಿಗೆ ಉನ್ನತ ಸ್ಥಾನ ನೀಡುವ ಬದಲು ಮೂಲ ಬಿಜೆಪಿಗರಿಗೆ ತಲಾಶೆ ಮಾಡುವುದು ಒಳಿತು. ಪಕ್ಷದಲ್ಲಿ ಇದೀಗ ವಿಜಯೇಂದ್ರ ಬಣ, ಲಿಂಬಾವಳಿ ಬಣದೊಂದಿಗೆ ತಟಸ್ಥ ಬಣವೂ ಇದೆ. ಮೂಲ ಬಿಜೆಪಿಗರಿಗೆ ಅಸಮಾಧಾನವಾದಲ್ಲಿ ಮತ್ತೊಂದು ಹೊಸ ಬಣ ರಾಜ್ಯ ಬಿಜೆಪಿಯಲ್ಲಿ ಸೃಷ್ಟಿಯಾದರೂ ಅಚ್ಚರಿಪಡಬೇಕಾಗಿಲ್ಲ.</p><ul><li><strong>ಬರಹ: ಅರುಣ್‌ ಕುಮಾರ್‌</strong>, ಬೆಂಗಳೂರು</li></ul>

ರಾಜ್ಯ ಬಿಜೆಪಿಯಲ್ಲಿನ ಆಂತರಿಕ ಭಿನ್ನಮತ, ಬಿಕ್ಕಟ್ಟು, ಬೇಗುದಿ, ಬಣ ಬಡಿದಾಟ ಮುಂದುವರಿಯುತ್ತಿದ್ದು ರಾಜ್ಯಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ಮತ್ತಷ್ಟು ವಿಳಂಬವಾಗುವ ಸಾಧ್ಯತೆ ಗೋಚರಿಸುತ್ತಿದೆ. ರಾಜ್ಯ ಮಟ್ಟದ ನಾಯಕರ ಕಚ್ಚಾಟದಿಂದಾಗಿ ಕಾರ್ಯಕರ್ತರೂ ರೋಸಿ ಹೋಗಿದ್ದು ಪಕ್ಷದ ಬಗ್ಗೆ ನಿರುತ್ಸಾಹ ಹೊಂದಿರುವುದು ಕಂಡುಬರುತ್ತಿದೆ. (ಬರಹ: ಅರುಣ್‌ ಕುಮಾರ್‌, ಬೆಂಗಳೂರು)

ಅಂತರಂಗದಿಂದ ಶುದ್ದಿ ಮಾಡಿಕೊಳ್ಳಲು ಪ್ರತಿಯೊಬ್ಬ ಮನುಷ್ಯನಿಗೂ ಸಕಾಲ ಈ ಚಾತುರ್ಮಾಸ್ಯ

<p><strong>ಬೆಂಗಳೂರು:</strong> ಶ್ರೀ ಆದಿಶಂಕರಾಚಾರ್ಯ ಶಾರದಾ ಲಕ್ಷ್ಮೀ ನೃಸಿಂಹ ಪೀಠಮ್, ಶ್ರೀಮಠ, ಹರಿಹರಪುರದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ 25ನೇ ಚಾತುರ್ಮಾಸ್ಯ ವ್ರತವು ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ಆರಂಭವಾಯಿತು.</p><p>ಸಾವಿರಾರು ವರ್ಷಗಳ ಭವ್ಯವಾದ ಇತಿಹಾಸ ಮತ್ತು ಶ್ರೇಷ್ಠವಾದ ಗುರು ಪರಂಪರೆಯನ್ನು ಈ ಧರ್ಮಪೀಠವು ಹೊಂದಿದೆ. ಈ ಧರ್ಮಪೀಠದ ಪ್ರಸ್ತುತ 25ನೇ ಪೀಠಾಧಿಪತಿಗಳಾದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತೀ ಮಹಾಸ್ವಾಮಿಗಳವರು ಸಾವಿರಾರು ವರ್ಷಗಳ ಧರ್ಮಪೀಠದ ಪಾರಂಪರಿಕ ಮೌಲ್ಯಗಳನ್ನು ಪಾಲಿಸಿಕೊಂಡು ಬಂದಿರುತ್ತಾರೆ.</p>

<p>ನೂರಾರು ಭಕ್ತರ ನಡುವೆ ಇಂದು ಪ್ರಾರಂಭವಾದ ಚಾತುರ್ಮಾಸ್ಯ ವ್ರತವು ಭಕ್ತರನ್ನು ಬೇರೊಂದು ಲೋಕಕ್ಕೆ ಕರೆದೋಯಿತು. ಇದೇ ಸಂದರ್ಭದಲ್ಲಿ ಸಂದೇಶವನ್ನು ನೀಡಿದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತೀ ಮಹಾಸ್ವಾಮಿಗಳವರು 'ಅಂತರಂಗದಿಂದ ಶುದ್ದಿ ಮಾಡಿಕೊಳ್ಳಲು ಪ್ರತಿಯೊಬ್ಬ ಮನುಷ್ಯನಿಗೂ ಸಕಲ ಈ ಚಾತುರ್ಮಾಸ್ಯ. ಆದ್ದರಿಂದ ನಿಮ್ಮ ಚೌಕಟ್ಟಿನ ಒಳಗೆ, ನಿಮ್ಮ ನಿಮ್ಮ ಇತಿ ಮಿತಿಯೊಳಗೆ ಪ್ರತಿಯೊಬ್ಬರೂ ತಮ್ಮ ತಮ್ಮ ಅಂತರಂಗ ಶುದ್ದಿ ಮಾಡಿಕೊಳ್ಳಬೇಕು. ಜಪ ಇರಬಹುದು, ಪೂಜೆ ಪುನಸ್ಕಾರಗಳಿರಬಹುದು, ವೃತಗಳಿರಬಹುದು ಅಥವಾ ಪಾರಾಯಣವಿರಬಹುದು ಈ ಸಂಧರ್ಭದಲ್ಲಿ ಮಾಡಿದಾಗ ಅಂತರಂಗ ಶುದ್ದಿಯಾಗುತ್ತೆ. ಅಂತರಂಗ ಶುದ್ದಿಯಾದಾಗ ಮನುಷ್ಯನಿಗೆ ಮನಸ್ಸು ಶುದ್ದಿಯಾಗುತ್ತೆ. ಮನಸ್ಸು ಶುದ್ದಿಯಾದಾಗ ಎಲ್ಲವೂ ಮನೆಯಲ್ಲಿ ಅರೋಗ್ಯ ಇರುತ್ತದೆ, ಮನೆ ಮಂದಿಯಲ್ಲಿ ಒಳ್ಳೆ ರೀತಿಯ ಸಂಬಂಧಗಳು ಬೆಳೆಯುತ್ತವೆ, ಮಕ್ಕಳು ನಮ್ಮ ಮಾತನ್ನು ಕೇಳ್ತಾರೆ, ಮಕ್ಕಳಿಗೆ ಒಳ್ಳೆ ವಿದ್ಯೆ ಬರುತ್ತದೆ. ಮನುಷ್ಯ ಮಾನವತ್ವವನ್ನು ಮೈಗೂಡಿಸಿಕೊಂಡು ಸಮಾಜದಲ್ಲಿ ಚೆನ್ನಾಗಿ ಬದುಕಬೇಕು. ಇವುಗಳಿಗೆ ಈ ಚಾತುರ್ಮಾಸ್ಯ ಸರಿಯಾದ ಕಾಲ' ಎಂದು ನುಡಿದರು.</p><p>ಚಾತುರ್ಮಾಸ್ಯ ಸೇವಾ ಸಮಿತಿಯ ಸಂಚಾಲಕರಾದ ನಾಗರಾಜ ಶೆಟ್ರು ಮಾತನಾಡುತ್ತ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ ೨೫ನೇ ಚಾತುರ್ಮಾಸ್ಯ ವ್ರತವು ಇಂದು ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ನಡೆಯುತ್ತಿರುವುದು ನಮ್ಮ ಸೌಭಾಗ್ಯ. ಇತ್ತೀಚೆಗೆ ನಡೆದ ಭಾರತದ ಎಲ್ಲ ಸಮಾನ ಮನಸ್ಕ ಸಂತರ ಸಮಾವೇಶಕ್ಕೆ ಮಹಾಸ್ವಾಮೀಜಿಯವರು ಚಾಲನೆ ಕೊಟ್ಟಿದ್ದು, ಭಾರತದ ಸಂಸ್ಕೃತಿಯನ್ನು ಎತ್ತಿ ಹಿಡಿಯುವ ಕಾರ್ಯ ಇದಾಗಿದೆ ಎಂದು ಶ್ಲಾಘಿಸಿದರು. ಪ್ರತಿ ನಿತ್ಯ ನಿರಂತರವಾಗಿ ಗುರುಗಳಿಂದ ಈ ಚಾತುರ್ಮಾಸ್ಯದಲ್ಲಿ ನವವರಣ ಶ್ರೀಚಕ್ರ ಪೂಜೆ ಇದ್ದು ಸಂಜೆಯ ವೇಳೆ ಆಶೀರ್ವಚನವಿರುತ್ತದೆ ಎಂದರು.</p><p>ಶ್ರೀಗಳ ಆಪ್ತ ಕಾರ್ಯದರ್ಶಿ ಪಿ. ರಘುನಾಥ ಶಾಸ್ತ್ರೀ ಯವರು ಮಾತನಾಡುತ್ತ 'ಎರಡು ತಿಂಗಳು ನಡೆಯುವ ಈ ಚಾತುರ್ಮಾಸ್ಯವು ಶೃದ್ಧಾ ಭಕ್ತಿಯಿಂದ ನಡೆಯಲಿದ್ದು, ಗುರುದರ್ಶನ ಮಾಡುವುದು ಬಹಳ ವಿಶೇಷ. ಹಾಗಾಗಿ ಬೆಂಗಳೂರಿನ ಜನತೆ ಗುರುಗಳ ಈ 25ನೇ ಚಾತುರ್ಮಾಸ್ಯ ವೃತಾಚರಣೆಯ ಸಂದರ್ಭದಲ್ಲಿ ಹಾಜರಿದ್ದು ಗುರುಗಳ ದರ್ಶನ ಪಡೆಯುವಂತೆ ಕರೆ ನೀಡಿದರು.</p><p>ಹರಿಹರಪುರದ ಶ್ರೀಮಠದ ಆಡಳಿತಾಧಿಕಾರಿ ಚಂದ್ರನ್ ಮಾತನಾಡಿ 'ಗುರುಗಳ ದರ್ಶನ ಮತ್ತು ಸೇವೆ ಮಾಡಿದರೆ ಮೊದಲು ಅಜ್ಞಾನ ಹೋಗುತ್ತೆ, ನಂತರ ಗುರುಗಳಿಂದ ವಿಜ್ಞಾನ ಕಲಿಯುತ್ತಾನೆ. ಅಜ್ಞಾನದಿಂದ ಜ್ಞಾನ ಪಡೆದು, ಜ್ಞಾನದಿಂದ ಮೋಕ್ಷ ಪಡೆಯುತ್ತಾನೆ ಎಂದರು. ಅಲ್ಲಿ ನೆರೆದಿದ್ದ ಅಪಾರ ಭಕ್ತ ಸಮೂಹ ಗುರುಗಳಿಗೆ ವಂದನೆ ಸಲ್ಲಿಸಿ ತಾವು ಕೃತಾರ್ಥರಾಗುತ್ತಿದ್ದ ಸನ್ನಿವೇಶಗಳು ಸಹಜವಾಗಿತ್ತು.</p>

ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ 25ನೇ ಚಾತುರ್ಮಾಸ್ಯ ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ನಡೆದಿದೆ.

ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್‌ ಝೆಡ್ ಫೋಲ್ಡ್ 7, ಫ್ಲಿಪ್ 7 ಸದ್ದು, ಗಮನಸೆಳೆದಿದೆ 5 ಎಐ ಫೀಚರ್‌ಗಳು

