ನಿಮಗಿದು ಗೊತ್ತೆ? ಸಮುದ್ರದ ನೀರು ಉಪ್ಪಿನ ರುಚಿ ಹೊಂದಿರುವುದೇಕೆ?

ಒಂದು ವೇಳೆ ಸಮುದ್ರದ ನೀರು ಕುಡಿಯಲು ಯೋಗ್ಯವಾಗಿದ್ದರೆ, ಪ್ರಪಂಚದಲ್ಲಿ ನೀರಿನ ಕೊರತೆಯೇ ಆಗುತ್ತಿರಲಿಲ್ಲವೇನೋ.

ಆದರೆ, ಸಮುದ್ರದ ನೀರು ತುಂಬಾ ಉಪ್ಪಾಗಿರುತ್ತದೆ. ಇದು ಕುಡಿಯಲು ಯೋಗ್ಯವಲ್ಲ. ಸಮುದ್ರತೀರಕ್ಕೆ ಮೊದಲ ಬಾರಿ ಹೋದರೆ, ಜನರು ಈ ನೀರಿನ ರುಚಿ ನೋಡುತ್ತಾರೆ.

ಸಮುದ್ರದ ನೀರು ಏಕೆ ಉಪ್ಪು ಎಂದು ನೀವು ಯೋಚಿಸಿದ್ದೀರಾ? ಈ ಪ್ರಶ್ನೆಗೆ ವೈಜ್ಞಾನಿಕ ಉತ್ತರ ಏನು ಎಂದು ನೋಡೋಣ.

ಸಮುದ್ರಕ್ಕೆ ಉಪ್ಪು ಬರಲು 2 ಕಾರಣಗಳಿರಬಹುದು. ಮೊದಲನೆಯದ್ದು ಸಮುದ್ರದಲ್ಲಿರುವ ಹೆಚ್ಚಿನ ಉಪ್ಪು ಅಂಶ ನದಿಗಳಿಂದ ಬರುತ್ತದೆ.

ವಾಸ್ತವದಲ್ಲಿ ಮಳೆ ನೀರು ಆಮ್ಲೀಯವಾಗಿದೆ. ಈ ನೀರು ನೆಲದ ಬಂಡೆಗಳ ಮೇಲೆ ಬಿದ್ದಾಗ ಅವುಗಳ ಸವೆತವಾಗುತ್ತದೆ. ಭೂಮಿಯ ಸವೆತದಿಂದ ರೂಪುಗೊಂಡ ಲವಣಾಂಶವು ನದಿಗಳ ಮೂಲಕ ಸಮುದ್ರ ಸೇರುತ್ತದೆ. ಹೀಗಾಗಿ ನೀರು ಉಪ್ಪಾಗುತ್ತದೆ.

ಭೂಮಿಗೆ ಬಿದ್ದ ನೀರು ಸಮುದ್ರ ಸೇರಿ, ಮತ್ತೆ ಆವಿಯಾಗಿ ಮಳೆ ರೂಪದಲ್ಲಿ ಭೂಮಿಗೆ ಬೀಳುತ್ತದೆ. ಈ ಪ್ರಕ್ರಿಯೆ ವೇಳೆ ಲವಣಾಂಶಗಳು ಹಾಗೆಯೇ ಉಳಿದು ನೀರು ಮಾತ್ರ ಆವಿಯಾಗುತ್ತದೆ.

ಲಕ್ಷಾಂತರ ವರ್ಷಗಳಿಂದ ಈ ಪ್ರಕ್ರಿಯೆ ನಡೆಯುತ್ತಿರುವುದರಿಂದ ಸಮುದ್ರದ ನೀರು ಉಪ್ಪು ಉಪ್ಪಾಗಿದೆ. ವರ್ಷ ಕಳೆದಂತೆ ಈ ಲವಣಾಂಶದ ಪ್ರಮಾಣ ಹೆಚ್ಚಾಗಿ ಉಪ್ಪಿನ ಅಂಶವೂ ಹೆಚ್ಚಾಗುತ್ತದೆ.

ಸಮುದ್ರದ ನೀರು ಉಪ್ಪಾಗಿರಲು ಮತ್ತೊಂದು ಕಾರಣವೆಂದರೆ ಈ ನೀರಿನಲ್ಲಿ ಕ್ಲೋರಿನ್ ಮತ್ತು ಸೋಡಿಯಂ ಅಂಶ ಹೆಚ್ಚಾಗಿರುತ್ತವೆ.

ವೇಟ್ಟೈಯನ್‌ ಚಿತ್ರಕ್ಕಾಗಿ ಬಚ್ಚನ್‌ಗಿಂತ ರಜನಿಗೆ 17 ಪಟ್ಟು ಹೆಚ್ಚು ಸಂಭಾವನೆ!