ಕಾಮಕಸ್ತೂರಿ ಬೀಜದ ರುಚಿಕರ ಸ್ಮೂಥಿ ಪಾಕವಿಧಾನ ಇಲ್ಲಿದೆ

ಕಡಿಮೆ ಕ್ಯಾಲೋರಿ, ಪೋಷಕಾಂಶಗಳಿಂದ ತುಂಬಿದ ಕಾಮಕಸ್ತೂರಿ ಬೀಜದ ಸ್ಮೂಥಿಯನ್ನು ಬೆಳಗ್ಗಿನ ಉಪಾಹಾರ ಅಥವಾ ಸಂಜೆಯೂ ಸವಿಯಬಹುದು.

ಕಾಮಕಸ್ತೂರಿ ಅಥವಾ ಚಿಯಾ ಬೀಜದ ಸ್ಮೂಥಿ ತಯಾರಿಸುವುದು ಸುಲಭ ಮಾತ್ರವಲ್ಲ, ಇದು ಅನೇಕ ಆರೋಗ್ಯ ಪ್ರಯೋಜನಗಳಿಂದ ಕೂಡಿದೆ. 

ಇದರಲ್ಲಿ ಫೈಬರ್ ಮತ್ತು ಪ್ರೋಟೀನ್ ಸಮೃದ್ಧವಾಗಿದೆ. ಕ್ಯಾಲ್ಸಿಯಂ, ಮೆಗ್ನೀಸಿಯಮ್ ಮತ್ತು ರಂಜಕದಂತಹ ಅಗತ್ಯ ಜೀವಸತ್ವಗಳು ಮತ್ತು ಖನಿಜಗಳಿಂದ ಹೇರಳವಾಗಿದೆ.

ಕಾಮಕಸ್ತೂರಿ ಬೀಜದ ಸ್ಮೂಥಿ ತಯಾರಿಸುವುದು ಹೇಗೆ ಎಂಬುದು ಇಲ್ಲಿದೆ

1/2 ಕಪ್ ಕಾಮಕಸ್ತೂರಿ ಬೀಜ, 2 ಕಪ್ ಸಿಹಿರಹಿತ ಬಾದಾಮಿ ಹಾಲು, 2 ಚಮಚ ಜೇನುತುಪ್ಪ, ಸ್ಟ್ರಾಬೆರಿ, ಕಪ್ಪು ದ್ರಾಕ್ಷಿ, ಸೇಬು ಹಣ್ಣು, ಒಣಹಣ್ಣುಗಳು (ನಿಮ್ಮ ಆಯ್ಕೆಯ ಯಾವುದೇ ಹಣ್ಣು, ಒಣಹಣ್ಣುಗಳನ್ನು ಬೆರೆಸಬಹುದು).

ಬೇಕಾಗುವ ಸಾಮಗ್ರಿಗಳು

ಒಂದು ಲೋಟ ಅಥವಾ ಪಾತ್ರೆಯಲ್ಲಿ  ಕಾಮಕಸ್ತೂರಿ ಬೀಜ, ಬಾದಾಮಿ ಹಾಲು, ಜೇನುತುಪ್ಪವನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ.

ತಯಾರಿಸುವ ವಿಧಾನ

ಕಾಮಕಸ್ತೂರಿ ಬೀಜ ಒಂದಕ್ಕೊಂದು ಅಂಟಿಕೊಂಡು ಇರಬಾರದು. ಹೀಗಾಗಿ ಅದನ್ನು ಚಮಚದಿಂದ ಸರಿಯಾಗಿ ಕಲಸಿ.

ಲೋಟ ಅಥವಾ ಪಾತ್ರೆಯನ್ನು ಮುಚ್ಚಳದಿಂದ ಮುಚ್ಚಿ. ಚಿಯಾ ಬೀಜಗಳು ದ್ರವವನ್ನು ಹೀರಿಕೊಳ್ಳಲು ಮತ್ತು ದಪ್ಪವಾಗಲು ಕನಿಷ್ಠ 2 ಗಂಟೆಗಳ ಕಾಲ ಹಾಗೆಯೇ ಇಡಿ.

ಈ ಮಿಶ್ರಣ ದಪ್ಪವಾದ ನಂತರ, ಮುಚ್ಚಳವನ್ನು ತೆಗೆದು ಮತ್ತೆ ಚಮಚದಿಂದ ಚೆನ್ನಾಗಿ ಕಲಸಿಕೊಳ್ಳಿ.

ಮಿಶ್ರಣವು ತುಂಬಾ ದಪ್ಪವಾಗಿದ್ದರೆ, ನಿಮಗೆ ಬೇಕಾಗುವಷ್ಟು ಹಾಲನ್ನು ಬೆರೆಸಿ.

ಹಣ್ಣುಗಳು, ಒಣಹಣ್ಣುಗಳು, ಬೀಜಗಳನ್ನು ಈ ಮಿಶ್ರಣದ ಮೇಲೆ ಹಾಕಿ. ಹಣ್ಣುಗಳನ್ನು ಸಣ್ಣಗೆ ಕತ್ತರಿಸಿ ಬೆರೆಸಬಹುದು.

ರುಚಿಕರ ಹಾಗೂ ಆರೋಗ್ಯಕರ ಕಾಮಕಸ್ತೂರಿ ಬೀಜದ ಸ್ಮೂಥಿ ಸವಿಯಲು ಸಿದ್ಧ. 

ಎಚ್ಚರ! 

ನಿಮ್ಮ ನಾಯಿಗೆ ಈ ಆಹಾರಗಳನ್ನು ಯಾವತ್ತೂ ಕೊಡಲೇಬೇಡಿ