ಮಣ್ಣಿನ ಕುಂಡದಲ್ಲಿ ಹಸಿಮೆಣಸಿನಕಾಯಿ ಗಿಡ ಬೆಳೆಯುವುದು ಹೇಗೆ, ಇಲ್ಲಿದೆ ಸಲಹೆ

ಮನೆಯಂಗಳದಲ್ಲಿ ಸೂಕ್ತ ಸ್ಥಳವಕಾಶ ಇಲ್ಲದವರು ಬಾಲ್ಕನಿಯಲ್ಲಿ ಗಿಡಗಳನ್ನು ಬೆಳೆಸುತ್ತಾರೆ. ಮಣಿನ ಕುಂಡ ಅಥವಾ ಪಾಟ್‌ನಲ್ಲಿ ಹಸಿಮೆಣಸಿನಕಾಯಿ ಗಿಡ ಹೇಗೆ ಬೆಳೆಯಬಹುದು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.

ಎಲ್ಲಾ ಮೆಣಸಿನಕಾಯಿ ಗಿಡಗಳು ಸಣ್ಣ ಜಾಗಗಳಿಗೆ ಸೂಕ್ತವಾಗಿರುವುದಿಲ್ಲ. ಹೀಗಾಗಿ ಪಾಟ್ ಅಥವಾ ಕುಂಡದಲ್ಲಿ ಬೆಳೆಯುವ ಪ್ರಭೇದವನ್ನು ಆರಿಸಿ. ಬಾಲ್ಕನಿಯಲ್ಲಿ ಬೆಳೆಯುವಂತಹ ತಳಿಗಳಿದ್ದು, ಅವುಗಳನ್ನು ಆರಿಸಿ ಬೆಳೆಸಿ.

ಸರಿಯಾದ ತಳಿ ಆರಿಸಿ

ಸೂಕ್ತ ಕುಂಡ ಆರಿಸಿ

ಗಿಡಗಳ ಬೇರುಗಳು ಬೆಳೆಯಲು ಸ್ಥಳಾವಕಾಶ ಬೇಕಾಗುತ್ತದೆ. ಹೀಗಾಗಿ ಕನಿಷ್ಠ 12 ರಿಂದ 16 ಇಂಚು ಆಳ ಮತ್ತು ಅಗಲವಿರುವ ಕುಂಡ ಅಗತ್ಯ.

ಬಿಸಿಲಿರುವ ಸ್ಥಳದಲ್ಲಿರಿಸಿ

ಮೆಣಸಿನಕಾಯಿ ಗಿಡಕ್ಕೆ ಸೂರ್ಯನ ಬೆಳಕು ಬೇಕಾಗುತ್ತದೆ. ಹೀಗಾಗಿ ಮಣ್ಣಿನ ಕುಂಡವನ್ನು ಪ್ರತಿದಿನ ಕನಿಷ್ಠ 6 ರಿಂದ 8 ಗಂಟೆಗಳ ಕಾಲ ಬಿಸಿಲು ಬೀಳುವ ಸ್ಥಳದಲ್ಲಿರಿಸಿ. ಸೂರ್ಯನ ಬೆಳಕು ಹೆಚ್ಚು ಪಡೆಯುವುದರಿಂದ ಮೆಣಸಿನಕಾಯಿ ಗಿಡ ಉತ್ತಮವಾಗಿ ಬೆಳೆಯುತ್ತದೆ.

ಸಸ್ಯ ಬೆಳೆದಂತೆ ಅದಕ್ಕೆ ಆಧಾರ ನೀಡಿ

ಗಿಡ ಎತ್ತರವಾಗಿ ಬೆಳೆದಂತೆ ಅವುಗಳಿಗೆ ಬೆಂಬಲ ನೀಡಲು ಏನಾದರೂ ಆಧಾರ ನೀಡಬೇಕು. ಸಸ್ಯವನ್ನು ನೇರವಾಗಿಡಲು ಸಣ್ಣ ಕಂಬವನ್ನು ಬಳಸಬಹುದು.

