ಪ್ರತಿದಿನ 1 ಗಂಟೆ ವಾಕ್‌ ಮಾಡುವುದರಿಂದ ದೇಹಕ್ಕಾಗುವ ಅದ್ಭುತ ಪ್ರಯೋಜನಗಳಿವು 

ಪ್ರತಿನಿತ್ಯ ವಾಕ್‌ ಮಾಡುವುದರಿಂದ ದೇಹಕ್ಕೆ ಹಲವು ಪ್ರಯೋಜನಗಳಿವೆ ಎಂಬುದು ನಮ್ಮೆಲ್ಲರಿಗೂ ತಿಳಿದಿರುವ ವಿಚಾರ. ವಾಕಿಂಗ್‌ ದೇಹದ ಹಲವು ರೋಗಗಳನ್ನು ನಿಯಂತ್ರಿಸುತ್ತದೆ. ಮಾತ್ರವಲ್ಲ ಇದು ಮಾನಸಿಕ ಆರೋಗ್ಯಕ್ಕೂ ಉತ್ತಮ.  

ಪ್ರತಿದಿನ 1 ಗಂಟೆ ಕಾಲ ವಾಕಿಂಗ್‌ ಮಾಡುವುದರಿಂದ ದೇಹಕ್ಕೆ ಹಲವು ಅದ್ಭುತ ಪ್ರಯೋಜನಗಳು ಸಿಗುತ್ತವೆ. ಅಂತಹ ಪ್ರಯೋಜನಗಳೇನು ಎಂದು ತಿಳಿದರೆ ನೀವು ಇಂದಿನಿಂದಲೇ ವಾಕಿಂಗ್‌ ಶುರು ಮಾಡುತ್ತೀರಿ. 

ಹೃದಯಕ್ಕೆ ಒಳ್ಳೆಯದು - ವಾಕಿಂಕ್‌ ನಮ್ಮ ಹೃದಯದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಹೃದ್ರೋಗಗಳಿಂದ ದೂರಾಗಲು ಪ್ರತಿದಿನ ಕನಿಷ್ಠ ಅರ್ಧ ಗಂಟೆಯವರೆಗೆ ಚುರುಕಾಗಿ ನಡೆಯಬೇಕು.

ಪ್ರತಿದಿನ 1 ಗಂಟೆಯ ವಾಕ್‌ ಹೃದಯ ಸಂಬಂಧಿ ಕಾಯಿಲೆಗಳನ್ನು ತಡೆಯುತ್ತದೆ ಮತ್ತು ಪಾರ್ಶ್ವವಾಯು ಅಪಾಯವನ್ನು ಕಡಿಮೆ ಮಾಡುತ್ತದೆ.

ದೇಶದಲ್ಲಿ ಇಂದು ಮೂರರಲ್ಲಿ ಒಬ್ಬರು ಬಿಪಿ ಅಥವಾ ಅಧಿಕ ರಕ್ತದೊತ್ತಡ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಪ್ರತಿನಿತ್ಯ ಒಂದು ಗಂಟೆಗಳ ಕಾಲ ವಾಕ್‌ ಮಾಡುವ ಅಭ್ಯಾಸ ರೂಢಿಸಿಕೊಂಡರೆ ಈ ಸಮಸ್ಯೆಯಿಂದ ಹೊರಗುಳಿಯಬಹುದು.  ನಿದ್ರೆಗೆ ಉತ್ತಮ - ವಾಕಿಂಗ್ ನಿದ್ರೆಯನ್ನು ಸುಧಾರಿಸುತ್ತದೆ. ಉತ್ತಮ ಮತ್ತು ನಿಶ್ಚಂತ ನಿದ್ದೆಗೆ ವಾಕಿಂಗ್‌ ಸಹಕಾರಿ. 

ಪ್ರತಿದಿನ ತಪ್ಪದೇ ಗಂಟೆಗಳ ಕಾಲ ವಾಕಿಂಗ್ ಮಾಡುವುದರಿಂದ ತೂಕ ನಿಯಂತ್ರಣದಲ್ಲಿರುತ್ತದೆ. ಅತಿಯಾದ ತೂಕವು ಹಲವು ಗಂಭೀರ ಕಾಯಿಲೆಗಳಿಗೆ ಪ್ರಮುಖ ಕಾರಣವಾಗಿದೆ.

ದೇಹದಲ್ಲಿ ಚೈತನ್ಯವನ್ನು ಹೆಚ್ಚಿಸುತ್ತದೆ: ಬೆಳಿಗ್ಗೆ ಬೇಗನೆ ಎದ್ದು ವಾಕ್‌ ಮಾಡುವುದರಿಂದ ದೇಹದಲ್ಲಿ ಶಕ್ತಿ ಹೆಚ್ಚಿ, ಚೈತನ್ಯ ಮೂಡುತ್ತದೆ. ದಿನವಿಡೀ ನೀವು ಆಕ್ಟಿವ್‌ ಆಗಿರುವಂತೆ ಮಾಡುತ್ತದೆ. 

ಧನಾತ್ಮಕ ಮನೋಭಾವ - ಬೆಳಗಿನ ವಾಕ್‌ ನಿಮ್ಮ ಮನಸ್ಥಿತಿಯನ್ನು ರಿಫ್ರೆಶ್ ಮಾಡುತ್ತದೆ ಮತ್ತು ಧನಾತ್ಮಕ ಭಾವ ಮೂಡುವ ಜೊತೆಗೆ ಆತ್ಮವಿಶ್ವಾಸವನ್ನೂ  ಹೆಚ್ಚಿಸುತ್ತದೆ.

ರಿಯಲ್ ಎಸ್ಟೇಟ್‌ನಿಂದ ಲಾಭವಾಗಲಿದೆ; ಮೇ 19ರ ದಿನಭವಿಷ್ಯ