ಐಪಿಎಲ್​ ಫೈನಲ್; ಎಸ್​ಆರ್​ಹೆಚ್ ವಿರುದ್ಧ ಕೆಕೆಆರ್​​ನದ್ದೇ ದರ್ಬಾರ್

ಐಪಿಎಲ್‌ 2024ರ ಫೈನಲ್​ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಸನ್​ರೈಸರ್ಸ್ ಹೈದರಾಬಾದ್ ತಂಡಗಳು ಎದುರಾಗುತ್ತಿವೆ.

ಚೆನ್ನೈನ ಎಂಎ ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ಪ್ರಶಸ್ತಿ ಸುತ್ತಿನ ಪಂದ್ಯ ನಡೆಯಲಿದೆ. ಉಭಯ ತಂಡಗಳ ಹೆಡ್ ಟು ಹೆಡ್ ರೆಕಾರ್ಡ್ಸ್ ದಾಖಲೆಯನ್ನು ಈ ಮುಂದೆ ನೋಡೋಣ.

ಪ್ರಸಕ್ತ ಆವೃತ್ತಿಯಲ್ಲಿ ಉಭಯ ತಂಡಗಳು 2 ಬಾರಿ ಮುಖಾಮುಖಿಯಾಗಿವೆ. ಲೀಗ್​ನಲ್ಲಿ ಒಂದು ಬಾರಿ ಮತ್ತು ಮೊದಲ ಕ್ವಾಲಿಫೈಯರ್​​​ನಲ್ಲಿ ಸೆಣಸಾಟ ನಡೆಸಿವೆ. ಆದರೆ ಕೆಕೆಆರ್​ ಎರಡೂ ಪಂದ್ಯಗಳನ್ನು ಗೆದ್ದಿದೆ.

ಐಪಿಎಲ್‌ ಇತಿಹಾಸದಲ್ಲಿ ಕೆಕೆಆರ್ ಮತ್ತು ಎಸ್​ಆರ್​ಹೆಚ್​ ತಂಡಗಳು ಒಟ್ಟು 27 ಬಾರಿ ಪರಸ್ಪರ ಎದುರಾಗಿವೆ. ಇಲ್ಲೂ ಸಹ ಕೋಲ್ಕತ್ತಾ ತಂಡವೇ ದರ್ಬಾರ್ ನಡೆಸಿದೆ.

27 ಮುಖಾಮುಖಿ ಪಂದ್ಯಗಳ ಪೈಕಿ ಕೋಲ್ಕತ್ತಾ ನೈಟ್‌ ರೈಡರ್ಸ್‌ ತಂಡವು 18 ಪಂದ್ಯಗಳಲ್ಲಿ ಗೆದ್ದು ಮೇಲುಗೈ ಸಾಧಿಸಿದೆ.

ಆದರೆ ಸನ್‌ರೈಸರ್ಸ್‌ ಹೈದರಾಬಾದ್‌ ತಂಡವು 9 ಬಾರಿ ಮಾತ್ರ ಗೆದ್ದಿದೆ. ಇದೀಗ ಫೈನಲ್​ನಲ್ಲಿ ಸೇಡಿನ ಸಮರಕ್ಕೆ ಸಿದ್ಧವಾಗಿದೆ.

ಉಭಯ ತಂಡಗಳ ನಡುವಿನ ಕೊನೆಯ 5 ಪಂದ್ಯಗಳಲ್ಲಿ ಕೆಕೆಆರ್ 3-2 ಅಂತರದಿಂದ ಮುನ್ನಡೆ ಸಾಧಿಸಿದೆ. 

ಪ್ರಸಕ್ತ ಆವೃತ್ತಿಯಲ್ಲಿ ತಂಡಗಳು 2 ಬಾರಿ ಮಾತ್ರ ಎದುರಾಗಿದ್ದು, ಎರಡರಲ್ಲೂ ಕೆಕೆಆರ್‌ ಗೆದ್ದು ಬೀಗಿದೆ.

ಓಂಕಾಳು ಸೇವನೆಯ ಆರೋಗ್ಯ ಪ್ರಯೋಜನಗಳಿವು