ಓದುವ ಗ್ರಹಿಕೆ ಸುಧಾರಿಸಲು ಸಪ್ತಸೂತ್ರಗಳಿವು

ಇನ್ನೇನು ಪರೀಕ್ಷೆಗಳ ಸಮಯ. ಮಕ್ಕಳು ಓದು ಹಾಗೂ ಮನನದತ್ತ ಗಮನ ಕೊಡುವ ಕಾಲ.

ನಿಮ್ಮ ಗ್ರಹಿಕೆ ಸಾಮರ್ಥ್ಯ ಕಡಿಮೆ ಇದೆ ಎಂದು ನಿಮಗನಿಸಿರಬಹುದು. ಈ ಸರಳ ತಂತ್ರಗಳೊಂದಿಗೆ ಓದಿದ್ದನ್ನು ಬೇಗ ಗ್ರಹಿಸುವಂತೆ ಮಾಡಬಹುದು.

ಮೊದಲು ಪ್ರಮುಖಾಂಶಗಳನ್ನು ಗಮನಿಸಿ. ವಿವರಗಳನ್ನು ನೋಡುವ ಮೊದಲು ಶೀರ್ಷಿಕೆ, ಉಪಶೀರ್ಷಿಕೆಗಳು ಮತ್ತು ಬೋಲ್ಡ್ ಪಠ್ಯಗಳನ್ನು ಓದಿ.

ಪಠ್ಯದೊಳಗಿನ ಪ್ರಮುಖ ಅಂಶಗಳನ್ನು ಗುರುತು ಹಾಕಿಕೊಳ್ಳಿ. ಬಣ್ಣದಿಂದ ಮಾರ್ಕ್ ಮಾಡಿ. ಇದು ಮನನ ಸಮಯದಲ್ಲಿ ತ್ವರಿತವಾಗಿ ಪರಿಶೀಲಿಸಲು ನೆರವಾಗುತ್ತದೆ.

ಓದುವಾಗ ಬರುವ ಗೊಂದಲಗಳನ್ನು ಪ್ರಶ್ನೆ ಮಾಡಿ. ಅದರ ಪಟ್ಟಿ ಮಾಡಿ ಶಿಕ್ಷಕರಲ್ಲಿ ಕೇಳಿ. ಗೊಂದಲಗಳನ್ನು ಉಳಿಸಬೇಡಿ.

ನಿಮ್ಮದೇ ಬರವಣಿಗೆಯಲ್ಲಿ ಟಿಪ್ಪಣಿ (ನೋಟ್ಸ್) ಮಾಡಿಕೊಳ್ಳಿ. ಪಾಯಿಂಟ್‌, ಸಾರಾಂಶ ಬರೆದುಕೊಳ್ಳಿ. ಇದು ಗ್ರಹಿಕೆ ಸುಧಾರಿಸಿ ನೆನಪಿನಲ್ಲಿ ಉಳಿಯಲು ಉತ್ತಮ.

ಓದಿದ್ದನ್ನು ಚರ್ಚಿಸಿ. ಇತರರೊಂದಿಗೆ ವಿಷಯದ ಬಗ್ಗೆ ಮಾತನಾಡಿದರೆ, ನಿಮ್ಮ ತಿಳುವಳಿಕೆ ಆಳವಾಗುತ್ತದೆ. ಗೊಂದಲ ನಿವಾರಣೆಯಾಗುತ್ತದೆ.

ನಿಯಮಿತವಾಗಿ ಅಭ್ಯಾಸ ಮಾಡಿ. ಓದಿದಷ್ಟು ಗ್ರಹಿಕೆ ಹೆಚ್ಚುತ್ತದೆ. ನಿಧಾನವಾಗಿ ಗ್ರಹಿಕೆ ಸಾಮರ್ಥ್ಯ ವೃದ್ಧಿಸುತ್ತದೆ.

ಮನನ ಮಾಡಿ ಸಂಕ್ಷಿಪ್ತ ಟಿಪ್ಪಣಿ ಮಾಡಿ. ಓದಿದ ನಂತರ, ಪ್ರಮುಖ ಅಂಶಗಳನ್ನು ಸಂಕ್ಷಿಪ್ತಗೊಳಿಸಿ. ಇದು ಕಲಿತದ್ದನ್ನು ನೆನಪಿನಲ್ಲಿಡಲು ಸಹಾಯ ಮಾಡುತ್ತದೆ.

RR ವಿರುದ್ಧ ಶತಕ ಸಿಡಿಸಿದ್ದ ಇಶಾನ್‌ ಕಿಶನ್‌ LSG ವಿರುದ್ಧ ಗೋಲ್ಡನ್‌ ಡಕ್‌