ಬೂಂದಿ ಕಡಲೆಹಿಟ್ಟಿನಿಂದ ತಯಾರಾಗುವ ಖಾದ್ಯ. ಇದನ್ನು ಚಿಕ್ಕ ಚಿಕ್ಕ ಉಂಡೆಗಳನ್ನಾಗಿ ಮಾಡಿ ಎಣ್ಣೆಯಲ್ಲಿ ಕರಿಯಲಾಗುತ್ತದೆ. ಬಿಸಿಬೇಳೆ ಬಾತ್‌ ಸೇರಿದಂತೆ ವಿವಿಧ ಭಕ್ಷ್ಯಗಳ ಜೊತೆ ಇದನ್ನು ಸವಿಯುತ್ತಾರೆ. ಬೂಂದಿಯನ್ನು ಯಾವೆಲ್ಲಾ ಖಾದ್ಯಗಳ ಜೊತೆ ಬಳಸಬಹುದು ನೋಡಿ.
ಬೂಂದಿ ಮಸಾಲಾ: ಬೂಂದಿ ಮಸಾಲ ಸುಲಭವಾಗಿ ತಯಾರಿಸುವ ಖಾದ್ಯವಾಗಿದ್ದು, ಈರುಳ್ಳಿ, ಟೊಮೆಟೊ, ಮಸಾಲೆಗಳೊಂದಿಗೆ ಬೂಂದಿಯನ್ನು ಹುರಿದು ತಯಾರಿಸಲಾಗುತ್ತದೆ. ಇದನ್ನು ಬಿಸಿ ಚಪಾತಿ ಜೊತೆ ತಿನ್ನಲು ಸೂಕ್ತ ಎನ್ನಿಸುತ್ತದೆ.
ಬೂಂದಿ ರಾಯಿತ: ತಾಜಾ ಮೊಸರಿನೊಂದಿಗೆ ಬೂಂದಿ, ಜೀರಿಗೆ, ಉಪ್ಪು, ಖಾರದಪುಡಿ ಮತ್ತು ಕಾಳುಮೆಣಸಿನ ಪುಡಿ ಸೇರಿಸಿ ಅದ್ಭುತ ರುಚಿಯ ಬೂಂದಿ ರಾಯಿತ ತಯಾರಿಸಬಹುದು.
ಬೂಂದಿ ಭೇಲ್‌: ಸಂಜೆಯ ಸ್ಯ್ನಾಕ್ಸ್‌ಗೆ ಬೂಂದಿ ಭೇಲ್‌ ಹೇಳಿ ಮಾಡಿಸಿದ್ದು. ಬೂಂದಿಯನ್ನು ಮಂಡಕ್ಕಿ ಜೊತೆ ಬೆರೆಸಿ ವಿವಿಧ ತರಕಾರಿಗಳನ್ನು ಹೆಚ್ಚಿ ಹಾಕಿ. ಮೇಲೆ ನಿಂಬೆ ರಸ ಮತ್ತು ಕೊತ್ತಂಬರಿ ಸೊಪ್ಪು ಉದುರಿಸಿ.
ಬೂಂದಿ ಡೆಸರ್ಟ್‌: ಬೂಂದಿಯನ್ನು ಐಸ್‌ಕ್ರೀಮ್‌ ಮತ್ತು ಕೇಕ್‌ನಂತಹ ಸಿಹಿತಿಂಡಿಗಳ ಜೊತೆ ಬಳಸಲಾಗುತ್ತದೆ. ಇದು ತಿನಿಸುಗಳಿಗೆ ಭಿನ್ನ ವಿನ್ಯಾಸ ಹಾಗೂ ರುಚಿ ನೀಡುವಂತೆ ಮಾಡುತ್ತದೆ.
ಬೂಂದಿ ಕಢಿ: ಬೂಂದಿ ಕಢಿ ಮೊಸರು, ಗಿಡಮೂಲಿಕೆಗಳು ಮತ್ತು ಮಸಾಲೆಗಳನ್ನು ಸೇರಿಸಿ ಗ್ರೇವಿ ರೂಪದಲ್ಲಿ ತಯಾರಿಸುವ ಖಾದ್ಯ ಇದಾಗಿದೆ. ಇದನ್ನು ಅನ್ನ ಹಾಗೂ ಚಪಾತಿಯೊಂದಿಗೆ ತಿನ್ನಲು ಯೋಗ್ಯವಾಗಿರುತ್ತದೆ.
ಬೂಂದಿ ಪಲಾವ್‌: ಬೂಂದಿ ಪಲಾವ್‌ನ ರುಚಿ ಸಖತ್‌ ಆಗಿರುತ್ತೆ. ತರಕಾರಿ, ಈರುಳ್ಳಿ, ಮಸಾಲೆಗಳನ್ನು ಸೇರಿಸಿ ತಯಾರಿಸಿದ ಪಲಾವ್‌ ಡಿಫ್ರೆಂಟ್‌ ಟೇಸ್ಟ್‌ ಇರುತ್ತೆ.
ಬೂಂದಿ ಸಲಾಡ್‌: ಬೂಂಡಿ ಸಲಾಡ್‌ ಭಿನ್ನ ರುಚಿ ಹೊಂದಿರುತ್ತದೆ. ಸೌತೆಕಾಯಿ, ಕ್ಯಾರೆಟ್‌, ಟೊಮೆಟೊ, ಚಾಟ್‌ ಮಸಾಲೆ ಸೇರಿಸಿ ತಯಾರಿಸುವ ಈ ಸಲಾಡ್‌ನ ರುಚಿಗೆ ಸಾಟಿಯಿಲ್ಲ.
ಬೂಂದಿ ಚಾಟ್‌: ಈರುಳ್ಳಿ, ಟೊಮೆಟೊ, ಬೇಯಿಸಿದ ಆಲೂಗೆಡ್ಡೆ, ಹುಣಸೆಹಣ್ಣಿನ ಚಟ್ನಿ ಈ ಎಲ್ಲವನ್ನೂ ಬೆರೆಸಿ ತಯಾರಿಸಿದ ಬೂಂದಿ ಚಾಟ್‌ ಮಳೆಗಾಲಕ್ಕೆ ಹೇಳಿ ಮಾಡಿಸಿದ್ದು.
ಶನಿ ಜಯಂತಿ ದಿನ ಏನು ದಾನ ಮಾಡಬೇಕು; ಇದರಿಂದ ಏನೆಲ್ಲಾ ಪ್ರಯೋಜನಗಳಿವೆ