Samsung Galaxy Z Fold 7

<p>ಸದ್ಯ ಸ್ಮಾರ್ಟ್‌ಫೋನ್‌ ಜಗತ್ತಿನಲ್ಲಿ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಗಳದ್ದೇ ಸದ್ದು. ಆಕರ್ಷಕ ವಿನ್ಯಾಸ, ಬಳಸಲೇಬೇಕು ಎನಿಸುವಂತಹ ಫೀಚರ್‌ಗಳು, ಕೆಲವು ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ (ಎಐ) ಸೌಲಭ್ಯಗಳು ಈ ಫೋನ್‌ಗಳ ಕಡೆಗೆ ಸ್ಮಾರ್ಟ್‌ಫೋನ್ ಪ್ರಿಯರು ಗಮನಿಸುವಂತೆ ಮಾಡಿವೆ. ಬುಧವಾರ (ಜುಲೈ 9) ಈ ಬಗ್ಗೆ ಸ್ಯಾಮ್‌ಸಂಗ್ ಅಧಿಕೃತ ಘೋ‍ಷಣೆ ಮಾಡಿದೆ. ಸ್ಯಾಮ್‌ಸಂಗ್ ಮತ್ತು ಗೂಗಲ್‌ ಜತೆಯಾಗಿ ಹೊಸ ಮಡಚಬಹುದಾದ ಫೋನ್‌ಗಳಲ್ಲಿ ಐಎ ಫೀಚರ್‌ಗಳನ್ನು ಅಳವಡಿಸಿದ್ದು, ಬಳಕೆದಾರರಿಗೆ ವಿಶೇಷ ಅನುಭವ ನೀಡುವಂತೆ ಇದೆ. ಉನ್ನತೀಕರಿಸಿದ ಸರ್ಕಲ್‌ನಿಂದ ಹಿಡಿದು ಸರ್ಚ್‌ ಸಾಮರ್ಥ್ಯ, ಮಲ್ಟಿ ಟಾಸ್ಕಿಂಗ್‌ ತನಕ ಬಳಕೆದಾರರಿಗೆ ಹಿತಾನುಭವ ಉಂಟಾಗಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ವಿಶೇಷವಾಗಿ 5 ಎಐ ಚಾಲಿತ ಫೀಚರ್‌ಗಳು ಹೊಸ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಬಳಕೆದಾರರಿಗೆ ಹೊಸ ಅನುಭವ ನೀಡಲಿವೆ.</p><h2>ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7: 5 ಎಐ ಫೀಚರ್‌ಗಳಿವು</h2><p><strong>1) ಜೆಮಿನಿ ಆನ್‌ಸ್ಕ್ರೀನ್ ಜಾಗೃತಿ ಮತ್ತು ಮಲ್ಟಿಟಾಸ್ಕಿಂಗ್‌:</strong> ಗೂಗಲ್ ಸುಧಾರಿತ ಎಐ ಚಾಲಿತ ಮಲ್ಟಿಟಾಸ್ಕಿಂಗ್ ಸಾಮರ್ಥ್ಯದ ಫೀಚರ್ ಅನ್ನು ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ರಲ್ಲಿ ಪರಿಚಯಿಸಿದೆ. ಈಗ ಸರಳವಾಗಿ ಪವರ್‌ ಬಟನ್ ಅನ್ನು ಸ್ವಲ್ಪ ಹೊತ್ತು ಒತ್ತಿ ಹಿಡಿದರೆ ಸಾಕು, ಬಳಕೆದಾರರು ಜೆಮಿನಿ ಫೀಚರ್ ಅನ್ನು ಸ್ಕ್ರೀನ್‌ ಮೇಲೆ ತಂದು ಬಳಸಿಕೊಳ್ಳಬಹುದು. ಶಾಪಿಂಗ್ ಮಾಡುವಾಗ, ರೀಸರ್ಚ್ ಮಾಡುವಾಗ ಅಥವಾ ಸಿಂಪಲ್ಲಾಗಿ ಫಾಲೋ ಅಪ್ ಪ್ರಶ್ನೆಗಳನ್ನು ಕೇಳಬೇಕು ಎಂದೆನಿಸಿದಾಗ ಜೆಮಿನಿ ಬಳಕೆದಾರರ ನೆರವಿಗೆ ನಿಲ್ಲಬಲ್ಲದು.</p><p><strong>2) ಸ್ಯಾಮ್‌ಸಂಗ್‌ ಆಪ್‌ನಲ್ಲಿ ಜೆಮಿನಿ ಲೈವ್ :</strong> ಸ್ಯಾಮ್‌ಸಂಗ್‌ ಆಪ್‌ಗಳಾದ ಸ್ಯಾಮ್‌ಸಂಗ್ ಕ್ಯಾಲೆಂಡರ್‌, ರಿಮೈಂಡರ್, ನೋಟ್ಸ್‌ಗಳಲ್ಲಿ ಜೆಮಿನಿ ಲೈವ್‌ ಮಿಳಿತವಾಗಿದ್ದು, ಎಐ ಅಸಿಸ್ಟೆಂಟ್‌ ಬಳಕೆದಾರರ ನೆರವಿಗೆ ನಿಲ್ಲುವಂತಿದೆ. ಉದಾಹರಣೆಗೆ ಬಳಕೆದಾರರು ಮೊಬೈಲ್‌ನ ಕ್ಯಾಮೆರಾ ಮೂಲಕ ಕಾರ್ಯಕ್ರಮದ ವಿವರ ನೀಡಿ ಸ್ಯಾಮ್‌ಸಂಗ್ ಕ್ಯಾಲೆಂಡರ್‌ಗೆ ಸೇರಿಸುವಂತೆ ಹೇಳಿದರೆ ಸಾಕು, ಅದು ಸೇರ್ಪಡೆಯಾಗಿರುತ್ತದೆ.</p><p><strong>3) ಗೇಮ್ಸ್‌ ಸರ್ಚ್‌ ಮಾಡಲು ಸರ್ಕಲ್‌: </strong>ಹುಡುಕಲು ಸರ್ಕಲ್ ಈಗ AI ಮೋಡ್ ಸಾಮರ್ಥ್ಯಗಳನ್ನು ಪಡೆಯುತ್ತದೆ, ಬಳಕೆದಾರರಿಗೆ ಯಾವುದೇ ವಸ್ತುವನ್ನು ವೃತ್ತಿಸಲು ಮತ್ತು AI- ಚಾಲಿತ ಪ್ರತಿಕ್ರಿಯೆಗಾಗಿ ಪ್ರಶ್ನೆಗಳನ್ನು ಕೇಳಲು ಅನುವು ಮಾಡಿಕೊಡುತ್ತದೆ. ಹೆಚ್ಚುವರಿಯಾಗಿ, ಸರ್ಕಲ್ ಟು ಹುಡುಕಾಟವು ಮೊಬೈಲ್ ಗೇಮಿಂಗ್ ಸಹಾಯವನ್ನು ಪಡೆಯುತ್ತದೆ, ಅಲ್ಲಿ ಬಳಕೆದಾರರು ಸುಳಿವುಗಳು, ವೀಡಿಯೊಗಳು ಮತ್ತು ಮಾರ್ಗದರ್ಶಿಗಳಿಗಾಗಿ ಸವಾಲು, ಅಕ್ಷರ ಅಥವಾ ಐಟಂ ಪರದೆಯನ್ನು ಸುತ್ತುವರಿಯಬಹುದು, ಅಡೆತಡೆಗಳನ್ನು ನಿವಾರಿಸಲು, ಪಾತ್ರದ ಸಾಮರ್ಥ್ಯದ ಬಗ್ಗೆ ತಿಳಿಯಿರಿ.</p><p><strong>4) ಫ್ಲಿಪ್ 7ನ ಫ್ಲೆಕ್ಸ್ ಮೋಡ್‌ನಲ್ಲಿ ಜೆಮಿನಿ ಲೈವ್:</strong> ಗ್ಯಾಲಕ್ಸಿ ಝೆಡ್‌ ಫ್ಲಿಪ್ 7 ಫೋನ್‌ನಲ್ಲಿ ಕೊನೆಗೂ ಸ್ಯಾಮ್‌ಸಂಗ್‌ ಎಐ ಸಾಮರ್ಥ್ಯವನ್ನು ಕವರ್‌ ಸ್ಕ್ರೀನ್‌ಗೆ ಸೇರಿಸಿದೆ. ಈಗ ಬಳಕೆದಾರರು ಫ್ಲಿಪ್ 7 ಫ್ಲೆಕ್ಸ್ ವಿಂಡೋದಲ್ಲಿ ಜೆಮಿನಿ ಲೈವ್ ಅನ್ನು ಬಳಸಬಹುದು. ಫ್ಲೆಕ್ಸ್ ಮೋಡ್‌ನಲ್ಲಿ ಸ್ಮಾರ್ಟ್‌ಫೋನ್ ಟ್ರೈಪಾಡ್‌ ಆಗಿ ಬದಲಾಗುತ್ತದೆ. ಜೆಮಿನಿ ಲೈವ್‌ ಫ್ರಂಟ್ ಕ್ಯಾಮೆರಾ ಮೂಲಕ ಕೂಡ ಬಳಸಬಹುದು. ಈ ರೀತಿಯಾಗಿ ಬಳಕೆದಾರರು ಸ್ಟೈಲಿಂಗ್ ಟಿಪ್ಸ್‌, ಡಿಐವೈ ಪ್ರಾಜೆಕ್ಸ್ಟ್ ಮುಂತಾದವುಗಳ ಕುರಿತೂ ಕೇಳಿ ಉತ್ತರ ಪಡೆಯಬಹುದು.</p><p><strong>5) ಬ್ರೀಫ್ ಅಪ್‌ಡೇಟ್ಸ್: </strong>ಈ ಫೀಚರ್‌ ಮೂಲಕ ಬಳಕೆದಾರರು ವ್ಯಕ್ತಿಗತವಾದ ನಿತ್ಯದ ಅಪ್ಡೇಟ್ಸ್ ಅಂದರೆ ರಿಮೈಂಡರ್‌, ಕ್ಯಾಲೆಂಡರ್ ಇವೆಂಟ್ಸ್, ಆರೋಗ್ಯ ಆಧಾರಿತ ಕಿರು ಸಂದೇಶಗಳನ್ನು ಪಡೆಯಬಹುದು. ಇದು ಸಂದೇಶಗಳನ್ನು ಗಟ್ಟಿಧ್ವನಿಯಲ್ಲಿ ಓದಿ ಹೇಳಬಲ್ಲದು. ಆದ್ದರಿಂದ ಸ್ಯಾಮ್‌ಸಂಗ್‌ ಮಡಚುವ ಫೋನ್‌ಗಳ ಮೂಲಕ ಬಳಕೆದಾರರಿಗೆ ವಿಶೇಷ ಎಐ ಅನುಭವವನ್ನು ಒದಗಿಸುತ್ತಿದೆ. ಬಳಕೆದಾರರು ಮ್ಯೂಸಿಕ್ ಮತ್ತು ವಿಡಿಯೋ ಶಿಫಾರಸುಗಳನ್ನೂ ಪಡೆದುಕೊಂಡು ನೋಡಬಹುದಾಗಿದೆ. </p>

ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸದ್ಯ ಸ್ಯಾಮ್‌ಸಂಗ್‌ ಕಂಪನಿಯ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಫೋನ್‌ಗಳದ್ದೇ ಮಾತುಕತೆ. ಇದರಲ್ಲಿರುವ 5 ವಿಶೇಷ ಎಐ ಫೀಚರ್‌ಗಳು ಗಮನಸೆಳೆದಿದ್ದು, ವಿವರ ಇಲ್ಲಿದೆ.

ಲಾರ್ಡ್ಸ್​​ನಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಬ್ಯಾಟಿಂಗ್ ಆಯ್ಕೆ; ಭಾರತ ತಂಡದಲ್ಲಿ ಮಹತ್ವದ ಬದಲಾವಣೆ

Eng vs Ind 3rd Test

<p>ಕ್ರಿಕೆಟ್ ಕಾಶಿ ಲಾರ್ಡ್ಸ್​ ಕ್ರಿಕೆಟ್ ಮೈದಾನದಲ್ಲಿ (Lords Cricket Stadium) ನಡೆಯುತ್ತಿರುವ ಆ್ಯಂಡರ್ಸನ್-ತೆಂಡೂಲ್ಕರ್ ಟ್ರೋಫಿಯ (Anderson - Tendulkar Trophy) 3ನೇ ಟೆಸ್ಟ್​ ಪಂದ್ಯದಲ್ಲಿ ಟೀಮ್ ಇಂಡಿಯಾ (Team India) ವಿರುದ್ಧ ಟಾಸ್ ಜಯಿಸಿದ ಇಂಗ್ಲೆಂಡ್ (England) ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ. ಎಡ್ಜ್​ಬಾಸ್ಟನ್​ನಲ್ಲಿ ಜರುಗಿದ 2ನೇ ಟೆಸ್ಟ್ ಪಂದ್ಯದಲ್ಲಿ ಐತಿಹಾಸಿಕ ಗೆಲುವು ದಾಖಲಿಸಿದ ಶುಭ್ಮನ್ ಗಿಲ್ ನೇತೃತ್ವದ ಭಾರತ ತಂಡ, ಸರಣಿಯಲ್ಲಿ ಮುನ್ನಡೆ ಕಾಯ್ದುಕೊಳ್ಳಲು ಸಜ್ಜಾಗಿದೆ. ಅದಕ್ಕಾಗಿ ಆಡುವ 11ರ ಬಳಗದಲ್ಲಿ ಮಹತ್ವದ ಬದಲಾವಣೆ ಮಾಡಿದ್ದು, ಕಳಪೆ ಪ್ರದರ್ಶನ ನೀಡಿದ ವೇಗಿ ಪ್ರಸಿದ್ಧ್ ಕೃಷ್ಣ ಬದಲಿಗೆ ಜಸ್ಪ್ರೀತ್ ಬುಮ್ರಾಗೆ ಮಣೆ ಹಾಕಲಾಗಿದೆ.</p><p>ಮತ್ತೊಂದೆಡೆ ಪಂದ್ಯದ ಆರಂಭಕ್ಕೆ ಒಂದು ದಿನ ಮುಂಚೆಯೇ ಆಡುವ 11ರ ಬಳಗ ಘೋಷಿಸಿದ್ದ ಇಂಗ್ಲೆಂಡ್ ತನ್ನ ತಂಡದಲ್ಲೂ ಒಂದು ಬದಲಾವಣೆ ಮಾಡಿದೆ. ಜೋಶ್ ಟಂಗ್ ಬದಲಿಗೆ ಜೋಫ್ರಾ ಆರ್ಚರ್ ಅವರಿಗೆ ಸ್ಥಾನ ನೀಡಲಾಗಿದೆ. ಆರ್ಚರ್ ನಾಲ್ಕು ವರ್ಷಗಳ ನಂತರ ಟೆಸ್ಟ್ ತಂಡವನ್ನು ಕೂಡಿಕೊಂಡಿದ್ದಾರೆ. ತವರಿನಲ್ಲಿ ಪ್ರವಾಸಿಗರನ್ನು ಮಣಿಸಲು ನೂತನ ಯೋಜನೆಗಳೊಂದಿಗೆ ಕಣಕ್ಕಿಳಿದಿರುವ ಬೆನ್​ ಸ್ಟೋಕ್ಸ್ ಪಡೆ ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದರೂ 2ನೇ ಟೆಸ್ಟ್​​ನಲ್ಲಿ ಮುಗ್ಗರಿಸಿದೆ. ಇದೀಗ ಅದರ ಸೇಡಿಗೆ ಸಜ್ಜಾಗಿದೆ.</p><h2>ಪ್ರಸಿದ್ಧ್ ಕೃಷ್ಣ ಕಳಪೆ ಪ್ರದರ್ಶನ</h2><p>ಕನ್ನಡಿಗ ಪ್ರಸಿದ್ಧ್ ಕೃಷ್ಣ ಅವರನ್ನು ಮೂರನೇ ಟೆಸ್ಟ್​ನಿಂದ ಕೈಬಿಡಲಾಗಿದೆ. ಅದಕ್ಕೆ ಕಾರಣ ಮೊದಲ ಎರಡು ಟೆಸ್ಟ್​​ಗಳಲ್ಲಿ ನೀಡಿದ್ದ ಕಳಪೆ ಪ್ರದರ್ಶನ. ಐಪಿಎಲ್​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಮಾನದಂಡದ ಆಧಾರದಲ್ಲಿ ಇಂಗ್ಲೆಂಡ್ ಪ್ರವಾಸಕ್ಕೆ ಆಯ್ಕೆ ಮಾಡಲಾಗಿತ್ತು. ಆದರೆ, ಅವರು ಟೆಸ್ಟ್​ ಕ್ರಿಕೆಟ್​ನಲ್ಲಿ ಟಿ20ಯಲ್ಲಿ ರನ್ ಸೋರಿಕೆ ಮಾಡಿದಂತೆ ಮಾಡುತ್ತಿದ್ದರು. ಮೊದಲ ಟೆಸ್ಟ್​​ನಲ್ಲಿ 5 ವಿಕೆಟ್ ಉರುಳಿಸಿದ್ದ ಕನ್ನಡಿಗ, ಎರಡನೇ ಟೆಸ್ಟ್​​ನಲ್ಲಿ ಒಂದು ವಿಕೆಟ್ ಪಡೆಯಲಷ್ಟೇ ಶಕ್ತರಾದರು.</p><h2>ಶುಭ್ಮನ್ ಗಿಲ್ ಹೇಳಿದ್ದೇನು?</h2><p>ಟಾಸ್ ಸೋತ ಬಳಿಕ ಮಾತನಾಡಿದ ಟೀಮ್ ಇಂಡಿಯಾ ನಾಯಕ ಶುಭ್ಮನ್ ಗಿಲ್, ಇಂದು ಬೆಳಿಗ್ಗಿನಿಂದ ಟಾಸ್ ಗೆದ್ದ ಬಳಿಕ ಯಾವುದು ಆಯ್ಕೆ ಮಾಡಿಕೊಳ್ಳಬೇಕು ಎನ್ನುವ ಗೊಂದಲಕ್ಕೆ ಸಿಲುಕಿದ್ದೆ. ಈಗ ಟಾಸ್ ಜಯಿಸಿದ್ದರೂ ಬೌಲಿಂಗ್ ಆಯ್ಕೆ ಮಾಡಿಕೊಳ್ಳುತ್ತಿದ್ದೆ. ಮೊದಲ ಸೆಷನ್‌ನಲ್ಲಿ ಬೌಲರ್‌ಗಳು ಮ್ಯಾಜಿಕ್ ನಡೆಸಲಿದ್ದಾರೆ. ಈ ಬಗ್ಗೆ ಚರ್ಚೆ ನಡೆಸಿದ್ದೆ. ಕೊನೆಗೆ ಬೌಲಿಂಗ್ ಮಾಡುವ ನಿರ್ಧಾರಕ್ಕೆ ಬಂದಿದ್ದೆವು. ಬೌಲರ್​​​ಗಳು ಕೂಡ ಆತ್ಮವಿಶ್ವಾಸದಿಂದ ಇದ್ದಾರೆ ಎಂದು ಹೇಳಿದ್ದಾರೆ.</p><h2>ಭಾರತ ಪ್ಲೇಯಿಂಗ್ 11</h2><p>ಯಶಸ್ವಿ ಜೈಸ್ವಾಲ್, ಕೆಎಲ್ ರಾಹುಲ್, ಕರುಣ್ ನಾಯರ್, ಶುಭ್ಮನ್ ಗಿಲ್ (ನಾಯಕ), ರಿಷಭ್ ಪಂತ್ (ವಿಕೆಟ್ ಕೀಪರ್), ನಿತೀಶ್ ಕುಮಾರ್ ರೆಡ್ಡಿ, ರವೀಂದ್ರ ಜಡೇಜಾ, ವಾಷಿಂಗ್ಟನ್ ಸುಂದರ್, ಆಕಾಶ್ ದೀಪ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್.</p><h2>ಇಂಗ್ಲೆಂಡ್ ಪ್ಲೇಯಿಂಗ್ 11</h2><p>ಜ್ಯಾಕ್ ಕ್ವ್ರಾವ್ಲಿ, ಬೆನ್ ಡಕೆಟ್, ಓಲಿ ಪೋಪ್, ಜೋ ರೂಟ್, ಹ್ಯಾರಿ ಬ್ರೂಕ್, ಬೆನ್ ಸ್ಟೋಕ್ಸ್ (ನಾಯಕ), ಜೇಮೀ ಸ್ಮಿತ್ (ವಿಕೆಟ್ ಕೀಪರ್), ಕ್ರಿಸ್ ವೋಕ್ಸ್, ಬ್ರೈಡನ್ ಕಾರ್ಸೆ, ಜೋಫ್ರಾ ಆರ್ಚರ್, ಶೋಯೆಬ್ ಬಶೀರ್.</p>

