ಐಪಿಎಲ್ ಬೇಡ ಎಂದುಕೊಂಡ ಈ ಕ್ರಿಕೆಟಿಗನಿಂದ ವಿಶ್ವದಾಖಲೆ!

ಸತತ ಅವಕಾಶಗಳ ನಡುವೆಯೂ ಐಪಿಎಲ್ ಬೇಡ ಎಂದುಕೊಂಡ ಇಂಗ್ಲೆಂಡ್ ಕ್ರಿಕೆಟಿಗ ಅಲೆಕ್ಸ್ ಹೇಲ್ಸ್ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.

ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್​ನಲ್ಲಿ ಸಿಲ್ಹೆಟ್ ಸ್ಟ್ರೈಕರ್ಸ್ ವಿರುದ್ಧ ರಂಗ್​ಪುರ್ ರೈಡರ್ಸ್ ಪರ ಹೇಲ್ಸ್ ಶತಕ ಸಿಡಿಸಿ ದಾಖಲೆ ಬರೆದರು.

ಅಲೆಕ್ಸ್ ಹೇಲ್ಸ್ 56 ಎಸೆತಗಳಲ್ಲಿ 10 ಬೌಂಡರಿ, 7 ಸಿಕ್ಸರ್ ಸಹಿತ 201.79ರ ಸ್ಟ್ರೈಕ್​ರೇಟ್​ನಲ್ಲಿ 113 ರನ್​ ಸಿಡಿಸಿ ತಂಡಕ್ಕೆ ಗೆಲವು ತಂದುಕೊಟ್ಟರು.

ಶತಕದೊಂದಿಗೆ ಟಿ20 ಕ್ರಿಕೆಟ್​ನಲ್ಲಿ 13 ಸಾವಿರ ರನ್ ಪೂರೈಸಿದರು. ಈ ಸಾಧನೆ ಮಾಡಿದ ಇಂಗ್ಲೆಂಡ್​ನ ಮೊದಲ, ವಿಶ್ವದ 4ನೇ ಬ್ಯಾಟರ್.​

ಟಿ20 ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ವೆಸ್ಟ್​​ ಇಂಡೀಸ್​ನ ಕ್ರಿಸ್​ ಗೇಲ್ ಹೆಸರಿನಲ್ಲಿದ್ದು, 455 ಇನ್ನಿಂಗ್ಸ್​ಗಳಲ್ಲಿ 14562 ರನ್ ಗಳಿಸಿದ್ದಾರೆ.

ಪಾಕಿಸ್ತಾನದ ಶೋಯೆಬ್ ಮಲಿಕ್ 2ನೇ ಸ್ಥಾನದಲ್ಲಿದ್ದು, 510 ಟಿ20 ಇನ್ನಿಂಗ್ಸ್​ಗಳಲ್ಲಿ 13492 ರನ್ ಸಿಡಿಸಿದ್ದಾರೆ.

ವೆಸ್ಟ್​ ಇಂಡೀಸ್​ನ ಕಿರನ್ ಪೊಲಾರ್ಡ್​ 3ನೇ ಸ್ಥಾನ ಪಡೆದಿದ್ದು 611 ಟಿ20 ಇನಿಂಗ್ಸ್​ಗಳಲ್ಲಿ ಒಟ್ಟು 13355 ರನ್ ಬಾರಿಸಿದ್ದಾರೆ.

ಪ್ರಸ್ತುತ ಅಲೆಕ್ಸ್ ಹೇಲ್ಸ್​ 4ನೇ ಸ್ಥಾನದಲ್ಲಿದ್ದು, 475 ಇನ್ನಿಂಗ್ಸ್​​ಗಳಲ್ಲಿ 13160 ರನ್ ಕಲೆ ಹಾಕಿದ್ದಾರೆ.

ಭಾರತದ ವಿರಾಟ್ ಕೊಹ್ಲಿ 5ನೇ ಸ್ಥಾನದಲ್ಲಿದ್ದಾರೆ. 382 ಇನ್ನಿಂಗ್ಸ್​​ಗಳಲ್ಲಿ 12886 ರನ್ ಸಿಡಿಸಿದ್ದಾರೆ. ಟಿ20 ಕ್ರಿಕೆಟ್​ನಲ್ಲಿ ಅತ್ಯಧಿಕ ರನ್​ಗಳಿಸಿದ ಭಾರತದ ಮೊದಲ ಆಟಗಾರನೂ ಹೌದು.

ಸಹ ಕಲಾವಿದನಿಗೆ ವೇದಿಕೆ ಮೇಲೆಯೇ ಪ್ರೇಮ ನಿವೇದನೆ ಮಾಡಿದ ಬ್ರಹ್ಮಗಂಟು ಸೀರಿಯಲ್‌ ಸಂಜನಾ ಪಾತ್ರಧಾರಿ ಆರತಿ