ಕರ್ನಾಟಕ

Karnataka News in Kannada, Latest Karnataka News Karnataka News Today - HT Kannada 

ಮನರಂಜನೆ

Entertainment News, Kannada Cinema News, Latest Cinema News in Kannada - HT Kannada

ಜೀವನಶೈಲಿ

Healthy Lifestyle Tips, Lifestyle Tips in Kannada, Daily Healthy Lifestyle Tips in Kannada

ರಾಶಿ ಭವಿಷ್ಯ

Astrology, Astrology Horoscope, Today Horoscope in Kannada, Weekly Horoscope 2022 - HT Kannada

ರಾಷ್ಟ್ರ-ಜಗತ್ತು

National and world news in Kannada, International News in Kannada| National News Updates in Kannada - HT Kannada

ಫೋಟೋ ಗ್ಯಾಲರಿ

Trending photos in news gallery, Latest Celebrity Photos, South Celebrities Latest Photos Online - HT Kannada

ವೆಬ್​ಸ್ಟೋರಿ

Kannada Web-Stories | ವೆಬ್​ಸ್ಟೋರಿ | Web-Stories on Movies, Tech, Celebrities & More - Kannada Hindustan Times.

ವಿಡಿಯೋ

ಕ್ರಿಕೆಟ್ 

Cricket News in Kannada, ಕ್ರಿಕೆಟ್​ Live, Live Cricket Score

ಚುನಾವಣೆ

ಕ್ರೀಡೆ

Sports News, Kannada Sports News, Today Sports News in Kannada - HT Kannada

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ವಿರುದ್ಧ ನ್ಯೂಜಿಲೆಂಡ್ ಗೆ 21 ರನ್ ಗಳ ಗೆಲುವು

paragraph

<p>ಜಿಂಬಾಬ್ವೆ ಟಿ20 ತ್ರಿಕೋನ ಸರಣಿಯ 2ನೇ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನ್ಯೂಜಿಲೆಂಡ್ 21 ರನ್ ಗಳ ಗೆಲುವು ಸಾಧಿಸಿದೆ. ಜುಲೈ 16ರ ಬುಧವಾರ ಹರಾರೆಯಲ್ಲಿ ನಡೆದ ಪಂದ್ಯದಲ್ಲಿ ಮ್ಯಾಟ್ ಹೆನ್ರಿ ಮತ್ತು ಜಾಕೊಬ್ ಡಫ್ಫಿ ಅವರ ಸಂಘಟಿದ ದಾಳಿ ಹಾಗೂ ಟಿಮ್ ರಾಬಿನ್ಸನ್ ಔಟಾಗದೆ ಸಿಡಿಸಿದ ಆಕರ್ಷಕ ಅರ್ಧ ಶತಕದ ನೆರವಿನಿಂದ ಕಿವೀಸ್ ಗೆಲುವಿನ ನಗೆ ಬೀರಿದೆ. ಟಾಸ್ ಸೋತರೂ ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಮಿಚೆಲ್ ಸ್ಯಾಂಟ್ನರ್ ನೇತೃತ್ವದ ನ್ಯೂಜಿಲೆಂಡ್ ತಂಡ, ನಿಗದಿತ 20 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 173 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ 18.2 ಓವರ್ ಗಳಿಗೆ 152 ರನ್ ಗಳಿಗೆ ಸರ್ವ ಪತನದೊಂದಿಗೆ ಸೋಲೊಪ್ಪಿಕೊಂಡಿತು.</p><p>ಮೊದಲು ಬ್ಯಾಟಿಂಗ್ ಮಾಡಿದ ಕಿವೀಸ್ ಪರ ಟಿಮ್ ರಾಬಿನ್ಸನ್ ಅರ್ಧ ಶತಕ ಸಿಡಿಸಿ ಔಟಾಗದೆ ಉಳಿದರು. ರಾಬಿನ್ಸನ್ 57 ಎಸೆತಗಳಿಂದ 6 ಬೌಂಡರಿ ಹಾಗೂ 3 ಸಿಕ್ಸರ್ ಸೇರಿ 75 ರನ್ ಚಚ್ಚಿದರು. ಮತ್ತೊಬ್ಬ ಬ್ಯಾಟರ್ ಬೆವೊನ್ ಜೇಕಬ್ಸ್ 44 ರನ್ (1 ಬೌಂಡರಿ, 3 ಸಿಕ್ಸರ್) ಗಳ ಉಪಯುಕ್ತ ಕಾಣಿಕೆ ನೀಡಿದರು. ಉಳಿದಂತೆ ಟಿಮ್ ಸೀಫರ್ಟ್ 22, ಡೆವೊನ್ ಕಾನ್ವೆ 9, ಡೇರಿಲ್ ಮಿಚೆಲ್ 5, ಮಿಚೆಲ್ ಹೇಯ್ 2, ಜೇಮ್ಸ್ ನಿಶಾಮ್ ಶೂನ್ಯಕ್ಕೆ ಔಟಾದರು. ದಕ್ಷಿಣ ಆಫ್ರಿಕಾ ಪರ ಕ್ವೇನಾ ಮಾಫಕ 2 ವಿಕೆಟ್ ಪಡೆದರೆ ಲುಂಗಿ ಎನ್ ಗಿಡಿ, ಜೆರಾಲ್ಡ್ ಕೋಟ್ಜಿ, ಸೆನುರಾನ್ ಮುತ್ತುಸ್ವಾಮಿ ತಲಾ 1 ವಿಕೆಟ್ ಕಬಳಿಸಿದರು.</p><p>ಇನ್ನೂ 174 ರನ್ ಗಳ ಗುರಿಯನ್ನ ಬೆನ್ನಟ್ಟಿದ್ದ ದಕ್ಷಿಣ ಆಫ್ರಿಕಾ ತಂಡಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಆರಂಭಿಕರಾಗಿ ಕಣಕ್ಕಿಳಿದಿದ್ದ ಲುವಾನ್ ಡ್ರೆ ಪ್ರಿಟೋರಿಯಸ್ 17 ಎಸೆತಗಳಲ್ಲಿ 27 ರನ್ ಗಳಿಸಿ ಮ್ಯಾಟ್ ಹೆನ್ರಿಗೆ ವಿಕೆಟ್ ಒಪ್ಪಿಸಿದರು. ಬಳಿಕ 16 ರನ್ ಗಳಿಸಿ ಆಡುತ್ತಿದ್ದ ರೀಜಾ ಹೆಂಡ್ರಿಕ್ಸ್ ಅವರ ವಿಕೆಟ್ ಅನ್ನು ಸ್ಯಾಂಟ್ನರ್ ಕಬಳಿಸಿದರು. 4.2 ಓವರ್ ಆಗುವಷ್ಟರಲ್ಲಿ ದಕ್ಷಿಣ ಆಫ್ರಿಕಾದ ಆರಂಭಿಕ ಬ್ಯಾಟರ್ ಗಳು ಪೆವಿಯನ್ ಸೇರಿಕೊಂಡರು. ನಂತರ ಬಂದ ರುಬಿನ್ ಹರ್ಮನ್ (1), ಸೆನುರಾನ್ ಮುತ್ತುಸ್ವಾಮಿ (7), ಬಂದಷ್ಟೇ ವೇಗವಾಗಿ ಔಟಾದರು. ಡೆವಾಲ್ಡ್ ಬ್ರೇವಿಸ್ (35), ಜಾರ್ಜ್ ಲಿಂಡೆ (30) ತಂಡವನ್ನು ಗೆಲುನತ್ತ ಕೊಂಡೊಯ್ಯಲು ಪ್ರಯತ್ನಿಸಿದರು ನಿರೀಕ್ಷಿತ ಫಲಿತಾಂಶ ತಂದುಕೊಡುವಳ್ಳಿ ವಿಫಲವಾದರು. ಅಂತಿಮವಾಗಿ ಹರಿಣಗಳು 18.2 ಓವರ್ ಗಳಿಗೆ 152 ರನ್ ಗಳಿಗೆ ಆಲೌಟ್ ಆದರು. ಕಿವೀಸ್ ಪರ ಮ್ಯಾಟ್ ಹೆನ್ರಿ ಮತ್ತು ಜಾಕೊಬ್ ಡುಫ್ಫಿ ತಲಾ 3 ವಿಕೆಟ್ ಕಬಳಿಸಿದರೆ, ಈಶ್ ಸೋಧಿ 2 ವಿಕೆಟ್ ತಮ್ಮದಾಗಿಸಿಕೊಂಡರು.</p><p>ಉದ್ಘಾಟನಾ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಜಿಂಬಾಬ್ವೆ ವಿರುದ್ಧ 5 ವಿಕೆಟ್ ಗಳ ಗೆಲುವಿನ ಮೂಲಕ ಸರಣಿಯಲ್ಲಿ ಶುಭಾರಂಭ ಮಾಡಿತ್ತು. ಆದರೆ ಕಿವೀಸ್ ವಿರುದ್ಧದ ಪಂದ್ಯದಲ್ಲಿ ಸೋಲು ಕಂಡಿದೆ. ಜಿಂಬಾಬ್ವೆ ಟಿ20 ತ್ರಿಕೋನ ಸರಣಿಯು ಜುಲೈ 14 ರಿಂದ ಆರಂಭವಾಗಿದ್ದು, ಜಿಂಬಾಬ್ವೆ, ದಕ್ಷಿಣ ಆಫ್ರಿಕಾ ಹಾಗೂ ನ್ಯೂಜಿಲೆಂಡ್ ತಂಡಗಳು ಪ್ರಶಸ್ತಿಗಾಗಿ ಪೈಪೋಟಿ ನಡೆಸುತ್ತಿವೆ. ಸರಣಿಯ ಫೈನಲ್ ಪಂದ್ಯ ಜುಲೈ 26 ರಂದು ನಡೆಯಲಿದೆ.</p>

ಹರಾರೆಯಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡ 21 ರನ್ ಗಳ ಗೆಲುವು ಸಾಧಿಸಿದೆ. ಆ ಮೂಲಕ ಜಿಂಬಾಬ್ವೆ ಟಿ20 ತ್ರಿಕೋನ ಸರಣಿಯಲ್ಲಿ ಮಿಚೆಲ್ ಸ್ಯಾಂಟ್ನರ್ ಪಡೆ ಶುಭಾರಂಭ ಮಾಡಿದೆ.

ಬಿಬಿಎಂಪಿ ವ್ಯಾಪ್ತಿಯಲ್ಲಿ ಪ್ರಮುಖ ಜಂಕ್ಷನ್ ಗಳ ಸಮಗ್ರ ಅಭಿವೃದ್ಧಿಗೆ ವಿನ್ಯಾಸ ರೂಪಿಸಲು  ಮುಖ್ಯ ಆಯುಕ್ತ ಮಹೇಶ್ವರ್ ರಾವ್ ಸೂಚನೆ

<p><strong>ಬೆಂಗಳೂರು: </strong>ಬಿಬಿಎಂಪಿ ವ್ಯಾಪ್ತಿಯಲ್ಲಿ ಪ್ರಮುಖ ಜಂಕ್ಷನ್ ಗಳ ಸಮಗ್ರ ಅಭಿವೃದ್ಧಿಗೆ ವಿನ್ಯಾಸ ರೂಪಿಸಲು ಮುಖ್ಯ ಆಯುಕ್ತರಾದ ಮಹೇಶ್ವರ್ ರಾವ್ರವರು ಅಧಿಕಾರಿಗಳಿಗೆ ಸೂಚನೆ ನೀಡಿದರು. ಬಿಬಿಎಂಪಿ ವಲಯ ವ್ಯಾಪ್ತಿಯಲ್ಲಿ ವಿವಿಧ ವಿಷಯಗಳಿಗೆ ಸಂಬಂಧಿಸಿದಂತೆ ಪಾಲಿಕೆ ಕೇಂದ್ರ ಕಛೇರಿಯಲ್ಲಿ ಇಂದು ನಡೆದ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ನಗರದಲ್ಲಿ ಈಗಾಗಲೇ ಹಲವಾರು ಜಂಕ್ಷನ್‌ಗಳ ಅಭಿವೃದ್ಧಿ ಕಾರ್ಯ ಕೈಗೊಂಡಿದ್ದು, ಇನ್ನಿತರೆ ಜಂಕ್ಷನ್ ಗಳ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಸಮಗ್ರ ಅಭಿವೃದ್ಧಿಗಾಗಿ ಯೋಜನೆ ರೂಪಿಸಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.</p><h2>ಪ್ರವಾಹ ಪೀಡಿತ ಪ್ರದೇಶಗಳಲ್ಲಿ ಸಮಸ್ಯೆ ಬಗೆಹರಿಸಿ</h2><p>ಬಿಬಿಎಂಪಿ ವ್ಯಾಪ್ತಿಯಲ್ಲಿ ಪ್ರಸ್ತುತ 53 ಪ್ರವಾಹ ಪೀಡಿತ ಪ್ರದೇಶಗಳಿದ್ದು, ಈಗಾಗಲೇ 4 ಕಡೆ ಸಮಸ್ಯೆ ಬಗೆಹರಿಸಲಾಗಿದೆ. ಇನ್ನು 49 ಕಡೆ ಸಮಸ್ಯೆ ಬಗೆಹರಿಸಬೇಕಿದ್ದು, 22 ಕಡೆ ವರ್ಲ್ಡ್ ಬ್ಯಾಂಕ್ ಅನುದಾನದಿಂದ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುತ್ತಿದೆ. ಎಲ್ಲಿಯೂ ಯಾವುದೇ ರೀತಿಯ ಸಮಸ್ಯೆ ಆಗದಂತೆ ತಾತ್ಕಾಲಿಕ ಕ್ರಮಗಳನ್ನು ಕೈಗೊಂಡು ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.</p><p></p>