<ul><li>ಲಾರ್ಡ್ಸ್​ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ 3ನೇ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ವಿರುದ್ಧ ಟಾಸ್ ಗೆದ್ದ ಇಂಗ್ಲೆಂಡ್ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ.</li></ul>

ಪಾರ್ಶ್ವವಾಯುವಿನ ಲಕ್ಷಣಗಳು ಯಾವುವು? ಯಾವಾಗ ಹೃದ್ರೋಗ ತಜ್ಞರನ್ನು ಭೇಟಿ ಮಾಡಬೇಕು? ಇಲ್ಲಿದೆ ಮಾಹಿತಿ

<p>ಹೃದಯಾಘಾತ ಮತ್ತು ಪಾರ್ಶ್ವವಾಯು ಪ್ರಪಂಚದಾದ್ಯಂತ ಹಲವರನ್ನು ಬಾಧಿಸುತ್ತಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಹೃದಯ ಸಂಬಂಧಿ ಕಾಯಿಲೆಗಳು (CVDs) ಪ್ರಪಂಚದಾದ್ಯಂತದ ಸುಮಾರು ಶೇ 32ರಷ್ಟು ಜನರ ಸಾವಿಗೆ ಕಾರಣವಾಗಿವೆ. 2019 ರಲ್ಲಿ, ಸುಮಾರು 17.9 ಮಿಲಿಯನ್ ಜನರು ಹೃದಯ ಸಂಬಂಧಿ ಸಮಸ್ಯೆಗಳಿಂದ ಸಾವನ್ನಪ್ಪಿದರು. ಅದರಲ್ಲಿ 85 ಪ್ರತಿಶತ ಜನರು ಹೃದಯಾಘಾತ ಅಥವಾ ಪಾರ್ಶ್ವವಾಯುಗಳಿಂದ ಸಾವನ್ನಪ್ಪಿದ್ದಾರೆ. ಹೃದಯ ಸಂಬಂಧಿ ಕಾಯಿಲೆಗಳು ಏಕೆ ಸಂಭವಿಸುತ್ತವೆ? ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳ ಲಕ್ಷಣಗಳು ಯಾವುವು? ಈ ಅಪಾಯವನ್ನು ನಾವು ಹೇಗೆ ಕಡಿಮೆ ಮಾಡಬಹುದು? ಎಂಬಿತ್ಯಾದಿ ವಿವರ ಇಲ್ಲಿದೆ.</p><p>ಹೃದಯಾಘಾತ ಮತ್ತು ಪಾರ್ಶ್ವವಾಯು ಸಾಮಾನ್ಯವಾಗಿ ಹೃದಯ ಅಥವಾ ಮೆದುಳಿಗೆ ರಕ್ತ ಪೂರೈಕೆಯಲ್ಲಿನ ಅಡಚಣೆಗಳಿಂದ ಉಂಟಾಗುತ್ತದೆ. ಇದಕ್ಕೆ ಮುಖ್ಯ ಕಾರಣ ರಕ್ತನಾಳಗಳ ಒಳ ಗೋಡೆಗಳ ಮೇಲೆ ಕೊಬ್ಬು ಶೇಖರಣೆಯಾಗುವುದು. ಕೆಲವೊಮ್ಮೆ ಪಾರ್ಶ್ವವಾಯು ಛಿದ್ರಗೊಂಡ ರಕ್ತನಾಳ ಅಥವಾ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಯಿಂದಲೂ ಉಂಟಾಗಬಹುದು.</p><h2>ಹೃದ್ರೋಗ ಅಥವಾ ಹೃದಯದ ಕಾಯಿಲೆ ಎಂದರೇನು?</h2><p>ಹೃದ್ರೋಗವು ಹೃದಯ ಸಂಬಂಧಿತ ಸಮಸ್ಯೆಗಳನ್ನು ವಿವರಿಸಲು ಬಳಸುವ ಸಾಮಾನ್ಯ ಪದವಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಹೃದಯ ಕಾಯಿಲೆ ಮತ್ತು ರಕ್ತನಾಳದ ಸಮಸ್ಯೆಗಳನ್ನು ಒಟ್ಟಾಗಿ ಹೃದಯ ಸಂಬಂಧಿ ಕಾಯಿಲೆಗಳು (CVDs) ಎಂದು ಕರೆಯಲಾಗುತ್ತದೆ. ಕೆಲವು ಪ್ರಮುಖ ಹೃದಯ ಸಂಬಂಧಿತ ಸಮಸ್ಯೆಗಳು ಹೀಗಿವೆ.</p><p><strong>ಪರಿಧಮನಿಯ ಹೃದಯ ಕಾಯಿಲೆ: </strong>ಹೃದಯ ಸ್ನಾಯುಗಳಿಗೆ ರಕ್ತ ಪೂರೈಸುವ ರಕ್ತನಾಳಗಳ ಸಮಸ್ಯೆ.</p><p><strong>ಸೆರೆಬ್ರೊವಾಸ್ಕುಲರ್ ಕಾಯಿಲೆ:</strong> ಮೆದುಳಿಗೆ ರಕ್ತ ಪೂರೈಸುವ ರಕ್ತನಾಳಗಳ ಸಮಸ್ಯೆ (ಇದು ಪಾರ್ಶ್ವವಾಯುವಿಗೆ ಕಾರಣವಾಗಬಹುದು).</p><p><strong>ಬಾಹ್ಯ ಅಪಧಮನಿಯ ಕಾಯಿಲೆ: </strong>ತೋಳುಗಳು ಮತ್ತು ಕಾಲುಗಳಿಗೆ ರಕ್ತ ಪೂರೈಸುವ ರಕ್ತನಾಳಗಳ ಸಮಸ್ಯೆ.</p><p><strong>ಸಂಧಿವಾತ ಹೃದಯ ಕಾಯಿಲೆ: </strong>ಸ್ಟ್ರೆಪ್ಟೋಕೊಕಲ್ ಬ್ಯಾಕ್ಟೀರಿಯಾದಿಂದ ಉಂಟಾಗುವ ಸಂಧಿವಾತ ಜ್ವರದಿಂದ ಉಂಟಾಗುವ ಹೃದಯ ಸ್ನಾಯು ಮತ್ತು ಕವಾಟಗಳಿಗೆ ಹಾನಿ.</p><p><strong>ಜನ್ಮಜಾತ ಹೃದಯ ಕಾಯಿಲೆ: </strong>ಹುಟ್ಟಿನಿಂದಲೇ ಇರುವ ಹೃದಯದ ರಚನೆಯಲ್ಲಿನ ದೋಷಗಳಿಂದಾಗಿ ಹೃದಯವು ಸಾಮಾನ್ಯವಾಗಿ ಕಾರ್ಯನಿರ್ವಹಿಸಲು ಸಾಧ್ಯವಾಗದ ಸ್ಥಿತಿ.</p><p><strong>ಆಳವಾದ ರಕ್ತನಾಳದ ಥ್ರಂಬೋಸಿಸ್ (DVT), ಪಲ್ಮನರಿ ಎಂಬಾಲಿಸಮ್: </strong>ಕಾಲುಗಳ ರಕ್ತನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವಿಕೆ. ಇವು ಹೃದಯ ಅಥವಾ ಶ್ವಾಸಕೋಶಗಳಿಗೆ ಪ್ರಯಾಣಿಸಬಹುದು.</p><h2>ಪಾರ್ಶ್ವವಾಯು ಎಂದರೇನು?</h2><p>ಪಾರ್ಶ್ವವಾಯು ಹೃದಯ ಅಥವಾ ಮೆದುಳಿಗೆ ರಕ್ತದ ಹರಿವು ಅಡಚಣೆಯಾದಾಗ ಸಂಭವಿಸುವ ಗಂಭೀರ ಸ್ಥಿತಿಯಾಗಿದೆ. ಹೃದಯ ಅಥವಾ ಮೆದುಳಿಗೆ ರಕ್ತ ಪೂರೈಸುವ ರಕ್ತನಾಳಗಳ ಒಳ ಗೋಡೆಗಳ ಮೇಲೆ ಕೊಬ್ಬು ಸಂಗ್ರಹವಾಗುವುದೇ ಮುಖ್ಯ ಕಾರಣ. ಮೆದುಳಿನಲ್ಲಿ ಛಿದ್ರಗೊಂಡ ರಕ್ತನಾಳ ಅಥವಾ ರಕ್ತ ಹೆಪ್ಪುಗಟ್ಟುವಿಕೆಯಿಂದಲೂ ಪಾರ್ಶ್ವವಾಯು ಉಂಟಾಗಬಹುದು.</p><h2>ಹೃದಯಾಘಾತದ ಲಕ್ಷಣಗಳು</h2><ul><li>ಎದೆಯ ಮಧ್ಯಭಾಗದಲ್ಲಿ ನೋವು ಅಥವಾ ಅಸ್ವಸ್ಥತೆ</li><li>ತೋಳುಗಳು, ಎಡ ಭುಜ, ಮೊಣಕೈಗಳು, ದವಡೆ ಅಥವಾ ಬೆನ್ನಿನಲ್ಲಿ ನೋವು ಅಥವಾ ಅಸ್ವಸ್ಥತೆ</li><li>ಉಸಿರಾಟದ ತೊಂದರೆ ಅಥವಾ ಉಸಿರಾಟದ ತೊಂದರೆ,</li><li>ವಾಕರಿಕೆ ಅಥವಾ ವಾಂತಿ</li><li>ತಲೆತಿರುಗುವಿಕೆ ಅಥವಾ ಮೂರ್ಛೆ ಹೋಗುವುದು</li><li>ಶೀತ ಬೆವರು, ಬಿಳಿಚಿಕೊಳ್ಳುವಿಕೆ</li><li>ಪುರುಷರಿಗಿಂತ ಮಹಿಳೆಯರು ಉಸಿರಾಟದ ತೊಂದರೆ, ವಾಕರಿಕೆ, ವಾಂತಿ, ಬೆನ್ನು ಅಥವಾ ದವಡೆಯ ನೋವನ್ನು ಅನುಭವಿಸುವ ಸಾಧ್ಯತೆ ಹೆಚ್ಚು.</li></ul><h2>ಪಾರ್ಶ್ವವಾಯು ಲಕ್ಷಣಗಳು</h2><p>ರಕ್ತಸ್ರಾವ ಅಥವಾ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಯಿಂದಾಗಿ ದೇಹದಲ್ಲಿ ಹಠಾತ್ ಶಕ್ತಿ ನಷ್ಟ. ಪಾರ್ಶ್ವವಾಯುವಿನ ಮುಖ್ಯ ಲಕ್ಷಣವೆಂದರೆ ದೌರ್ಬಲ್ಯ, ವಿಶೇಷವಾಗಿ ಮುಖದ ಒಂದು ಬದಿ, ತೋಳು ಅಥವಾ ಕಾಲಿನಲ್ಲಿ ದೌರ್ಬಲ್ಯ ಉಂಟಾಗುತ್ತದೆ. WHO ಪ್ರಕಾರ, ಈ ಕೆಳಗಿನ ಲಕ್ಷಣಗಳು ಇದ್ದಕ್ಕಿದ್ದಂತೆ ಕಾಣಿಸಿಕೊಳ್ಳುತ್ತವೆ.</p><ul><li>ಮುಖ, ತೋಳು ಅಥವಾ ಕಾಲಿನಲ್ಲಿ ವಿಶೇಷವಾಗಿ ದೇಹದ ಒಂದು ಬದಿಯಲ್ಲಿ ಮರಗಟ್ಟುವಿಕೆ.</li><li>ಮಾನಸಿಕ ಗೊಂದಲ, ಮಾತನಾಡಲು ಅಥವಾ ಮಾತನ್ನು ಅರ್ಥಮಾಡಿಕೊಳ್ಳಲು ತೊಂದರೆ.</li><li>ಒಂದು ಅಥವಾ ಎರಡೂ ಕಣ್ಣುಗಳಿಂದ ನೋಡುವಲ್ಲಿ ತೊಂದರೆ.</li><li>ನಡೆಯುವಲ್ಲಿ ತೊಂದರೆ, ತಲೆತಿರುಗುವಿಕೆ, ಸಮತೋಲನ ನಷ್ಟ.</li><li>ಯಾವುದೇ ಕಾರಣವಿಲ್ಲದೆ ತೀವ್ರ ತಲೆನೋವು.</li><li>ಮೂರ್ಛೆ ಅಥವಾ ಪ್ರಜ್ಞೆ ಕಳೆದುಕೊಳ್ಳುವುದು.</li></ul><p>ಈ ಲಕ್ಷಣಗಳು ಕಾಣಿಸಿಕೊಂಡರೆ ತಕ್ಷಣ ವೈದ್ಯಕೀಯ ಸಹಾಯ ಪಡೆಯಲು WHO ಶಿಫಾರಸು ಮಾಡುತ್ತದೆ.</p><h2>ಹೃದಯಾಘಾತ ಅಥವಾ ಪಾರ್ಶ್ವವಾಯುವಿಗೆ ಯಾರಿಗೆ ಹೆಚ್ಚಿನ ಅಪಾಯವಿದೆ?</h2><p>ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಹೃದಯಾಘಾತ ಮತ್ತು ಪಾರ್ಶ್ವವಾಯುವಿಗೆ ಪ್ರಮುಖ ಅಪಾಯಕಾರಿ ಅಂಶಗಳು ಅನಾರೋಗ್ಯಕರ ಆಹಾರ, ದೈಹಿಕ ಚಟುವಟಿಕೆಯ ಕೊರತೆ, ತಂಬಾಕು ಬಳಕೆ ಮತ್ತು ಮದ್ಯಪಾನ. ವಾಯು ಮಾಲಿನ್ಯವು ಒಂದು ಪ್ರಮುಖ ಪರಿಸರ ಅಂಶವಾಗಿದೆ.</p><p>ಈ ನಡವಳಿಕೆಯ ಅಪಾಯಕಾರಿ ಅಂಶಗಳ ಪರಿಣಾಮಗಳನ್ನು ವ್ಯಕ್ತಿಯಲ್ಲಿ ಅಧಿಕ ರಕ್ತದೊತ್ತಡ, ಅಧಿಕ ರಕ್ತದ ಗ್ಲೂಕೋಸ್, ಅಧಿಕ ರಕ್ತದ ಕೊಬ್ಬು, ಅಧಿಕ ತೂಕ ಮತ್ತು ಬೊಜ್ಜು ಎಂದು ಕಾಣಬಹುದು. ಈ 'ಮಧ್ಯಮ ಅಪಾಯಕಾರಿ ಅಂಶಗಳನ್ನು' ಪ್ರಾಥಮಿಕ ಆರೋಗ್ಯ ರಕ್ಷಣಾ ಸೆಟ್ಟಿಂಗ್‌ಗಳಲ್ಲಿ ಗುರುತಿಸಬಹುದು. ಅವು ಹೃದಯಾಘಾತ, ಪಾರ್ಶ್ವವಾಯು, ಹೃದಯ ವೈಫಲ್ಯ ಮತ್ತು ಇತರ ತೊಡಕುಗಳ ಅಪಾಯವನ್ನು ಹೆಚ್ಚಿಸುತ್ತವೆ ಎಂದು ಸೂಚಿಸುತ್ತವೆ.</p><p><i><strong>(ಗಮನಿಸಿ: </strong>ಈ ಮಾಹಿತಿಯು ಸಾಮಾನ್ಯಜ್ಞಾನ ಹಾಗೂ ಅಂತರ್ಜಾಲದಲ್ಲಿ ಸಿಕ್ಕ ಮಾಹಿತಿಯನ್ನ ಆಧರಿಸಿದೆ. ಈ ವಿಚಾರ ಸಂಪೂರ್ಣ ನಿಖರವಾಗಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ಕನ್ನಡ (ಎಚ್‌ಟಿ ಕನ್ನಡ) ಪ್ರತಿಪಾದಿಸುವುದಿಲ್ಲ. ಈ ವಿಷಯದ ಕುರಿತ ನಿಖರ ಮಾಹಿತಿಗಾಗಿ ಸಂಬಂಧಪಟ್ಟ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ)</i></p><p> </p>

