ಅಡುಗೆಗೆ ಬಳಸಲೇಬಾರದಂತಹ 7 ಎಣ್ಣೆಗಳಿವು, ಬಳಸಿದ್ರೆ ಆರೋಗ್ಯಕ್ಕೆ ತೊಂದರೆ ಖಚಿತ

ಅಡುಗೆ ವಿಷಯಕ್ಕೆ ಬಂದಾಗ ಅಡುಗೆಎಣ್ಣೆ ಖಾದ್ಯಗಳ ರುಚಿ ಹೆಚ್ಚಿಸುವ ಜೊತೆಗೆ ಪೌಷ್ಟಿಕಾಂಶವನ್ನೂ ಒದಗಿಸುತ್ತವೆ. ಆದರೆ ನಾವು ಬಳಸುವ ಎಲ್ಲಾ ಅಡುಗೆ ಎಣ್ಣೆಗಳು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಹಾಗಾದರೆ ಅಡುಗೆಗೆ ಬಳಸಬಾರದಂತಹ ಎಣ್ಣೆಗಳು ಯಾವುವು ನೋಡಿ. 

ಅಡುಗೆಎಣ್ಣೆಯ ಮಹತ್ವ: ಅಡುಗೆಎಣ್ಣೆಯು ಕೊಬ್ಬಿನಲ್ಲಿ ಕರಗುವ ಪೋಷಕಾಂಶಗಳಾದ ವಿಟಮಿನ್‌ ಎ, ಡಿ ಮತ್ತು ಕೆ, ಇ ಹೀರಿಕೊಳ್ಳುವಿಕೆಯನ್ನು ಸುಲಭಗೊಳಿಸುತ್ತದೆ. ಎಣ್ಣೆಯನ್ನು ಅಡುಗೆಗೆ ಬಳಸಿದಾಗ ಈ ಪೋಷಕಾಂಶಗಳನ್ನು ಆಹಾರದಿಂದ ಜೀರ್ಣಾಂಗ ವ್ಯವಸ್ಥೆಗೆ ಸಾಗಿಸಲು ಸಹಾಯ ಮಾಡುತ್ತವೆ. ಇದರಿಂದ ದೇಹಕ್ಕೆ ಸಮರ್ಪಕವಾಗಿ ಪೋಷಕಾಂಶ ಸಿಗುವಂತಾಗುತ್ತದೆ. 

ಜೋಳದ ಎಣ್ಣೆ: ಇದು ಅಪರ್ಯಾಪ್ತ ಕೊಬ್ಬಿನಾಮ್ಲಗಳಿಂದ ಸಮೃದ್ಧವಾಗಿದೆ. ಇದು ಕ್ಯಾನ್ಸರ್‌, ಉರಿಯೂತ, ಅಸ್ತಮಾ, ಟೈಪ್‌-2 ಡಯಾಬಿಟಿಸ್‌ ಸೇರಿದಂತೆ ಹಲವು ರೋಗಗಳಿಗೆ ಮೂಲವಾಗಬಹುದು. 

ಸೋಯಾಬಿನ್‌ ಎಣ್ಣೆ: ಇದರಲ್ಲಿ ಒಮೆಗಾ 6 ಕೊಬ್ಬಿನಾಮ್ಲ ಹೇರಳವಾಗಿದೆ. ಇದರ ಅತಿಯಾದ ಸೇವನೆಯು ಉರಿಯೂತದ ಸಮಸ್ಯೆಯನ್ನು ಹೆಚ್ಚಿಸುತ್ತದೆ ಹಾಗೂ ಇದು ಹಲವು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. 

ಹತ್ತಿ ಬೀಜದ ಎಣ್ಣೆ: ಇದರಲ್ಲೂ ಕೂಡ ಒಮೆಗಾ 3 ಕೊಬ್ಬಿನಾಮ್ಲ ಹೇರಳವಾಗಿರುತ್ತದೆ. ಇದು ಕೂಡ ಉರಿಯೂತ ಸೇರಿದಂತೆ ಹಲವು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. 

ಮಿಶ್ರಿತ ಸಸ್ಯಜನ್ಯ ಎಣ್ಣೆ: ಇದರಲ್ಲೂ ಕೂಡ ಒಮೆಗಾ 6 ಪ್ಯಾಟಿ ಆಸಿಡ್‌ ಅಂಶ ಸಮೃದ್ಧವಾಗಿರುತ್ತದೆ. ಇದು ಕೂಡ ದೇಹದಲ್ಲಿ ಉರಿಯೂತವನ್ನು ಹೆಚ್ಚಿಸುತ್ತದೆ. 

ಹೈಡ್ರೋಜೆನೇಟೆಡ್‌ ಎಣ್ಣೆ: ಈ ತೈಲಗಳನ್ನು ಹೈಡ್ರೋಜೆನೀಕರಣ ಪ್ರಕ್ರಿಯೆ ಮೂಲಕ ತಯಾರಿಸಲಾಗುತ್ತದೆ. ಈ ದ್ರವ ತೈಲವು ಘನ ಕೊಬ್ಬುಗಳಾಗಿ ಪರಿವರ್ತಿತವಾಗಬಹುದು. ಈ ಕೊಬ್ಬುಗಳು ಎಲ್‌ಡಿಎಲ್‌ ಅಂದರೆ ಕೆಟ್ಟ ಕೊಬ್ಬು ಸಂಗ್ರಹವಾಗಲು ಕಾರಣವಾಗುತ್ತದೆ. ಇದು ಹೃದಯದ ಸಮಸ್ಯೆಯನ್ನು ವೃದ್ಧಿಸುತ್ತದೆ. 

ರೈಸ್‌ ಬ್ರಾನ್‌ ಎಣ್ಣೆ: ವಿಟಮಿನ್‌ ಇ ಸಮೃದ್ಧವಾಗಿರುವ ಅಕ್ಕಿ ಹೊಟ್ಟಿನ ಎಣ್ಣೆ ಒಮೆಗಾ 6 ಕೊಬ್ಬಿನಾಮ್ಲವನ್ನು ಹೇರಳವಾಗಿ ಹೊಂದಿದೆ. ಇದು ಒಮೆಗಾ 3 ಹಾಗೂ ಒಮೆಗಾ 6 ಸಮತೋಲನಕ್ಕೆ ಅಡ್ಡಿಪಡಿಸಬಹುದು. ಅಲ್ಲದೇ ಇದು ಇತರ ಆರೋಗ್ಯ ಸಮಸ್ಯೆಗಳಿಗೂ ಮೂಲವಾಗಬಹುದು.

ಪಾಮ್‌ ಆಯಿಲ್‌: ಇದು ಹೆಚ್ಚು ಸ್ಯಾಚುರೇಟೆಡ್‌ ಕೊಬ್ಬಿನಾಮ್ಲವನ್ನು ಹೊಂದಿರುತ್ತದೆ. ಇದರಿಂದ ದೇಹದಲ್ಲಿ ಅಧಿಕ ಕೊಲೆಸ್ಟ್ರಾಲ್‌ ಮಟ್ಟ ಏರಿಕೆಯಾಗಬಹುದು. ಇದನ್ನು ಅತಿಯಾಗಿ ಸೇವಿಸಿದಾಗ ಹೃದ್ರೋಗದ ಅಪಾಯ ಹೆಚ್ಚಬಹುದು. 

ಹೆಚ್ಚು ಆದಾಯ ಗಳಿಸಲು ಕೌಶಲ್ಯ ಕಲಿಸುವ 6 ಉಚಿತ ಆನ್‌ಲೈನ್ ಕೋರ್ಸ್‌ಗಳು