ವಾವ್, ಸೂಪರ್ ಟೇಸ್ಟಿ ಆಂಧ್ರ ಸ್ಟೈಲ್ ಬದನೆಕಾಯಿ ಚಟ್ನಿ ರೆಸಿಪಿ ಇಲ್ಲಿದೆ

ಆಂಧ್ರ ಶೈಲಿಯ ಬದನೆಕಾಯಿ ಚಟ್ನಿ ಅಥವಾ ಬದನೆಕಾಯಿ ಪಚಡಿ ಒಮ್ಮೆ ತಿಂದ್ರೆ ಅವರ ರುಚಿಗೆ ನಿಮ್ಮ ನಾಲಿಗೆಯನ್ನು ಕಾಡೋದು ಖಂಡಿತ. ಥಟ್ಟಂತ ತಯಾರಾಗುವ ಈ ಚಟ್ನಿ ಅನ್ನದೊಂದಿಗೆ ಮಸ್ತ್‌ ಕಾಂಬಿನೇಷನ್‌.

ಬದನೆಕಾಯಿ- ಕಾಲು ಚಮಚ, ಹಸಿಮೆಣಸು - 3, ಒಣಮೆಣಸು - 6, ಹುಣಸೆಹಣ್ಣು - 1 ನಿಂಬೆ ಗಾತ್ರದ್ದು, ಜೀರಿಗೆ - 1 ಚಮಚ, ಕಡಲೆಬೇಳೆ - 1 ಚಮಚ, ಉದ್ದಿನಬೇಳೆ - 1 ಚಮಚ, ಶೇಂಗಾ ಹುರಿದಿದ್ದು -  1 ಚಮಚ 

ಬೇಕಾಗುವ ಸಾಮಗ್ರಿಗಳು: ಕೊತ್ತಂಬರಿ ಸೊಪ್ಪು - ಸ್ವಲ್ಪ, ಬೆಳ್ಳುಳ್ಳಿ - 4 ಎಸಳು, ಎಣ್ಣೆ - 3 ಚಮಚ, ಉಪ್ಪು - ರುಚಿಗೆ, ಕರಿಬೇವು - 1 ಎಸಳು, ಸಾಸಿವೆ - ಅರ್ಧ ಚಮಚ 

ತಯಾರಿಸುವ ವಿಧಾನ: ಪ್ಯಾನ್‌ನಲ್ಲಿ ಎಣ್ಣೆ ಹಾಕಿ ಮಧ್ಯಮ ಉರಿಯಲ್ಲಿ ಬಿಸಿ ಮಾಡಿ. ಅದಕ್ಕೆ ಜೀರಿಗೆ, ಉದ್ದಿನಬೇಳೆ, ಕಡಲೆಬೇಳೆ ಹಾಗೂ ಒಣಮೆಣಸು ಸೇರಿಸಿ. 

ಈ ಎಲ್ಲವನ್ನೂ ಮೂರು ನಿಮಿಷಗಳ ಕಾಲ ಚೆನ್ನಾಗಿ ಹುರಿದುಕೊಳ್ಳಿ. ಬಣ್ಣಲಾಗಬೇಕು, ಆದರೆ ಅತಿಯಾಗಿ ಕಪ್ಪಾದ್ರೆ ರುಚಿ ಕೆಡುತ್ತೆ ನೆನಪಿರಲಿ. 

ನಂತರ ಹೆಚ್ಚಿಕೊಂಡ ಬದನೆಕಾಯಿ ಎಣ್ಣೆಗೆ ಸೇರಿಸಿ ಎಣ್ಣೆಯಲ್ಲಿ ಹುರಿದುಕೊಳ್ಳಿ.

ಹುರಿದುಕೊಂಡ ಸಾಮಗ್ರಿಗಳು, ಬದನೆಕಾಯಿ, ಹುಣಸೆಹಣ್ಣು, ಉಪ್ಪು, ಹಸಿಮೆಣಸು, ಬೆಳ್ಳುಳ್ಳಿ ಹಾಗೂ ಕೊತ್ತಂಬರಿ ಸೊಪ್ಪು ಎಲ್ಲವನ್ನೂ ಸೇರಿಸಿ ಚೆನ್ನಾಗಿ ರುಬ್ಬಿಕೊಳ್ಳಿ. 

ನಿಮಗೆ ಅಗತ್ಯ ಎನ್ನಿಸುವಷ್ಟು ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಂಡರೆ ಚಟ್ನಿ ರೆಡಿ. ಇದಕ್ಕೆ ಒಂದು ಒಗ್ಗರಣೆ ಕೊಟ್ಟರೆ ಆಹಾ ಇದರ ರುಚಿಗೆ ಸವಿದೇ ನೋಡಬೇಕು. 

ಐಪಿಎಲ್‌ 18ನೇ ಆವೃತ್ತಿಯಲ್ಲಿ ಕೆಕೆಆರ್ ತಂಡವನ್ನು ಅಜಿಂಕ್ಯ ರಹಾನೆ ಮುನ್ನಡೆಸಲಿದ್ದಾರೆ.