ODI World Cup 2023: ಏಕದಿನ ವಿಶ್ವಕಪ್​ನಲ್ಲಿ ಹೆಚ್ಚು ರನ್ ಸಿಡಿಸಿದ ಸಕ್ರಿಯ ಆಟಗಾರರು; ಕೊಹ್ಲಿಯೇ ಟಾಪ್

ಏಕದಿನ ವಿಶ್ವಕಪ್​​ಗೆ ದಿನಗಣನೆ ಆರಂಭವಾಗಿದೆ. ಮೆಗಾ ಟೂರ್ನಿಯಲ್ಲಿ ಯಾರು ಹೆಚ್ಚು ರನ್ ಗಳಿಸುತ್ತಾರೆ ಎಂಬ ಚರ್ಚೆ ಜೋರಾಗಿದೆ.

ಹಿರಿಯರಿಗೆ ಪೈಪೋಟಿ ನೀಡಲು ಯುವ ಆಟಗಾರರು ಸಜ್ಜಾಗಿದ್ದಾರೆ. ತಮ್ಮ ಸಾಮರ್ಥ್ಯ ನಿರೂಪಿಸಲು ತುದಿಗಾಲಲ್ಲಿ ನಿಂತಿದ್ದಾರೆ.

ಆದರೆ ಸಕ್ರಿಯ ಆಟಗಾರರ ಪೈಕಿ ಏಕದಿನ ವಿಶ್ವಕಪ್​ಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರು ಯಾರು ಅನ್ನೋದನ್ನು ಈ ಮುಂದೆ ನೋಡೋಣ.

ಏಕದಿನ ವಿಶ್ವಕಪ್‌ನಲ್ಲಿ ಹೆಚ್ಚು ರನ್ ಗಳಿಸಿದ ಸಕ್ರಿಯ ಆಟಗಾರರಲ್ಲಿ ವಿರಾಟ್ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದಾರೆ. 3 ವಿಶ್ವಕಪ್‌ (2011, 2015, 2019) ಆಡಿರುವ ಕೊಹ್ಲಿ, 26 ಇನ್ನಿಂಗ್ಸ್‌ಗಳಲ್ಲಿ 46.81ರ ಸರಾಸರಿಯಲ್ಲಿ 1,030 ರನ್ ಸಿಡಿಸಿದ್ದಾರೆ. 6 ಶತಕ, 6 ಅರ್ಧಶತಕ ಸಿಡಿಸಿದ್ದಾರೆ.

ಅನುಭವಿ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ 2 ವಿಶ್ವಕಪ್‌ಗಳಲ್ಲಿ (2015, 2019) ಆಡಿದ್ದಾರೆ. ವಾರ್ನರ್ 18 ಪಂದ್ಯಗಳನ್ನು ಕಣಕ್ಕಿಳಿದಿದ್ದು, 62ರ ಬ್ಯಾಟಿಂಗ್ ಸರಾಸರಿಯಲ್ಲಿ 4 ಶತಕ, 3 ಅರ್ಧಶತಕ ಚಚ್ಚಿದ್ದಾರೆ. 2019ರಲ್ಲಿ 10 ಇನ್ನಿಂಗ್ಸ್‌ಗಳಲ್ಲಿ 647 ರನ್ ಗಳಿಸಿದ್ದರು.

ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಕಳೆದ ಆವೃತ್ತಿಯ ವಿಶ್ವಕಪ್‌ನಲ್ಲಿ ಗರಿಷ್ಠ ಸ್ಕೋರರ್ (648) ಆಗಿದ್ದರು. ಶರ್ಮಾ 2 ವಿಶ್ವಕಪ್‌ ಆಡಿದ್ದಾರೆ. ಬಲಗೈ ಆಟಗಾರ 17 ಪಂದ್ಯಗಳಲ್ಲಿ 6 ಶತಕ ಮತ್ತು 3 ಅರ್ಧಶತಕಗಳು, 65.20ರ ಬ್ಯಾಟಿಂಗ್ ಸರಾಸರಿಯಲ್ಲಿ 978 ರನ್​ ಸಿಡಿಸಿ 3ನೇ ಸ್ಥಾನದಲ್ಲಿದ್ದಾರೆ.

ನ್ಯೂಜಿಲೆಂಡ್ ನಾಯಕ ಕೇನ್​ ವಿಲಿಯಮ್ಸನ್​, ಏಕದಿನ ವಿಶ್ವಕಪ್​​ಗಳಲ್ಲಿ ಅದ್ಭುತ ದಾಖಲೆ ಹೊಂದಿದ್ದಾರೆ. ಕಳೆದ ವಿಶ್ವಕಪ್​​ನಲ್ಲಿ 578 ರನ್​ ಸಿಡಿಸಿದ್ದ ಕೇನ್​, 22 ಇನ್ನಿಂಗ್ಸ್‌ಗಳಲ್ಲಿ 2 ಶತಕ ಮತ್ತು 3 ಅರ್ಧಶತಕ ಹಾಗೂ 56.93ರ ಬ್ಯಾಟಿಂಗ್ ಸರಾಸರಿಯಿಂದ 911 ರನ್ ಗಳಿಸಿದ್ದಾರೆ.

ಆಸ್ಟ್ರೇಲಿಯಾದ ಸ್ಟೀವ್​ ಸ್ಮಿತ್​ ಮೂರು (2011, 2015, 2019) ವಿಶ್ವಕಪ್​ಗಳನ್ನು ಆಡಿದ್ದಾರೆ. 20 ಇನ್ನಿಂಗ್ಸ್‌ಗಳಲ್ಲಿ 46.33ರ ಬ್ಯಾಟಿಂಗ್​ ಒಂದು ಶತಕ ಮತ್ತು 5 ಅರ್ಧಶತಕಗಳ ಸಹಾಯದಿಂದ 834 ರನ್​ ಸಿಡಿಸಿದ್ದಾರೆ.

ಪುಷ್ಪ 2 ಸಿನಿಮಾದ ಕಿಸ್ಸಿಕ್‌ ಹಾಡಿಗೆ 2 ಕೋಟಿ ಸಂಭಾವನೆ ಪಡೆದ್ರ ಶ್ರೀಲೀಲಾ