<h2>ಅನಧಿಕೃತ ಕಟ್ಟಡಗಳ ತೆರವು ಕಾರ್ಯಾಚರಣೆ ನಡೆಸಿ</h2><p>ನಗರದಲ್ಲಿ ಅನಧಿಕೃತ ಕಟ್ಟಡಗಳ ನಿರ್ಮಾಣ ಮಾಡುವವರ ಮೇಲೆ ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕು. ನಕ್ಷೆಗಳನ್ನು ಉಲ್ಲಂಘಿಸಿ ಕಟ್ಟಡ ನಿರ್ಮಾಣ ಮಾಡುವುದನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸಬೇಕು. ಈ ಸಂಬಂಧ ನಕ್ಷೆ ಉಲ್ಲಂಘಿಸಿ ನಿರ್ಮಾಣ ಮಾಡುತ್ತಿದ್ದಲ್ಲಿ, ಕೂಡಲೇ ಬೆಸ್ಕಾಂಗೆ ಪತ್ರ ಪಡೆದು ವಿದ್ಯುತ್ ಸಂಪರ್ಕ ಕಡಿತಗೊಳಿಸಿ, ಆ ಬಳಿಕ ಕಾನೂನು ಕ್ರಮಗಳನ್ನು ಕೈಗೊಳ್ಳಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.</p><h2>ಭೂಸ್ವಾಧಿನ ಪ್ರಕ್ರಿಯೆಗೆ ವೇಗ ನೀಡಿ</h2><p>ನಗರದಲ್ಲಿ ರಸ್ತೆಗಳು, ಮೇಲ್ಸೇತುವೆ, ಕೆಳಸೇತುವೆ ಸೇರಿದಂತೆ ಇನ್ನಿತರೆ ಯೋಜನೆಗಳಿಗಾಗಿ ಟಿಡಿಆರ್ ನೀಡಿ ಭೂಸ್ವಾಧೀನ ಪಡಿಸಿಕೊಳ್ಳಬೇಕಿರುವ ಕುರಿತು ಆಯಾ ವಲಯಗಳಿಂದ ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕು. ಎಲ್ಲೆಲ್ಲಿ ಭೂಸ್ವಾಧೀನದ ಅವಶ್ಯಕತೆಯಿದೆ ಅದನ್ನು ಪಟ್ಟಿ ಮಾಡಿಕೊಂಡು ಆಸ್ತಿ ಮಾಲೀಕರಿಗೆ ಟಿಡಿಆರ್ ನೀಡಿ, ಜಾಗವನ್ನು ಪಾಲಿಕೆಗೆ ಭೂಸ್ವಾಧೀನಪಡಿಸಿಕೊಂಡು ಕಾಮಗಾರಿಯನ್ನು ತ್ವರಿತಗತಿಯಲ್ಲಿ ಪೂರ್ಣಗೊಳಿಸಲು ಸೂಚನೆ ನೀಡಿದರು.</p><h2>ಆಸ್ತಿ ತೆರಿಗೆ ಸಂಗ್ರಹ ಗುರಿ ತಲುಪಿ</h2><p>ಬಿಬಿಎಂಪಿ ವ್ಯಾಪ್ತಿಯಲ್ಲಿ ಪ್ರಸಕ್ತ 2025-26ನೇ ಸಾಲಿನಲ್ಲಿ 6,256 ಕೋಟಿ ರೂ. ಆಸ್ತಿ ತೆರಿಗೆ ಸಂಗ್ರಹ ಗುರಿ ಹೊಂದಿದ್ದು, ಈ ಪೈಕಿ ಇದುವರೆಗೆ 2,966 ಕೋಟಿ ರೂ. ಆಸ್ತಿ ತೆರಿಗೆ ಸಂಗ್ರಹಿಸಲಾಗಿದೆ. ಪಾಲಿಕೆಯ 8 ವಲಯಗಳಲ್ಲಿ ಆಸ್ತಿ ತೆರಿಗೆ ಸಂಗ್ರಹಿಸಲು ಹೆಚ್ಚು ಗಮನ ನೀಡಬೇಕು. ಜೊತೆಗೆ ಹೊಸ ಇ-ಖಾತಾಗಳ ಮೇಲೆ ಹೆಚ್ಚು ಒತ್ತು ನೀಡಿ, ಅದರ ಮೇಲೆ ಮೇಲ್ವಿಚಾರಣೆ ಮಾಡಬೇಕು. ಇದರಿಂದ ಪಾಲಿಕೆಗೆ ಹೆಚ್ಚು ಆದಾಯ ಬದಲಿದೆ ಎಂದು ತಿಳಿಸಿದರು.</p><h2>ರಸ್ತೆ ಗುಂಡಿಗಳನ್ನು ತ್ವರಿತವಾಗಿ ಮುಚ್ಚಿ</h2><p>ನಗರದಲ್ಲಿ ನಿರಂತರವಾಗಿ ರಸ್ತೆ ಗುಂಡಿಗಳನ್ನು ಮುಚ್ಚಬೇಕು. ರಸ್ತೆ ಗುಂಡಿ ಗಮನ ತಂತ್ರಾಂಶದಲ್ಲಿ ಬರುವ ದೂರುಗಳಿಗೆ ತ್ವರಿತವಾಗಿ ಸ್ಪಂದಿಸಿ ದೂರುಗಳನ್ನು ಇತ್ಯರ್ಥಪಡಿಸಬೇಕು. ಅದಲ್ಲದೆ ನಗರದ ಆರ್ಟಿರಿಯಲ್ ಹಾಗೂ ಸಬ್-ಆರ್ಟಿರಿಯಲ್ ರಸ್ತೆಗಳಲ್ಲಿ ರಸ್ತೆ ಗುಂಡಿಗಳನ್ನು ಮುಚ್ಚಲು ಕ್ರಮ ಕೈಗೊಳ್ಳಲು ಸೂಚನೆ ನೀಡಿದರು.</p><h2>ಪಾದಚಾರಿ ಮಾರ್ಗಗಳ ಅಭಿವೃದ್ಧಿಗೊಳಿಸಿ</h2><p>ಪಾಲಿಕೆಯ ಎಲ್ಲಾ 8 ವಲಯಗಳಲ್ಲಿ 20 ಕಿ.ಮೀ (ಎಡ ಮತ್ತು ಬಲಭಾಗದಲ್ಲಿ) ನಿರಂತರವಾಗಿರುವ ಪಾದಚಾರಿ ಮಾರ್ಗಗಳನ್ನು ಗುರುತಿಸಬೇಕು. ಆ ಪಾದಚಾರಿ ಮಾರ್ಗಗಳಲ್ಲಿ ಯಾವುದೇ ರೀತಿಯ ತೊಡಕುಗಳು ಇರದಂತೆ ಒತ್ತುವರಿಗಳಿದ್ದಲ್ಲಿ ತೆರವುಗೊಳಿಸಿ ಅಭಿವೃದ್ಧಿ ಪಡಿಸಬೇಕು. ಅಭಿವೃದ್ಧಿಯ ನಂತರ ಸರಿಯಾಗಿ ನಿರ್ವಹಣೆ ಮಾಡಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.</p><h2>ಸ್ವಚ್ಛತಾ ಕಾರ್ಯ ನಿರಂತರವಾಗಿ ಮಾಡಿ</h2><p>ನಗರದಲ್ಲಿ ಪ್ರತಿ 2ನೇ ಮತ್ತು 4ನೇ ಶುಕ್ರವಾರ, 1ನೇ ಮತ್ತು 3ನೇ ಶನಿವಾರ ಎಲ್ಲಾ ವಲಯಗಳಲ್ಲಿ ಪಾದಚಾರಿ ಮಾರ್ಗ ಹಾಗೂ ನೀರುಗಾಲುವೆಗಳ ಸ್ವಚ್ಛತಾ ಕಾರ್ಯವನ್ನು ಕೈಗೊಳ್ಳಬೇಕು. ಈಗಾಗಲೇ ಕೆಲವು ವಲಯಗಳಲ್ಲಿ ಸ್ವಚ್ಚತಾ ಕಾರ್ಯ ಕೈಗೊಂಡಿದ್ದು, ಎಲ್ಲಾ ವಲಯಗಳಲ್ಲಿಯೂ ಪರಿಣಾಮಕಾರಿಯಾಗಿ ಸ್ವಚ್ಛತಾ ಕಾರ್ಯವನ್ನು ನಡೆಸಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.</p><p>ಈ ವೇಳೆ ವಿಶೇಷ ಆಯುಕ್ತರಾದ ಮುನೀಶ್ ಮೌದ್ಗಿಲ್, ಸುರಳ್ಕರ್ ವಿಕಾಸ್ ಕಿಶೋರ್, ಡಾ. ಕೆ. ಹರೀಶ್ ಕುಮಾರ್, ವಲಯ ಆಯುಕ್ತರಾದ ಸತೀಶ್, ಕರೀಗೌಡ, ರಮ್ಯಾ, ರಮೇಶ್, ಸ್ನೇಹಲ್, ದಿಗ್ವಿಜಯ್ ಬೋಡ್ಕೆ, ಉಪ ಆಯುಕ್ತರು, ಎಲ್ಲಾ ಮುಖ್ಯ ಅಭಿಯಂತರರು ಸೇರಿದಂತೆ ಇನ್ನಿತರೆ ಸಂಬಂಧಪಟ್ಟ ಅಧಿಕಾರಿಗಳು ಉಪಸ್ಥಿತರಿದ್ದರು.</p>

ಬೆಂಗಳೂರಿನ ಬಿಬಿಎಂಪಿ ವ್ಯಾಪ್ತಿಯಲ್ಲಿ ಪ್ರಮುಖ ಜಂಕ್ಷನ್ ಗಳ ಸಮಗ್ರ ಅಭಿವೃದ್ಧಿಗೆ ವಿನ್ಯಾಸ ರೂಪಿಸಲು ಮುಖ್ಯ ಆಯುಕ್ತರಾದ ಮಹೇಶ್ವರ್ ರಾವ್ರವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

"ಗದಾಧಾರಿ ಹನುಮಾನ್" ಸಿನಿಮಾದ ಟೀಸರ್ ಬಿಡುಗಡೆ

<p>ಗದಾಧಾರಿ ಹನುಮಾನ್ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಮೊದಲ ನೋಟದಲ್ಲೇ ಈ ಚಿತ್ರ ಫ್ಯಾಂಟಸಿ ಸಿನಿಮಾದಂತೆ ಕಂಡಿದೆ. ದುಬಾರಿ ವೆಚ್ಚದ ಗ್ರಾಫಿಕ್ಸ್ ವಿಎಫ್ ಎಕ್ಸ್ ಹಾಗೂ ಸೌಂಡ್ ಎಫೆಕ್ಟ್ಸ್ ಮೇಕಿಂಗ್ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದ್ದು, ತಂತ್ರಜ್ಞಾನದ ನೈಪುಣ್ಯದ ಜೊತೆ ಕಂಡಿರೋ ತಾರಾಬಳಗ ಈ ಚಿತ್ರದ ಮೇಲೆ ಭರವಸೆ ಹುಟ್ಟಿಸಿದೆ.</p><p>ವಿರಾಬ್ ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ಬಸವರಾಜ್ ಹುರಕಡ್ಲಿ ಮತ್ತು ರೇಣುಕ ಪ್ರಸಾದ್. ಕೆ. ಆರ್ ಜೊತೆಯಾಗಿ ಈ ಚಿತ್ರವನ್ನ ನಿರ್ಮಾಣ ಮಾಡಿದ್ದಾರೆ. ರೋಹಿತ್ ಕೊಲ್ಲಿ ಈ ಚಿತ್ರವನ್ನ ನಿರ್ದೇಶಿಸಿದ್ದಾರೆ. ಗದಾಧಾರಿ ಹನುಮಾನ್ ಸಾಹಸಮಯ, ಹಾರರ್ ಥ್ರಿಲ್ಲರ್, ದೈವತ್ವ ಹಾಗೂ ರಾಕ್ಷಸತ್ವದ ಕಥಾಹಂದರವಿರೋ‌ ಚಿತ್ರ.</p><p>ತಾರಕಾಸುರ ಖ್ಯಾತಿಯ ಕಿರಣ್ ( ವೈಭವ್) ಈ ಚಿತ್ರದ ನಾಯಕ. ಹೊಸ ಪ್ರತಿಭೆ ಹರ್ಷಿತಾ ನಾಯಕಿ. ಇವರೊಟ್ಟಿಗೆ ಕಲ್ಯಾಣ್ ಕೃಷ್ಣ, ರಮೇಶ್ ಪಂಡಿತ್, ಸುನಂದ ಕಲ್ಬುರ್ಗಿ, ನಾಗೇಶ್ ಮಯ್ಯ, ಶಿವಪ್ಪ, ಅರ್ಜುನ್, ಭೀಷ್ಮ, ಲೋಕೇಶ್ ನಟಿಸಿದ್ದಾರೆ. ಜ್ಯೂಡಾ ಸ್ಯಾಂಡಿ ಸಂಗೀತ, ಅರುಣ್ ಗೌಡ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಸಿ.ಎನ್ ಕಿಶೋರ್ ಸಂಕಲನ ಮಾಡಿದ್ದಾರೆ. ಟೈಗರ್ ಶಿವು ಸಾಹಸ ಸಂಯೋಜನೆ ಮಾಡಿದ್ದಾರೆ.</p><p>ಬೆಂಗಳೂರು, ಹಂಪಿ, ಗಂಗಾವತಿ, ಅಂಜನಾದ್ರಿ, ಕಿತ್ತೂರು, ಹೊನ್ನಾಪುರ ಹೀಗೆ ಬಹುತೇಕ ಕರ್ನಾಟಕದಲ್ಲೇ ಈ ಚಿತ್ರದ ಚಿತ್ರೀಕರಣವಾಗಿರೋದು ವಿಶೇಷ. ಟೀಸರ್ ಲಾಂಚ್ ಮಾಡಿ ಚಿತ್ರದ ವಿಶೇಷತೆಗಳನ್ನ ಹಂಚಿಕೊಂಡ ಚಿತ್ರತಂಡ ಸದ್ಯದಲ್ಲೇ ತೆರೆಗೆ ಬರುವ ಸನಿಹದಲ್ಲಿದೆ. ಗದಾಧಾರಿ ಹನುಮಾನ್ ಕನ್ನಡ ಹಾಗೂ ತೆಲುಗು ಭಾಷೆಯಲ್ಲಿ ಏಕಕಾಲಕ್ಕೆ ತಯಾರಾಗಿರೋ ದ್ವಿಭಾಷಾ ಸಿನಿಮಾ.</p>

ಗದಾಧಾರಿ ಹನುಮಾನ್ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಮೊದಲ ನೋಟದಲ್ಲೇ ಈ ಚಿತ್ರ ಫ್ಯಾಂಟಸಿ ಸಿನಿಮಾದಂತೆ ಕಂಡಿದೆ. ದುಬಾರಿ ವೆಚ್ಚದ ಗ್ರಾಫಿಕ್ಸ್ ವಿಎಫ್ ಎಕ್ಸ್ ಹಾಗೂ ಸೌಂಡ್ ಎಫೆಕ್ಟ್ಸ್ ಮೇಕಿಂಗ್ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ.&nbsp;

ಪಿಎಂ ಕಿಸಾನ್ ಸಮ್ಮಾನ್ ನಿಧಿ 20ನೇ ಕಂತು; ಹಣ ಬಿಡುಗಡೆ ಯಾವಾಗ, ಪರಿಶೀಲಿಸುವುದು ಹೇಗೆ

<p>ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ (ಪಿಎಂ ಕಿಸಾನ್ ನಿಧಿ) ಯೋಜನೆಯ 20ನೇ ಕಂತಿನ ಹಣ ಇದೇ ತಿಂಗಳು ಬಿಡುಗಡೆಯಾಗಲಿದೆ. ಈ ಯೋಜನೆಯ ಫಲಾನುಭವಿಗಳಾಗಿರುವ ದೇಶದ ಕೋಟ್ಯಂತರ ರೈತರು 2000 ರೂಪಾಯಿ ಪಿಎಂ ಕಿಸಾನ್ ಕಂತಿನ ಹಣ ಜಮೆಯಾಗುವುದನ್ನೇ ನಿರೀಕ್ಷಿಸುತ್ತಿದ್ದಾರೆ. ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರು ಶೀಘ್ರವೇ ಪಿಎಂ ಕಿಸಾನ್ ನಿಧಿಯ ಹಣ ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. ಇದರ ಸಂಭಾವ್ಯ ದಿನಾಂಕವೂ ನಿಗದಿಯಾಗಿದ್ದು ಆ ವಿವರ ಇಲ್ಲಿದೆ.</p><p>ಪಿಎಂ ಕಿಸಾನ್ ಕಂತು ಪ್ರತಿ ನಾಲ್ಕು ತಿಂಗಳಿಗೆ ಒಮ್ಮೆ ಬಿಡುಗಡೆಯಾಗುತ್ತಿದ್ದು, 19ನೇ ಕಂತು ಫೆಬ್ರವರಿ 2025ರಲ್ಲಿ ಬಿಡುಗಡೆಯಾಗಿತ್ತು. 2024ರಲ್ಲಿ ಜೂನ್ ತಿಂಗಳಲ್ಲಿ ಕಂತಿನ ಹಣ ಬಿಡುಗಡೆಯಾಗಿತ್ತು. ಈ ಬಾರಿ ಪಿಎಂ ಕಿಸಾನ್ ಕಂತು ಬಿಡುಗಡೆ ತಡವಾಗಿದೆ. ಝೀ ನ್ಯೂಸ್ ವರದಿ ಪ್ರಕಾರ, ಪಿಎಂ ಕಿಸಾನ್ ಯೋಜನೆಯ 20ನೇ ಕಂತಿನ ಹಣ ಜುಲೈ 18 ರಂದು ಬಿಡುಗಡೆಯಾಗಬಹುದು. ಆದಾಗ್ಯೂ, ಈ ವಿಚಾರವನ್ನು ಭಾರತ ಸರ್ಕಾರ ದೃಢೀಕರಿಸಿಲ್ಲ.</p><p>ಮಾಧ್ಯಮ ವರದಿಗಳ ಪ್ರಕಾರ, ಪ್ರಧಾನಿ ನರೇಂದ್ರ ಮೋದಿಯವರು ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ 20ನೇ ಕಂತು ಜುಲೈ 18 ರಂದು 9.8 ಕೋಟಿಗೂ ಅಧಿಕ ರೈತರ ಖಾತೆಗೆ ಜಮೆಯಾಗಲಿದೆ. ಪೂರ್ವ ಚಂಪಾರಣ್‌ನ ಮೋತಿಹಾರಿಯಲ್ಲಿ ನಡೆಯುವ ಸಾರ್ವಜನಿಕ ಸಮಾರಂಭದಲ್ಲಿ ಪ್ರಧಾನಿ ಮೋದಿ ಕಂತು ಜಮೆ ಮಾಡುವ ಪ್ರಕ್ರಿಯೆಗೆ ಚಾಲನೆ ನೀಡಲಿದ್ದಾರೆ.</p><h2>ಪಿಎಂ ಕಿಸಾನ್ ಸಮ್ಮಾನ್ ನಿಧಿ 20ನೇ ಕಂತು; ಭೂ ವಿವರ ದಾಖಲೆ ಪರಿಷ್ಕರಿಸುವುದು ಹೇಗೆ</h2><p>ಹಂತ 1: ಪಿಎಂ ಕಿಸಾನ್ ವೆಬ್‌ಸೈಟ್‌ <a rel="nofollow" href="https://pmkisan.gov.in/" target="_blank">https://pmkisan.gov.in</a> ಗೆ ಭೇಟಿ ನೀಡಿ</p><p>ಹಂತ 2: ಹೋಮ್ ಪೇಜ್‌ನಲ್ಲಿ “ಫಾರ್ಮರ್ಸ್ ಕಾರ್ನರ್‌” ಕೆಳಗೆ “ಸ್ಟೇಟ್ ಟ್ರಾನ್ಸ್‌ಫರ್ ರಿಕ್ವೆಸ್ಟ್” ಎಂಬುದರ ಮೇಲೆ ಕ್ಲಿಕ್ ಮಾಡಿ.</p><p>ಹಂತ 3: 'ರಿಜಿಸ್ಟ್ರೇಷನ್ ನಂಬರ್' ಅಥವಾ ‘ಆಧಾರ್ ನಂಬರ್’ ದಾಖಲಿಸಿ</p><p>ಹಂತ 4: ಕ್ಯಾಪ್ಚಾ ಕೋಡ್ ಅನ್ನು ದಾಖಲಿಸಿ ಮತ್ತು ‘ಗೆಟ್ ಒಟಿಪಿ’ಯನ್ನು ಕ್ಲಿಕ್ ಮಾಡಿ</p><p>ಹಂತ 5: ಒಟಿಪಿಯನ್ನು ದಾಖಲಿಸಿ</p><p>ಹಂತ 6: ನಿಮ್ಮ ಹೆಸರಿನಲ್ಲಿರುವ ‘ಪ್ರೂಫ್ ಆಫ್ ಕಲ್ಟಿವೇಬಲ್ ಲ್ಯಾಂಡ್’ ಅಂದರೆ ಭೂ ದಾಖಲೆಗಳು, ಖಾತೆ ಇತ್ಯಾದಿಗಳನ್ನು ಅಪ್ಲೋಡ್ ಮಾಡಿ.</p><p>ಹಂತ 7: ಪರಿಷ್ಕರಣೆಯನ್ನು ಮತ್ತೊಮ್ಮೆ ಸರಿಯಾಗಿ ಗಮನಿಸಿ, ನಂತರ ಸಬ್‌ಮಿಟ್ ಐಕಾನ್ ಕ್ಲಿಕ್ ಮಾಡಿ.</p><h2>ಪಿಎಂ ಕಿಸಾನ್ ಸಮ್ಮಾನ್ ನಿಧಿ 20ನೇ ಕಂತು; ಫಲಾನುಭವಿ ಆಗುವುದು ಹೇಗೆ</h2><p>ಅ) ನಿಮ್ಮ ಬ್ಯಾಂಕ್ ಖಾತೆ ಮತ್ತು ಆಧಾರ್ ಲಿಂಕ್ ಆಗಿರುವುದನ್ನು ಖಾತರಿ ಮಾಡಿಕೊಳ್ಳಿ</p><p>ಆ) ಬ್ಯಾಂಕ್ ಖಾತೆಯಲ್ಲಿ ಆಧಾರ್ ಸೀಡಿಂಗ್ ಆಗಿರುವುದನ್ನು ಖಾತರಿ ಮಾಡಿಕೊಳ್ಳಿ</p><p>ಇ) ಆಧಾರ್ ಸೀಡ್ ಆಗಿರುವ ಖಾತೆಯನ್ನು ಸರ್ಕಾರದ ಡಿಬಿಟಿ ಯೋಜನೆಗೆ ಬಳಕೆಯಾಗುವಂತೆ ಸಕ್ರಿಯವಾಗಿ ಇಟ್ಟುಕೊಳ್ಳಿ</p><p>ಈ) ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸಿ</p><p>ಉ) ಆಧಾರ್ ಸೀಡಿಂಗ್ ಆಗಿರುವ ಸ್ಥಿತಿಗತಿಯನ್ನು ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ “ನೋ ಯುವರ್‌ ಸ್ಟೇಟಸ್” ಕ್ಲಿಕ್ ಮಾಡಿ ಅಗತ್ಯ ವಿವರ ಭರ್ತಿ ಮಾಡಿ ಪರಿಶೀಲಿಸಿ.</p><h2>ಪಿಎಂ ಕಿಸಾನ್ ಸಮ್ಮಾನ್ ನಿಧಿ 20ನೇ ಕಂತು; ಫಲಾನುಭವಿ ಪಟ್ಟಿಯಲ್ಲಿ ಹೆಸರು ಪರಿಶೀಲಿಸುವುದು ಹೇಗೆ</h2><p>ಹಂತ 1: ಪಿಎಂ ಕಿಸಾನ್‌ನ ಅಧಿಕೃತ ವೆಬ್‌ಸೈಟ್‌ <a rel="nofollow" href="https://pmkisan.gov.in/" target="_blank">https://pmkisan.gov.in</a> ತೆರೆಯಿರಿ</p><p>ಹಂತ 2: ಪೇಮೆಂಟ್ ಸಕ್ಸಸ್ ಟ್ಯಾಬ್‌ನ ಕೆಳಗೆ ಭಾರತದ ನಕ್ಷೆ ಗಮನಿಸಿ</p><p>ಹಂತ 3: ಅಲ್ಲಿ ಹಳದಿ ಬಣ್ಣದ ಟ್ಯಾಬ್‌ನ ಮೇಲೆ “ಡ್ಯಾಶ್‌ಬೋರ್ಡ್‌” ಎಂಬ ಐಕಾನ್ ಇದೆ. ಅದನ್ನು ಕ್ಲಿಕ್ ಮಾಡಿ</p><p>ಹಂತ 4: ವಿಲೇಜ್ ಡ್ಯಾಶ್‌ಬೋರ್ಡ್‌ ಟ್ಯಾಬ್‌ನಲ್ಲಿ ವಿವರ ದಾಖಲಿಸಿ</p><p>ಹಂತ 5: ರಾಜ್ಯ, ಜಿಲ್ಲೆ, ಉಪ ಜಿಲ್ಲೆ, ಪಂಚಾಯಿತಿ ವಿವರವನ್ನು ಆಯ್ಕೆ ಮಾಡಿ</p><p>ಹಂತ 6: ವಿವರಗಳನ್ನು ಆಯ್ಕೆ ಮಾಡಿ</p><p>ಹಂತ 7: “ಗೆಟ್ ರಿಪೋರ್ಟ್‌” ಬಟನ್ ಮೇಲೆ ಕ್ಲಿಕ್ ಮಾಡಿ</p><p>ಹಂತ 8: ಫಲಾನುಭವಿಗಳ ಪಟ್ಟಿಯಲ್ಲಿ ನಿಮ್ಮ ಹೆಸರು ಇದೆಯೇ ಎಂದು ಪರಿಶೀಲಿಸಿ.</p>