ಹೃದಯದ ಕಾಯಿಲೆಗಳು ಬರಲು ಕಾರಣವೇನು, ಹೃದಯಾಘಾತ ಮತ್ತು ಪಾರ್ಶ್ವವಾಯುವಿನ ಲಕ್ಷಣಗಳು ಯಾವುವು? ಈ ಅಪಾಯವನ್ನು ಕಡಿಮೆ ಮಾಡಿಕೊಳ್ಳುವುದು ಹೇಗೆ? ಈ ವಿಚಾರದ ಕುರಿತು ಇಲ್ಲಿದೆ ಮಾಹಿತಿ.

ʻಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಮೂಲಕ ಮತ್ತೊಂದು ಕಾಮಿಡಿ ಕಮಾಲ್ ಮಾಡಲು ಕೋಮಲ್ ರೆಡಿ

<p>ನಟ ಕೋಮಲ್ ಕುಮಾರ್ ಸದ್ದಿಲ್ಲದೆ ಹೊಸಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬರಲು ತಯಾರಾಗಿದ್ದಾರೆ. ಹೌದು, ಕೋಮಲ್ ಕುಮಾರ್ ನಾಯಕನಾಗಿ ಅಭಿನಯಿಸುತ್ತಿರುವ ಹೊಸ ಚಿತ್ರಕ್ಕೆ ‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಎಂದು ಹೆಸರಿಡಲಾಗಿದ್ದು, ಇದೀಗ ಈ ಸಿನಿಮಾದ ಟೈಟಲ್ ಪೋಸ್ಟರ್ ಪ್ರೋಮೋ ಮತ್ತು ಫಸ್ಟ್ ಲುಕ್ ಬಿಡುಗಡೆಯಾಗಿದೆ. </p><p>ಈ ಹಿಂದೆ ‘ಕತ್ತಲೆ ಕೋಣೆ’, ‘ಇನಾಂದಾರ್’, ‘ಗುಂಮ್ಟಿ’ ಚಿತ್ರಗಳನ್ನು ನಿರ್ದೇಶಿಸಿದ್ದ ಯುವ ನಿರ್ದೇಶಕ ಸಂದೇಶ್ ಶೆಟ್ಟಿ ಆಜ್ರಿ ‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಸಿನಿಮಾಕ್ಕೆ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ‘ಜ್ಯೋತಿ ಪ್ರೊಡಕ್ಷನ್ಸ್’ ಬ್ಯಾನರಿನಲ್ಲಿ ವಿಕಾಸ್ ಎಸ್. ಶೆಟ್ಟಿ ಈ ಚಿತ್ರಕ್ಕೆ ಬಂಡವಾಳ ಹೂಡಿ ನಿರ್ಮಿಸುತ್ತಿದ್ದಾರೆ.</p><p>ಇನ್ನು ‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಸಿನಿಮಾದಲ್ಲಿ ನಾಯಕ ಕೋಮಲ್ ಅವರಿಗೆ ಅನುಷಾ ರೈ ನಾಯಕಿಯಾಗಿ ಜೋಡಿಯಾಗುತ್ತಿದ್ದಾರೆ. ನಟಿ ಮೇಘನಾ ರಾಜ್ ಕೂಡ ಈ ಚಿತ್ರದ ಮತ್ತೊಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಉಳಿದಂತೆ ಎಂ. ಕೆ. ಮಠ, ಪ್ರಕಾಶ್ ತುಮ್ಮಿನಾಡು, ವರ್ಧನ್ ತೀರ್ಥಹಳ್ಳಿ, ಸಿರಿ ಸೇರಿದಂತೆ ಅನೇಕರು ಈ ಚಿತ್ರದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.</p><p>‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಟೈಟಲ್ ಬಿಡುಗಡೆ ಬಳಿಕ ಮಾತನಾಡಿದ ನಾಯಕ ನಟ ಕೋಮಲ್, ‘ಸಿನಿಮಾದ ಟೈಟಲ್ಲೇ ಹೇಳುವಂತೆ, ಇದೊಂದು ವಿಭಿನ್ನ ಸಿನಿಮಾ. ಎರಡು ಕಾಲ ಘಟ್ಟದಲ್ಲಿ ಈ ಸಿನಿಮಾದ ಕಥೆಯನ್ನು ನಿರ್ದೇಶಕರು ವಿಭಿನ್ನವಾಗಿ ಹೇಳುತ್ತಿದ್ದಾರೆ. ಕಾಮಿಡಿ, ಮನರಂಜನೆಯ ಜೊತೆ ಬೇರೆ ಒಂದಷ್ಟು ವಿಷಯಗಳು ಕೂಡ ಈ ಸಿನಿಮಾದಲ್ಲಿರಲಿದೆ. ಈ ಸಿನಿಮಾದಲ್ಲಿ ಒಂದು ಗೆಟಪ್ ನಲ್ಲಿ ನಾನು ಸಿನಿಮಾ ಡೈರೆಕ್ಟರ್ ಪಾತ್ರ ಮಾಡಲಿದ್ದು, ಮತ್ತೊಂದು ಪಾತ್ರದ ಬಗ್ಗೆ ಈಗಲೇ ಹೇಳಲಾರೆ. ಒಟ್ಟಿನಲ್ಲಿ ಎರಡು ಶೇಡ್ ಇರುವಂಥ ಪಾತ್ರ ಇಲ್ಲಿದೆ. ಸಿನಿಮಾದ ಬಗ್ಗೆ ಮತ್ತು ಪಾತ್ರದ ಬಗ್ಗೆ ಹೇಳೋದಕ್ಕೆ ಸಾಕಷ್ಟಿದೆ. ಮುಂದಿನ ದಿನಗಳಲ್ಲಿ ಈ ಬಗ್ಗೆ ಇನ್ನಷ್ಟು ಮಾತನಾಡುವುದಿದೆ’ ಎಂದರು.</p><p>ನಟಿ ಮೇಘನಾ ರಾಜ್ ಮಾತನಾಡಿ, ‘ನಾನು ಸಿನಿಮಾದಿಂದ ದೂರವಾಗಿದ್ದೇನೆ ಎಂದು ಅನೇಕರು ಅಂದುಕೊಂಡಿದ್ದಾರೆ. ಆದರೆ ನಾನು, ನಿಜವಾಗಿಯೂ ಸಿನಿಮಾದಿಂದ ದೂರವಾಗಿಲ್ಲ. ಒಳ್ಳೆಯ ಕಥೆ, ಒಳ್ಳೆಯ ಪಾತ್ರಗಳು, ನನಗೆ ಇಷ್ಟವಾಗುವಂತ ಪಾತ್ರಗಳು ಸಿಕ್ಕರೆ, ಖಂಡಿತವಾಗಿಯೂ ಸಿನಿಮಾ ಮಾಡುತ್ತೇನೆ. ಈಗಾಗಲೇ ಮಲೆಯಾಳಂನಲ್ಲೂ ಒಂದು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದೇನೆ. ‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಬಹಳ ದಿನಗಳ ನಂತರ ನಾನು ಕನ್ನಡದಲ್ಲಿ ಅಭಿನಯಿಸುತ್ತಿರುವ ಸಿನಿಮಾ. ಈ ಸಿನಿಮಾದ ಕಥೆಯನ್ನು ನಿರ್ದೇಶಕರು ಹೇಳಿದ ಕೂಡಲೇ ಇಷ್ಟವಾಗಿ ಪಾತ್ರ ಮಾಡಲು ಒಪ್ಪಿಕೊಂಡೆ. ಈ ಸಿನಿಮಾದಲ್ಲಿ 19ನೇ ಶತಮಾನದಲ್ಲಿ ಬರುವ ರಾಜಮನೆತನದ ಮಹಿಳೆಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದೇನೆ. ನನಗೆ ಇದೊಂದು ಹೊಸತರದ ಪಾತ್ರ. ನೋಡುಗರಿಗೂ ನನ್ನ ಪಾತ್ರ ಇಷ್ಟವಾಗುತ್ತದೆ ಎಂಬ ನಂಬಿಕೆಯಿದೆ’ ಎಂದರು.</p><p>‘ಕನ್ನಡದಲ್ಲಿ ಇದೊಂದು ವಿಭಿನ್ನ ಸಿನಿಮಾವಾಗಿ ಮೂಡಿಬರಲಿದೆ ಎಂಬ ವಿಶ್ವಾಸವಿದೆ. ಕಳೆದ ಐದಾರು ತಿಂಗಳಿನಿಂದ ಈ ಸಿನಿಮಾದ ಪ್ರೀ-ಪ್ರೊಡಕ್ಷನ್ ಕೆಲಸಗಳು ಕೆಲಸಗಳು ನಡೆಯುತ್ತಿದೆ. ತುಂಬ ಚೆನ್ನಾಗಿ ಸಿನಿಮಾ ಬರುತ್ತಿದೆ. ಕನ್ನಡಿಗರು ಇಂಥ ಸಿನಿಮಾಗಳನ್ನು ನೋಡಿ ಗೆಲ್ಲಿಸುತ್ತಾರೆ’ ಎಂದರು ನಿರ್ಮಾಪಕ ವಿಕಾಸ್ ಎಸ್. ಶೆಟ್ಟಿ</p><p>‘ಕೋಮಲ್ ಅವರನ್ನು ಹಿಂದೆಂದೂ ನೋಡಿರದ ರೀತಿಯಲ್ಲಿ ಈ ಸಿನಿಮಾದಲ್ಲಿ ಕಾಣುತ್ತಾರೆ. ಇಡೀ ಸಿನಿಮಾದ ಮೊದಲರ್ಧ ಹಾಸ್ಯಭರಿತವಾಗಿ ಸಾಗಿದರೆ, ದ್ವಿತೀಯರ್ಧ ಸಸ್ಪೆನ್ಸ್-ಥ್ರಿಲ್ಲರ್ ಅಂಶಗಳ ಜೊತೆ ಸಾಗುತ್ತದೆ. ಮನರಂಜನೆಯ ಜೊತೆಗೆ, ಇಂದಿನ ಕೆಲ ಸಾಮಾಜಿಕ ವಿಷಯಗಳನ್ನೂ ಈ ಸಿನಿಮಾದಲ್ಲಿ ಹೇಳುತ್ತಿದ್ದೇವೆ. ಕುಂದಾಪುರ, ಕಾಸರಗೋಡು, ಕೇರಳ, ರಾಜಸ್ಥಾನ, ಹಂಪಿ ಮೊದಲಾದ ಕಡೆಗಳಲ್ಲಿ ಚಿತ್ರೀಕರಣಕ್ಕೆ ಪ್ಲಾನ್ ಮಾಡಿಕೊಂಡಿದ್ದೇವೆ. ಮುಂದಿನ ವರ್ಷದ ಆರಂಭದಲ್ಲಿಯೇ ಈ ಸಿನಿಮಾವನ್ನು ಪ್ರೇಕ್ಷಕರ ಮುಂದೆ ತರುವ ಯೋಚನೆಯಿದೆ’ ಎಂದರು ನಿರ್ದೇಶಕ ಸಂದೇಶ್ ಶೆಟ್ಟಿ ಆಜ್ರಿ.</p>

ಕೋಮಲ್ ಕುಮಾರ್ ನಾಯಕನಾಗಿ ಅಭಿನಯಿಸುತ್ತಿರುವ ಹೊಸ ಚಿತ್ರಕ್ಕೆ ‘ಸಂಗೀತ ಬಾರ್ ಅಂಡ್ ರೆಸ್ಟೋರೆಂಟ್’ ಎಂದು ಹೆಸರಿಡಲಾಗಿದ್ದು, ಇದೀಗ ಈ ಸಿನಿಮಾದ ಟೈಟಲ್ ಪೋಸ್ಟರ್ ಪ್ರೋಮೋ ಮತ್ತು ಫಸ್ಟ್ ಲುಕ್ ಬಿಡುಗಡೆಯಾಗಿದೆ.

