ಏಕದಿನದಲ್ಲಿ ಭಾರತ-ಇಂಗ್ಲೆಂಡ್ ಮುಖಾಮುಖಿ ದಾಖಲೆ; ಯಾರು ಮೇಲುಗೈ?

ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಗೆ ಟೀಮ್ ಇಂಡಿಯಾ ಸಜ್ಜಾಗಿದೆ. ಟಿ20ಐ ಸರಣಿ ಗೆದ್ದಿರುವ ವಿಶ್ವಾಸ ಹೊಂದಿರುವ ಭಾರತ ತಂಡಕ್ಕೆ, ಒಡಿಐ ಸರಣಿಯನ್ನೂ ಗೆಲ್ಲುವ ಲೆಕ್ಕಾಚಾರದಲ್ಲಿದೆ.

ಮತ್ತೊಂದೆಡೆ, ಚುಟುಕು ಸರಣಿಯನ್ನು 4-1ರಲ್ಲಿ ಕಳೆದುಕೊಂಡಿರುವ ಇಂಗ್ಲೆಂಡ್, ಏಕದಿನ ಸಿರೀಸ್​ನಲ್ಲಿ ತಿರುಗೇಟು ನೀಡಿ ಲೆಕ್ಕಾ ಚುಕ್ತಾ ಮಾಡಲು ಭಾರೀ ಕಸರತ್ತು ನಡೆಸುತ್ತಿದೆ.

ಉಭಯ ತಂಡಗಳ ನಡುವಿನ ಮೊದಲ ಏಕದಿನ ಪಂದ್ಯ ಫೆಬ್ರವರಿ 6ರಂದು ನಡೆಯಲಿದೆ. ನಾಗ್ಪುರದ ವಿದರ್ಭ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂ ಆತಿಥ್ಯ ವಹಿಸಲಿದೆ.

ರೋಹಿತ್​ ಶರ್ಮಾ ಭಾರತ ತಂಡವನ್ನು ಮುನ್ನಡೆಸಲಿದ್ದು, ಹಿರಿಯ ಆಟಗಾರರು ಮೆನ್​ ಇನ್ ಬ್ಲ್ಯೂಗೆ ಮರಳಿದ್ದಾರೆ. ಆದರೆ ಇಂಗ್ಲೆಂಡ್ ತಂಡದಲ್ಲಿ ಒಂದೆರೆಡು ಬದಲಾವಣೆ ಮಾತ್ರ ಕಾಣಬಹುದು.

ಹಾಗಾದರೆ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಎರಡೂ ತಂಡಗಳು ಎಷ್ಟು ಸಲ ಮುಖಾಮುಖಿಯಾಗಿವೆ, ಯಾವ ತಂಡ ಮೇಲುಗೈ ಸಾಧಿಸಿದೆ ಎನ್ನುವುದನ್ನು ಈ ಮುಂದೆ ತಿಳಿಯೋಣ.

ಭಾರತ ಮತ್ತು ಇಂಗ್ಲೆಂಡ್ ತಂಡಗಳು ಒಟ್ಟು 107 ಏಕದಿನ ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಈ ಪೈಕಿ ಟೀಮ್ ಇಂಡಿಯಾ ಅಧಿಕ ಪಂದ್ಯಗಳಲ್ಲಿ ಗೆಲುವು ಕಂಡಿದೆ.

107 ಏಕದಿನಗಳ ಮುಖಾಮುಖಿಯಲ್ಲಿ ರೋಹಿತ್ ಪಡೆ 58ರಲ್ಲಿ ಗೆದ್ದಿದ್ದರೆ, ಇಂಗ್ಲೆಂಡ್ 44ರಲ್ಲಿ ಜಯದ ನಗೆ ಬೀರಿದೆ. 3 ಪಂದ್ಯಗಳು ಫಲಿತಾಂಶ ಇಲ್ಲದೆ ರದ್ದಾಗಿದ್ದರೆ, ಎರಡು ಪಂದ್ಯಗಳು ಟೈ ಆಗಿವೆ.

ಆಂಗ್ಲರ ವಿರುದ್ಧ ಟೀಮ್ ಇಂಡಿಯಾ ತವರಿನಲ್ಲಿ 34 ಪಂದ್ಯಗಳಲ್ಲಿ ಗೆದ್ದಿದೆ. ಮತ್ತೊಂದೆಡೆ ಭಾರತದ ನೆಲದಲ್ಲಿ ಇಂಗ್ಲೆಂಡ್ ದಾಖಲೆಯೂ ಉತ್ತಮವಾಗಿದ್ದು, ಇಲ್ಲಿ 23 ಗೆಲುವು ದಾಖಲಿಸಿದೆ.

ಮೈಸೂರು ಗೆಡ್ಡೆ ಗೆಣಸು ಮೇಳ ಈ ಬಾರಿ ವಿಭಿನ್ನವಾಗಿತ್ತು