ಪಿಎಂ ಕಿಸಾನ್ ಕಂತು ಪ್ರತಿ ನಾಲ್ಕು ತಿಂಗಳಿಗೆ ಒಮ್ಮೆ ಬಿಡುಗಡೆಯಾಗುತ್ತಿದ್ದು, 19ನೇ ಕಂತು ಫೆಬ್ರವರಿ 2025ರಲ್ಲಿ ಬಿಡುಗಡೆಯಾಗಿತ್ತು. 2024ರಲ್ಲಿ ಜೂನ್ ತಿಂಗಳಲ್ಲಿ ಕಂತಿನ ಹಣ ಬಿಡುಗಡೆಯಾಗಿತ್ತು. ಈ ಬಾರಿ ಪಿಎಂ ಕಿಸಾನ್ ಕಂತು ಬಿಡುಗಡೆ ತಡವಾಗಿದೆ. ಪ್ರಧಾನಿ ಮೋದಿಯವರು ಶೀಘ್ರವೇ ಪಿಎಂ ಕಿಸಾನ್ ನಿಧಿಯ ಹಣ ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. &nbsp;ಆ ವಿವರ ಇಲ್ಲಿದೆ.

ಮೈಸೂರು ಸಮಾವೇಶ, ಕಾಂಗ್ರೆಸ್ ಆಂತರಿಕ ಸಂಘರ್ಷದ ಶಕ್ತಿ ಪ್ರದರ್ಶನ: ಬಸವರಾಜ ಬೊಮ್ಮಾಯಿ

<p><strong>ಹಾವೇರಿ: </strong>ಕಾಂಗ್ರೆಸ್ ನ ಅಂತರಿಕ ಸಂಘರ್ಷದ ಶಕ್ತಿಪ್ರದರ್ಶನ ಮಾಡಲು ಮೈಸೂರಿನಲ್ಲಿ ಸಮಾವೇಶ ಮಾಡಲಾಗುತ್ತಿದೆ. ಸಮಾವೇಶ ಮಾಡುವಷ್ಟು ಸಾಧನೆ ಕಾಂಗ್ರೆಸ್ ‌ಮಾಡಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಹಾಗೂ ಸಂಸದ ಬಸವರಾಜ ಬೊಮ್ಮಾಯಿ ಅಭಿಪ್ರಾಯ ಪಟ್ಟಿದ್ದಾರೆ.</p><p>ಹಾವೇರಿಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಕಾಂಗ್ರೆಸ್ ಸಾಧನಾ ಸಮಾವೇಶದ ಹೆಸರಿನಲ್ಲಿ ಹಿಂದೆ ಹಾಸನದಲ್ಲಿ ಶಕ್ತಿ ಪ್ರದರ್ಶನ ಮಾಡಬೇಕಿತ್ತು. ಅದು ಈಗ ಮೈಸೂರಿನಲ್ಲಿ ಆಗುತ್ತಿದೆ. ಈಗಾಗಲೇ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ಶಾಸಕರು ಮತ್ತು ಸಚಿವರ ಜೊತೆ ಸಭೆ ಮಾಡಿರುವುದು ಎಲ್ಲವೂ ಸರಿ ಇಲ್ಲ ಎನ್ನುವುದನ್ನು ತೋರಿಸಿದೆ. ಆಂತರಿಕವಾಗಿರುವ ಸಂಘರ್ಷ ಪೂರ್ಣ ವಿರಾಮ ಇಲ್ಲದೇ ಮುಂದುವರೆಯುತ್ತಿದೆ. ಕಾಂಗ್ರೆಸ್ ಹೈಕಮಾಂಡ್ ಎಲ್ಲಿಯವರೆಗೂ ಇದಕ್ಕೆ ಸ್ಪಷ್ಟತೆ ಕೊಡುವುದಿಲ್ಲವೋ ಅಲ್ಲಿಯವರೆಗೆ ಇದು ಮುಂದುವರೆಯುತ್ತದೆ. ಕಾಂಗ್ರೆಸ್ ಹೈಕಮಾಂಡ್ ಗೂ ಈ ಗೊಂದಲ ಬೇಕಾಗಿದೆ ಎನಿಸುತ್ತದೆ ಎಂದರು.</p><p></p>

<p>ಶರಾವತಿ ಪಂಪ್ ಸ್ಟೋರೇಜ್ ಕುರಿತು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಅತ್ಯಂತ ಕಡಿಮೆ ಖರ್ಚಿನಲ್ಲಿ ಸುಮಾರು ಎರಡು ಸಾವಿರ ಮೆಗಾ ವ್ಯಾಟ್ ವಿದ್ಯುತ್ ಉತ್ಪಾದನೆ ಮಾಡುವಂಥಾದ್ದಾಗಿದೆ. ಅಲ್ಲಿ ಸುಮಾರು 38 ಹೆಕ್ಟೇರ್ ಅರಣ್ಯ ಪ್ರದೇಶ ನಾಶವಾಗುತ್ತಿದೆ. ಅದರ ಬದಲು ಬೇರೆ ಕಡೆಗೆ ಅರಣ್ಯ ಬೆಳೆಸಬೇಕು ಹಾಗೂ ಸುತ್ತಲಿನ ಅರಣ್ಯ ಪ್ರದೇಶ ಕಾಪಾಡಬೇಕು. ಈಗಾಗಲೇ ಕೆಲವು ಷರತ್ತುಗಳೊಂದಿಗೆ ಅನುಮತಿ ದೊರೆತಿದೆ. ಅವುಗಳನ್ನು ಪಾಲನೆ ಮಾಡಿ ಮಾಡಬೇಕು ಎಂದು ಹೇಳಿದರು.</p><p>ಇನ್ನು ಸಿಗಂಧೂರು ಸೇತುವೆ ಉದ್ಘಾಟನೆ ಸಂದರ್ಭದಲ್ಲಿ ಶಿಷ್ಟಾಚಾರ ಉಲ್ಲಘಂನೆಯಾಗಿದೆ ಎಂಬ ಕಾಂಗ್ರೆಸ್ ಆರೋಪದ ಕುರಿತು ಕೇಳಿದ ಪ್ರಶ್ನೆಗೆ ಯಾವುದೇ ರೀತಿಯ ಶಿಷ್ಟಾಚಾರ ಉಲ್ಲಂಘನೆಯಾಗಿಲ್ಲ ಎಂದು ಹೇಳಿದರು.</p>

ಸಮಾವೇಶ ಮಾಡುವಷ್ಟು ಸಾಧನೆ ಕಾಂಗ್ರೆಸ್ ‌ಮಾಡಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಹಾಗೂ ಸಂಸದ ಬಸವರಾಜ ಬೊಮ್ಮಾಯಿ ಅಭಿಪ್ರಾಯ ಪಟ್ಟಿದ್ದಾರೆ.

ವಿಜ್ಞಾನ-ವಿನೋದ ವಿಚಾರ ಮಂಥನಕ್ಕೆ ಪರಮ್ ಸೈನ್ಸ್ ಎಕ್ಸ್‌ಪೀರಿಯನ್ಸ್‌ ಸೆಂಟರ್‌, ಹೀಗಿದೆ ನೋಡಿ ಪಾರ್ಸೆಕ್ ವಿಜ್ಞಾನ ಲೋಕ

<p><strong>ಬೆಂಗಳೂರು: </strong>ಸೈನ್ಸ್‌ ಅಥವಾ ವಿಜ್ಞಾನ ಅನ್ನೋದು ಕಬ್ಬಿಣದ ಕಡಲೆ ಅಲ್ಲ. ಅರ್ಥ ಮಾಡಿಕೊಳ್ಳಲಾಗದ ವಿಷಯವೂ ಅಲ್ಲ. ಅದೊಂದು ವಿನೋದ. ಬಗೆದಷ್ಟೂ ತಿಳಿದುಕೊಳ್ಳುವ ಆಸಕ್ತಿ ನಿಮಗಿದ್ದರೆ, ನಿಮ್ಮ ಮಕ್ಕಳಿಗೆ ಕಲಿಸಬೇಕೆಂದಿದ್ದರೆ ಬೆಂಗಳೂರಿನ ಜಯನಗರದ ಹೃದಯ ಭಾಗದಲ್ಲಿರುವ ``ದಿ ಪರಮ್ ಸೈನ್ಸ್ ಎಕ್ಸ್‌ಪೀರಿಯನ್ಸ್‌ ಸೆಂಟರ್‌ಗೆ” (ParSEC) ಬನ್ನಿ. ಈ ಕೇಂದ್ರದಲ್ಲಿ ಪ್ರಾಯೋಗಿಕ ಕಲಿಕೆಗೆ ಅವಕಾಶ ಇದ್ದು, ನಮ್ಮ ಜೀವನದಲ್ಲಿ ವಿಜ್ಞಾನ ಹೇಗೆ ಅಡಗಿದೆ ಎಂಬುದನ್ನು ಇಲ್ಲಿ ಅರಿಯಬಹುದಾಗಿದೆ. ಅಲ್ಲದೆ, ವಿಜ್ಞಾನದಲ್ಲಿ ತಂತ್ರಜ್ಞಾನದ ಬಳಕೆಯನ್ನೂ ಕಲಿಯಬಹುದಾಗಿದೆ.</p><p>ವಿಜ್ಞಾನ ನಮ್ಮ ದೈನಂದಿನ ಜೀವನದ ಭಾಗವಾಗಿದೆ. ಅದು ಎಷ್ಟು ಸರಳ ಎಂಬುದನ್ನು ಪಾರ್ಸೆಕ್ (ParSEC) ಸೆಂಟರ್‌ನಲ್ಲಿ ತಿಳಿಯಬಹುದು. ಇಂಥದ್ದೊಂದು ಪ್ರಾಯೋಗಿಕ ಗ್ಯಾಲರಿ ಬಹುಬೇಗ ಜನಪ್ರಿಯತೆ ಗಳಿಸಿದೆ. ಹಾಗಾದರೆ, ಈ ಪರಮ್‌ ಸೈನ್ಸ್‌ ಎಕ್ಸ್‌ಪೀರಿಯನ್ಸ್ ಕೇಂದ್ರವು ‌ಕೇವಲ ಶಿಕ್ಷಣಕ್ಕೆ ಸಂಬಂಧಪಟ್ಟಂತೆ ಮಾತ್ರ ಸೀಮಿತವೇ ಎಂದು ನೋಡುವುದಾದರೆ, ಇಲ್ಲ ಎಂಬ ಉತ್ತರ ಬರುತ್ತದೆ. ಇಲ್ಲಿ ಮಕ್ಕಳ ಕಲಿಕಾ ಮಟ್ಟವನ್ನು, ಚಿಂತನಾ ಲಹರಿಯನ್ನು ಒರೆಗೆ ಹಚ್ಚುವ ಕೆಲಸ ಆಗುತ್ತದೆ. ವಿಜ್ಞಾನದ ಬಗೆಗಿನ ಪರಿಕಲ್ಪನೆಯನ್ನು ಬದಲಾಯಿಸುವ ಇದು, ಮಕ್ಕಳ ಸ್ಮೃತಿಪಟಲದಲ್ಲಿ ಸುಲಭವಾಗಿ ಅಚ್ಚೊತ್ತಲಿದೆ.</p><p>ವಿಜ್ಞಾನ ಮತ್ತು ತಂತ್ರಜ್ಞಾನದ ಕುರಿತು ಎಲ್ಲ ವಯೋಮಾನದವರಿಗೆ ವಿಜ್ಞಾನ ಕಲಿಕೆ ಬಗ್ಗೆ ಉತ್ಸಾಹವನ್ನು ಹುಟ್ಟು ಹಾಕುವ ಗುರಿಯನ್ನು ಪರಮ್ ಸಂಸ್ಥೆ ಹೊಂದಿದೆ. ಪಾರ್ಸೆಕ್ (ParSEC) "ವಿಜ್ಞಾನ ಗ್ಯಾಲರಿ " ಮಾತ್ರವಲ್ಲ, ಇದೊಂದು ನಾವೀನ್ಯತೆಯ ಕೇಂದ್ರವಾಗಿದ್ದು, ʻವಿಜ್ಞಾನದಲ್ಲಿನ ಮೋಜುʼ ಎಲ್ಲರ ಅನುಭವಕ್ಕೆ ಬರಲಿದೆ.</p><h2>ಹೇಗಿರಲಿದೆ ಪಾರ್ಸೆಕ್ ವಿಜ್ಞಾನ ಲೋಕ?</h2><p>ನೀವು ಪಾರ್ಸೆಕ್ (ParSEC) ಸೆಂಟರ್‌ಗೆ ಕಾಲಿಟ್ಟರೆ ಸಾಕು ವಿಜ್ಞಾನ ಲೋಕವೇ ತೆರೆದುಕೊಳ್ಳಲಾರಂಭಿಸುತ್ತದೆ. ವಿಜ್ಞಾನದ ಕೌತುಕಗಳ ಬಗ್ಗೆ ನೀವು ಖುದ್ದು ಅನುಭವವನ್ನು ಪಡೆದುಕೊಳ್ಳಬಹುದಾಗಿದೆ. ವಿಜ್ಞಾನದ ಜೊತೆ ಜೊತೆಗೆ ನೀವು ಸಾಗುತ್ತಿರುವ ಅನುಭವ ನಿಮ್ಮದಾಗುತ್ತದೆ. ತಂತ್ರಜ್ಞಾನದಲ್ಲಿ ವಿಜ್ಞಾನದ ಬಳಕೆ ಹೇಗಿದೆ? ಇದಕ್ಕೂ ವಿಜ್ಞಾನಕ್ಕೂ ಏನು ಸಂಬಂಧ ಎಂಬುದನ್ನು ಸ್ವತಃ ತಿಳಿದುಕೊಳ್ಳಬಹುದಾಗಿದೆ. ಅಂದಹಾಗೆ, ಪಾರ್ಸೆಕ್‌ ಸೈನ್ಸ್‌ ಗ್ಯಾಲರಿಯಲ್ಲಿ ಒಟ್ಟು 7 ಗ್ಯಾಲರಿಯನ್ನು ರೂಪಿಸಲಾಗಿದೆ. ಇಂಟ್ರೊಡಕ್ಷನ್‌ ಗ್ಯಾಲರಿ, ಕೈನೆಟಿಕ್ ಗ್ಯಾಲರಿ, ಟ್ಯಾಕ್ಟೈಲ್‌ ಗ್ಯಾಲರಿ, ಡಿಜಿಟಲ್ ಗ್ಯಾಲರಿ, ಪಜಲ್ ಗ್ಯಾಲರಿ ಮತ್ತು ಲೈಟ್‌ ಗ್ಯಾಲರಿ, ಇಲ್ಯೂಷನ್ ಗ್ಯಾಲರಿ ಎಂಬುದಾಗಿ ಮಾಡಲಾಗಿದೆ.</p><p></p>