ʻತಾಯವ್ವʼ ಮುಖದಲ್ಲಿ ಗೆಲುವಿನ ನಗು; ಸದ್ದಿಲ್ಲದೆ 25 ದಿನ ಪೂರೈಸಿದ ಚಿತ್ರ

<p><strong>ಬೆಂಗಳೂರು:</strong> ಇದೇ 2025ರ ಮೇ ತಿಂಗಳ 30 ರಂದು ಕನ್ನಡದಲ್ಲಿ ತೆರೆಕಂಡ ‘ತಾಯವ್ವ’ ಚಿತ್ರ ಯಶಸ್ವಿಯಾಗಿ 25 ದಿನಗಳ ಪ್ರದರ್ಶನವನ್ನು ಪೂರೈಸಿದೆ. ‘ಅಮರ ಫಿಲಂಸ್’ ಬ್ಯಾನರಿನಲ್ಲಿ ಗೀತಪ್ರಿಯಾ ನಿರ್ಮಿಸಿ, ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿರುವ ‘ತಾಯವ್ವ’ ಮಹಿಳಾ ಪ್ರದಾನ ಕಥಾಹಂದರವನ್ನು ಹೊಂದಿದ ಚಿತ್ರವಾಗಿದ್ದು, ಈ ಚಿತ್ರದಲ್ಲಿ ಗ್ರಾಮೀಣ ಭಾಗದ ಸೂಲಗಿತ್ತಿ ಮಹಿಳೆಯ ಬದುಕನ್ನು ಅನಾವರಣ ಮಾಡಲಾಗಿದೆ.</p><p>ಸದ್ಯ ಬಿಡುಗಡೆಯಾಗಿರುವ ‘ತಾಯವ್ವ’ ಚಿತ್ರಕ್ಕೆ ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಇದೇ ಖುಷಿಯನ್ನು ಹಂಚಿಕೊಳ್ಳುವ ಸಲುವಾಗಿ ಚಿತ್ರತಂಡ, ‘ತಾಯವ್ವ’ ಚಿತ್ರದ ಯಶಸ್ವಿ ಪತ್ರಿಕಾಗೋಷ್ಟಿ (ಸಕ್ಸಸ್ ಮೀಟ್) ಆಯೋಜಿಸಿತ್ತು.</p><p>ಈ ಸಮಾರಂಭದಲ್ಲಿ ಹಿರಿಯ ನಟ ಸುರೇಶ್ ಹೆಬ್ಳೀಕರ್, ಸಂಗೀತ ನಿರ್ದೇಶಕ ಕೆ. ಕಲ್ಯಾಣ್, ಲಹರಿ ವೇಲು, ನಿರ್ದೇಶಕರಾದ ಯೋಗರಾಜ್ ಭಟ್, ಹರಿಪ್ರಸಾದ್ ಜಯಣ್ಣ, ನಿರ್ಮಾಪಕ ಸಿಲ್ಕ್ ಮಂಜು, ‘ಕೃಪಾನಿಧಿ ಸಮೂಹ ಶಿಕ್ಷಣ ಸಂಸ್ಥೆ’ಗಳ ಅಧ್ಯಕ್ಷ ಸುರೇಶ್ ನಾಗಪಾಲ್, ನಟ ನಿರಂಜನ್ ಶೆಟ್ಟಿ, ನಟಿ ಸಿಂಧೂ ಲೋಕನಾಥ್ ಸೇರಿದಂತೆ ಚಿತ್ರರಂಗ ಮತ್ತು ವಿವಿಧ ಕ್ಷೇತ್ರಗಳ ಅನೇಕ ಗಣ್ಯರು ಹಾಜರಿದ್ದರು.</p><p>ಇದೇ ವೇಳೆ ಮಾತನಾಡಿದ ‘ತಾಯವ್ವ’ ಚಿತ್ರದ ನಿರ್ಮಾಪಕಿ ಮತ್ತು ನಟಿ ಗೀತಪ್ರಿಯಾ, ‘ಸೂಲಗಿತ್ತಿಯೊಬ್ಬಳ ಬದುಕಿನ ಅನಾವರಣ ‘ತಾಯವ್ವ’ ಸಿನಿಮಾದ ಮೂಲಕ ಮಾಡಿದ್ದೇವೆ. ಸೂಲಗಿತ್ತಿ ನರಸಮ್ಮ ಅವರಂಥ ನಮ್ಮ ಗ್ರಾಮೀಣ ಭಾಗದ ಅನೇಕ ಸೂಲಗಿತ್ತಿ ಮಹಿಳೆಯರನ್ನು ಪ್ರೇರಣೆಯಾಗಿ ತೆಗೆದುಕೊಂಡು ಈ ಸಿನಿಮಾ ಮಾಡಿದ್ದೇವೆ. ನಮ್ಮ ಸಿನಿಮಾ ಬಿಡುಗಡೆಯಾದ ನಂತರ ಪ್ರೇಕ್ಷಕರು ಮತ್ತು ಮಾಧ್ಯಮಗಳಿಂದ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ‘ತಾಯವ್ವ’ ಸಿನಿಮಾವನ್ನು ನೋಡಿದ ಪ್ರತಿಯೊಬ್ಬರೂ ಈ ಸಿನಿಮಾದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡುತ್ತಿದ್ದಾರೆ. ಹೆಣ್ಣು ಮಕ್ಕಳನ್ನು ಉಳಿಸಿ, ಹೆಣ್ಣು ಮಕ್ಕಳನ್ನು ಬೆಳಿಸಿ ಎಂಬ ಸಂದೇಶ ಸಿನಿಮಾ ನೋಡಿದ ಪ್ರತಿಯೊಬ್ಬರ ಮನಮುಟ್ಟಿದೆ’ ಎಂದರು.</p><p>‘ನಮ್ಮ ಮೊದಲ ಸಿನಿಮಾಕ್ಕೇ ಇಷ್ಟೊಂದು ದೊಡ್ಡ ಮಟ್ಟದಲ್ಲಿ ಪ್ರತಿಕ್ರಿಯೆ ಸಿಗುತ್ತದೆ ಎಂದು ನಾವು ನಿರೀಕ್ಷಿಸಿರಲಿಲ್ಲ. ‘ತಾಯವ್ವ’ ಸಿನಿಮಾವನ್ನು ಪ್ರೇಕ್ಷಕರು ಮೆಚ್ಚಿಕೊಂಡು ಮಾತನಾಡುತ್ತಿರುವುದಕ್ಕೆ ಖುಷಿಯಾಗುತ್ತಿದೆ. ಮುಂದೆಯೂ ಇಂಥದ್ದೇ ಸಾಮಾಜಿಕ ಕಥಾಹಂದರದ ಕಥೆಗಳನ್ನು ಸಿನಿಮಾ ಮಾಡಿ ತೆರೆಮೇಲೆ ತರಲು ಇದು ನಮಗೆ ಪ್ರೋತ್ಸಾಹಿಸಿದಂತಾಗಿದೆ’ ಎಂದರು.</p><p>‘ತಾಯವ್ವ’ ಚಿತ್ರದ ಯಶಸ್ಸಿನ ಸಂಭ್ರಮದಲ್ಲಿ ಹಾಜರಿದ್ದ ಅನೇಕ ಗಣ್ಯರು ಚಿತ್ರದ ಬಗ್ಗೆ ಮತ್ತು ನಟಿ, ನಿರ್ಮಾಪಕಿ ಗೀತಪ್ರಿಯಾ ಅವರ ಬಗ್ಗೆ ನೆಚ್ಚುಗೆಯ ಮಾತುಗಳನ್ನಾಡಿದರು.</p>

ಇದೇ ಮೇ 30 ರಂದು ಕನ್ನಡದಲ್ಲಿ ತೆರೆಕಂಡ ‘ತಾಯವ್ವ’ ಚಿತ್ರ ಯಶಸ್ವಿಯಾಗಿ 25 ದಿನಗಳ ಪ್ರದರ್ಶನವನ್ನು ಪೂರೈಸಿದೆ.&nbsp;

ಕ್ರಿಕೆಟಿಗ ಟೆಂಬಾ ಬವುಮಾರಿಂದ ಎಂಜಿನಿಯರ್ ಮಾಧವಿ ಲತಾವರೆಗೆ; ಕೀರ್ತಿಯ ಹಂಬಲವಿಲ್ಲದ ಮಹಾನುಭಾವರು

