ಭಾರತದಲ್ಲಿ ಕಿಯಾ  ಸಿರೋಸ್  ಬುಕ್ಕಿಂಗ್‌ ಆರಂಭ

ಕಿಯಾ ಇಂಡಿಯಾ ಇತ್ತೀಚೆಗೆ ಹೊಸ ಸಿರೋಸ್ ಸಣ್ಣ ಎಸ್‌ಯುವಿ ಅನಾವರಣ ಮಾಡಿತ್ತು. ಇದರ ಬುಕ್ಕಿಂಗ್‌ ಇದೀಗ ಆರಂಭವಾಗಿದೆ.

ಜನವರಿ 17ರಂದು ಭಾರತ್ ಮೊಬಿಲಿಟಿ 2025ರಲ್ಲಿ ಈ ಕಾರು ಭಾರತದಲ್ಲಿ ಲಾಂಚ್‌ ಆಗಲಿದೆ. ಇದಕ್ಕೂ ಮುನ್ನವೇ ಈ ಕಾರಿನ ಪ್ರೀ ಬುಕ್ಕಿಂಗ್‌ ಆರಂಭವಾಗಿದೆ.

ನೀವು ಕಿಯಾ ಸಿರೋಸ್ ಅನ್ನು ಆನ್‌ಲೈನ್‌ ಮೂಲಕ ಅಥವಾ ಕಿಯಾ ಡೀಲರ್‌ಶಿಪ್‌ಗಳಲ್ಲಿ  25,000 ರೂಪಾಯಿ ಟೋಕನ್‌ ಅಡ್ವಾನ್ಸ್‌ ನೀಡಿ ಬುಕ್ಕಿಂಗ್‌ ಮಾಡಬಹುದು.

ಕಿಯಾ ಸಿರೋಸ್ ನೋಡಲು ಭಿನ್ನ ವಿನ್ಯಾಸ ಹೊಂದಿದೆ.  ಕಿಯಾ ಇವಿ 9 ಎಲೆಕ್ಟ್ರಿಕ್‌ನಿಂದ ಸ್ಪೂರ್ತಿ ಪಡೆದ ವಿನ್ಯಾಸ ಹೊಂದಿದೆ. ನೋಡಲು ಎತ್ತರದ ಹುಡುಗನಂತೆ ಕಾಣಿಸುತ್ತದೆ. 

ಸಿರೋಸ್ ಎಸ್‌ಯುವಿಯು 17 ಇಂಚಿನ ಅಲಾಯ್  ವೀಲ್‌ ಹೊಂದಿದೆ. ಎಲ್ ಆಕಾರದ ಎಲ್ಇಡಿ ಟೈಲ್ ಲೈಟ್ ಗಳು ಮತ್ತು ರೂಫ್-ಮೌಂಟೆಡ್ ಸ್ಪಾಯ್ಲರ್ ಗಮನ ಸೆಳೆಯುತ್ತವೆ.

ಲೆವೆಲ್ 2 ಎಡಿಎಎಸ್ ಸುರಕ್ಷತೆ ಹೊಂದಿದೆ.  ಪನೋರಮಿಕ್ ಸನ್ ರೂಫ್, ಆಂಬಿಯೆಂಟ್ ಲೈಟಿಂಗ್, ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್ ಸೇರಿದಂತೆ ಸಾಕಷ್ಟು ಫೀಚರ್‌ಗಳನ್ನು ಹೊಂದಿರಲಿದೆ. 

ಹೊಂದಾಣಿಕೆ ಮಾಡಬಹುದಾದ ಹಿಂಭಾಗದ ಸೀಟುಗಳನ್ನು ಹೊಂದಿದೆ. ಎರಡನೇ ಸಾಲಿನಲ್ಲಿ ಈ ಸೆಗ್ಮೆಂಟ್‌ನಲ್ಲಿ ಮೊದಲ ಬಾರಿಗೆ ವೆಂಟಿಲೇಷನ್‌ ಫಂಕ್ಷನ್‌ ನೀಡಲಾಗಿದೆ.

ಇದು ಎರಡು ಎಂಜಿನ್‌ ಆಯ್ಕೆಗಳಲ್ಲಿ ದೊರಕತುತದೆ.  1.0-ಲೀಟರ್ ಟರ್ಬೊ ಪೆಟ್ರೋಲ್ ಮತ್ತು 1.5-ಲೀಟರ್ ಟರ್ಬೊ ಡೀಸೆಲ್ ಎಂಜಿನ್‌ನಲ್ಲಿ ದೊರಕುತ್ತವೆ. ಇವು ಮ್ಯಾನುಯಲ್‌ ಮತ್ತು ಸ್ವಯಂಚಾಲಿತ ಗಿಯರ್‌ಬಾಕ್ಸ್‌ ಹೊಂದಿವೆ.

ಕಿಯಾ ಸಿರೋಸ್ ಕಾರಿನ ದರ ಎಷ್ಟಿರಲಿದೆ ಎಂಬ ವಿವರ ಲಭ್ಯವಿಲ್ಲ. ಕಂಪನಿಯು ಕಾರಿನ ದರವನ್ನು  ಫೆಬ್ರವರಿ 1, 2025 ರಂದು ಬಹಿರಂಗಪಡಿಸಲಿದೆ.

ಸಂಜೆ ನಂತರ ಹೂಗಳು, ಎಲೆಗಳನ್ನು ಏಕೆ ಕೀಳಬಾರದು?