<p>ಇಂಟ್ರೊಡಕ್ಷನ್‌ ಗ್ಯಾಲರಿಯಲ್ಲಿ ಪರಮ್‌ ಕುರಿತಾದ ಕಿರು ಪರಿಚಯ ಮಾಡಿಕೊಡಲಾಗುತ್ತದೆ. ಕೈನೆಟಿಕ್ ಗ್ಯಾಲರಿಯಲ್ಲಿ ಮೋಷನ್‌ ಮೂಮೆಂಟ್ಸ್ ಇದ್ದರೆ, ವಿಜ್ಞಾನ ತತ್ವಗಳ ಆಧಾರದ ಮೇಲೆ ಲೈಟ್‌ ಗ್ಯಾಲರಿಯಲ್ಲಿ ಬೆಳಕಿನ ಚಮತ್ಕಾರ ಕಾಣಬಹುದು. ಟ್ಯಾಕ್ಟೈಲ್‌ ಗ್ಯಾಲರಿಯಲ್ಲಿ ನೀವು ಸ್ವತಃ ಸ್ಪರ್ಶಿಸಿ ವಿಜ್ಞಾನದ ಅನುಭವವನ್ನು ಪಡೆದುಕೊಳ್ಳುತ್ತೀರಿ. ಇನ್ನು ಡಿಜಿಟಲ್ ಗ್ಯಾಲರಿಯಲ್ಲಿ ಕೃತಕ ಬುದ್ಧಿಮತ್ತೆಯನ್ನು (Artificial intelligence) ಅಳವಡಿಸಲಾಗಿದೆ. ಈ ಮೂಲಕ ವಿದ್ಯಾರ್ಥಿಗಳು ಅಥವಾ ಜನ ಸಾಮಾನ್ಯರು ಡಿಜಿಟಲ್‌ ಸ್ಕ್ರೀನ್‌ ಅನುಭವವನ್ನು ಪಡೆದುಕೊಳ್ಳಬಹುದಾಗಿದೆ. ಕಲೆ ಮತ್ತು ವಿಜ್ಞಾನ ಒಟ್ಟುಗೂಡಿರುವ ಪಜಲ್‌ ಗ್ಯಾಲರಿಯಲ್ಲಿ ನಿಮ್ಮ ಮೆದುಳನ್ನು ಚುರುಕುಗೊಳಿಸುವ ಚಟುವಟಿಕೆಗಳು ಇರಲಿದೆ. ಇದಲ್ಲದೆ, ಇಲ್ಯೂಷನ್‌ ಗ್ಯಾಲರಿಯಲ್ಲಿ ನಿಮಗೊಂದು ಅದ್ಭುತವೇ ಕಾಣಸಿಗುತ್ತದೆ. ಇಲ್ಲಿ ಮನುಷ್ಯನಲ್ಲಿರುವ ನವರಸಗಳನ್ನು ಎಕ್ಸ್‌ಪೀರಿಯನ್ಸ್‌ ಮಾಡಬಹುದಾಗಿದೆ ಎಂದರೆ ನೀವು ನಂಬಲೇಬೇಕು. ಹಾಗಾಗಿ ಇಲ್ಲಿಗೆ ಬರುತ್ತಿರುವ ಮಕ್ಕಳಷ್ಟೇ ಅಲ್ಲ ಪೋಷಕರೂ ಕೂಡ ರೋಮಾಂಚನಗೊಳ್ಳುತ್ತಿದ್ದಾರೆ.</p><p>ಒಟ್ಟಾರೆ ಈ ಏಳು ಗ್ಯಾಲರಿಗಳಿಂದ 100ಕ್ಕೂ ಹೆಚ್ಚು ಪ್ರಾತ್ಯಕ್ಷಿಕೆಗಳನ್ನು ಕಾಣಬಹುದಾಗಿದೆ. ಮನುಷ್ಯನಂತೆ ಹೆಜ್ಜೆ ಹಾಕುವ ಬೈಸಿಕಲ್‌ ಇರಬಹುದು, ಬೆರಳ ತುದಿಯಲ್ಲೇ ಆಡಿಸಬಹುದಾದ ತಂತ್ರಜ್ಞಾನಗಳನ್ನು ಅರಿಯಬಹುದು. ಇದೇ ರೀತಿಯಾಗಿ ವಿಭಿನ್ನವಾದ ಹಲವಾರು ಆಸಕ್ತಿದಾಯಕ, ತಿಳಿದುಕೊಳ್ಳಲೇಬೇಕಾದ ಅಂಶಗಳು ಇಲ್ಲಿರಲಿದೆ.</p><h2>ಪ್ರವೇಶ ಶುಲ್ಕ ಎಷ್ಟು?</h2><p>ಜಯನಗರ 7ನೇ ಬ್ಲಾಕ್‌ನಲ್ಲಿರುವ ಈ ಪರಮ್ ಸೈನ್ಸ್ ಎಕ್ಸ್‌ಪೀರಿಯನ್ಸ್‌ ಸೆಂಟರ್‌ ಪ್ರವೇಶಿಸಲು ಶುಲ್ಕವನ್ನು ನಿಗದಿ ಮಾಡಲಾಗಿದೆ. ಅದೂ ಕೂಡಾ ಕೈಗೆಟುಕುವ ದರದಲ್ಲೇ ಲಭ್ಯವಿದೆ. ಆಸಕ್ತರು ನೇರವಾಗಿ ಕೇಂದ್ರಕ್ಕೇ ಬಂದು ಕೌಂಟರ್‌ನಲ್ಲಿ ಟಿಕೆಟ್‌ ಪಡೆದುಕೊಳ್ಳಬಹುದಾಗಿದ್ದು, ವಾರಾಂತ್ಯದಲ್ಲಿ 300 ರೂಪಾಯಿ ಇದ್ದರೆ, ಉಳಿದ ದಿನಗಳಲ್ಲಿ 250 ರೂಪಾಯಿ ದರ ನಿಗದಿ ಮಾಡಲಾಗಿದೆ. ಜತೆಗೆ ಬುಕ್‌ ಮೈ ಶೋ ಮೂಲಕವೂ ಟಿಕೆಟ್‌ ಖರೀದಿಸಬಹುದಾಗಿದ್ದು, ವಾರಾಂತ್ಯದಲ್ಲಿ 250 ರೂ. ಹಾಗೂ ಉಳಿದ ದಿನಗಳಲ್ಲಿ 225 ರೂ. ಇರಲಿದೆ. ಶಾಲಾ ಮಕ್ಕಳಿಗಾಗಿ 225 ರೂ. ಇರಲಿದ್ದು,‌ ಒಂದು ವೇಳೆ ಶಾಲಾ ಆಡಳಿತ ಮಂಡಳಿಯು ಹತ್ತಕ್ಕೂ ಹೆಚ್ಚು ಟಿಕೆಟ್ ಖರೀದಿಸಿದರೆ ಒಂದು ಟಿಕೆಟ್ ಉಚಿತವಾಗಿ ಕೊಡಲಾಗುತ್ತದೆ.</p><h2>ಗ್ಯಾಲರಿ ತೆರೆಯುವ ಸಮಯ</h2><p>ಮಂಗಳವಾರ – ಶುಕ್ರವಾರ: ಬೆಳಗ್ಗೆ 10 ರಿಂದ ಸಂಜೆ 06 ಗಂಟೆವರೆಗೆ</p><p>ಶನಿವಾರ - ಭಾನುವಾರ: ಬೆಳಗ್ಗೆ 11 ರಿಂದ ಸಂಜೆ 07 ಗಂಟೆವರೆಗೆ</p><p>ಸೋಮವಾರ: ರಜೆ</p><h2>ಬೆಂಗಳೂರಿನ ಇತರೆಡೆಯೂ ಸೈನ್ಸ್‌ ಮ್ಯೂಸಿಯಂಗೆ ಸಿದ್ಧತೆ!</h2><p>ಜಯನಗರದಲ್ಲಿರುವ ಈ ಸೈನ್ಸ್‌ ಗ್ಯಾಲರಿಗೆ ಎಲ್ಲೆಡೆ ಅಭೂತಪೂರ್ವ ಸ್ಪಂದನೆ ಸಿಕ್ಕಿದೆ. ಮಕ್ಕಳು ಹಾಗೂ ಪೋಷಕರು ಕೌತುಕದಿಂದ ಮಾಹಿತಿಯನ್ನು ಪಡೆದುಕೊಳ್ಳುತ್ತಿದ್ದಾರೆ. ಇನ್ನು ಮಹಾನಗರಿ ಬೆಂಗಳೂರು ವಿಶಾಲವಾಗಿರುವುದರಿಂದ ಬೇರೆಡೆಯೂ ಕೇಂದ್ರ ತೆರೆಯುವಂತೆ ಜನರಿಂದ ಸಂಸ್ಥೆಗೆ ಒತ್ತಡ ಬಂದಿದೆ. ಹೀಗಾಗಿ ಪರಮ್ ಸಂಸ್ಥೆಯು ಬೆಂಗಳೂರಿನ ವೈಟ್‌ಫೀಲ್ಡ್‌ ಸೇರಿದಂತೆ ಇತರೆಡೆಯೂ ಕೇಂದ್ರಗಳನ್ನು ತೆರೆಯುವ ಯೋಜನೆಯನ್ನು ಹೊಂದಿದೆ.</p><h2>ಏನಿದು ಪರಮ್‌ ವಿಜ್ಞಾನ ಮತ್ತು ಸಂಸ್ಕೃತಿ ಕೇಂದ್ರ?</h2><p>ಬೆಂಗಳೂರಿನ ಮಾಗಡಿರಸ್ತೆಯ ಚನ್ನೇನಹಳ್ಳಿಯಲ್ಲಿ ಸುಮಾರು 15 ಎಕರೆ ಜಾಗದಲ್ಲಿ ಪರಮ್ ವಿಜ್ಞಾನ ಮತ್ತು ಸಂಸ್ಕೃತಿ ಕೇಂದ್ರ ನಿರ್ಮಾಣಗೊಳ್ಳುತ್ತಿದೆ. ಈ ಕೇಂದ್ರವು, ಭಾರತದಲ್ಲಿ ರೂಪುಗೊಳ್ಳುತ್ತಿರುವ ಅತಿದೊಡ್ಡ ಮಲ್ಟಿ ಎಕ್ಸ್‌ಪೀರಿಯನ್ಸ್‌ ತಾಣವಾಗಿದೆ. ಇದು ವಿಜ್ಞಾನ, ಇತಿಹಾಸ, ಕಲೆ ಮತ್ತು ಸಂಸ್ಕೃತಿಯ ಬೆಳವಣಿಗೆಗೆ ವೇದಿಕೆಯನ್ನು ಒದಗಿಸಿ ಕೊಡಲಿದೆ. ಇಲ್ಲಿ, ವೈಜ್ಞಾನಿಕ ಆವಿಷ್ಕಾರಗಳೂ, ಸಾಂಸ್ಕೃತಿಕ ಕಲಿಕಾ ಸೌಲಭ್ಯಗಳೂ ಇರಲಿವೆ. ಅಲ್ಲದೇ, ಇದು ಇವೆಲ್ಲದ್ದಕ್ಕೂ ಏಷ್ಯಾದಲ್ಲಿಯೇ ಅತ್ಯುತ್ಕೃಷ್ಟ (Excellent) ಸೌಲಭ್ಯಗಳನ್ನು ಹೊಂದಿರುವ ತಾಣವಾಗಲಿದೆ. ಹೀಗಾಗಿ, "ಪರಮ್" ಕಲಿಕೆಗೂ, ಮನೋರಂಜನಾತ್ಮಕ ಚಟುವಟಿಕೆಗಳಿಗೂ ಬೃಹತ್‌ ಕೇಂದ್ರ ತಾಣವಾಗಿ ರೂಪುಗೊಳ್ಳುತ್ತಿದೆ.</p><p>ಪರಮ್‌ ವಿಜ್ಞಾನ ಮತ್ತು ಸಂಸ್ಕೃತಿ ಕೇಂದ್ರದಲ್ಲಿ, ಅಂತಾರಾಷ್ಟ್ರೀಯ ಮಟ್ಟದ ಸಮ್ಮೇಳನ ಭವನ, ಪ್ರದರ್ಶನ ಭವನ, ವಿಜ್ಞಾನ ಕೇಂದ್ರ ಹಾಗೂ ಅತ್ಯುತ್ತಮ ಸೌಲಭ್ಯಗಳುಳ್ಳ ಅತಿಥಿ ಗೃಹಗಳು ನಿರ್ಮಾಣಗೊಳ್ಳುತ್ತಿವೆ. ಈ ಕೇಂದ್ರದ ಮೂಲಕ ಸೇವಾ ಸಂಸ್ಥೆಯು ಯುವ ಮನಸ್ಸುಗಳಿಗೆ ಆಧುನಿಕ ವಿಜ್ಞಾನ (Modern Science) ಮತ್ತು ಭಾರತೀಯ ಪ್ರಾಚೀನ ವಿಜ್ಞಾನ (Ancient Indian Science) , ಇತಿಹಾಸ, ಸಂಸ್ಕೃತಿ, ಕಲೆಯ ಬಗ್ಗೆ ಆಸಕ್ತಿ ಮೂಡಿಸುವ ಉದ್ದೇಶ ಹೊಂದಿದೆ.</p>

ವಿಜ್ಞಾನ ನಮ್ಮ ದೈನಂದಿನ ಜೀವನದ ಭಾಗವಾಗಿದೆ. ಅದು ಎಷ್ಟು ಸರಳ ಎಂಬುದನ್ನು ಪಾರ್ಸೆಕ್ (ParSEC) ಸೆಂಟರ್‌ನಲ್ಲಿ ತಿಳಿಯಬಹುದು. ಇಂಥದ್ದೊಂದು ಪ್ರಾಯೋಗಿಕ ಗ್ಯಾಲರಿ ಬಹುಬೇಗ ಜನಪ್ರಿಯತೆ ಗಳಿಸಿದೆ.

