ಆರ್​ಸಿಬಿ ಸೇರಲು ಮದುವೆಯನ್ನೇ ಮುಂದೂಡಿದ್ದ ರಜತ್ ಪಾಟೀದಾರ್!

2021ರಿಂದ ಆರ್​ಸಿಬಿ ತಂಡದ ಭಾಗವಾಗಿರುವ ರಜತ್ ಪಾಟೀದಾರ್ ಅವರನ್ನು 2025ರ ಐಪಿಎಲ್ ಹರಾಜಿಗೂ ಮುನ್ನ 11 ಕೋಟಿ ರೂ.ಗೆ ಉಳಿಸಿಕೊಳ್ಳಲಾಗಿತ್ತು.

2021ರಲ್ಲಿ ಅವಕಾಶ ಪಡೆದರೂ ರಜತ್ ಆಡಿದ್ದು ಮಾತ್ರ 4 ಪಂದ್ಯ. ಬಳಿಕ 2022ರ ಐಪಿಎಲ್​ ಹರಾಜಿಗೆ ಅವರನ್ನು ತಂಡದಿಂದ ಕೈಬಿಡಲಾಗಿತ್ತು.

ಆದರೆ ಹರಾಜಿನಲ್ಲಿ ಅನ್​ಸೋಲ್ಡ್ ಆಗಿದ್ದ ರಜತ್, ಅದೇ ಐಪಿಎಲ್​ನಲ್ಲಿ ಗಾಯಗೊಂಡ ಲವ್​ನಿತ್ ಸಿಸೋಡಿಯಾಗೆ ಬದಲಿ ಆಟಗಾರನಾಗಿ ಮತ್ತೆ ಆರ್​ಸಿಬಿ ಸೇರಿದರು. ಮೂಲ ಬೆಲೆ 20 ಲಕ್ಷಕ್ಕೆ ಸೇರಿದ್ದರು.

ಇದು ತನ್ನ ಅದೃಷ್ಟ ಬದಲಾದ ಕ್ಷಣ. ಆರ್​ಸಿಬಿ ಸೇರುವ ಅವಕಾಶ ಪಡೆದಿದ್ದ ಕಾರಣ 24 ಗಂಟೆಗಳಲ್ಲಿ ನಡೆಯಬೇಕಿದ್ದ ಮದುವೆಯನ್ನು ಮುಂದೂಡಿದ್ದರು. ಇದು ಸಾಕಷ್ಟು ಮೆಚ್ಚುಗೆಗೆ ಕಾರಣವಾಗಿತ್ತು.

ಮದುವೆಗಾಗಿ ಹೋಟೆಲ್ ಬುಕ್ ಮಾಡಲಾಗಿತ್ತು. ಮದುವೆಯ ಕಾರ್ಡ್‌ಗಳನ್ನು ವಿತರಿಸಲಾಗಿತ್ತು. ಆದರೆ ವಿಧಿ ಅವರಿಗೆ ಬೇರೇನೋ ಕಾದಿರಿಸಿತ್ತು. ಇಂದು ಅವರು ಅದೇ ತಂಡದ ನಾಯಕರಾಗಿದ್ದಾರೆ.

2023ರಲ್ಲಿ ರಜತ್ ಪಾಟೀದಾರ್ ವೈವಾಹಿಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಅವರ ಪತ್ನಿಯ ಹೆಸರು ಗುಂಜನ್.

ಗುಂಜನ್ ಸಾಮಾಜಿಕ ಮಾಧ್ಯಮದಿಂದ ದೂರವಿರುತ್ತಾರೆ. ಅಲ್ಲದೆ, ಗುಂಜನ್ ಏನು ಮಾಡುತ್ತಾನೆ ಎಂಬುದರ ಬಗ್ಗೆ ಯಾವುದೇ ಮಾಹಿತಿ ಇಲ್ಲ.

ರಜತ್ ಇಲ್ಲಿಯವರೆಗೆ ಐಪಿಎಲ್‌ನಲ್ಲಿ ಒಟ್ಟು 27 ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದು, 34.74 ಸರಾಸರಿಯಲ್ಲಿ ಒಟ್ಟು 799 ರನ್ ಗಳಿಸಿದ್ದಾರೆ. 

ಇಷ್ಟೇ ಅಲ್ಲ, ರಜತ್ ಐಪಿಎಲ್‌ನಲ್ಲಿ ಒಂದು ಶತಕ ಮತ್ತು 7 ಅರ್ಧಶತಕ ಗಳಿಸಿದ್ದಾರೆ. ಐಪಿಎಲ್ ಪ್ಲೇಆಫ್‌ನಲ್ಲಿ ಶತಕ ಬಾರಿಸಿದ ಮೊದಲ ಅನ್‌ಕ್ಯಾಪ್ಡ್ ಆಟಗಾರ ಕೂಡ ಇವರೇ.

Office Desk: ನಿಮ್ಮ ಆಫೀಸ್ ಡೆಸ್ಕ್ ಮೇಲೆ ಇರಿಸಬಹುದಾದ 5 ಸಸ್ಯಗಳು ಇವು