<p>ಹೇಳಿ, ನಮಗೆ ಯಾವ ರೀತಿಯ ಜನರು ಇಷ್ಟ? ಸದಾ ತಮ್ಮ ಸಾಧನೆಗಳ ಬಗ್ಗೆ ಹೆಮ್ಮೆಯಿಂದ ಹೇಳಾಡುವವರೇ? ಅಥವಾ ಮೌನವಾಗಿ ಕೆಲಸ ಮಾಡಿ, ಯಶಸ್ಸು ಸಿಕ್ಕಾಗ ಅದನ್ನು ಇತರರೊಂದಿಗೆ ಹಂಚಿಕೊಳ್ಳುವವರೇ? ಖಂಡಿತವಾಗಿಯೂ ಎರಡನೆಯವರು ನಮ್ಮನ್ನು ಹೆಚ್ಚು ಆಕರ್ಷಿಸುತ್ತಾರೆ. ಇತ್ತೀಚೆಗೆ ಎರಡು ಘಟನೆಗಳು ನನ್ನ ಗಮನ ಸೆಳೆದವು.</p><h2>ಲಾರ್ಡ್ಸ್‌ನಲ್ಲಿ ಒಂದು ಅಮೂಲ್ಯ ಕ್ಷಣ</h2><p>ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡ ಇತ್ತೀಚೆಗೆ ವರ್ಲ್ಡ್ ಟೆಸ್ಟ್ ಚಾಂಪಿಯನ್‌ಶಿಪ್ ಗೆದ್ದಿದೆ. 27 ವರ್ಷಗಳ ಕಾಲ ಕಾಯುತ್ತಿದ್ದ ಈ ಟ್ರೋಫಿ ಅವರ ಕೈಗೆ ಬಂದಾಗ ಆನಂದ ಹೇಗಿರಬಹುದು ಎಂದು ಊಹಿಸಿಕೊಳ್ಳಿ. ಲಂಡನ್‌ನ ಪ್ರಸಿದ್ಧ ಲಾರ್ಡ್ಸ್ ಕ್ರಿಕೆಟ್ ಮೈದಾನದ ಬಾಲ್ಕನಿಯಲ್ಲಿ ಆ ಸಮಯದಲ್ಲಿ ನಿಂತಿದ್ದವರು ಟೆಂಬಾ ಬವುಮಾ ತಂಡದ ನಾಯಕ.</p><p>ಬವುಮಾ ಅವರ ನಾಯಕತ್ವದ ಬಗ್ಗೆ ಸ್ವಲ್ಪ ಹೇಳಬೇಕು. ಇತಿಹಾಸದಲ್ಲಿ ಮೊದಲ ಹತ್ತು ಟೆಸ್ಟ್ ಪಂದ್ಯಗಳಲ್ಲಿ ಒಂಬತ್ತನ್ನು ಗೆದ್ದ ಮೊದಲ ನಾಯಕ ಎಂಬ ದಾಖಲೆ ಅವರ ಹೆಸರಿನಲ್ಲಿದೆ. ಈ ಸಾಧನೆಯ ಬಗ್ಗೆ ಹೆಮ್ಮೆಯಿಂದ ಮಾತಾಡಲು ಅವರಿಗೆ ಸಾಕಷ್ಟು ಕಾರಣಗಳಿದ್ದವು. ಯಾರೂ ಅವರನ್ನು ದೂಷಿಸುತ್ತಿರಲಿಲ್ಲ.</p><p>ಆದರೆ ಪ್ರಶಸ್ತಿ ಪಡೆಯಲು ವೇದಿಕೆ ಏರಿದ ಬವುಮಾ ಹೇಳಿದ್ದು ಬೇರೆ. ‘ಇದೀಗ ನಮ್ಮ ತಂಡದ ಮೇಲೆ ಸೂರ್ಯನ ಬೆಳಕು ಬೀಳುತ್ತಿದೆ. ಇನ್ನೂ ಚೇತರಿಸಿಕೊಳ್ಳುತ್ತಿರುವ ನಮ್ಮ ದೇಶದ ಜವಾಬ್ದಾರಿ ನಮ್ಮ ತಂಡದ ಮೇಲಿದೆ‘ ಎಂದು ಸರಳವಾಗಿ ಹೇಳಿದರು.</p><p>ಕುತೂಹಲಕಾರಿ ಸಂಗತಿ ಏನೆಂದರೆ, ಟೆಂಬಾ ಎಂಬ ಹೆಸರಿಗೆ ಖೋಸಾ ಭಾಷೆಯಲ್ಲಿ 'ಭರವಸೆ' ಎಂಬ ಅರ್ಥವಿದೆ. ಬುಧವಾರ ಲಾರ್ಡ್ಸ್‌ಗೆ ಚಾಣಾಕ್ಷ ನಾಯಕನಾಗಿ ಹೋದ ಬವುಮಾ, ಶನಿವಾರ ಗೌರವಾನ್ವಿತ ರಾಜತಾಂತ್ರಿಕನಾಗಿ ಹೊರಬಂದರು.</p><h2>ಚೆನಾಬ್ ಸೇತುವೆಯ ಹಿಂದಿನ ಅಸಲಿ ಹೀರೋ</h2><p>ಇನ್ನೊಂದು ಘಟನೆ ಇತ್ತೀಚೆಗೆ ನಡೆಯಿತು. ಪ್ರೊಫೆಸರ್ ಗಾಲಿ ಮಾಧವಿ ಲತಾ ಅವರ ಸಾಮಾಜಿಕ ಜಾಲತಾಣದ ಪೋಸ್ಟ್ ಅನೇಕರ ಗಮನ ಸೆಳೆಯಿತು. ಇದರ ಸರಳತೆ ಮತ್ತು ಉದಾತ್ತತೆ ಅದ್ಭುತವಾಗಿತ್ತು.</p><p>ಅವರು ಭಾರತೀಯ ವಿಜ್ಞಾನ ಸಂಸ್ಥೆಯ ಸಿವಿಲ್ ಎಂಜಿನಿಯರಿಂಗ್ ವಿಭಾಗದಲ್ಲಿ ಜಿಯೋಟೆಕ್ನಿಕಲ್ ಎಂಜಿನಿಯರಿಂಗ್ ಕಲಿಸುವ ಪ್ರಾಧ್ಯಾಪಕರು. ಚೆನಾಬ್ ಸೇತುವೆ ರಾಷ್ಟ್ರಕ್ಕೆ ಸಮರ್ಪಿಸಲ್ಪಟ್ಟ ಸಂದರ್ಭದಲ್ಲಿ, ಈ ಸೇತುವೆ ನಿರ್ಮಾಣದಲ್ಲಿ ಮಾಧವಿ ಅವರ 17 ವರ್ಷಗಳ ಕಠಿಣ ಪರಿಶ್ರಮದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹೊಗಳಿಕೆಯ ಮಳೆ ಸುರಿಯಿತು.</p><p>ಇದು ಜಗತ್ತಿನ ಅತ್ಯಂತ ಎತ್ತರದ ರೈಲ್ವೇ ಆರ್ಚ್ ಸೇತುವೆ. ನದಿ ಮಟ್ಟದಿಂದ ೩೫೯ (359)ಮೀಟರ್ ಎತ್ತರದಲ್ಲಿದೆ. ಇಂತಹ ಅದ್ಭುತಕ್ಕೆ ಕೊಡುಗೆ ನೀಡಿದ ಎಂಜಿನಿಯರ್ ಎಂದು ಹೊಗಳಿಕೆ ಪಡೆದಾಗ ಮಾಧವಿ ಅವರ ಪ್ರತಿಕ್ರಿಯೆ ಏನಾಗಿತ್ತು?</p><p>‘ಈ ಸೇತುವೆಯ ಯೋಜನೆ, ವಿನ್ಯಾಸ ಮತ್ತು ನಿರ್ಮಾಣದ ಸಂಪೂರ್ಣ ಕೀರ್ತಿ ಇಂಡಿಯನ್ ರೈಲ್ವೇ ಮತ್ತು ಆಫ್ಕಾನ್ಸ್ ಕಂಪನಿಗೆ ಸೇರಿದ್ದು. ನಾನು ಕೇವಲ ಜಿಯೋಟೆಕ್ನಿಕಲ್ ಸಲಹೆಗಾರಳಾಗಿ ಇಳಿಜಾರು ಸ್ಥಿರತೆ ಮತ್ತು ಅಡಿಪಾಯ ವಿನ್ಯಾಸದಲ್ಲಿ ಸಹಾಯ ಮಾಡಿದ್ದೇನೆ. ಈ ಸೇತುವೆಗೆ ಕೊಡುಗೆ ನೀಡಿದ ಸಾವಿರಾರು ಜನರಲ್ಲಿ ನಾನೊಬ್ಬಳು. ದಯವಿಟ್ಟು ನನ್ನನ್ನು ಅನಾವಶ್ಯಕವಾಗಿ ಪ್ರಸಿದ್ಧಳನ್ನಾಗಿ ಮಾಡಬೇಡಿ‘.</p><h2>ಇಂತಹ ಜನರು ಏಕೆ ಅಪರೂಪ?</h2><p>ಈ ಎರಡು ಘಟನೆಗಳನ್ನು ಕೇಳಿ ನನಗೆ ಬಹಳ ಸಂತೋಷವಾಯಿತು. ಆದರೆ ಸ್ವಾಭಾವಿಕವಾಗಿ ಒಂದು ಪ್ರಶ್ನೆಯೂ ಮೂಡಿತು - ಇಂತಹ ಜನರು ಏಕೆ ಅಪರೂಪ?</p><p>ಜನಪ್ರಿಯತೆಯ ಹಾತೊರೆ ಮತ್ತು ಗಮನಕ್ಕಾಗಿ ಹಂಬಲ ಮಾನವ ಸ್ವಭಾವದ ಸಹಜ ದೌರ್ಬಲ್ಯ. 'ನಾನು' ಎಂಬ ಅಹಂಕಾರ ಯಾವಾಗಲೂ ಗುರುತಿಸಲ್ಪಡಬೇಕೆಂದು ಬಯಸುತ್ತದೆ. ಆದರೆ ವಿಚಿತ್ರ ಏನೆಂದರೆ, ಸದಾ ಗಮನ ಸೆಳೆಯಲು ಮತ್ತು ಹೊಗಳಿಕೆಗಾಗಿ ಹಂಬಲಿಸುವವರು ಅಂತಿಮವಾಗಿ ಜನರ ಅಪಹಾಸ್ಯಕ್ಕೇ ಗುರಿಯಾಗುತ್ತಾರೆ. ಅವರ ಸಂಬಂಧಗಳು ಸಹ ಹಾಳಾಗುತ್ತವೆ.</p><p>ಪ್ರಶಂಸೆಯನ್ನು ತಿರಸ್ಕರಿಸುವುದು ಸುಲಭವಲ್ಲ. ಇದು ಪರಿಪಕ್ವತೆ ಮತ್ತು ಉತ್ತಮ ಮನಸ್ಸು ಹೊಂದಿದವರಿಗೆ ಮಾತ್ರ ಸಾಧ್ಯ. ಅವರು ಯಾವ ಹೊಗಳಿಕೆ ಯಥಾರ್ಥವಾದುದು, ಯಾವುದು ಅಪಾತ್ರ ಎಂಬುದನ್ನು ಗುರುತಿಸಿ, ಅದರ ಪ್ರಲೋಭನೆಯಿಂದ ಮುಕ್ತರಾಗಿರುತ್ತಾರೆ.</p><h2>ಸ್ವಾವಲಂಬನೆಯ ಶಕ್ತಿ</h2><p>ಸ್ವ-ಅರಿವು ಮತ್ತು ಆತ್ಮವಿಶ್ವಾಸ ಹೊಂದಿದ ಜನರು ಅಪರೂಪ. ಈ ಗುಣಗಳನ್ನು ಬೆಳೆಸಿಕೊಳ್ಳಲು ಶಿಸ್ತು ಮತ್ತು ಅಭ್ಯಾಸ ಬೇಕು. ಈ ಶಿಸ್ತು ಹಲವು ವಿಷಯಗಳನ್ನು ಒಳಗೊಂಡಿದೆ:</p><p>ಮೊದಲನೆಯದಾಗಿ, ಯಶಸ್ಸಿನ ಆಂತರಿಕ ಮಾನದಂಡಗಳನ್ನು ಹೊಂದಿರುವುದು. ಇತರರ ಅಭಿಪ್ರಾಯಗಳಿಗೆ ಅಲ್ಲಾಡದೇ ತಮ್ಮ ನಿಜವಾದ ಗುರಿಗಳ ಮೇಲೆ ಗಮನ ಹರಿಸುವುದು.</p><p>ಎರಡನೆಯದಾಗಿ, ಜಗತ್ತಿನ ವಾಸ್ತವವನ್ನು ಅರ್ಥಮಾಡಿಕೊಳ್ಳುವುದು. ನಮ್ಮ ಯಾವುದೇ ಯಶಸ್ಸು ಮತ್ತೊಂದು ನೂರಾರು ಜನರ ಕೊಡುಗೆಯ ಫಲವಾಗಿದೆ ಎಂಬ ಮೂಲಭೂತ ಸತ್ಯವನ್ನು ಒಪ್ಪಿಕೊಳ್ಳುವುದು. ಯಾರೋ ನಮ್ಮನ್ನು ಬೆಳೆಸಿದರು, ಶಿಕ್ಷಣಕ್ಕೆ ಹಣ ಕೊಟ್ಟರು, ಆಟವಾಡಲು ಮೈದಾನ ಒದಗಿಸಿದರು - ಇವೆಲ್ಲವೂ ಇಲ್ಲದಿದ್ದರೆ ನಾವು ಇಂದು ಇರುತ್ತಿರಲಿಲ್ಲ.</p><p>ಮೂರನೆಯದಾಗಿ, ನಮ್ಮ ಅಪೂರ್ಣತೆಗಳನ್ನು ಒಪ್ಪಿಕೊಳ್ಳುವುದು. ಜನರು ನಮ್ಮನ್ನು ಗೌರವಿಸುತ್ತಿದ್ದಾರೆ ಎಂದರೆ ಅದು ನಮ್ಮ ಅದೃಷ್ಟ, ಕೇವಲ ನಮ್ಮ ಶ್ರಮದ ಫಲವಲ್ಲ ಎಂದು ಅರ್ಥಮಾಡಿಕೊಳ್ಳುವುದು.</p><h2>ಮೌಲ್ಯಗಳ ರಕ್ಷಣಾತ್ಮಕ ಗಡಿ</h2><p>ಇಂತಹ ಜನರನ್ನು ಸುಲಭವಾಗಿ ಮೋಸಗೊಳಿಸಲಾಗುವುದಿಲ್ಲ. ಅವರ ಮೇಲೆ ಯಾರೂ ಅಧಿಕಾರ ಚಲಾಯಿಸಲಾಗುವುದಿಲ್ಲ. ಏಕೆಂದರೆ ಅವರು ತಮ್ಮ ಗುರಿಯ ಮೇಲೆ ಗಮನ ಹೊಂದಿದ್ದಾರೆ, ಸಂತೃಪ್ತರಾಗಿದ್ದಾರೆ, ತಮ್ಮೊಂದಿಗೆ ಆರಾಮವಾಗಿದ್ದಾರೆ. ಅವರು ಖೋಟಾ ಹೊಗಳಿಕೆಗೆ ಬೀಳುವುದಿಲ್ಲ.</p><p>ಅವರಿಗೆ ತಮ್ಮ ಪ್ರಸಿದ್ಧಿಯನ್ನು ಕಂಟ್ರೋಲ್‌ನಲ್ಲಿ ಇಡುವುದು ಗೊತ್ತಿರುತ್ತದೆ. ಅವರ ಮೌಲ್ಯಗಳೇ ಅವರಿಗೆ ದಾರಿ ತೋರಿಸುವ ರಕ್ಷಣಾತ್ಮಕ ಗಡಿಗಳನ್ನು ಒದಗಿಸುತ್ತವೆ. ಅವರು ತಮ್ಮದೇ ಆದ ನಿಲುವನ್ನು ಕಾಪಾಡಿಕೊಳ್ಳುತ್ತಾರೆ, ತಾತ್ಕಾಲಿಕ ಆಕರ್ಷಣೆಗಳಿಗೆ ಮಣಿಯುವುದಿಲ್ಲ.</p><p>ಇದನ್ನು ಸ್ವನಿಂದನೆ ಅಥವಾ ಪ್ರಶಂಸೆ ಸ್ವೀಕರಿಸಲು ಗೊಂದಲ ಎಂದು ತಪ್ಪಾಗಿ ಅರ್ಥಮಾಡಿಕೊಳ್ಳಬಾರದು. ಪ್ರೊಫೆಸರ್ ಮಾಧವಿ ಲತಾ ಅವರ ಪ್ರತಿಕ್ರಿಯೆ ಪ್ರಶಂಸೆಯನ್ನು ಹೇಗೆ ಸ್ವೀಕರಿಸಬೇಕು ಎಂಬುದಕ್ಕೆ ಅದ್ಭುತ ಉದಾಹರಣೆ.</p><p>ಅವರು ಹೇಳಿದ್ದು ಹೀಗೆ: ‘ನನ್ನನ್ನು ಅಭಿನಂದಿಸಿದ ಎಲ್ಲರಿಗೂ ಧನ್ಯವಾದಗಳು. ಈ ಸೇತುವೆ ಎಂಜಿನಿಯರಿಂಗ್ ಕ್ಷೇತ್ರದ ಒಂದು ಅದ್ಭುತ. ಸಾವಿರಾರು ಜನರು ಇದರ ನಿರ್ಮಾಣದಲ್ಲಿ ಅಮೂಲ್ಯ ಕೊಡುಗೆ ನೀಡಿದ್ದಾರೆ. ಗುರುತಿಸಲ್ಪಡದ ಲಕ್ಷಾಂತರ ವೀರರಿಗೆ ನನ್ನ ನಮನ‘.</p><h2>ಮೌನ ದಾನಿಗಳ ಪ್ರೇರಣೆ</h2><p>ವಿಶ್ವದ ಹಲವೆಡೆ ‘ಗ್ರ್ಯಾಟಿಟ್ಯೂಡ್ ವಾಲ್ಸ್‘ (ಕೃತಜ್ಞತೆಯ ಗೋಡೆಗಳು) ಕಾಣ ಸಿಗುತ್ತವೆ. ಇಂಗ್ಲೆಂಡಿನ ಆಕ್ಸ್‌ಫರ್ಡ್‌ನ ಪ್ರಸಿದ್ಧ ಬಾಡ್ಲಿಯನ್ ಗ್ರಂಥಾಲಯದ ಅಂತಹ ಗೋಡೆಯನ್ನು ನೋಡಿದಾಗ ಆಶ್ಚರ್ಯವಾಯಿತು. ಗ್ರಂಥಾಲಯಕ್ಕೆ ಅನೇಕರು ತಮ್ಮ ಹೆಸರನ್ನು ಬಹಿರಂಗಪಡಿಸದೇ, ಅನಾಮಿಕರಾಗಿ ದೊಡ್ಡ ಮೊತ್ತದ ದೇಣಿಗೆ ನೀಡಿದ್ದಾರೆ. ಈ ಮೌನ ದಾನವನ್ನು ನೋಡಿ ಹೃದಯ ತುಂಬಿ ಬರುತ್ತದೆ.</p><p><strong>(ಬರಹ:  </strong>ಸುಧೀಶ್ ವೆಂಕಟೇಶ್, ಅಜೀಂ ಪ್ರೇಮ್‌ಜಿ ಫೌಂಡೇಷನ್‌ನ ಮುಖ್ಯ ಸಂವಹನಾಧಿಕಾರಿ)</p>

ಪ್ರಶಂಸೆಯನ್ನು ತಿರಸ್ಕರಿಸುವುದು ಸುಲಭವಲ್ಲ. ಇದು ಪರಿಪಕ್ವತೆ ಮತ್ತು ಉತ್ತಮ ಮನಸ್ಸು ಹೊಂದಿದವರಿಗೆ ಮಾತ್ರ ಸಾಧ್ಯ. ಅವರು ಯಾವ ಹೊಗಳಿಕೆ ಯಥಾರ್ಥವಾದುದು, ಯಾವುದು ಅಪಾತ್ರ ಎಂಬುದನ್ನು ಗುರುತಿಸಿ, ಅದರ ಪ್ರಲೋಭನೆಯಿಂದ ಮುಕ್ತರಾಗಿರುತ್ತಾರೆ.

ʻಅವನಿರಬೇಕಿತ್ತುʼ ಸಿನಿಮಾ ವಿಮರ್ಶೆ: ಇದು ಆನ್‌ಲೈನ್‌ ವಂಚನೆಯ ಹೊಸ ತಳಿ!

