ಕೊಹ್ಲಿ-ಧೋನಿ ಬಳಿಕ ರೋಹಿತ್ ಮುಜುಗರದ ದಾಖಲೆ

ಭಾರತೀಯ ನಾಯಕ ರೋಹಿತ್​ ಶರ್ಮಾ ಸತತವಾಗಿ ಅತಿ ಹೆಚ್ಚು ಟೆಸ್ಟ್ ಸೋಲು ಕಂಡು ಕೆಟ್ಟ ದಾಖಲೆಯೊಂದನ್ನು ಬರೆದಿದ್ದಾರೆ. 

ಅಡಿಲೇಡ್ ಟೆಸ್ಟ್ ಸೋಲಿನೊಂದಿಗೆ​ ವಿರಾಟ್ ಕೊಹ್ಲಿ ಎಂಎಸ್ ಧೋನಿ ನಂತರ ರೋಹಿತ್ ಮುಜುಗರದ ದಾಖಲೆ ಸರಿಗಟ್ಟಿದ್ದಾರೆ.

ಓವಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಿಂಕ್-ಬಾಲ್ ಟೆಸ್ಟ್‌ನಲ್ಲಿ ಆಸ್ಟ್ರೇಲಿಯಾ, ಭಾರತ ತಂಡವನ್ನು 10 ವಿಕೆಟ್‌ಗಳಿಂದ ಮಣಿಸಿತು.

ಇದರೊಂದಿಗೆ ಭಾರತದ ಪರ ಸತತ 4 ಪಂದ್ಯಗಳನ್ನು ಸೋತ ಕುಖ್ಯಾತಿಗೆ ರೋಹಿತ್​ ಶರ್ಮಾ ಪಾತ್ರರಾಗಿದ್ದಾರೆ. ಸತತ ಟೆಸ್ಟ್​​ ಪಂದ್ಯ ಸೋತಿರುವ ಭಾರತದ ನಾಯಕರ ಪಟ್ಟಿ ಹೀಗಿದೆ.

ಲಾಲಾ ಅಮರ್​ನಾಥ್: 1948ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ಮೂರು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ಬಿಶನ್ ಸಿಂಗ್ ಬೇಡಿ: 1976-1977ರಲ್ಲಿ ಇಂಗ್ಲೆಂಡ್ ವಿರುದ್ಧ ಸತತ 3 ಪಂದ್ಯಗಳಲ್ಲಿ ತನ್ನ ನಾಯಕತ್ವದಲ್ಲಿ ಭಾರತ ಸೋತಿತ್ತು.

ಸುನಿಲ್ ಗವಾಸ್ಕರ್: 1982-1983ರಲ್ಲಿ ತನ್ನ ನಾಯಕತ್ವದಲ್ಲಿ ಸತತ 3 ಪಂದ್ಯಗಳಲ್ಲಿ ಭಾರತ ಸೋತಿತ್ತು. ಪಾಕಿಸ್ತಾನ ವಿರುದ್ಧವೇ ಮೂರು ಪಂದ್ಯಗಳು.

ಮೊಹಮ್ಮದ್ ಅಜರುದ್ದೀನ್: 1998ರಲ್ಲಿ ಸತತ 3 ಪಂದ್ಯಗಳಲ್ಲಿ ಸೋತಿದ್ದರು. ಆಸ್ಟ್ರೇಲಿಯಾ, ಜಿಂಬಾಬ್ವೆ, ನ್ಯೂಜಿಲೆಂಡ್ ವಿರುದ್ಧ ತನ್ನ ನಾಯಕತ್ವದಲ್ಲಿ ಭಾರತ ಸೋತಿತ್ತು.

ದತ್ತ ಗಾಯಕ್ವಾಡ್: 1959ರಲ್ಲಿ ಇಂಗ್ಲೆಂಡ್ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ನಾಲ್ಕು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ಎಂಎಸ್ ಧೋನಿ: 2011ರಲ್ಲಿ ಇಂಗ್ಲೆಂಡ್ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ನಾಲ್ಕು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ಎಂಎಸ್ ಧೋನಿ: 2014ರಲ್ಲಿ ಇಂಗ್ಲೆಂಡ್ (3 ಪಂದ್ಯ), ಆಸ್ಟ್ರೇಲಿಯಾ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ನಾಲ್ಕು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ವಿರಾಟ್ ಕೊಹ್ಲಿ: 2020-2021ರಲ್ಲಿ ನ್ಯೂಜಿಲೆಂಡ್ (2 ಪಂದ್ಯ), ಆಸ್ಟ್ರೇಲಿಯಾ, ಇಂಗ್ಲೆಂಡ್ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ 4 ಪಂದ್ಯಗಳಲ್ಲಿ ಭಾರತ ಸೋಲು ಕಂಡಿತ್ತು.

ರೋಹಿತ್​ ಶರ್ಮಾ: 2024ರಲ್ಲಿ ನ್ಯೂಜಿಲೆಂಡ್ (3 ಪಂದ್ಯ), ಆಸ್ಟ್ರೇಲಿಯಾ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ನಾಲ್ಕು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ಸಚಿನ್ ತೆಂಡೂಲ್ಕರ್: 1999-2000 ರಲ್ಲಿ ಆಸ್ಟ್ರೇಲಿಯಾ, ಇಂಗ್ಲೆಂಡ್, ಸೌತ್ ಆಫ್ರಿಕಾ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ ಐದು ಪಂದ್ಯಗಳಲ್ಲಿ ಭಾರತ ಸೋತಿತ್ತು.

ಮನ್ಸೂರ್​ ಅಲಿ ಖಾನ್ ಪಟೌಡಿ: 1967-1968 ರಲ್ಲಿ ಆಸ್ಟ್ರೇಲಿಯಾ, ಇಂಗ್ಲೆಂಡ್ ವಿರುದ್ಧ ತನ್ನ ನಾಯಕತ್ವದಲ್ಲಿ ಸತತ 6 ಪಂದ್ಯಗಳಲ್ಲಿ ಭಾರತ ಸೋತಿತ್ತು.

26 ಎಸೆತಗಳಲ್ಲಿ ಪಂದ್ಯ ಗೆದ್ದ ಭಾರತ ತಂಡ