ʻಕೆಡಿ; ದಿ ಡೆವಿಲ್‌ʼ ಚಿತ್ರದ ಮೊದಲ ಟೀಸರ್‌ ಬಿಡುಗಡೆ; ರೆಟ್ರೋ ಲುಕ್‌ನಲ್ಲಿ ಧ್ರುವ ಸರ್ಜಾ ಆಕ್ಷನ್‌ ಅಬ್ಬರ

<p>KD The Devil Movie: ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಕಳೆದ ವರ್ಷದ ಡಿಸೆಂಬರ್‌ನಲ್ಲಿ ಧ್ರುವ ಸರ್ಜಾ ನಾಯಕನಾಗಿ ನಟಿಸಿರುವ "ಕೆಡಿ ದಿ ಡೆವಿಲ್‌" ಸಿನಿಮಾ ಗ್ರ್ಯಾಂಡ್‌ ಆಗಿಯೇ ರಿಲೀಸ್‌ ಆಗಬೇಕಿತ್ತು. ಆದರೆ, ಶೂಟಿಂಗ್‌ ಬಾಕಿ ಇದ್ದ ಹಿನ್ನೆಲೆಯಲ್ಲಿ ಸಿನಿಮಾ ಬಿಡುಗಡೆ ಮುಂದೂಡಲ್ಪಟ್ಟಿತ್ತು. ಇದೀಗ ಇದೇ ಸಿನಿಮಾ, ಪ್ಯಾನ್‌ ಇಂಡಿಯನ್‌ ಪ್ರೇಕ್ಷಕರೆಡೆಗೆ ಹೊರಟು ನಿಂತಿದೆ. ಅಂದರೆ, ಈ ಚಿತ್ರದ ಮೊದಲ ಟೀಸರ್‌ ಝಲಕ್‌ ಬಿಡುಗಡೆ ಆಗಿದೆ. ಅದೂ ಮಾಯಾನಗರಿ ಮುಂಬೈನಲ್ಲಿ.</p><p>ಜೋಗಿ ಪ್ರೇಮ್ ನಿರ್ದೇಶನ ಹಾಗೂ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಪ್ಯಾನ್ ಇಂಡಿಯಾ ಚಿತ್ರ "ಕೆಡಿ ದಿ ಡೆವಿಲ್‌". ಈ ಚಿತ್ರವನ್ನು ದಕ್ಷಿಣ ಭಾರತದ ಹೆಸರಾಂತ ನಿರ್ಮಾಣ ಸಂಸ್ಥೆ ಕೆ.ವಿ.ಎನ್. ಪ್ರೊಡಕ್ಷನ್ಸ್ ನಿರ್ಮಿಸುತ್ತಿದೆ. ಚಿತ್ರೀಕರಣ ಮುಗಿದು, ಹಾಡುಗಳ ಶೂಟಿಂಗ್ ಸಹ ಮುಗಿಸಿಕೊಂಡಿರುವ ಚಿತ್ರತಂಡ, ಗುರುವಾರ ಮುಂಬೈನಲ್ಲಿ ಚಿತ್ರದ ಟೀಸರ್‌ ಬಿಡುಗಡೆ ಮಾಡಿದೆ.</p><p>ಬಹುತಾರಾಗಣದ "ಕೆಡಿ ದಿ ಡೆವಿಲ್‌" ಸಿನಿಮಾದಲ್ಲಿ ಧ್ರುವ ಸರ್ಜಾ ನಾಯಕನಾಗಿ ನಟಿಸಿದರೆ, ಇನ್ನುಳಿದಂತೆ ಬಾಲಿವುಡ್‌ನ ಸಂಜಯ್ ದತ್‌ ಖಳನಾಗಿದ್ದಾರೆ. ಕ್ರೇಜಿಸ್ಟಾರ್‌ ರವಿಚಂದ್ರನ್‌, ರಮೇಶ್‌ ಅರವಿಂದ್‌, ಶಿಲ್ಪಾ ಶೆಟ್ಟಿ, ರೀಷ್ಮಾ ನಾಣಯ್ಯ, ನೋರಾ ಫತೇಹಿ ಈ ಸಿನಿಮಾದ ಪಾತ್ರವರ್ಗದಲ್ಲಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲಿ ಏಕಕಾಲಕ್ಕೆ ಈ ಸಿನಿಮಾ ರಿಲೀಸ್ ಆಗಲಿದೆ.</p><p>1970- 75ರ ಕಾಲಘಟ್ಟದಲ್ಲಿ ನಡೆದ ನೈಜಘಟನೆ ಆಧರಿತ ಗ್ಯಾಂಗ್‌ಸ್ಟರ್ ಕಥೆ ಈ ಚಿತ್ರದಲ್ಲಿದೆ. ಚಿತ್ರಕ್ಕಾಗಿಯೇ 20 ಎಕರೆಯಷ್ಟು ವಿಶಾಲವಾದ ಜಾಗದಲ್ಲಿ ಬಹು ಕೋಟಿ ವೆಚ್ಚದಲ್ಲಿ ಅದ್ದೂರಿ ಸೆಟ್‌ಹಾಕಲಾಗಿತ್ತು. ಆರು ಕಲರ್ ಫುಲ್ ಹಾಡುಗಳಿಗೆ ಆರು ಜನ ಕೊರಿಯಾಗ್ರಾಫರ್‌ಗಳು ಕೆಲಸ ಮಾಡುತ್ತಿದ್ದಾರೆ. ವಿಕ್ರಾಂತ್ ರೋಣ ಖ್ಯಾತಿಯ ವಿಲಿಯಂ ಡೇವಿಡ್ ಅವರ ಕ್ಯಾಮೆರಾ ವರ್ಕ್ ಚಿತ್ರಕ್ಕಿದೆ. ಅರ್ಜುನ್‌ ಜನ್ಯ ಹಾಡುಗಳಿಗೆ ಸಂಗೀತ ನೀಡಿದ್ದಾರೆ.</p><h2>ಯಾರಿಗೆ ಯಾವ ಪಾತ್ರ?</h2><p>‘ಕಾಳಿದಾಸ’ನಾಗಿ ಧ್ರುವ ಸರ್ಜಾ, ‘ಡಕ್‌ ದೇವ’ ಎಂಬ ಪಾತ್ರದಲ್ಲಿ ಸಂಜಯ್‌ ದತ್‌, ‘ಸತ್ಯವತಿ’ ಲುಕ್‌ನಲ್ಲಿ ಶಿಲ್ಪಾ ಶೆಟ್ಟಿ, ಧರ್ಮನ ಪಾತ್ರದಲ್ಲಿ ರಮೇಶ್‌ ಅರವಿಂದ್‌, ‘ಅಣ್ಣಯ್ಯಪ್ಪ’ನಾಗಿ ರವಿಚಂದ್ರನ್ ಟೀಸರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರೀಷ್ಮಾ ನಾಣಯ್ಯಗೆ ಮಚ್‌ಲಕ್ಷ್ಮಿಯಾಗಿ ಕಂಡಿದ್ದಾರೆ. ಸದ್ಯಕ್ಕೆ ಟೀಸರ್‌ ರಿಲೀಸ್‌ ಆಗಿದ್ದು, ಸಿನಿಮಾ ಯಾವಾಗ ಬಿಡುಗಡೆ ಎಂಬ ಬಗ್ಗೆ ಸ್ಪಷ್ಟ ಉತ್ತರ ಇಲ್ಲ.</p>

ʻಕೆಡಿ; ದಿ ಡೆವಿಲ್‌ʼ ಸಿನಿಮಾ, ಪ್ಯಾನ್‌ ಇಂಡಿಯನ್‌ ಪ್ರೇಕ್ಷಕರೆಡೆಗೆ ಹೊರಟು ನಿಂತಿದೆ. ಅಂದರೆ, ಈ ಚಿತ್ರದ ಮೊದಲ ಟೀಸರ್‌ ಝಲಕ್‌ ಬಿಡುಗಡೆ ಆಗಿದೆ. ಅದೂ ಮಾಯಾನಗರಿ ಮುಂಬೈನಲ್ಲಿ.

Opinion: ಕರ್ನಾಟಕ ಬಿಜೆಪಿಯಲ್ಲಿ ವಲಸಿಗರಿಗೆ ಮಾತ್ರವೇ ಬೆಲೆ - ಮೂಲ ಬಿಜೆಪಿಗರಿಗೆ ಇಲ್ಲ ನೆಲೆ !

<p>ರಾಜ್ಯ ಬಿಜೆಪಿಯಲ್ಲಿನ ಆಂತರಿಕ ಭಿನ್ನಮತ, ಬಿಕ್ಕಟ್ಟು, ಬೇಗುದಿ, ಬಣ ಬಡಿದಾಟ ಮುಂದುವರಿಯುತ್ತಿದ್ದು ರಾಜ್ಯಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ಮತ್ತಷ್ಟು ವಿಳಂಬವಾಗುವ ಸಾಧ್ಯತೆ ಗೋಚರಿಸುತ್ತಿದೆ. ರಾಜ್ಯ ಮಟ್ಟದ ನಾಯಕರ ಕಚ್ಚಾಟದಿಂದಾಗಿ ಕಾರ್ಯಕರ್ತರೂ ರೋಸಿ ಹೋಗಿದ್ದು ಪಕ್ಷದ ಬಗ್ಗೆ ನಿರುತ್ಸಾಹ ಹೊಂದಿರುವುದು ಕಂಡುಬರುತ್ತಿದೆ. ಪಕ್ಷ ಸಂಘಟನೆಗಾಗಿ ದುಡಿಯುವ ಪಕ್ಷ ನಿಷ್ಠ ಕಾರ್ಯಕರ್ತರು ಹುರುಪು ಕಳೆದುಕೊಂಡಿರುವುದು ಮೇಲ್ನೋಟಕ್ಕೆ ಕಾಣುತ್ತಿದೆ.</p><h2>ಲಿಂಗಾಯಿತ - ಒಕ್ಕಲಿಗ ಮಾನದಂಡವೇ ?</h2><p>ಬಿಜೆಪಿಯಲ್ಲಿ ಆಯಕಟ್ಟಿನ ಹುದ್ದೆ ದೊರೆಯಬೇಕಾದರೆ ಒಂದೋ ಲಿಂಗಾಯಿತ ಆಗಿರಬೇಕು, ಇಲ್ಲವೇ ಒಕ್ಕಲಿಗನಾಗಿರಬೇಕು ಎನ್ನುವಂತಿದೆ. ರಾಜ್ಯದಲ್ಲಿ ಬಿಜೆಪಿ ಅಧಿಕಾರದಲ್ಲಿರುವಾಗ ಮುಖ್ಯಮಂತ್ರಿ ಆದವರು ಬಿ.ಎಸ್.‌ ಯಡಿಯೂರಪ್ಪ, ಜಗದೀಶ್‌ ಶೆಟ್ಟರ್‌, ಬಸವರಾಜ ಬೊಮ್ಮಾಯಿ. ಅವರೆಲ್ಲರೂ ಲಿಂಗಾಯಿತ ಸಮುದಾಯಕ್ಕೆ ಸೇರಿದವರು. ಅದನ್ನು ಹೊರತುಪಡಿಸಿ ಮುಖ್ಯಮಂತ್ರಿ ಪಟ್ಟ ಅಲಂಕರಿಸಿದವರು ಕರಾವಳಿಯ ಸದಾನಂದ ಗೌಡ ಓರ್ವರೇ.</p><p>ಬಿಜೆಪಿಯ ಮಾಸ್‌ ಲೀಡರ್‌ ಎಂದೇ ಬಿಂಬಿತರಾಗಿರುವ ಯಡಿಯೂರಪ್ಪ ಕೆಜೆಪಿ ಕಟ್ಟಿ ಬಿಜೆಪಿ ವಾಪಸ್ಸಾದವರು. ಜಗದೀಶ್‌ ಶೆಟ್ಟರ್‌ ಕಾಂಗ್ರೆಸ್‌ಗೆ ಹೋಗಿ ಮರಳಿ ಬಿಜೆಪಿ ಸೇರ್ಪಡೆಯಾದವರು. ಬಸವರಾಜ ಬೊಮ್ಮಾಯಿ ಮೂಲತಃ ಜೆಡಿಎಸ್‌ನವರು. ವಿ. ಸೋಮಣ್ಣ ಜೆಡಿಎಸ್‌, ಕಾಂಗ್ರೆಸ್‌ ಅಲೆದು ಬಳಿಕ ಬಿಜೆಪಿ ಬಂದು ಇದೀಗ ಕೇಂದ್ರ ಸಚಿವರಾಗಿದ್ದಾರೆ. ಎರಡು ಸ್ಥಾನ ಗೆದ್ದಿರುವ ಕುಮಾರಸ್ವಾಮಿ ಕೇಂದ್ರದಲ್ಲಿ ಪ್ರಭಾವಿ ಮಂತ್ರಿಯಾಗಿದ್ದಾರೆ. ಚುನಾವಣೆಯಲ್ಲಿ ಸೋತಿದ್ದ ಲಕ್ಷ್ಮಣ ಸವದಿಗೆ ಬೊಮ್ಮಾಯಿ ಸಂಪುಟದಲ್ಲಿ ಡಿಸಿಎಂ ಪಟ್ಟ ಕಟ್ಟಲಾಗಿತ್ತು. ಕಾರ್ಯಕರ್ತರು ಮಾತ್ರ ಜಾತಿ ನೋಡದೇ ಕಣ್ಮುಚ್ಚಿ ಒಪ್ಪಿಕೊಳ್ಳಬೇಕೆನ್ನುವುದು ಯಾವ ನ್ಯಾಯ ?</p><h2>ಬಿಜೆಪಿಗೆ ಲಿಂಗಾಯಿತರಲ್ಲದ ಮತ ಬೇಡವೇ ?</h2><p>ಬಿಜೆಪಿ ರಾಜ್ಯಾಧ್ಯಕ್ಷ ಹುದ್ದೆಯನ್ನೇರಿದವರಲ್ಲಿ ಬಹುತೇಕರು ಲಿಂಗಾಯಿತ - ಒಕ್ಕಲಿಗರೇ. ಬಿಜೆಪಿಯಲ್ಲಿ ಉನ್ನತ ಸ್ಥಾನ ಅಲಂಕರಿಸಬೇಕಾದರೆ ಲಿಂಗಾಯಿತ ಅಥವಾ ಒಕ್ಕಲಿಗನಾಗಿರುವುದು ಮಾನದಂಡವೇ ? ಎಂಬ ಪ್ರಶ್ನೆ ಮೂಡುತ್ತಿದೆ. ಹಾಗೆ ನೋಡುವುದಾದರೆ ಕಾಂಗ್ರೆಸ್‌ ನಲ್ಲಿ ಎಲ್ಲ ವರ್ಗದವರೂ ಕೆಪಿಸಿಸಿ ಅಧ್ಯಕ್ಷರಾಗಿದ್ದಾರೆ. ಪ್ರಸ್ತತ ಡಿ.ಕೆ. ಶಿವಕುಮಾರ್‌ ಅಧ್ಯಕ್ಷರಾಗಿದ್ದರೆ ಅದಕ್ಕೂ ಮುನ್ನ ದಿನೇಶ್‌ ಗುಂಡೂರಾವ್‌, ಜಿ. ಪರಮೇಶ್ವರ, ಆರ್‌.ವಿ. ದೇಶಪಾಂಡೆ, ಮಲ್ಲಿಕಾರ್ಜುನ ಖರ್ಗೆ,ಜನಾರ್ದನ ಪೂಜಾರಿ ಹೀಗೆ ಎಲ್ಲ ಸಮುದಾಯಕ್ಕೂ ಪ್ರಾಶಸ್ತ್ಯ ದೊರೆತಿದೆ. ಬಿಜೆಪಿ ವರಿಷ್ಠರು ಜಾತಿ, ಹಣಬಲಕ್ಕೆ ಅಂಟಿಕೊಳ್ಳದೇ ಓರ್ವ ಸೂಕ್ತ, ಸರ್ವ ಸಮ್ಮತ, ಸಮರ್ಥ ನಾಯಕನನ್ನು ರಾಜ್ಯಾಧ್ಯಕ್ಷರನ್ನಾಗಿ ಮಾಡದಿದ್ದಲ್ಲಿ ಮುಂದಿನ ದಿನಗಳಲ್ಲಿ ಭಾರಿ ಬೆಲೆ ತೆರಬೇಕಾಗುವುದು ದಿಟ. ವರಿಷ್ಠರ ನಿಲುವು ಕಂಡಾಗ ಕೇವಲ ಎರಡೇ ಸಮುದಾಯದ ಮತ ಬಿಜೆಪಿಗೆ ಸಾಕು ಎಂಬಂತಿದೆ.</p><h2>ವಲಸಿಗರಿಗೆ ಆದ್ಯತೆ</h2><p>ಬಿಜೆಪಿಯಲ್ಲಿ ಮೂಲ ಬಿಜೆಪಿಗರಿಗೆ ಬೆಲೆಯೇ ಇಲ್ಲ ಎಂಬಂತಾಗಿದೆ. ಜೆಡಿಎಸ್‌, ಕಾಂಗ್ರೆಸ್‌ ನಿಂದ ಬಂದಿರುವ ನಾಯಕರಿಗೆ ನಿರಂತರವಾಗಿ ಹೈಕಮಾಂಡ್ ಮಣೆ‌ ಹಾಕುತ್ತಿದೆ. ಮೂಲ ಬಿಜೆಪಿಗರಿಗೆ ಅರ್ಹತೆ ಇಲ್ಲವೇ ? ಯೋಗ್ಯತೆ ಇಲ್ಲವೇ ? ಅಥವಾ ಯೋಗ ಇಲ್ಲವೇ ? ತಿಳಿಯದು. ಪ್ರತಿ ಬಾರಿಯೂ ಬಿಜೆಪಿ ಹೈಕಮಾಂಡ್ ಉನ್ನತ ಸ್ಥಾನದಲ್ಲಿ ವಲಸಿಗರನ್ನೇ ತಂದು ಕೂರಿಸುತ್ತಿದೆ.</p><h2>ಕಾರ್ಯಕರ್ತರಿಗೆ ಇರುಸು ಮುರುಸು</h2><p>ಬಿಜೆಪಿ ನಿಷ್ಠಾವಂತ ಕಾರ್ಯಕರ್ತರು ಆಮದು ನಾಯಕರನ್ನು ಸೀದಾ ಒಪ್ಪಿಕೊಳ್ಳುವುದಿಲ್ಲ. ನೈಜ ಕಾರ್ಯಕರ್ತರಲ್ಲಿ ಅಡ್ಜೆಸ್ಟ್ಮೆಂಟ್‌ ರಾಜಕಾರಣ ಜನ್ಮತಃ ಇರುವುದಿಲ್ಲ. ಬಿಜೆಪಿ ವರಿಷ್ಠರ ಕೆಲವೊಂದು ನಿರ್ಧಾರಗಳು ದೇವದುರ್ಲಭ ಕಾರ್ಯಕರ್ತರಲ್ಲಿ ಇರುಸು ಮುರುಸು ತಂದೊಡ್ಡುತ್ತಿದೆ. ಇದು ಮುಂದಿನ ದಿನಗಳಲ್ಲಿ ಪಕ್ಷದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲಿದೆ. ಕೆಲವೊಮ್ಮೆ ಪಕ್ಷದ ತತ್ವ ಸಿದ್ಧಾಂತ ಕೇವಲ ಕಾರ್ಯಕರ್ತರಿಗೆ ಮಾತ್ರ ಎಂಬಂತೆ ಭಾಸವಾಗುತ್ತಿದೆ.</p>

