ಕಣ್ಣುಗಳ ಆರೈಕೆ ಹೀಗಿರಲಿ

ಈ 7 ಅಭ್ಯಾಸಗಳನ್ನು ರೂಢಿಸಿದ್ರೆ ಕಣ್ಣಿನ ರಕ್ಷಣೆ ಮಾಡಿದಂತೆ

ಕಣ್ಣುಗಳು ನಿತ್ಯ ಹಲವು ಒತ್ತಡವನ್ನು ಸಹಿಸುತ್ತವೆ. ಆದರೆ ಕೆಲವು ಚಾಣಾಕ್ಷ ಅಭ್ಯಾಸಗಳ ಮೂಲಕ ತೀಕ್ಷ್ಣವಾದ ದೃಷ್ಟಿ ಮತ್ತು ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಬಹುದು. ಕಣ್ಣುಗಳನ್ನು ರಕ್ಷಣೆಗೆ ಸರಳ ದಿನಚರಿಗಳನ್ನು ರೂಢಿಸಿ.

ದೃಷ್ಟಿಯನ್ನು ರಕ್ಷಿಸಲು ಕೆಲವು ದೈನಂದಿನ ಅಭ್ಯಾಸಗಳು ಹೀಗಿವೆ

20-20-20 ನಿಯಮ ಅನುಸರಿಸಿ

ಪ್ರತಿ 20 ನಿಮಿಷಗಳಿಗೊಮ್ಮೆ, ಕನಿಷ್ಠ 20 ಅಡಿ ದೂರದಲ್ಲಿರುವ ಏನನ್ನಾದರೂ 20 ಸೆಕೆಂಡುಗಳ ಕಾಲ ನೋಡಿ. ಇದು ಡಿಜಿಟಲ್ ಕಣ್ಣಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಕಣ್ಣಿನ ಸ್ನೇಹಿ ಆಹಾರಗಳನ್ನು ಸೇವಿಸಿ

ಊಟಕ್ಕೆ ಸೊಪ್ಪುಗಳು, ಕ್ಯಾರೆಟ್, ಸಿಟ್ರಸ್ ಹಣ್ಣುಗಳು ಮತ್ತು ಒಮೆಗಾ -3 ಸಮೃದ್ಧವಾಗಿರುವ ಮೀನುಗಳನ್ನು ಸೇವಿಸಿ. ಈ ಪೋಷಕಾಂಶಗಳು ಕಣ್ಣಿನ ಆರೋಗ್ಯ ಬೆಂಬಲಿಸುತ್ತವೆ.

ಹೊರಾಂಗಡೆ ಸನ್ ಗ್ಲಾಸ್ ಧರಿಸಿ

ಯುವಿ ಕಿರಣಗಳು ನಿಮ್ಮ ಕಣ್ಣುಗಳಿಗೆ ಹಾನಿ ಮಾಡಬಹುದು. ಸೂರ್ಯನ ಹಾನಿಯಿಂದ ರಕ್ಷಿಸಲು 100 ಶೇ. ಯುವಿ ರಕ್ಷಣೆ ಹೊಂದಿರುವ ಸನ್‌ಗ್ಲಾಸ್‌ ಧರಿಸಿ.

ಹೈಡ್ರೇಟ್ ಆಗಿರಿ

ಕಣ್ಣು ಮಿಟುಕಿಸುವುದರಿಂದ ನಿಮ್ಮ ಕಣ್ಣುಗಳು ತೇವವಾಗುತ್ತವೆ. ಒಣ ಕಣ್ಣುಗಳನ್ನು ತಡೆಗಟ್ಟಲು ಸಾಕಷ್ಟು ನೀರು ಕುಡಿಯಿರಿ. ಮುಖ್ಯವಾಗಿ ಎಸಿ ಇರುವಲ್ಲಿ.

ಸ್ಕ್ರೀನ್‌ ಸುರಕ್ಷಿತ ಅಂತರದಲ್ಲಿರಲಿ

ನಿಮ್ಮ ಕಣ್ಣು ಮತ್ತು ಸ್ಕ್ರೀನ್‌ ನಡುವೆ ಕನಿಷ್ಠ 20-24 ಇಂಚುಗಳನ್ನು ಕಾಪಾಡಿಕೊಳ್ಳಿ. ಕಣ್ಣಿಗೆ ಆರಾಮದಾಯಕ ಆಗುವಂತೆ ಬ್ರೈಟ್‌ನೆಸ್‌ ಮತ್ತು ಫಾಂಟ್ ಗಾತ್ರನು ಸರಿಹೊಂದಿಸಿ.

ಸಾಕಷ್ಟು ನಿದ್ರೆ ಮಾಡಿ

ನಿದ್ರೆಯ ಕೊರತೆಯಿಂದ ಕಣ್ಣಿಗೆ ಆಯಾಸ, ಮಸುಕಾದ ದೃಷ್ಟಿಗೆ ಕಾರಣವಾಗಬಹುದು. ಹೀಗಾಗಿ ನಿತ್ಯ 7-8 ಗಂಟೆ ನಿದ್ರೆ ಮಾಡಿ.

ಸೋಂಕು ತಪ್ಪಿಸಿ

ಕೈಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳುವ ಮೂಲಕ ಸೋಂಕುಗಳನ್ನು ತಪ್ಪಿಸಿ. ಕೊಳಕು ಕೈಗಳಿಂದ ಕಣ್ಣುಗಳನ್ನು ಉಜ್ಜಬೇಡಿ. ಕಣ್ಣು ಸ್ಪರ್ಶಿಸುವ ಮೊದಲು ಕೈಗಳನ್ನು ತೊಳೆಯಿರಿ.

ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುವ 5 ಆಹಾರಗಳಿವು