<p>ವಂಚನೆ ಹಿನ್ನೆಲೆಯಲ್ಲಿ ಸಾಕಷ್ಟು ಸಿನಿಮಾಗಳು ಬೆಳ್ಳಿತೆರೆ ಮೇಲೆ ಮೂಡಿಬಂದ ಉದಾಹರಣೆಗಳಿವೆ. ಕೆಲವೊಂದಿಷ್ಟು ನೈಜ ಘಟನೆಗಳನ್ನೇ ಆಧರಿಸಿ ನೋಡುಗರನ್ನು ಕುತೂಹಲಕ್ಕೆ ದೂಡಿದ್ದೂ ಉಂಟು. ಇದೀಗ ಅಂಥದ್ದೇ ಫ್ರಾಡ್‌ ಕಥೆಯೊಂದರ ಜಾಡಿನಲ್ಲಿ ಮೂಡಿಬಂದಿದೆ ʻಅವನಿರಬೇಕಿತ್ತುʼ ಅನ್ನೋ ಸಿನಿಮಾ. ಅಶೋಕ್‌ ಸಾಮ್ರಾಟ್‌ ಎಂಬ ಯುವ ನಿರ್ದೇಶಕ ಈ ಚಿತ್ರವನ್ನು ಕಟ್ಟಿಕೊಟ್ಟಿದ್ದಾರೆ. ಇದು ಇವರ ಚೊಚ್ಚಲ ಸಿನಿಮಾ. ಶುಕ್ರವಾರ (ಜೂ 28) ಈ ಚಿತ್ರ ರಾಜ್ಯಾದ್ಯಂತ ಬಿಡುಗಡೆ ಆಗಿದೆ. ಹೀಗಿದೆ ಈ ಚಿತ್ರದ ವಿಮರ್ಶೆ.</p><p>ಕಾಲಘಟ್ಟ ಬದಲಾದಂತೆ, ಮನುಷ್ಯ ತನ್ನ ಕೆಲಸವನ್ನು ಸಲೀಸು ಮಾಡಿಕೊಳ್ಳಲು ತಂತ್ರಜ್ಞಾನದ ಮೂಲಕ ಸಾಕಷ್ಟು ಆವಿಷ್ಕಾರಗಳಿಗೆ ನಾಂದಿ ಹಾಡಿದ್ದಾನೆ. ಅದರಲ್ಲೂ ಆನ್‌ಲೈನ್‌ ವ್ಯವಹಾರ ಸದ್ಯ ಈ ಜಗತ್ತಿನ್ನು ಆಳುತ್ತಿದೆ. ಎಲ್ಲವೂ ಡಿಜಿಟಲೀಕರಣವಾಗಿದೆ. ಅದೇ ರೀತಿ ಟೆಕ್ನಾಲಜಿ ಬೆಳದಂತೆ, ಮೋಸದ ಜಾಲವೂ ಅದೇ ಆನ್‌ಲೈನ್‌ನಲ್ಲಿ ಹುಟ್ಟಿಕೊಂಡಿದೆ. ಬಲೆಗೆ ಬಿದ್ದಿದ್ದೇ ತಡ ಲಕ್ಷ ಲಕ್ಷ ಹಣವನ್ನು ಕ್ಷಣಾರ್ಧದಲ್ಲಿ ಎಗರಿಸಿ ಮಂಗಮಾಯವಾದ ಉದಾಹರಣೆಗಳೂ ಇವೆ. ಈ ಆಧುನಿಕ ಯುಗದ ವಂಚನೆಯ ಸುತ್ತ ಹೆಣೆದ ಕಥೆಯೇ ʻಅವನಿರಬೇಕಿತ್ತುʼ ಸಿನಿಮಾ.</p><p>ಭವ್ಯಾ (ಸೌಮ್ಯ) ಮತ್ತು ದೇವ್‌ (ಭರತ್) ಎಂಬ ಜೋಡಿಯೇ ಈ ʻಅವನಿರಬೇಕಿತ್ತುʼ ಚಿತ್ರದ ಮುಖ್ಯ ಪಾತ್ರಧಾರಿಗಳು. ಯಾವುದೋ ಒಂದು ಕಾರಣಕ್ಕೆ ಭವ್ಯಾಳನ್ನು ಕಿಡ್ನಾಪ್‌ ಮಾಡುತ್ತಾನೆ ದೇವ್‌. ಅದಾದ ಮೇಲೆ ಇಬ್ಬರ ಹೆಸರು, ಹುಟ್ಟಿದ ದಿನಾಂಕ ಮಾತ್ರವಲ್ಲದೆ, ತಂದೆಯ ಹೆಸರೂ ಒಂದೇ ಆಗಿರುವುದರಿಂದ ಅದನ್ನೇ ಎನ್‌ʻಕ್ಯಾಶ್‌ʼ ಮಾಡಿಕೊಳ್ಳಬೇಕೆಂದು ಕೆಲವರು ಮಸಲತ್ತು ಮಾಡುತ್ತಾರೆ. ಅಲ್ಲಿಂದ ಕಥೆಯ ವೇಗ ಹೆಚ್ಚುತ್ತದೆ. ಮುಂದೇನು ಅನ್ನೋದನ್ನು ಚಿತ್ರಮಂದಿರಗಳಲ್ಲಿಯೇ ನೋಡಬೇಕು.</p><p>ಅಂದಹಾಗೆ, ಇದು ನಿರ್ದೇಶಕ ಅಶೋಕ್‌ ಸಾಮ್ರಾಟ್‌ ಅವರ ನಿಜ ಜೀವನದಲ್ಲಿ ನಡೆದ ಒಂದು ಘಟನೆ ಆಧರಿಸಿದ ಸಿನಿಮಾ. ಐಡೆಂಟಿಟಿ ಥೆಫ್ಟ್ ಮತ್ತು ಮಿಸ್ಟರಿ ಶಾಪಿಂಗ್‌ ಎಂಬ ಎರಡು ಹೊಸ ವಂಚನೆಯನ್ನೂ ಈ ಸಿನಿಮಾ ಮೂಲಕ ಪರಿಚಯಿಸಿ ನೋಡುಗರನ್ನು ಎಚ್ಚರಿಸುವ ಪ್ರಯತ್ನ ಮಾಡಿದ್ದಾರೆ ನಿರ್ದೇಶಕರು. ʻಅವನಿರಬೇಕಿತ್ತುʼ ಅಶೋಕ್‌ ಅವರ ಚೊಚ್ಚಲ ಚಿತ್ರವೂ ಆಗಿರುವುದರಿಂದ ಕೊಂಚ ಗಲಿಬಿಲಿ ಆದಂತಿದೆ. ಪ್ರೇಕ್ಷಕನನ್ನು ಗೊಂದಲಕ್ಕೀಡು ಮಾಡಬೇಕು ಅನ್ನೋ ಉದ್ದೇಶಕ್ಕೋ, ತಾಳ್ಮೆ ಪರೀಕ್ಷಿಸಲೋ ಏನೋ ಭೂತ ವರ್ತಮಾನದಲ್ಲಿ ಆಟವಾಡಿದ್ದಾರೆ. ಕೊನೆಯ ಕ್ಲೈಮ್ಯಾಕ್ಸ್‌ನಲ್ಲಿ ಅದೆಲ್ಲದಕ್ಕೂ ಉತ್ತರವನ್ನೂ ನೀಡಿದ್ದಾರೆ.</p><p>ಇನ್ನುಳಿದಂತೆ ಹಾಡುಗಳು, ಹಿನ್ನೆಲೆ ಸಂಗೀತ ಚಿತ್ರದ ಕಥೆಗೆ ಪೂರಕವಾಗಿದೆ. ಟ್ಯೂನ್‌ ಮಾಡಿದ ಲೋಕಿ ತವಸ್ಯ ಮೆಚ್ಚುಗೆ ಪಡೆಯುತ್ತಾರೆ. ದೇವರಾಜ್‌ ಪೂಜಾರಿ ಅವರ ಛಾಯಾಗ್ರಹಣಕ್ಕೂ ಪೂರ್ಣಾಂಕ ಸಲ್ಲಲೇಬೇಕು. ನಿರ್ದೇಶಕರೇ ಈ ಚಿತ್ರದ ಸಂಕಲನಕಾರರೂ ಆಗಿದ್ದು, ದೃಶ್ಯಗಳನ್ನು ಇನ್ನಷ್ಟು ಶಾರ್ಪ್‌ ಮಾಡಬಹುದಿತ್ತು. ಭರತ್‌ ಮತ್ತು ಸೌಮ್ಯ ಕೊಟ್ಟ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಎಂ.ಎನ್. ಲಕ್ಷ್ಮೀದೇವಿ, ಪ್ರಶಾಂತ್‍ ಸಿದ್ದಿ, ಕಿರಣ್ ನಾಯ್ಕ್ ಅಚ್ಚುಕಟ್ಟು ನಟನೆ ಒಪ್ಪಿಸಿದ್ದಾರೆ.</p><p><strong>ಚಿತ್ರ:</strong> ಅವನಿರಬೇಕಿತ್ತು</p><p><strong>ನಿರ್ದೇಶನ:</strong> ಅಶೋಕ್‍ ಸಾಮ್ರಾಟ್‍</p><p><strong>ನಿರ್ಮಾಣ:</strong> ಮುರಳಿ ಬಿ.ಟಿ</p><p><strong>ತಾರಾಗಣ: </strong>ಭರತ್‍, ಸೌಮ್ಯ ಜಾನ್‍, ಕಿರಣ್‍ ನಾಯ್ಕ್, ಪ್ರಶಾಂತ್ ಸಿದ್ದಿ ಮುಂತಾದವರು</p>

ಐಡೆಂಟಿಟಿ ಥೆಫ್ಟ್ ಮತ್ತು ಮಿಸ್ಟರಿ ಶಾಪಿಂಗ್‌ ಎಂಬ ಎರಡು ಹೊಸ ವಂಚನೆಯನ್ನೂ ಈ ಸಿನಿಮಾ ಮೂಲಕ ಪರಿಚಯಿಸಿ ನೋಡುಗರನ್ನು ಎಚ್ಚರಿಸುವ ಪ್ರಯತ್ನ ಮಾಡಿದ್ದಾರೆ ನಿರ್ದೇಶಕರು. ಅಂದಹಾಗೆ, ಇದು ನಿರ್ದೇಶಕ ಅಶೋಕ್‌ ಸಾಮ್ರಾಟ್‌ ಅವರ ಜೀವನದಲ್ಲಿ ನಡೆದ ನೈಜ ಘಟನೆ ಆಧರಿಸಿದ ಸಿನಿಮಾ.

Trending-News

Latest dasara elephants Web Stories

ಹುತಾತ್ಮ ಅರ್ಜುನನಿಗೆ ಸ್ಮಾರಕ ಸಿದ್ದವಾಯಿತು, ಅಂಬಾರಿ ಹೊತ್ತ ಬಲರಾಮನಿಗೂ ಸ್ಮಾರಕ ಮಾಡಿ; ಅರಣ್ಯ ಇಲಾಖೆಗೆ ಪತ್ರ ಬರೆದ ಯದುವೀರ್ ಒಡೆಯರ್‌

Mysore Kodagu MP Yaduveer Wadiyar Writes to Karnataka Forest Department for Dasara Elephant Balarama Memorial

<ul><li>Mysore Dasara Elephant Balarama: ಮೈಸೂರು ದಸರಾದಲ್ಲಿ ಅಂಬಾರಿ ಹೊತ್ತ ಬಲರಾಮ ಆನೆಗೂ ಸ್ಮಾರಕ ನಿರ್ಮಿಸಿ ಎಂದು ಸಂಸದ ಯದುವೀರ್‌ ಒಡೆಯರ್‌ ಕರ್ನಾಟಕ ಅರಣ್ಯ ಇಲಾಖೆಗೆ ಪತ್ರ ಬರೆದಿದ್ದಾರೆ.</li></ul>

ಮೈಸೂರು ದಸರಾ ಆನೆಗಳು: ಅರ್ಜುನ ಇದ್ದ ಬಳ್ಳೆ ಶಿಬಿರಕ್ಕೆ ಮಹೇಂದ್ರ ಎಂಟ್ರಿ; ಲಕ್ಷ್ಮಿಯೊಂದಿಗೆ ನಾಗರಹೊಳೆ ನಿವಾಸಿ, ಹೀಗಿದ್ದವು ಜೋಡಿ ಕ್ಷಣಗಳು

<ul><li>ಮೈಸೂರು ಜಿಲ್ಲೆಯ ಕಾಕನಕೋಟೆ ಅರಣ್ಯ ಎಂದೇ ಕರೆಯುವ ಡಿಬಿಕುಪ್ಪೆ ಒಂದು ಕಾಲಕ್ಕೆ ಪ್ರಮುಖ ಆನೆಗಳ ಶಿಬಿರ. ಆನಂತರ ಆನೆಗಳು ಇಲ್ಲದೇ ಖಾಲಿಯಾಗಿತ್ತು. ಈಗ ಮತ್ತೆ ಮಹೇಂದ್ರ ಹಾಗೂ ಲಕ್ಷ್ಮಿ ಆನೆಯನ್ನು ಇಲ್ಲಿಗೆ ತರಲಾಗಿದ್ದು, ಶಿಬಿರಕ್ಕೆ ಕಳೆ ಬಂದಿದೆ.</li><li>ಚಿತ್ರಗಳು: ಅನಿಲ್‌ ಅಂತರಸಂತೆ.</li></ul>

ಅರ್ಜುನನ ಸ್ಥಾನ ತುಂಬಲಿದ್ದಾನೆ ಧನಂಜಯ, ಈ ಬಾರಿ ಜಂಬೂ ಸವಾರಿಯಲ್ಲಿ ಯಾವ ಆನೆ ಜವಾಬ್ದಾರಿ ಏನೇನು; ಪಟ್ಟಿ ಅಂತಿಮಗೊಳಿಸಿದ ಅರಣ್ಯ ಇಲಾಖೆ

ಜಂಬೂ ಸವಾರಿಯಲ್ಲಿ ಆನೆಗಳೇ ಪ್ರಮುಖ ಆಕರ್ಷಣೆ. ಮೆರವಣಿಗೆಯಲ್ಲಿ ಭಾಗಿಯಾಗುವ ಆನೆಗಳು ಅಂಬಾರಿ ಹೊರುವ, ನಿಶಾನೆ ತೋರುವ ಜವಾಬ್ದಾರಿಯನ್ನು ಹೊರಲಿವೆ. ಈ ಬಾರಿ ಯಾವ ಆನೆಗೆ ಯಾವ ಜವಾಬ್ದಾರಿ ಇಲ್ಲಿದೆ ಚಿತ್ರ ನೋಟ.

ನಾಡಹಬ್ಬಕ್ಕೆ ಏಕಲವ್ಯ ಬಂದ ಸೈಡು ಬಿಡಿ; ಮೈಸೂರು ದಸರಾ ಅಂಬಾರಿ ಹೊರಲು ಅಣಿಯಾಗುವನೇ ಮೂಡಿಗೆರೆ ಮಾಜಿ ಪುಂಡಾನೆ: ಹೀಗಿದೆ ಆನೆ ತಯಾರಿ ಕ್ಷಣಗಳು

<ul><li>ಒಂದು ಕಾಲಕ್ಕೆ ಪುಂಡಾನೆಗಳಾಗಿ ಮೆರದು ನಂತರ ಸೆರೆ ಸಿಕ್ಕು ದಸರಾದಂತದ ವಿಶ್ವವಿಖ್ಯಾತ ಉತ್ಸವದಲ್ಲಿ ಭಾಗಿಯಾದ ಹಲವು ಆನೆಗಳಿವೆ. ಇದಕ್ಕೆ ಏಕಲವ್ಯ ಆನೆ ಸೇರ್ಪಡೆ. ಮೂಡಿಗೆರೆಯಲ್ಲಿ ಸೆರೆ ಸಿಕ್ಕ ಈ ಆನೆ ಬದಲಾಗಿದ್ದು ಹೇಗೆ, ಇಲ್ಲಿದೆ ಚಿತ್ರ ನೋಟ</li><li>ಚಿತ್ರಗಳು: ಎಸ್‌ಆರ್‌ ಮಧುಸೂದನ್‌ ಮೈಸೂರು</li></ul>

ಮರದ ಅಂಬಾರಿ ಹೊತ್ತು ಸಾಗಿದ ಕ್ಯಾಪ್ಟನ್‌ ಅಭಿಮನ್ಯು, ಸಾಲಂಕೃತ ಗಜಪಡೆಯ ವೈಭವ; ಮೈಸೂರಲ್ಲಿ ಕಳೆಗಟ್ಟುತಿದೆ ದಸರಾ ತಯಾರಿ

ಮೈಸೂರು ದಸರಾದಲ್ಲಿ ಜಂಬೂ ಸವಾರಿ ಪ್ರಮುಖ ಆಕರ್ಷಣೆ. ಚಾಮುಂಡೇಶ್ವರಿ ತಾಯಿ ವಿಗ್ರಹದೊಂದಿಗೆ ಚಿನ್ನದ ಅಂಬಾರಿ ಹೊರುವ ಆನೆಗಳಿಗೆ ತಾಲೀಮು ಜೋರಾಗಿದೆ. ಮೈಸೂರಿನಲ್ಲಿ ದಸರಾ ತಯಾರಿ ಭಾಗವಾಗಿ ಆನೆಗಳಿಗ ಭಾರ ಹಾಗೂ ಅಂಬಾರಿ ಹೊರುವ ತಾಲೀಮು ನಡೆಯಿತು. ಇದರ ನೋಟ ಇಲ್ಲಿದೆಚಿತ್ರಗಳು: ಎಸ್‌.ಆರ್.ಮಧುಸೂದನ

Mysuru Dasara 2024: ಮೈಸೂರಿಗೆ ಬಂದಿಳಿದ ದಸರಾ ಗಜಪಡೆಯ 2ನೇ ತಂಡದ ಆನೆಗಳು; ಈ ವರ್ಷ ಯಾವೆಲ್ಲಾ ಆನೆಗಳು ಭಾಗಿ?