<h2>ಸೂಕ್ತ ಸಮರ್ಥ ನಾಯಕನ ಅವಶ್ಯವಿದೆ</h2><p>ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ವಿ. ಸೋಮಣ್ಣ, ಬಸವರಾಜ ಬೊಮ್ಮಾಯಿ ಹೆಸರು ಕೇಳಿ ಬರುತ್ತಿದೆ. ಅವರನ್ನು ಬಿಜೆಪಿ ಕಾರ್ಯಕರ್ತರು ಖಂಡಿತ ಒಪ್ಪಲಾರರು. ಬೊಮ್ಮಾಯಿ ಬಿಜೆಪಿ ಬಂದು ಸುಲಭವಾಗಿ ಮುಖ್ಯಮಂತ್ರಿ ಸ್ಥಾನ ಗಿಟ್ಟಿಸಿಕೊಂಡವರು. ಆದರೆ, ಅವರು ಮತ್ತೆ ಪಕ್ಷವನ್ನು ಅಧಿಕಾರಕ್ಕೆ ತರುವಲ್ಲಿ ವಿಫಲರಾದರು. ಬಿಜೆಪಿ ಕಾರ್ಯಕರ್ತರು ಅವರನ್ನು ನಮ್ಮವರು ಎನ್ನುವ ಭಾವನೆಯಿಂದ ಸ್ವೀಕರಿಸಿಲ್ಲ. ವಿ. ಸೋಮಣ್ಣ ಅವರಿಗೆ ಈಗಾಗಲೇ 74 ವರ್ಷವಾಗಿದೆ. ಈ ಪ್ರಾಯದಲ್ಲಿ ಅವರು ರಾಜ್ಯಾದ್ಯಂತ ಓಡಾಡಿ ಪಕ್ಷ ಸಂಘಟಿಸುವುದು ಕಷ್ಟಕರ. ಆರ್.‌ ಅಶೋಕ್‌ ಅವರು ಅಡ್ಜೆಸ್ಟ್‌ ಮೆಂಟ್‌ ರಾಜಕೀಯ ಮಾಡುತ್ತಿದ್ದಾರೆ ಎಂಬ ಕಾರಣಕ್ಕಾಗಿ ಕಾರ್ಯಕರ್ತರು ಅವರನ್ನು ಇಷ್ಟಪಡುತ್ತಿಲ್ಲ. ಬಿಜೆಪಿ ವರಿಷ್ಠರು ಜೆಡಿಎಸ್, ಕಾಂಗ್ರೆಸ್‌ ಸಿದ್ಧಾಂತ ಹೊಂದಿದ್ದ ನಾಯಕರಿಗೆ ಉನ್ನತ ಸ್ಥಾನ ನೀಡುವ ಬದಲು ಮೂಲ ಬಿಜೆಪಿಗರಿಗೆ ತಲಾಶೆ ಮಾಡುವುದು ಒಳಿತು. ಪಕ್ಷದಲ್ಲಿ ಇದೀಗ ವಿಜಯೇಂದ್ರ ಬಣ, ಲಿಂಬಾವಳಿ ಬಣದೊಂದಿಗೆ ತಟಸ್ಥ ಬಣವೂ ಇದೆ. ಮೂಲ ಬಿಜೆಪಿಗರಿಗೆ ಅಸಮಾಧಾನವಾದಲ್ಲಿ ಮತ್ತೊಂದು ಹೊಸ ಬಣ ರಾಜ್ಯ ಬಿಜೆಪಿಯಲ್ಲಿ ಸೃಷ್ಟಿಯಾದರೂ ಅಚ್ಚರಿಪಡಬೇಕಾಗಿಲ್ಲ.</p><ul><li><strong>ಬರಹ: ಅರುಣ್‌ ಕುಮಾರ್‌</strong>, ಬೆಂಗಳೂರು</li></ul>

ರಾಜ್ಯ ಬಿಜೆಪಿಯಲ್ಲಿನ ಆಂತರಿಕ ಭಿನ್ನಮತ, ಬಿಕ್ಕಟ್ಟು, ಬೇಗುದಿ, ಬಣ ಬಡಿದಾಟ ಮುಂದುವರಿಯುತ್ತಿದ್ದು ರಾಜ್ಯಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ಮತ್ತಷ್ಟು ವಿಳಂಬವಾಗುವ ಸಾಧ್ಯತೆ ಗೋಚರಿಸುತ್ತಿದೆ. ರಾಜ್ಯ ಮಟ್ಟದ ನಾಯಕರ ಕಚ್ಚಾಟದಿಂದಾಗಿ ಕಾರ್ಯಕರ್ತರೂ ರೋಸಿ ಹೋಗಿದ್ದು ಪಕ್ಷದ ಬಗ್ಗೆ ನಿರುತ್ಸಾಹ ಹೊಂದಿರುವುದು ಕಂಡುಬರುತ್ತಿದೆ. (ಬರಹ: ಅರುಣ್‌ ಕುಮಾರ್‌, ಬೆಂಗಳೂರು)

ಅಂತರಂಗದಿಂದ ಶುದ್ದಿ ಮಾಡಿಕೊಳ್ಳಲು ಪ್ರತಿಯೊಬ್ಬ ಮನುಷ್ಯನಿಗೂ ಸಕಾಲ ಈ ಚಾತುರ್ಮಾಸ್ಯ

<p><strong>ಬೆಂಗಳೂರು:</strong> ಶ್ರೀ ಆದಿಶಂಕರಾಚಾರ್ಯ ಶಾರದಾ ಲಕ್ಷ್ಮೀ ನೃಸಿಂಹ ಪೀಠಮ್, ಶ್ರೀಮಠ, ಹರಿಹರಪುರದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ 25ನೇ ಚಾತುರ್ಮಾಸ್ಯ ವ್ರತವು ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ಆರಂಭವಾಯಿತು.</p><p>ಸಾವಿರಾರು ವರ್ಷಗಳ ಭವ್ಯವಾದ ಇತಿಹಾಸ ಮತ್ತು ಶ್ರೇಷ್ಠವಾದ ಗುರು ಪರಂಪರೆಯನ್ನು ಈ ಧರ್ಮಪೀಠವು ಹೊಂದಿದೆ. ಈ ಧರ್ಮಪೀಠದ ಪ್ರಸ್ತುತ 25ನೇ ಪೀಠಾಧಿಪತಿಗಳಾದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತೀ ಮಹಾಸ್ವಾಮಿಗಳವರು ಸಾವಿರಾರು ವರ್ಷಗಳ ಧರ್ಮಪೀಠದ ಪಾರಂಪರಿಕ ಮೌಲ್ಯಗಳನ್ನು ಪಾಲಿಸಿಕೊಂಡು ಬಂದಿರುತ್ತಾರೆ.</p>

<p>ನೂರಾರು ಭಕ್ತರ ನಡುವೆ ಇಂದು ಪ್ರಾರಂಭವಾದ ಚಾತುರ್ಮಾಸ್ಯ ವ್ರತವು ಭಕ್ತರನ್ನು ಬೇರೊಂದು ಲೋಕಕ್ಕೆ ಕರೆದೋಯಿತು. ಇದೇ ಸಂದರ್ಭದಲ್ಲಿ ಸಂದೇಶವನ್ನು ನೀಡಿದ ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತೀ ಮಹಾಸ್ವಾಮಿಗಳವರು 'ಅಂತರಂಗದಿಂದ ಶುದ್ದಿ ಮಾಡಿಕೊಳ್ಳಲು ಪ್ರತಿಯೊಬ್ಬ ಮನುಷ್ಯನಿಗೂ ಸಕಲ ಈ ಚಾತುರ್ಮಾಸ್ಯ. ಆದ್ದರಿಂದ ನಿಮ್ಮ ಚೌಕಟ್ಟಿನ ಒಳಗೆ, ನಿಮ್ಮ ನಿಮ್ಮ ಇತಿ ಮಿತಿಯೊಳಗೆ ಪ್ರತಿಯೊಬ್ಬರೂ ತಮ್ಮ ತಮ್ಮ ಅಂತರಂಗ ಶುದ್ದಿ ಮಾಡಿಕೊಳ್ಳಬೇಕು. ಜಪ ಇರಬಹುದು, ಪೂಜೆ ಪುನಸ್ಕಾರಗಳಿರಬಹುದು, ವೃತಗಳಿರಬಹುದು ಅಥವಾ ಪಾರಾಯಣವಿರಬಹುದು ಈ ಸಂಧರ್ಭದಲ್ಲಿ ಮಾಡಿದಾಗ ಅಂತರಂಗ ಶುದ್ದಿಯಾಗುತ್ತೆ. ಅಂತರಂಗ ಶುದ್ದಿಯಾದಾಗ ಮನುಷ್ಯನಿಗೆ ಮನಸ್ಸು ಶುದ್ದಿಯಾಗುತ್ತೆ. ಮನಸ್ಸು ಶುದ್ದಿಯಾದಾಗ ಎಲ್ಲವೂ ಮನೆಯಲ್ಲಿ ಅರೋಗ್ಯ ಇರುತ್ತದೆ, ಮನೆ ಮಂದಿಯಲ್ಲಿ ಒಳ್ಳೆ ರೀತಿಯ ಸಂಬಂಧಗಳು ಬೆಳೆಯುತ್ತವೆ, ಮಕ್ಕಳು ನಮ್ಮ ಮಾತನ್ನು ಕೇಳ್ತಾರೆ, ಮಕ್ಕಳಿಗೆ ಒಳ್ಳೆ ವಿದ್ಯೆ ಬರುತ್ತದೆ. ಮನುಷ್ಯ ಮಾನವತ್ವವನ್ನು ಮೈಗೂಡಿಸಿಕೊಂಡು ಸಮಾಜದಲ್ಲಿ ಚೆನ್ನಾಗಿ ಬದುಕಬೇಕು. ಇವುಗಳಿಗೆ ಈ ಚಾತುರ್ಮಾಸ್ಯ ಸರಿಯಾದ ಕಾಲ' ಎಂದು ನುಡಿದರು.</p><p>ಚಾತುರ್ಮಾಸ್ಯ ಸೇವಾ ಸಮಿತಿಯ ಸಂಚಾಲಕರಾದ ನಾಗರಾಜ ಶೆಟ್ರು ಮಾತನಾಡುತ್ತ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ ೨೫ನೇ ಚಾತುರ್ಮಾಸ್ಯ ವ್ರತವು ಇಂದು ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ನಡೆಯುತ್ತಿರುವುದು ನಮ್ಮ ಸೌಭಾಗ್ಯ. ಇತ್ತೀಚೆಗೆ ನಡೆದ ಭಾರತದ ಎಲ್ಲ ಸಮಾನ ಮನಸ್ಕ ಸಂತರ ಸಮಾವೇಶಕ್ಕೆ ಮಹಾಸ್ವಾಮೀಜಿಯವರು ಚಾಲನೆ ಕೊಟ್ಟಿದ್ದು, ಭಾರತದ ಸಂಸ್ಕೃತಿಯನ್ನು ಎತ್ತಿ ಹಿಡಿಯುವ ಕಾರ್ಯ ಇದಾಗಿದೆ ಎಂದು ಶ್ಲಾಘಿಸಿದರು. ಪ್ರತಿ ನಿತ್ಯ ನಿರಂತರವಾಗಿ ಗುರುಗಳಿಂದ ಈ ಚಾತುರ್ಮಾಸ್ಯದಲ್ಲಿ ನವವರಣ ಶ್ರೀಚಕ್ರ ಪೂಜೆ ಇದ್ದು ಸಂಜೆಯ ವೇಳೆ ಆಶೀರ್ವಚನವಿರುತ್ತದೆ ಎಂದರು.</p><p>ಶ್ರೀಗಳ ಆಪ್ತ ಕಾರ್ಯದರ್ಶಿ ಪಿ. ರಘುನಾಥ ಶಾಸ್ತ್ರೀ ಯವರು ಮಾತನಾಡುತ್ತ 'ಎರಡು ತಿಂಗಳು ನಡೆಯುವ ಈ ಚಾತುರ್ಮಾಸ್ಯವು ಶೃದ್ಧಾ ಭಕ್ತಿಯಿಂದ ನಡೆಯಲಿದ್ದು, ಗುರುದರ್ಶನ ಮಾಡುವುದು ಬಹಳ ವಿಶೇಷ. ಹಾಗಾಗಿ ಬೆಂಗಳೂರಿನ ಜನತೆ ಗುರುಗಳ ಈ 25ನೇ ಚಾತುರ್ಮಾಸ್ಯ ವೃತಾಚರಣೆಯ ಸಂದರ್ಭದಲ್ಲಿ ಹಾಜರಿದ್ದು ಗುರುಗಳ ದರ್ಶನ ಪಡೆಯುವಂತೆ ಕರೆ ನೀಡಿದರು.</p><p>ಹರಿಹರಪುರದ ಶ್ರೀಮಠದ ಆಡಳಿತಾಧಿಕಾರಿ ಚಂದ್ರನ್ ಮಾತನಾಡಿ 'ಗುರುಗಳ ದರ್ಶನ ಮತ್ತು ಸೇವೆ ಮಾಡಿದರೆ ಮೊದಲು ಅಜ್ಞಾನ ಹೋಗುತ್ತೆ, ನಂತರ ಗುರುಗಳಿಂದ ವಿಜ್ಞಾನ ಕಲಿಯುತ್ತಾನೆ. ಅಜ್ಞಾನದಿಂದ ಜ್ಞಾನ ಪಡೆದು, ಜ್ಞಾನದಿಂದ ಮೋಕ್ಷ ಪಡೆಯುತ್ತಾನೆ ಎಂದರು. ಅಲ್ಲಿ ನೆರೆದಿದ್ದ ಅಪಾರ ಭಕ್ತ ಸಮೂಹ ಗುರುಗಳಿಗೆ ವಂದನೆ ಸಲ್ಲಿಸಿ ತಾವು ಕೃತಾರ್ಥರಾಗುತ್ತಿದ್ದ ಸನ್ನಿವೇಶಗಳು ಸಹಜವಾಗಿತ್ತು.</p>

ಪರಮಪೂಜ್ಯ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿರವರ 25ನೇ ಚಾತುರ್ಮಾಸ್ಯ ಬೆಂಗಳೂರಿನ ಜಯನಗರ 2ನೇ ಬ್ಲಾಕಿನಲ್ಲಿರುವ ಶ್ರೀ ಕೊಂಡರಾಮ ದೇವಸ್ಥಾನದಲ್ಲಿ ನಡೆದಿದೆ.

ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್‌ ಝೆಡ್ ಫೋಲ್ಡ್ 7, ಫ್ಲಿಪ್ 7 ಸದ್ದು, ಗಮನಸೆಳೆದಿದೆ 5 ಎಐ ಫೀಚರ್‌ಗಳು

Samsung Galaxy Z Fold 7

<p>ಸದ್ಯ ಸ್ಮಾರ್ಟ್‌ಫೋನ್‌ ಜಗತ್ತಿನಲ್ಲಿ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಗಳದ್ದೇ ಸದ್ದು. ಆಕರ್ಷಕ ವಿನ್ಯಾಸ, ಬಳಸಲೇಬೇಕು ಎನಿಸುವಂತಹ ಫೀಚರ್‌ಗಳು, ಕೆಲವು ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ (ಎಐ) ಸೌಲಭ್ಯಗಳು ಈ ಫೋನ್‌ಗಳ ಕಡೆಗೆ ಸ್ಮಾರ್ಟ್‌ಫೋನ್ ಪ್ರಿಯರು ಗಮನಿಸುವಂತೆ ಮಾಡಿವೆ. ಬುಧವಾರ (ಜುಲೈ 9) ಈ ಬಗ್ಗೆ ಸ್ಯಾಮ್‌ಸಂಗ್ ಅಧಿಕೃತ ಘೋ‍ಷಣೆ ಮಾಡಿದೆ. ಸ್ಯಾಮ್‌ಸಂಗ್ ಮತ್ತು ಗೂಗಲ್‌ ಜತೆಯಾಗಿ ಹೊಸ ಮಡಚಬಹುದಾದ ಫೋನ್‌ಗಳಲ್ಲಿ ಐಎ ಫೀಚರ್‌ಗಳನ್ನು ಅಳವಡಿಸಿದ್ದು, ಬಳಕೆದಾರರಿಗೆ ವಿಶೇಷ ಅನುಭವ ನೀಡುವಂತೆ ಇದೆ. ಉನ್ನತೀಕರಿಸಿದ ಸರ್ಕಲ್‌ನಿಂದ ಹಿಡಿದು ಸರ್ಚ್‌ ಸಾಮರ್ಥ್ಯ, ಮಲ್ಟಿ ಟಾಸ್ಕಿಂಗ್‌ ತನಕ ಬಳಕೆದಾರರಿಗೆ ಹಿತಾನುಭವ ಉಂಟಾಗಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ವಿಶೇಷವಾಗಿ 5 ಎಐ ಚಾಲಿತ ಫೀಚರ್‌ಗಳು ಹೊಸ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಬಳಕೆದಾರರಿಗೆ ಹೊಸ ಅನುಭವ ನೀಡಲಿವೆ.</p><h2>ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7: 5 ಎಐ ಫೀಚರ್‌ಗಳಿವು</h2><p><strong>1) ಜೆಮಿನಿ ಆನ್‌ಸ್ಕ್ರೀನ್ ಜಾಗೃತಿ ಮತ್ತು ಮಲ್ಟಿಟಾಸ್ಕಿಂಗ್‌:</strong> ಗೂಗಲ್ ಸುಧಾರಿತ ಎಐ ಚಾಲಿತ ಮಲ್ಟಿಟಾಸ್ಕಿಂಗ್ ಸಾಮರ್ಥ್ಯದ ಫೀಚರ್ ಅನ್ನು ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ರಲ್ಲಿ ಪರಿಚಯಿಸಿದೆ. ಈಗ ಸರಳವಾಗಿ ಪವರ್‌ ಬಟನ್ ಅನ್ನು ಸ್ವಲ್ಪ ಹೊತ್ತು ಒತ್ತಿ ಹಿಡಿದರೆ ಸಾಕು, ಬಳಕೆದಾರರು ಜೆಮಿನಿ ಫೀಚರ್ ಅನ್ನು ಸ್ಕ್ರೀನ್‌ ಮೇಲೆ ತಂದು ಬಳಸಿಕೊಳ್ಳಬಹುದು. ಶಾಪಿಂಗ್ ಮಾಡುವಾಗ, ರೀಸರ್ಚ್ ಮಾಡುವಾಗ ಅಥವಾ ಸಿಂಪಲ್ಲಾಗಿ ಫಾಲೋ ಅಪ್ ಪ್ರಶ್ನೆಗಳನ್ನು ಕೇಳಬೇಕು ಎಂದೆನಿಸಿದಾಗ ಜೆಮಿನಿ ಬಳಕೆದಾರರ ನೆರವಿಗೆ ನಿಲ್ಲಬಲ್ಲದು.</p><p><strong>2) ಸ್ಯಾಮ್‌ಸಂಗ್‌ ಆಪ್‌ನಲ್ಲಿ ಜೆಮಿನಿ ಲೈವ್ :</strong> ಸ್ಯಾಮ್‌ಸಂಗ್‌ ಆಪ್‌ಗಳಾದ ಸ್ಯಾಮ್‌ಸಂಗ್ ಕ್ಯಾಲೆಂಡರ್‌, ರಿಮೈಂಡರ್, ನೋಟ್ಸ್‌ಗಳಲ್ಲಿ ಜೆಮಿನಿ ಲೈವ್‌ ಮಿಳಿತವಾಗಿದ್ದು, ಎಐ ಅಸಿಸ್ಟೆಂಟ್‌ ಬಳಕೆದಾರರ ನೆರವಿಗೆ ನಿಲ್ಲುವಂತಿದೆ. ಉದಾಹರಣೆಗೆ ಬಳಕೆದಾರರು ಮೊಬೈಲ್‌ನ ಕ್ಯಾಮೆರಾ ಮೂಲಕ ಕಾರ್ಯಕ್ರಮದ ವಿವರ ನೀಡಿ ಸ್ಯಾಮ್‌ಸಂಗ್ ಕ್ಯಾಲೆಂಡರ್‌ಗೆ ಸೇರಿಸುವಂತೆ ಹೇಳಿದರೆ ಸಾಕು, ಅದು ಸೇರ್ಪಡೆಯಾಗಿರುತ್ತದೆ.</p><p><strong>3) ಗೇಮ್ಸ್‌ ಸರ್ಚ್‌ ಮಾಡಲು ಸರ್ಕಲ್‌: </strong>ಹುಡುಕಲು ಸರ್ಕಲ್ ಈಗ AI ಮೋಡ್ ಸಾಮರ್ಥ್ಯಗಳನ್ನು ಪಡೆಯುತ್ತದೆ, ಬಳಕೆದಾರರಿಗೆ ಯಾವುದೇ ವಸ್ತುವನ್ನು ವೃತ್ತಿಸಲು ಮತ್ತು AI- ಚಾಲಿತ ಪ್ರತಿಕ್ರಿಯೆಗಾಗಿ ಪ್ರಶ್ನೆಗಳನ್ನು ಕೇಳಲು ಅನುವು ಮಾಡಿಕೊಡುತ್ತದೆ. ಹೆಚ್ಚುವರಿಯಾಗಿ, ಸರ್ಕಲ್ ಟು ಹುಡುಕಾಟವು ಮೊಬೈಲ್ ಗೇಮಿಂಗ್ ಸಹಾಯವನ್ನು ಪಡೆಯುತ್ತದೆ, ಅಲ್ಲಿ ಬಳಕೆದಾರರು ಸುಳಿವುಗಳು, ವೀಡಿಯೊಗಳು ಮತ್ತು ಮಾರ್ಗದರ್ಶಿಗಳಿಗಾಗಿ ಸವಾಲು, ಅಕ್ಷರ ಅಥವಾ ಐಟಂ ಪರದೆಯನ್ನು ಸುತ್ತುವರಿಯಬಹುದು, ಅಡೆತಡೆಗಳನ್ನು ನಿವಾರಿಸಲು, ಪಾತ್ರದ ಸಾಮರ್ಥ್ಯದ ಬಗ್ಗೆ ತಿಳಿಯಿರಿ.</p><p><strong>4) ಫ್ಲಿಪ್ 7ನ ಫ್ಲೆಕ್ಸ್ ಮೋಡ್‌ನಲ್ಲಿ ಜೆಮಿನಿ ಲೈವ್:</strong> ಗ್ಯಾಲಕ್ಸಿ ಝೆಡ್‌ ಫ್ಲಿಪ್ 7 ಫೋನ್‌ನಲ್ಲಿ ಕೊನೆಗೂ ಸ್ಯಾಮ್‌ಸಂಗ್‌ ಎಐ ಸಾಮರ್ಥ್ಯವನ್ನು ಕವರ್‌ ಸ್ಕ್ರೀನ್‌ಗೆ ಸೇರಿಸಿದೆ. ಈಗ ಬಳಕೆದಾರರು ಫ್ಲಿಪ್ 7 ಫ್ಲೆಕ್ಸ್ ವಿಂಡೋದಲ್ಲಿ ಜೆಮಿನಿ ಲೈವ್ ಅನ್ನು ಬಳಸಬಹುದು. ಫ್ಲೆಕ್ಸ್ ಮೋಡ್‌ನಲ್ಲಿ ಸ್ಮಾರ್ಟ್‌ಫೋನ್ ಟ್ರೈಪಾಡ್‌ ಆಗಿ ಬದಲಾಗುತ್ತದೆ. ಜೆಮಿನಿ ಲೈವ್‌ ಫ್ರಂಟ್ ಕ್ಯಾಮೆರಾ ಮೂಲಕ ಕೂಡ ಬಳಸಬಹುದು. ಈ ರೀತಿಯಾಗಿ ಬಳಕೆದಾರರು ಸ್ಟೈಲಿಂಗ್ ಟಿಪ್ಸ್‌, ಡಿಐವೈ ಪ್ರಾಜೆಕ್ಸ್ಟ್ ಮುಂತಾದವುಗಳ ಕುರಿತೂ ಕೇಳಿ ಉತ್ತರ ಪಡೆಯಬಹುದು.</p><p><strong>5) ಬ್ರೀಫ್ ಅಪ್‌ಡೇಟ್ಸ್: </strong>ಈ ಫೀಚರ್‌ ಮೂಲಕ ಬಳಕೆದಾರರು ವ್ಯಕ್ತಿಗತವಾದ ನಿತ್ಯದ ಅಪ್ಡೇಟ್ಸ್ ಅಂದರೆ ರಿಮೈಂಡರ್‌, ಕ್ಯಾಲೆಂಡರ್ ಇವೆಂಟ್ಸ್, ಆರೋಗ್ಯ ಆಧಾರಿತ ಕಿರು ಸಂದೇಶಗಳನ್ನು ಪಡೆಯಬಹುದು. ಇದು ಸಂದೇಶಗಳನ್ನು ಗಟ್ಟಿಧ್ವನಿಯಲ್ಲಿ ಓದಿ ಹೇಳಬಲ್ಲದು. ಆದ್ದರಿಂದ ಸ್ಯಾಮ್‌ಸಂಗ್‌ ಮಡಚುವ ಫೋನ್‌ಗಳ ಮೂಲಕ ಬಳಕೆದಾರರಿಗೆ ವಿಶೇಷ ಎಐ ಅನುಭವವನ್ನು ಒದಗಿಸುತ್ತಿದೆ. ಬಳಕೆದಾರರು ಮ್ಯೂಸಿಕ್ ಮತ್ತು ವಿಡಿಯೋ ಶಿಫಾರಸುಗಳನ್ನೂ ಪಡೆದುಕೊಂಡು ನೋಡಬಹುದಾಗಿದೆ. </p>

ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸದ್ಯ ಸ್ಯಾಮ್‌ಸಂಗ್‌ ಕಂಪನಿಯ ಗ್ಯಾಲಕ್ಸಿ ಝೆಡ್ ಫೋಲ್ಡ್ 7 ಮತ್ತು ಗ್ಯಾಲಕ್ಸಿ ಝೆಡ್ ಫ್ಲಿಪ್ 7 ಫೋನ್‌ಗಳದ್ದೇ ಮಾತುಕತೆ. ಇದರಲ್ಲಿರುವ 5 ವಿಶೇಷ ಎಐ ಫೀಚರ್‌ಗಳು ಗಮನಸೆಳೆದಿದ್ದು, ವಿವರ ಇಲ್ಲಿದೆ.

Trending-News

Latest gujarat titans Videos

ಐಪಿಎಲ್ ಇತಿಹಾಸದಲ್ಲಿ ವೇಗದ 4,000 ರನ್ ಸರದಾರರು; ಸೂರ್ಯಕುಮಾರ್ ಹಿಂದಿಕ್ಕಿ ಚರಿತ್ರೆ ಸೃಷ್ಟಿಸಿದ ಜೋಸ್ ಬಟ್ಲರ್

<ul><li>ಐಪಿಎಲ್​ನಲ್ಲಿ ಅತ್ಯಂತ ವೇಗವಾಗಿ 4,000 ರನ್ ಪೂರೈಸಿದ ಮೂರನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಜೋಸ್ ಬಟ್ಲರ್​ ಪಾತ್ರರಾಗಿದ್ದಾರೆ. ಸೂರ್ಯಕುಮಾರ್ ಅವರನ್ನು ಹಿಂದಿಕ್ಕಿ ಈ ಸಾಧನೆ ಮಾಡಿದ್ದಾರೆ.</li></ul>

ಟಿ20 ಕ್ರಿಕೆಟ್​ನಲ್ಲಿ ಸಚಿನ್ ತೆಂಡೂಲ್ಕರ್ ದಾಖಲೆ ಮುರಿದ ಸಾಯಿ ಸುದರ್ಶನ್; ಈ ವಿಶ್ವದಾಖಲೆ ಬರೆದ ಭಾರತದ ಮೊದಲ ಕ್ರಿಕೆಟಿಗ

<ul><li>ಗುಜರಾತ್ ಟೈಟಾನ್ಸ್ ಆರಂಭಿಕ ಆಟಗಾರ ಸಾಯಿ ಸುದರ್ಶನ್ ಅವರು ಟಿ20 ಕ್ರಿಕೆಟ್​ನಲ್ಲಿ ವೇಗದ 2,000 ರನ್ ಪೂರ್ಣಗೊಳಿಸಿದ್ದಾರೆ. ಸಚಿನ್ ತೆಂಡೂಲ್ಕರ್ ದಾಖಲೆ ಮುರಿದು ಚರಿತ್ರೆ ಸೃಷ್ಟಿಸಿದ್ದಾರೆ.</li></ul>

ವಾಷಿಂಗ್ಟನ್ ಸುಂದರ್ ಸಹೋದರಿ ಕೂಡ ವೃತ್ತಿಪರ ಕ್ರಿಕೆಟರ್; ಅವರಿಂದಲೂ ಸಲಹೆ ಪಡೀತಾರೆ ಆಲ್‌ರೌಂಡರ್

<ul><li>ವಾಷಿಂಗ್ಟನ್ ಸುಂದರ್ ಈ ಬಾರಿಯ ಐಪಿಎಲ್‌ನಲ್ಲಿ ಗುಜರಾತ್ ಟೈಟನ್ಸ್ ತಂಡದ ಪರ ಆಡುತ್ತಿದ್ದಾರೆ. ಇತ್ತೀಚೆಗೆ ಸನ್‌ರೈಸರ್ಸ್ ಹೈದರಾಬಾದ್ ತಂಡದ ವಿರುದ್ಧ ಸುಂದರ್ ಅಮೋಘ ಪ್ರದರ್ಶನ ನೀಡುವ ಮೂಲಕ ಈ ಬಾರಿ ಕಂಬ್ಯಾಕ್‌ ಮಾಡಿದರು. ವಾಷಿಂಗ್ಟನ್‌ ಅವರ ತಂದೆ ಕೂಡಾ ಕ್ರಿಕೆಟಿಗರಾಗಿದ್ದರು. ವಿಶೇಷವೆಂದರೆ ಅವರ ಸಹೋದರಿ ಮಣಿಸುಂದರ್ ಸೆಲ್ಜಾ ಕೂಡ ಕ್ರಿಕೆಟ್‌ ಆಟಗಾರ್ತಿ.</li></ul>

ಕೋಲ್ಕತ್ತಾ-ಗುಜರಾತ್ ಮೊದಲ ಬಾರಿಗೆ ಮುಖಾಮುಖಿ; ಹೈವೋಲ್ಟೇಜ್ ಪಂದ್ಯದ ಪ್ರಮುಖ 10 ಅಂಶಗಳು

<ul><li>2025ರ ಐಪಿಎಲ್​ನ 39ನೇ ಪಂದ್ಯದಲ್ಲಿ ಕೆಕೆಆರ್ ಮತ್ತು ಗುಜರಾತ್ ಟೈಟಾನ್ಸ್ ತಂಡಗಳು ಮುಖಾಮುಖಿಯಾಗಲಿವೆ. ಈ ಪಂದ್ಯಕ್ಕೆ ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಮೈದಾನ ಆತಿಥ್ಯ ವಹಿಸಲಿದೆ. ಹೈವೋಲ್ಟೇಜ್ ಕದನಕ್ಕೂ ಮುನ್ನ ಪ್ರಮುಖ ಅಂಶಗಳನ್ನು ತಿಳಿಯಿರಿ.</li></ul>

ಬೃಹತ್ ಮೈಲಿಗಲ್ಲು ತಲುಪಿದ ಕೆಎಲ್ ರಾಹುಲ್; ಐಪಿಎಲ್​ನಲ್ಲಿ ಭಾರತದ ನಯಾ ಸಿಕ್ಸರ್ ಕಿಂಗ್

<ul><li>ಇಂಡಿಯನ್ ಪ್ರೀಮಿಯರ್ ಲೀಗ್ 2025: ಗುಜರಾತ್ ಟೈಟಾನ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್​ ಬ್ಯಾಟ್ಸ್​​​ಮನ್​ ಕೆಎಲ್ ರಾಹುಲ್ ಅವರು ಸಿಕ್ಸರ್​​ಗಳ ದಾಖಲೆ ನಿರ್ಮಿಸಿದ್ದಾರೆ.</li></ul>

ಐಪಿಎಲ್‌ನಲ್ಲಿ ಶನಿವಾರ ಡಬಲ್ ಧಮಾಕಾ; 2 ರೋಚಕ ಪಂದ್ಯಗಳ 10 ಪ್ರಮುಖ ಅಂಶಗಳು

Lucknow Super Giants

<ul><li>ಐಪಿಎಲ್‌ನಲ್ಲಿ ಏಪ್ರಿಲ್‌ 19ರಂದು 2 ಪಂದ್ಯಗಳು ನಡೆಯುತ್ತಿವೆ. ಮೊದಲ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗಲಿವೆ. 2ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡಗಳು ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ಎದುರಾಗಲಿವೆ.</li></ul>

IPL 2025: ಬೆಂಗಳೂರಿನಲ್ಲಿ ಇಂದು ಆರ್‌ಸಿಬಿಗೆ ಟೈಟನ್ಸ್‌ ಸವಾಲು; ಟೇಬಲ್ ಟಾಪರ್ ಆಗಿ ಮುನ್ನುಗ್ಗುವ ವಿಶ್ವಾಸ

 IPL 2025

video

<ul><li>ಬೆಂಗಳೂರಿನಲ್ಲಿ ಇಂದು ಐಪಿಎಲ್ ಸೀಸನ್ 18ರ ಮೊದಲ ಪಂದ್ಯ ನಡೆಯಲಿದೆ. ಆತಿಥೇಯ ಆರ್‌ಸಿಬಿ ಮತ್ತು ಗುಜರಾತ್ ಟೈಟನ್ಸ್ ನಡುವೆ ಪಂದ್ಯ ನಡೆಯಲಿದ್ದು ಭಾರಿ ಕುತೂಹಲ ಮೂಡಿಸಿದೆ. ಆರ್‌ಸಿಬಿ ಗೆಲುವಿನ ಓಟ ಮುಂದುವರೆಸುವ ವಿಶ್ವಾಸದಲ್ಲಿದೆ. ಬೆಂಗಳೂರಿನಲ್ಲಿ ಪಂದ್ಯ ನಡೆಯುವುದರಿಂದ ಟ್ರಾಫಿಕ್ ಜಾಮ್ ಸಮಸ್ಯೆ ತಪ್ಪಿಸಲು ಪೊಲೀಸರು ಮಾರ್ಗಸೂಚಿಗಳನ್ನು ನೀಡಿದ್ದಾರೆ.</li></ul>

ಗುಜರಾತ್ ಟೈಟಾನ್ಸ್

Catch the latest Kannada sports news, including today's sports updates and highlights. Stay informed with sports news in Kannada, featuring real-time updates, match coverage, and much more only on HT Kannada. ಕ್ರೀಡಾಲೋಕದ ಸಮಗ್ರ ವಿದ್ಯಮಾನ, ತಾಜಾ ಮಾಹಿತಿಯನ್ನು ಎಚ್‌ಟಿ ಕನ್ನಡದಲ್ಲಿ ಪಡೆಯಿರಿ

kannada sports news | sports news kannada | today sports news in kannada | sports news in kannada | ಕ್ರೀಡಾ ಸುದ್ದಿ | ಫುಟ್‌ಬಾಲ್

ಐಪಿಎಲ್‌ನಲ್ಲಿ ಮೊಹಮ್ಮದ್‌ ಸಿರಾಜ್‌ ವಿಕೆಟ್‌ಗಳ ಶತಕ ಸಾಧನೆ

slide

ಗುಜರಾತ್ ಟೈಟಾನ್ಸ್ ತಂಡದ ಸ್ಟಾರ್ ವೇಗಿ ಮೊಹಮ್ಮದ್ ಸಿರಾಜ್, ಐಪಿಎಲ್‌ನಲ್ಲಿ 100 ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ.

