ನಿಮ್ಮ ಮಗುವಿಗೆ ಕನ್ನಡಕ ಬಂದಿದ್ಯಾ? ಮಕ್ಕಳ ಕಣ್ಣಿನ ಆರೋಗ್ಯ ಸುಧಾರಿಸಲು ಇಲ್ಲಿದೆ 9 ಸಲಹೆ

ಇತ್ತೀಚಿಗೆ ಮಕ್ಕಳಲ್ಲಿ ಕಣ್ಣಿನ ಸಮಸ್ಯೆ ಹೆಚ್ಚುತ್ತಿದೆ. ಹಾಗಾಗಿ ಸರಿಯಾದ ಆರೈಕೆಯತ್ತ ಗಮನ ಕೊಡುವುದು ಮುಖ್ಯವಾಗುತ್ತದೆ. ಮಗುವಿನ ಕಣ್ಣಿನ ಆರೋಗ್ಯ  ಸುಧಾರಿಸಲು ತಜ್ಞರ ನೀಡಿದ ಸಲಹೆಗಳು ಇಲ್ಲಿವೆ. 

1. ನಿಯಮಿತ ಕನ್ನಡಕ ಬಳಕೆಯನ್ನು ಪ್ರೋತ್ಸಾಹಿಸಿ: ದೃಷ್ಟಿ ಸರಿಪಡಿಸಲು, ಒತ್ತಡ ಕಡಿಮೆ ಮಾಡಲು ಮತ್ತು ದೃಷ್ಟಿ ಹದಗೆಡುವುದನ್ನು ತಡೆಯಲು ಮಗುವಿಗೆ ನಿರಂತರವಾಗಿ ಕನ್ನಡಕ ಧರಿಸಲು ಹೇಳಿ 

2. ಸ್ಕ್ರೀನ್ ಟೈಮ್‌ ಮಿತಿಗೊಳಿಸಿ: ಕಣ್ಣಿನ ಒತ್ತಡ, ಮಯೋಪಿಯಾ ಮತ್ತು ಕಣ್ಣು ಒಣಗುವುದನ್ನು ತಪ್ಪಿಸಲು ಸ್ಕ್ರೀನ್ ಟೈಮ್ ಅನ್ನು ದಿನಕ್ಕೆ ಒಂದು ಗಂಟೆಗೆ ಮಿತಿಗೊಳಿಸಿ 

3. ಕಣ್ಣು ಉಜ್ಜುವುದನ್ನು ತಪ್ಪಿಸಿ: ಕಾರ್ನಿಯಾಗೆ ಹಾನಿಯಾಗದಂತೆ ತಡೆಯಲು ಮತ್ತು ಕೆರಾಟೊಕೊನಸ್‌ ಸಮಸ್ಯೆ ತಪ್ಪಿಸಲು ಕಣ್ಣುಗಳನ್ನು ಉಜ್ಜದಂತೆ ಮಕ್ಕಳಿಗೆ ಕಲಿಸಿ

4. ಆರೋಗ್ಯಕರ ಆಹಾರ ನೀಡಿ: ವಿಟಮಿನ್ ಎ, ಸಿ ಮತ್ತು ಒಮೆಗಾ -3 ಗಳಿಂದ ಸಮೃದ್ಧವಾಗಿರುವ ಪೌಷ್ಟಿಕ ಆಹಾರ ನೀಡಿ. ಕ್ಯಾರೆಟ್, ಪಾಲಕ್ ಮತ್ತು ಮೀನಿನಂತಹ ಆಹಾರಗಳು ದೃಷ್ಟಿ ಸುಧಾರಿಸಲು ಸಹಾಯ ಮಾಡುತ್ತವೆ

5. ಹೊರಾಂಗಣ ಆಟವನ್ನು ಪ್ರೋತ್ಸಾಹಿಸಿ: ಹೊರಗೆ ಸಮಯ ಕಳೆಯುವುದು ಮಯೋಪಿಯಾದ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಒಟ್ಟಾರೆ ಕಣ್ಣಿನ ಆರೋಗ್ಯವನ್ನು ಬಲಪಡಿಸುತ್ತದೆ

6. ಅಂತರವಿರಲಿ: ಒತ್ತಡವನ್ನು ಕಡಿಮೆ ಮಾಡಲು ಮತ್ತು ನಿಮ್ಮ ಮಗುವಿನ ದೃಷ್ಟಿಯನ್ನು ಸುಧಾರಿಸಲು ಪುಸ್ತಕ ಸೇರಿದಂತೆ ಓದುವ ವಸ್ತುಗಳನ್ನು ಕನಿಷ್ಠ 40 ಸೆಂ.ಮೀ ದೂರದಲ್ಲಿ ಇರಿಸಿ 

7. ಸರಿಯಾದ ಬೆಳಕನ್ನು ಖಚಿತಪಡಿಸಿಕೊಳ್ಳಿ: ಕಣ್ಣುಗಳಿಗೆ ತೊಂದರೆಯಾಗದಂತೆ ಓದುವ ಜಾಗದಲ್ಲಿ ಬೆಳಕು ಚೆನ್ನಾಗಿರಬೇಕು. ಇದರಿಂದ ಕಣ್ಣಿನ ಆಯಾಸವೂ ಕಡಿಮೆಯಾಗುತ್ತದೆ 

 8. ಸಾಕಷ್ಟು ನಿದ್ರೆ ಅವಶ್ಯ: 7-8 ಗಂಟೆಗಳ ನಿದ್ರೆಯು ಕಣ್ಣಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಆಯಾಸ ಮತ್ತು ಅಸ್ವಸ್ಥತೆಯನ್ನು ತಡೆಯುತ್ತದೆ 

9. ನಿಯಮಿತ ಕಣ್ಣಿನ ತಪಾಸಣೆ: ಸಂಭಾವ್ಯ ಸಮಸ್ಯೆಗಳನ್ನು ಬೇಗನೆ ಪತ್ತೆಹಚ್ಚಲು ಮತ್ತು ಮಗುವಿನ ಕಣ್ಣುಗಳನ್ನು ಆರೋಗ್ಯಕರವಾಗಿಡಲು ಪ್ರತಿ ಆರು ತಿಂಗಳಿಗೊಮ್ಮೆ ನೇತ್ರ ತಜ್ಞರನ್ನು ಭೇಟಿ ಮಾಡಿ 

ಕಪ್ಪು, ಬಿಳುಪಿನ ಸೀರೆಯುಟ್ಟ ಶ್ರೀಲೀಲಾ; ಇಲ್ಲಿದೆ ಫೋಟೋಸ್‌