ಅತಿಯಾಗಿ ನೀರು ಹಾಕಬೇಡಿ

ಹಸಿಮೆಣಸಿನಕಾಯಿ ಗಿಡಗಳು ತೇವಾಂಶವುಳ್ಳ ಮಣ್ಣಿನಲ್ಲಿ ಚೆನ್ನಾಗಿ ಬೆಳೆಯುತ್ತವೆ. ಆದರೆ ಕುಂಡದಲ್ಲಿ ನೀರು ನಿಲ್ಲಬಾರದು. ಹೀಗಾಗಿ ಅತಿಯಾಗಿ ನೀರು ಹಾಕುವುದು ಉತ್ತಮವಲ್ಲ. ಮಣ್ಣು ಒಣಗಿದಾಗ ನೀರು ಹಾಕಿದರೆ ಸಾಕು.

ಗೊಬ್ಬರ ಹಾಕಿ ಪೋಷಿಸಿ

ಗಿಡಗಳಿಗೆ ಪ್ರತಿ 2 ರಿಂದ 3 ವಾರಗಳಿಗೊಮ್ಮೆ ಸಮತೋಲಿತ ಗೊಬ್ಬರವನ್ನು ಹಾಕಿ. ಅದಕ್ಕೆ ಅಗತ್ಯವಿರುವ ಪೋಷಕಾಂಶಗಳನ್ನು ಒದಗಿಸಲು ಸಾವಯವ ಗೊಬ್ಬರವನ್ನು ಸಹ ಬಳಸಬಹುದು. ಆದರೆ, ಅತಿಯಾಗಿ ಹಾಕಬೇಡಿ.

ಕೀಟಗಳ ಬಗ್ಗೆ ನಿಗಾ ಇರಿಸಿ

ಹಸಿಮೆಣಸಿನಕಾಯಿ ಗಿಡಗಳು ಬಿಳಿ ನೊಣಗಳು, ಗಿಡಹೇನುಗಳು ಮತ್ತು ಜೇಡ ಹುಳಗಳಂತಹ ಕೀಟಗಳಿಗೆ ಗುರಿಯಾಗುತ್ತವೆ. ಹೀಗಾಗಿ ಸಸ್ಯಗಳ ಮೇಲೆ ನಿಗಾ ಇರಿಸಿ. ಕೀಟಗಳನ್ನು ತೊಡೆದುಹಾಕಲು ಬೇವಿನ ಎಣ್ಣೆಯನ್ನು ಬಳಸಬಹುದು.

ಸರಿಯಾದ ಸಮಯದಲ್ಲಿ ಕೊಯ್ಲು ಮಾಡಿ

ಹಸಿಮೆಣಸಿನಕಾಯಿಗಳು ಸಂಪೂರ್ಣವಾಗಿ ಹಣ್ಣಾದ ನಂತರ ಅಂದರೆ ಅದು ಗಾಢ ಹಸಿರು ಬಣ್ಣಕ್ಕೆ ತಿರುಗಿದ ನಂತರ ಕೊಯ್ಲು ಮಾಡಿ.

ಗಮನಿಸಿ: ಈ ಮಾಹಿತಿಯು ಸಾಮಾನ್ಯ ಜ್ಞಾನ ಹಾಗೂ ಅಂತರ್ಜಾಲದಲ್ಲಿ ಸಿಕ್ಕ ಮಾಹಿತಿಯನ್ನ ಆಧರಿಸಿದೆ. ಈ ವಿಚಾರ ಸಂಪೂರ್ಣ ನಿಖರವಾಗಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪ್ರತಿಪಾದಿಸುವುದಿಲ್ಲ. ಈ ವಿಷಯದ ಕುರಿತ ನಿಖರ ಮಾಹಿತಿಗಾಗಿ ಸಂಬಂಧಪಟ್ಟ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ

Richest Celebrities: ಇವರು 2024ರ ವಿಶ್ವದ ಶ್ರೀಮಂತ ಸೆಲೆಬ್ರಿಟಿಗಳು