ಹೈದರಾಬಾದ್‌ನಲ್ಲಿ ನಡೆದ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಎರಡನೇ ವಿಕೆಟ್ ಪಡೆಯುವುದರೊಂದಿಗೆ ಈ ಮೈಲಿಗಲ್ಲು ತಲುಪಿದ್ದಾರೆ.

ಐಪಿಎಲ್‌ನಲ್ಲಿ ವಿಕೆಟ್‌ಗಳ ಶತಕ ಪೂರೈಸಿದ 26 ಬೌಲರ್‌ ಎಂಬ ಹೆಗ್ಗಳಿಕೆಗೆ ಈಗ ಸಿರಾಜ್ ಪಾತ್ರರಾಗಿದ್ದಾರೆ.

ಆಡುವುದು ಜಿಟಿ ಪರವಾದರೂ, ಹೈದರಾಬಾದ್‌ ಸಿರಾಜ್‌ ಅವರ ತವರು. ಇಲ್ಲಿ ಈ ಸಾಧನೆ ಮಾಡಿರುವುದು ವಿಶೇಷ.

97 ಪಂದ್ಯಗಳಲ್ಲಿ ಆಡಿರುವ ಸಿರಾಜ್‌ 8.65ರ ಎಕಾನಮಿಯಲ್ಲಿ ಬೌಲಿಂಗ್‌ ಮಾಡಿ ಈ ಸಾಧನೆ ಮಾಡಿದ್ದಾರೆ. 

ಇದರಲಿ 42 ವಿಕೆಟ್‌ಗಳು ಪವರ್‌ಪ್ಲೇ ಓವರ್‌ಗಳಲ್ಲಿ ಬಂದಿರುವುದು ವಿಶೇಷ

ಪ್ರಸಕ್ತ ಆವೃತ್ತಿಯಲ್ಲಿ ಆಡಿದ ನಾಲ್ಕು ಪಂದ್ಯಗಳಲ್ಲಿ ಸಿರಾಜ್ ಏಳು ವಿಕೆಟ್‌  ಪಡೆದಿದ್ದಾರೆ.‌ (ನೂರನೇ ವಿಕೆಟ್‌ ಪಡೆಯುವವರೆಗೆ)

2017ರಲ್ಲಿ ಸಿರಾಜ್ ಸನ್‌ರೈಸರ್ಸ್ ಹೈದರಾಬಾದ್‌ ತಂಡದೊಂದಿಗೆ ಐಪಿಎಲ್ ಅಭಿಯಾನ ಆರಂಭಿಸಿದರು. ಕೇವಲ 6 ಪಂದ್ಯಗಳನ್ನು ಆಡಿ 10 ವಿಕೆಟ್‌ ಪಡೆದರು.

2018ರ ಐಪಿಎಲ್ ವೇಳೆಗೆ ಆರ್‌ಸಿಬಿ ತಂಡವು ಸಿರಾಜ್ ಅವರನ್ನು 2.20 ಕೋಟಿಗೆ ಖರೀದಿಸಿತು. ಆರ್‌ಸಿಬಿ ಪರ 87 ಪಂದ್ಯಗಳಲ್ಲಿ 83 ವಿಕೆಟ್‌ ಪಡೆದಿದ್ದಾರೆ.

ಕಿರುಚಾಟ ನಿಲ್ಲಿಸು; ಕೊಹ್ಲಿ ಗುರಿಯಾಗಿಸಿ ಗಿಲ್ ಪೋಸ್ಟ್, ಚರ್ಚೆ

ಐಪಿಎಲ್ 2025 ಗುಂಪು ಹಂತದ 14ನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸೋಲಿನ ಬೆನ್ನಲ್ಲೇ ಶುಭ್ಮನ್ ಗಿಲ್ ಟ್ವೀಟ್ ಹೊಸ ಚರ್ಚೆ ಹುಟ್ಟು ಹಾಕಿದೆ.

ಗಮನ ಆಟದ ಮೇಲಿರಲಿ, ಕಿರುಚಾಟದ ಮೇಲಲ್ಲ ಎಂದು ಗಿಲ್ ಮಾರ್ಮಿಕ ಪೋಸ್ಟ್ ಹಂಚಿಕೊಂಡಿದ್ದು, ಯಾರನ್ನು ಗುರಿಯಾಗಿಸಿ ಜಿಟಿ ನಾಯಕ ಪೋಸ್ಟ್​ ಮಾಡಿದ್ದಾರೆ ಎಂಬುದು ಕುತೂಹಲ ಮೂಡಿಸಿದೆ.

ಆದರೆ ವಿರಾಟ್ ಕೊಹ್ಲಿ ಅವರನ್ನು ಗುರಿಯಾಗಿಸಿಯೇ ಈ ಪೋಸ್ಟ್​ ಹಾಕಿದ್ದಾರೆ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಪೋಸ್ಟ್ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

ಭುವನೇಶ್ವರ್ ಕುಮಾರ್ ಬೌಲಿಂಗ್​ನಲ್ಲಿ ಶುಭ್ಮನ್ ಗಿಲ್ ವಿಕೆಟ್ ಒಪ್ಪಿಸಿದರು. ಈ ವೇಳೆ ವಿರಾಟ್ ಕೊಹ್ಲಿ ಕಿರುಚಾಡುತ್ತಾ ಸಂಭ್ರಮಿಸಿ ಸೆಂಡ್ ಆಫ್ ಕೊಟ್ಟಿದ್ದರು.

ಈ ಅಗ್ರೆಸ್ಸಿವ್ ಸೆಂಡ್ ಆಫ್​ಗೆ ಪ್ರತಿಯಾಗಿ ಗಿಲ್ ಮಾರ್ಮಿಕ ಪೋಸ್ಟ್ ಹಾಕಿದ್ದಾರೆ ಎಂದು ಹೇಳಲಾಗಿದೆ. ಈ ಪೋಸ್ಟ್​ಗೆ ಕಿಡಿಕಾರಿರುವ ಫ್ಯಾನ್ಸ್, ಭಾರತ ತಂಡದ ಓವರ್​ರೇಟೆಡ್ ಆಟಗಾರ ಎಂದು ಕೆಣಕಿದ್ದಾರೆ.

ವ್ಯಾಪಕ ಚರ್ಚೆ ಮತ್ತು ಟೀಕೆ ವ್ಯಕ್ತವಾಗಿದ್ದರೂ ಪೋಸ್ಟ್​​ಗೆ ಸಂಬಂಧಿಸಿ ಗಿಲ್ ಅವರಿಂದ ಯಾವುದೇ ಸ್ಪಷ್ಟನೆ ಬಂದಿಲ್ಲ. ಆದರೆ ಗಿಲ್ ಸಹೋದರಿಗೆ ಕೆಟ್ಟದಾಗಿ ಮೆಸೇಜ್​ಗಳು ಬರುತ್ತಿವೆ ಎಂದು ಗೊತ್ತಾಗಿದೆ.

ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರಿಕೆಟ್ ಮೈದಾನದಲ್ಲಿ ಜರುಗಿದ ಪಂದ್ಯದಲ್ಲಿ ಆರ್‌ಸಿಬಿ ವಿರುದ್ಧ ಗುಜರಾತ್ 8 ವಿಕೆಟ್ ಅಂತರದ ಜಯ ಗಳಿಸಿತು. ಇದು ಆರ್​​ಸಿಬಿ ಮೊದಲ ಸೋಲು.

ಶುಭ್ಮನ್ ಗಿಲ್ 14 ಎಸೆತಗಳಲ್ಲಿ 14 ರನ್ ಗಳಿಸಿ ಔಟಾದರು. ಮತ್ತೊಂದೆಡೆ ವಿರಾಟ್ 6 ಎಸೆತಗಳಲ್ಲಿ 7 ರನ್ ಗಳಿಸಿ ನಿರಾಸೆ ಮೂಡಿಸಿದರು.

ಆರ್​​ಸಿಬಿ ವಿರುದ್ಧವೇ ಅಬ್ಬರಿಸಿದ ಮಾಜಿ ಆರ್​ಸಿಬಿ ವೇಗಿ ದಾಖಲೆ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಮಿಂಚಿದ ಮಾಜಿ ಆರ್​ಸಿಬಿ ವೇಗಿ ಮೊಹಮ್ಮದ್ ಸಿರಾಜ್ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.

ಗುಜರಾತ್ ಟೈಟಾನ್ಸ್ ಪರ ಆಡುತ್ತಿರುವ ಮೊಹಮ್ಮದ್ ಸಿರಾಜ್, ಬೆಂಗಳೂರು ಎಂ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಆರ್​ಸಿಬಿ ವಿರುದ್ಧದ ಪಂದ್ಯದಲ್ಲಿ ಈ ದಾಖಲೆ ನಿರ್ಮಿಸಿದ್ದಾರೆ.

ಪಂದ್ಯದಲ್ಲಿ 4 ಓವರ್​ ಬೌಲಿಂಗ್ ಮಾಡಿದ ಸಿರಾಜ್, 19 ರನ್ ಬಿಟ್ಟು ಕೊಟ್ಟು 3 ವಿಕೆಟ್ ಉರುಳಿಸಿದ್ದಾರೆ. ಆ ಮೂಲಕ ಚಿನ್ನಸ್ವಾಮಿಯಲ್ಲಿ ವಿಶೇಷ ದಾಖಲೆ ನಿರ್ಮಿಸಿದ್ದಾರೆ.

ಚಿನ್ನಸ್ವಾಮಿ ಮೈದಾನದಲ್ಲಿ ಅತಿ ಹೆಚ್ಚು ಐಪಿಎಲ್ ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಜಹೀರ್ ಖಾನ್ ದಾಖಲೆ ಮುರಿದು ಅಗ್ರ ಎರಡನೇ ಸ್ಥಾನಕ್ಕೆ ಜಂಪ್ ಆಗಿದ್ದಾರೆ. ಅಗ್ರಸ್ಥಾನದಲ್ಲಿ ಯುಜ್ವೇಂದ್ರ ಚಹಲ್ ಸ್ಥಾನ ಪಡೆದಿದ್ದಾರೆ.

ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ಅತಿ ಹೆಚ್ಚು ಐಪಿಎಲ್ ವಿಕೆಟ್‌ ಪಡೆದವರು ಯಾರು? ಇಲ್ಲಿದೆ ಪಟ್ಟಿ.

52 ವಿಕೆಟ್ - ಯುಜ್ವೇಂದ್ರ ಚಹಲ್ (ಎಕಾನಮಿ ದರ: 7.72)

29 ವಿಕೆಟ್ - ಮೊಹಮ್ಮದ್ ಸಿರಾಜ್ (ಎಕಾನಮಿ ದರ: 8.62)

28 ವಿಕೆಟ್ - ಜಹೀರ್ ಖಾನ್ (ಎಕಾನಮಿ ದರ: 7.88)

27 ವಿಕೆಟ್ - ವಿನಯ್ ಕುಮಾರ್ (ಎಕಾನಮಿ ದರ: 7.94)

ವಿರಾಟ್‌ ಕೊಹ್ಲಿ-ಮೊಹಮ್ಮದ್‌ ಸಿರಾಜ್‌ ಅಪ್ಪುಗೆ; ಭಾವುಕ ಕ್ಷಣ

ಐಪಿಎಲ್‌ನಲ್ಲಿ ಇಂದು ಆರ್‌ಸಿಬಿ ಮತ್ತು ಗುಜರಾತ್‌ ಟೈಟನ್ಸ್‌ ತಂಡಗಳು ಮುಖಾಮುಖಿಯಾಗುತ್ತಿವೆ.

ಪ್ರಸಕ್ತ ಆವೃತ್ತಿಯಲ್ಲಿ ತವರು ಮೈದಾನ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್‌ಸಿಬಿ ತಂಡ ಇದೇ ಮೊದಲ ಪಂದ್ಯವಾಡುತ್ತಿದೆ.

ಪಂದ್ಯಕ್ಕೂ ಮುನ್ನ ಅಭ್ಯಾಸ ಅವಧಿ ವೇಳೆ ಆರ್‌ಸಿಬಿ ದಿಗ್ಗಜ ವಿರಾಟ್ ಕೊಹ್ಲಿ ಹಾಗೂ ತಂಡದ ಮಾಜಿ ಸಹ ಆಟಗಾರ ಮೊಹಮ್ಮದ್ ಸಿರಾಜ್ ಭೇಟಿಯಾಗಿದ್ದಾರೆ.

ಈ ವೇಳೆ ಇಬ್ಬರು ಆಟಗಾರರು ಪರಸ್ಪರ ಅಪ್ಪಿಕೊಂಡು ಮಾತನಾಡಿದ್ದಾರೆ. ಈ ಫೋಟೋ ಹಾಗೂ ದೃಶ್ಯಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿವೆ.

ಕಳೆದ ಆವೃತ್ತಿಯವರೆಗೂ ಆರ್‌ಸಿಬಿ ಪರ ಆಡಿದ್ದ ಸಿರಾಜ್‌, ಈ ಬಾರಿ ಗುಜರಾತ್‌ ಪರ ಆಡುತ್ತಿದ್ದಾರೆ.

ಆದರೆ ವಿರಾಟ್‌ ಹಾಗೂ ಸಿರಾಜ್‌ ಗೆಳೆತನ ಹಾಗೆಯೇ ಇದೆ. ಅಭಿಮಾನಿಗಳಿಗೂ ಈ ಇಬ್ಬರ ಸ್ನೇಹ ಇಷ್ಟ.

ಮಿಯಾನ್‌ ಮ್ಯಾಜಿಕ್‌ ಈ ಬಾರಿ ಮಿಸ್‌ ಮಾಡಿಕೊಳ್ಳುತ್ತೇವೆ ಎಂದು ಫ್ಯಾನ್ಸ್‌ ಹೇಳಿದ್ದಾರೆ. ಸಿರಾಜ್‌ ಎಂದಿಗೂ ಆರ್‌ಸಿಬಿಯನ್‌ ಎಂದು ಇನ್ನೂ ಕೆಲವರು ಹೇಳಿದ್ದಾರೆ.

ಇಂದಿನ ಪಂದ್ಯದಲ್ಲಿ ವಿರಾಟ್‌ ಕೊಹ್ಲಿಗೆ ಇದೇ ಮೊದಲ ಬಾರಿಗೆ ಸಿರಾಜ್‌ ಬೌಲಿಂಗ್‌ ಮಾಡಲಿದ್ದಾರೆ.

ಈ ಕ್ಷಣಕ್ಕಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಪಂದ್ಯವೊಂದರಲ್ಲಿ ಈ ಕ್ಷಣ ಎದುರಾಗುತ್ತಿರುವುದು ಇದೇ ಮೊದಲು.

Latest gujarat titans Videos

Videos

IPL 2025: ಬೆಂಗಳೂರಿನಲ್ಲಿ ಇಂದು ಆರ್‌ಸಿಬಿಗೆ ಟೈಟನ್ಸ್‌ ಸವಾಲು; ಟೇಬಲ್ ಟಾಪರ್ ಆಗಿ ಮುನ್ನುಗ್ಗುವ ವಿಶ್ವಾಸ

Loading...