ಆರೋಗ್ಯಕರ, ರುಚಿಕರ ಸಾಂಪ್ರದಾಯಿಕ 8 ಬಗೆಯ ದಕ್ಷಿಣ ಭಾರತೀಯ ಚಟ್ನಿಗಳಿವು

ದಕ್ಷಿಣ ಭಾರತೀಯ ಪಾಕಪದ್ಧತಿಯು ರುಚಿ ಹಾಗೂ ಪರಿಮಳಕ್ಕೆ ಬಹಳ ಹೆಸರುವಾಸಿಯಾಗಿದೆ. ಇಲ್ಲಿ ತಯಾರಿಸಲಾಗುವ ಚಟ್ನಿಯು ದೋಸೆ, ಇಡ್ಲಿ ಮಾತ್ರವಲ್ಲದೆ ಅನ್ನ, ಚಿತ್ರಾನ್ನದ ಜತೆಗೆ ತಿನ್ನಲೂ ರುಚಿಕರವಾಗಿರುತ್ತದೆ.

ದಕ್ಷಿಣ ಭಾರತದಲ್ಲಿ ಸಾಂಪ್ರದಾಯಿಕವಾಗಿ ತಯಾರಿಸಲಾಗುವ ಪ್ರಸಿದ್ಧ 8 ಬಗೆಯ ಚಟ್ನಿಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಕಡಲೆಕಾಯಿ ಚಟ್ನಿ: ಹುರಿದ ಕಡಲೆಕಾಯಿಯನ್ನು ಒಣಮೆಣಸು, ಬೆಳ್ಳುಳ್ಳಿ ಮತ್ತು ಹುಣಸೆಹಣ್ಣು ಸೇರಿಸಿ ರುಬ್ಬಿಕೊಳ್ಳಿ. ನಂತರ ಇದಕ್ಕೆ ಒಗ್ಗರಣೆ ಕೊಡಿ.

ತೆಂಗಿನಕಾಯಿ ಚಟ್ನಿ: ತೆಂಗಿನತುರಿ, ಹುರಿದ ಕಡಲೆಬೇಳೆ, ಹಸಿ ಮೆಣಸಿನಕಾಯಿ, ಶುಂಠಿ, ಉಪ್ಪು, ಕರಿಬೇವಿನ ಎಲೆ, ನೀರು ಹಾಕಿ ರುಬ್ಬಲಾಗುತ್ತದೆ. ಇದಕ್ಕೆ ಒಗ್ಗರಣೆ ಸೇರಿಸಿದರೆ ಬಹಳ ರುಚಿಕರವಾಗಿರುತ್ತದೆ.

ಟೊಮೆಟೊ ಚಟ್ನಿ: ಈರುಳ್ಳಿ, ಬೆಳ್ಳುಳ್ಳಿ, ಒಣಮೆಣಸು ಹುರಿದುಕೊಂಡು ಮಿಕ್ಸಿ ಜಾರಿಗೆ ಹಾಕಿ. ಜೊತೆಗೆ ಹುಣಸೆಹಣ್ಣು, ಉಪ್ಪು ಸೇರಿಸಿ ರುಬ್ಬಿಕೊಳ್ಳಿ. ನಂತರ ಒಗ್ಗರಣೆ ಕೊಟ್ಟರೆ ಚಟ್ನಿ ಸಿದ್ಧ.

ಕ್ಯಾರೆಟ್ ಚಟ್ನಿ: ಈ ಚಟ್ನಿ ಮಾಡಲು ತುರಿದ ಕ್ಯಾರೆಟ್, ತೆಂಗಿನತುರಿ, ಒಣಮೆಣಸು, ಬೆಳ್ಳುಳ್ಳಿ, ಹುಣಸೆಹಣ್ಣನ್ನು ರುಬ್ಬಿಕೊಳ್ಳಿ. ನಂತರ ಎಣ್ಣೆಗೆ ಈರುಳ್ಳಿ, ಬೆಳ್ಳುಳ್ಳಿ, ಸಾಸಿವೆ, ಕರಿಬೇವಿನ ಎಲೆಯ ಒಗ್ಗರಣೆ ಹಾಕಿದರೆ ರುಚಿಕರವಾಗಿರುತ್ತದೆ. 

ಬೀಟ್ರೂಟ್ ಚಟ್ನಿ: ಬೆಳ್ಳುಳ್ಳಿ , ಒಣಮೆಣಸು, ಬೀಟ್ರೂಟ್ ಹುರಿದು ತೆಂಗಿನತುರಿ ಮತ್ತು ಹುಣಸೆಹಣ್ಣನ್ನು ಸೇರಿಸಿ ರುಬ್ಬಿಕೊಳ್ಳಿ. ಇದಕ್ಕೆ ಸಾಸಿವೆ, ಒಣಮೆಣಸು, ಕರಿಬೇವಿನ ಎಲೆಯ ಒಗ್ಗರಣೆ ಕೊಡಿ.

ಕೊತ್ತಂಬರಿ ಚಟ್ನಿ: ಕೊತ್ತಂಬರಿ ಸೊಪ್ಪು, ತೆಂಗಿನತುರಿ, ಹಸಿಮೆಣಸಿನಕಾಯಿ, ಶುಂಠಿ, ಹುರಿದ ಕಡಲೆಬೇಳೆ, ಉಪ್ಪು, ನೀರು ಹಾಕಿ ರುಬ್ಬಿಕೊಳ್ಳಿ. ಇದಕ್ಕೆ ಒಗ್ಗರಣೆ ಹಾಕಿ, ನಿಂಬೆ ರಸ ಹಿಂಡಿ.

ಈರುಳ್ಳಿ-ಟೊಮೆಟೊ ಚಟ್ನಿ: ಟೊಮೆಟೊ, ಬೆಳ್ಳುಳ್ಳಿ, ಈರುಳ್ಳಿಯನ್ನು ಹುರಿದು ಮಿಕ್ಸಿ ಜಾರಿಗೆ ಹಾಕಿ. ಇದರ ಜೊತೆಗೆ ಹುರಿದ ಒಣಮೆಣಸು, ಹುಣಸೆಹಣ್ಣು, ಉಪ್ಪು ಸೇರಿಸಿ ರುಬ್ಬಿಕೊಳ್ಳಿ. ನಂತರ ಒಗ್ಗರಣೆ ಕೊಟ್ಟರೆ ಚಟ್ನಿ ಸಿದ್ಧ.

ಕರಿಬೇವಿನ ಚಟ್ನಿ: ಕರಿಬೇವಿನ ಎಲೆ, ಹುಣಸೆಹಣ್ಣು, ಒಣಮೆಣಸು, ಹುರಿದ ಕೊತ್ತಂಬರಿ ಬೀಜ, ಕಾಳುಮೆಣಸು, ಉಪ್ಪು ಸೇರಿಸಿ ರುಬ್ಬಿಕೊಳ್ಳಿ. ನಂತರ ಒಗ್ಗರಣೆ ಹಾಕಿ ರುಬ್ಬಿರುವ ಮಿಶ್ರಣವನ್ನು ಹಾಕಿ ಚೆನ್ನಾಗಿ ಹುರಿದರೆ ಸಾಕು ಚಟ್ನಿ ಸಿದ್ಧ.

ಮನೆಯಲ್ಲಿ ಮೊಲ ಸಾಕಬಹುದೇ? ಜ್ಯೋತಿಷ್ಯದ ಪ್ರಕಾರ ಶುಭವೋ, ಅಶುಭವೋ?