Dussehra Elephants Marched 

<ul><li>Mysuru Dasara 2024: ದಸರಾ ಗಜಪಡೆಯ 2ನೇ ತಂಡದ ಆನೆಗಳು ಮೈಸೂರಿಗೆ ಬಂದಿಳಿದಿವೆ. ಈ ವರ್ಷ ಯಾವೆಲ್ಲಾ ಆನೆಗಳು ಭಾಗಿಯಾಗಿವೆ? ಒಟ್ಟು ಎಷ್ಟು ಆನೆಗಳು ಬಂದಿವೆ? ಇಲ್ಲಿದೆ ವಿವರ.</li></ul>

Arjuna Memory: ಅರ್ಜುನ ಆನೆ ನೆನಪು, ದುರಂತಕ್ಕೆ ಈಗ ಒಂದು ವರ್ಷ

ಕರ್ನಾಟಕದ ಹಿರಿಮೆಯಂತಿದ್ದ ದಸರಾ ಆನೆ ಅರ್ಜುನ ಕಾಲವಾಗಿ ಇಂದಿಗೆ ಒಂದು ವರ್ಷ. ಆತನ ನೆನಪು ಅಮರ.

Mysore Dasara 2024:ಅಂಬಾರಿ ಹೊತ್ತ ಅಭಿಮನ್ಯು ದಸರಾ ಮುಗಿಸಿ ಹೊರಟ ಕ್ಷಣಗಳು ಹೇಗಿದ್ದವು

ಮೈಸೂರು ದಸರಾ ಮುಗಿಸಿ ಕಾಡಿಗೆ ಹೊರಟ ಅಭಿಮನ್ಯುಗೆ ಪ್ರೀತಿಯ ವಿದಾಯ

ದಸರಾ ಆನೆಗಳು

Catch the latest Karnataka news today including breaking news, top stories, and real-time updates with Karnataka state news and get comprehensive coverage of events happening across the state only on HT Kannada. ಕರ್ನಾಟಕ, ಬೆಂಗಳೂರು ನಗರದ ಸುದ್ದಿಗಾಗಿ ಎಚ್‌ಟಿ ಕನ್ನಡ ನೋಡಿ

Latest Karnataka news | Karnataka news today | Karnataka state news today | today Karnataka news | ಬೆಂಗಳೂರು ಸುದ್ದಿ | ಕರ್ನಾಟಕ ಸುದ್ದಿ

ಮೈಸೂರು ದಸರಾ ಜಂಬೂಸವಾರಿಯ ಆನೆಗಳಿಗೆ ವಿಶೇಷ ಊಟದ ವ್ಯವಸ್ಥೆ ಎಷ್ಟು ಚೆಂದ ಇದೆ ನೋಡಿ- ವಿಡಿಯೋ

<p><strong>ಮೈಸೂರು</strong>: ದಸರಾದಲ್ಲಿ ಜಂಬೂಸವಾರಿಯ ಆನೆಗಳಿಗೆ ಪ್ರತಿ ಆನೆಗೂ ಕನಿಷ್ಠ 500 ಕಿಲೋ ಮೇವು ಒದಗಿಸಲಾಗುತ್ತಿದ್ದು, ಕನಿಷ್ಠ 12 ಕಿಲೋ ಪೌಷ್ಟಿಕಾಂಶದ ಆಹಾರ ಇರುತ್ತದೆ. ಆಹಾರದ ಪ್ರಮಾಣವು ಗಂಡು ಮತ್ತು ಹೆಣ್ಣು ಆನೆಗಳ ನಡುವೆ ಭಿನ್ನವಾಗಿರುತ್ತದೆ. ಆನೆಗಳಿಗೆ ಅವುಗಳ ಪ್ರೀತಿಯ ಸೊಪ್ಪು, ಎಲೆಗಳನ್ನೂ ಒದಗಿಸುತ್ತಿದ್ದು, ಭತ್ತ ಸೇರಿ ವಿಶೇಷ ಪದಾರ್ಥಗಳು. , ಹಸಿರು ಬೇಳೆ, ಉದ್ದಿನಬೇಳೆ, ಗೋಧಿ, ತೆಂಗಿನಕಾಯಿ ಮತ್ತು ಬೆಣ್ಣೆಯನ್ನು ನೀಡಲಾಗುತ್ತಿದೆ. ಗಂಡು ಆನೆಗಳಿಗೆ ಪ್ರತಿದಿನ 600 ಕೆಜಿಯಿಂದ 750 ಕೆಜಿ ಆಹಾರವನ್ನು ನೀಡಿದರೆ, ಹೆಣ್ಣು ಆನೆಗಳಿಗೆ ವಿಶೇಷ ಪೌಷ್ಟಿಕಾಂಶದ ಆಹಾರ ಸೇರಿದಂತೆ 450 ಕೆಜಿಯಿಂದ 550 ಕೆಜಿ ಆಹಾರವನ್ನು ನೀಡಲಾಗುತ್ತದೆ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ವಿವರಿಸಿದ್ದಾರೆ. ಆನೆಗಳ ಆಹಾರ ಸೇವನೆಯ ವಿಡಿಯೋ ಇಲ್ಲಿದೆ ನೋಡಿ.&nbsp;</p>

ಮೈಸೂರು ದಸರಾಕ್ಕೆ ದಿನಗಣನೆ; ಕಣ್ಮನ ಸೆಳೆದಿದೆ ಜಂಬೂಸವಾರಿಯಲ್ಲಿ ಭಾಗವಹಿಸುವ ಆನೆಗಳ ತಾಲೀಮು: ವಿಡಿಯೋ

<p>ಮೈಸೂರು: ಜಗದ್ವಿಖ್ಯಾತ ಮೈಸೂರು ದಸರಾಕ್ಕೆ ದಿನಗಣನೆ ಶುರುವಾಗಿದೆ. ಅಕ್ಟೋಬರ್ 3 ರಿಂದ ನವರಾತ್ರಿ ಶುರುವಾಗುತ್ತಿದ್ದು, ಕೊನೆಯಲ್ಲಿ ನಡೆಯಲಿರುವ ಜಂಬೂಸವಾರಿಯಲ್ಲಿ ಭಾಗವಹಿಸುವ ಆನೆಗಳ ತಾಲೀಮು ಗಮನಸೆಳೆದಿದೆ. ಅದರ ವಿಡಿಯೋ ಇಲ್ಲಿದೆ.&nbsp;</p>

ಮೈಸೂರಿನ ಯುವ ದಸರಾದಲ್ಲಿ ಮಿಂಚಿದ ನಟಿ ರುಕ್ಮಿಣಿ ವಸಂತ್ ಸ್ಮೈಲ್ ಗೆ ಪ್ರೇಕ್ಷಕರು ಫಿದಾ- ವೈರಲ್‌ ವಿಡಿಯೋ

<p><strong>ಮೈಸೂರು</strong>: ನಾಡ ಹಬ್ಬ ದಸಾರಕ್ಕೆ ಪೂರ್ವಭಾವಿಯಾಗಿ ಮೈಸೂರಲ್ಲಿ ನಿನ್ನೆ (ಸೆಪ್ಟೆಂಬರ್ 25) ಯುವ ದಸರಾ ಶುರುವಾಗಿದ್ದು, ನಟ ಶ್ರೀಮುರಳಿ ಮತ್ತು ನಟಿ ರುಕ್ಮಿಣಿ ವಸಂತ್ ಪಾಲ್ಗೊಂಡಿದ್ದರು. ಬಘೀರಾ ಸಿನಿಮಾದಲ್ಲಿ ಇಬ್ಬರೂ ಜೊತೆಯಾಗಿ ನಟಿಸಿದ್ದು, ಮುಂದಿನ ತಿಂಗಳು ಕೊನೆಗೆ ಚಿತ್ರ ತೆರೆ ಕಾಣಲಿದೆ. ಯುವ ದಸರಾದಲ್ಲಿ ಮಿಂಚಿದ ನಟಿ ರುಕ್ಮಿಣಿ ವಸಂತ್ ಸ್ಮೈಲ್ ಗೆ ಪ್ರೇಕ್ಷಕರು ಫಿದಾ ಆಗಿದ್ದು, ಅದರ ವಿಡಿಯೋ ಇಲ್ಲಿದೆ.</p>

ಯುವ ಸಂಭ್ರಮದಲ್ಲಿ ಶ್ರೀಮುರಳಿ ಮಾತಾಡ್ತಿದ್ದಂತೆ, ಮೊಳಗಿತು ಡಿ ಬಾಸ್‌ ಘೋಷಣೆ; ಎಲ್ಲರಿಗೂ ಒಳ್ಳೆದಾಗುತ್ತೆ ಚಿನ್ನ ಎಂದ ‘ಬಘೀರ’ VIDEO

<ul><li><strong>Mysore Dasara 2024: </strong>ಮೈಸೂರು ದಸರಾದ ಸಡಗರ ಜೋರಾಗಿದೆ. ಈ ಬಾರಿ ಯುವ ಸಂಭ್ರಮದ ಚಟುವಟಿಕೆಗಳು ಶುರುವಾಗಿದ್ದು. ಮೊದಲ ದಿನ ಶ್ರೀಮುರಳಿ ಜೋಶ್‌ ತುಂಬಿದ್ದಾರೆ. ಮೈಸೂರಿನ ಮಾನಸ ಗಂಗೋತ್ರಿಯ ಬಯಲು ರಂಗಮಂದಿರದಲ್ಲಿ ಆಯೋಜಿಸಲಾಗಿರುವ, ಯುವ ಸಂಭ್ರಮ ಕಾರ್ಯಕ್ರಮಕ್ಕೆ ಡೊಳ್ಳು ಬಾರಿಸುವ ಮೂಲಕ ನಟ ಶ್ರೀಮುರಳಿ ಚಾಲನೆ ನೀಡಿದರು. ಈ ವೇಳೆ ಮಾತನಾಡಿದ ಶ್ರೀಮುರುಳಿ, ದಸರಾ ಎಂದರೆ ಎಲ್ಲರಿಗೂ ಬಹಳ ಅಚ್ಚುಮೆಚ್ಚು. ದಸರಾ ಬಂತೆಂದರೆ ಇಲ್ಲಿನ ಜನರು ಹಾಗೂ ಮೈಸೂರಿನ ಆಡಂಬರವನ್ನು ನೋಡಲು ಎರಡು ಕಣ್ಣು ಸಾಲದು. ಇಂತಹ ಅದ್ಬುತ ದೃಶ್ಯಗಳು ಪ್ರಪಂಚದಲ್ಲಿ ಎಲ್ಲೋಯೂ ನೋಡಲು ಸಿಗುವುದಿಲ್ಲ ಎಂದು ಖುಷಿಪಟ್ಟರು.</li></ul>

ಊಟದ ಹೊತ್ತಲ್ಲಿ ಮೈಸೂರು ದಸರಾ ಆನೆಗಳ ಕಿತ್ತಾಟ ಕಂಡು ಕಂಗಾಲಾದ್ರು ಜನ, ಧನಂಜಯ್ ಮತ್ತು ಕಂಜನ್‌ ಫೈಟಿಂಗ್‌ ವಿಡಿಯೋ ವೈರಲ್‌

<p>ಮೈಸೂರಿನ ಅರಮನೆ ಆವರಣದಲ್ಲಿ &nbsp;ಶುಕ್ರವಾರ ರಾತ್ರಿ ಕೆಲಕಾಲ ದಸರಾ ಆನೆಗಳಿಂದ ಆತಂಕದ ವಾತಾವರಣ ನಿರ್ಮಾಣವಾಗಿತ್ತು. ಧನಂಜಯ ಹಾಗೂ ಕಂಜನ್ ಆನೆಗಳು ಆಹಾರ ಸೇವಿಸುವಾಗ ಪರಸ್ಪರ ಕಿತ್ತಾಡಿಕೊಂಡಿದ್ದವು. ಈ ವೇಳೆ ಧನಂಜಯ ಆನೆ ಕಂಜನನ್ನ ತುಳಿದಿದ್ದು, ಆ ಏಟನ್ನು ಸಹಿಸಲಾರದೆ ಕಂಜನ್ ಅಲ್ಲಿಂದ ಹೊರಗೆ ಓಡಿ ಬಂದಿದ್ದಾನೆ. ಇದರಿಂದಾಗಿ ಕೆಲ ಕಾಲದಲ್ಲಿ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು. ವೈರಲ್ ವಿಡಿಯೋ ನೋಡಿ.</p>

ಮುನಿರತ್ನ ಪ್ರಕರಣ ಎಸ್ಐಟಿಗೆ ನೀಡ್ತಾರಾ ಸಿಎಂ; ದಸರಾ ಬಗ್ಗೆ ಸಿದ್ದರಾಮಯ್ಯ ಮಹತ್ವದ ಘೋಷಣೆ, ವಿಡಿಯೋ

<ul><li>ಮುನಿರತ್ನ ವಿರುದ್ಧದ ಪ್ರಕರಣವನ್ನು ಎಸ್ಐಟಿ ತನಿಖೆ ನಡೆಸುವಂತೆ ಮನವಿಗಳು ಬಂದಿವೆ. ಒಕ್ಕಲಿಗ ಶಾಸಕರು ತಮ್ಮನ್ನ ಭೇಟಿಯಾಗಿ ಮನವಿ ಸಲ್ಲಿಸಿದ್ದಾರೆ. ಆದರೆ ಈ ಬಗ್ಗೆ ಗೃಹ ಸಚಿವರೊಂದಿಗೆ ಚರ್ಚಿಸಿ ಮುಂದಿನ ನಿರ್ಧಾರ ತೆಗೆದುಕೊಳ್ಳುತ್ತೇನೆ ಎಂದು ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ. ಇನ್ನು ಇದೇ ವೇಳೆ ದಸರಾ ಉದ್ಘಾಟನೆಗೆ ಖ್ಯಾತ ಸಾಹಿತಿ ಹಂಪ ನಾಗರಾಜಯ್ಯ ಅವರನ್ನ ಆಹ್ವಾನಿಸುವುದಾಗಿ ಘೋಷಿಸಿದ್ದಾರೆ.</li></ul>

Latest dasara elephants Web Stories

Web Stories

Loading...