ಓದಿದ್ದು ನೆನಪುಳಿಯಲು ಈ ಸರಳ ಟಿಪ್ಸ್ ಅನುಸರಿಸಿ

ಪರೀಕ್ಷೆ ಬಂದಾಗ ಮಕ್ಕಳಿಗೆ ಓದುವ ಚಿಂತೆ. ಆದರೆ, ಪರೀಕ್ಷೆ ಚೆನ್ನಾಗಿ ಬರೆಯಲು ಚೆನ್ನಾಗಿ ಓದಿರಬೇಕು. ಅದು ಅರ್ಥವಾಗಿರಬೇಕು.

ಓದಿದ್ದು ನೆನಪುಳಿಯಲು ಕೆಲವೊಂದು ಸರಳ ತಂತ್ರಗಳಿವೆ. ಇವು ನೀವು ಅನುಸರಿಸಿದರೆ, ಓದಿದ್ದು ಮರೆಯಲ್ಲ.

ತಂತ್ರ 1: ಮನನ (ರಿವಿಷನ್‌), ಪುನರಾವರ್ತಿತ ಓದು ದೀರ್ಘಕಾಲದ ನೆನಪು ಸುಧಾರಿಸುತ್ತದೆ. ಒಂದೇ ದಿನ ಅತಿಯಾಗಿ ಓದುವ ಬದಲು ನಿಯಮಿತವಾಗಿ ಅರ್ಥಮಾಡಿಕೊಂಡು ಓದಿ.

ತಂತ್ರ 2: ಗಟ್ಟಿಯಾಗಿ ಓದುವುದು, ಗೆಳೆಯರೊಂದಿಗೆ ಚರ್ಚಿಸುವುದನ್ನು ಮಾಡಿ. ಗುಂಪು ಓದು ಅಭ್ಯಾಸ ಮಾಡಿ

ತಂತ್ರ 3: ನೀವು ಓದಿದ್ದನ್ನು, ಕಲಿತದ್ದನ್ನು ಇತರರಿಗೆ ಕಲಿಸಿ. ಇನ್ನೊಬ್ಬರಿಗೆ ಹೇಳಿಕೊಡುವುದು ನಮ್ಮ ನೆನಪು, ತಿಳುವಳಿಕೆ ಹೆಚ್ಚಿಸುತ್ತದೆ.

ತಂತ್ರ 4: ಬರೆದು ಕಲಿಯಿರಿ. ಓದಿದ್ದನ್ನು ಬರೆದರೆ ನೆನಪಿನಲ್ಲಿ ಹೆಚ್ಚು ಸಮಯ ಉಳಿಯುತ್ತದೆ. ಆ ವಿಷಯ ಆಳವಾಗಿ ಅರ್ಥವಾಗುತ್ತದೆ.

ತಂತ್ರ 5: ಕಲಿಕೆ ಮತ್ತು ನಡಿಗೆಯನ್ನು ಸಂಯೋಜಿಸಿ. ಟಿಪ್ಪಣಿ ಕೇಳುವಾಗ ನಡೆಯಿರಿ. ಇದು ಗಮನ ಹೆಚ್ಚಿಸುವುದರ ಜೊತೆಗೆ ದೈಹಿಕ ಆರೋಗ್ಯಕ್ಕೂ ಒಳ್ಳೆಯದು.

ತಂತ್ರ 6: ಸಾಕಷ್ಟು ನಿದ್ದೆ ಮಾಡಿ. ದೇಹಕ್ಕೆ ಸರಿಯಾಗಿ ವಿಶ್ರಾಂತಿ ಕೊಡಿ. ಆ ಸಮಯದಲ್ಲಿ ನಿಮ್ಮ ಮೆದುಳು ಕಲಿಕೆಯನ್ನು ಕ್ರೋಢೀಕರಿಸುತ್ತದೆ.

ತಂತ್ರ 7:ಸ್ವಯಂ ಪರೀಕ್ಷೆ ಬರೆಯಿರಿ. ಓದಿದ್ದು ನೆನಪುಳಿಯಲು ನೀವಾಗಿಯೇ ಪರೀಕ್ಷೆ ಬರೆಯಿರಿ. ಹಳೆಯ ಪ್ರಶ್ನೆ ಪತ್ರಿಕೆಗಳಿಗೆ ಉತ್ತರಿಸಿ.

ಎಚ್ಚರ! 

ನಿಮ್ಮ ನಾಯಿಗೆ ಈ ಆಹಾರಗಳನ್ನು ಯಾವತ್ತೂ ಕೊಡಲೇಬೇಡಿ