ವಾರ್ಷಿಕ ಪರೀಕ್ಷೆಗೆ ವಿದ್ಯಾರ್ಥಿಗಳ ಏಕಾಗ್ರತೆ‌ ವೃದ್ಧಿಸಲು ‌ಇಲ್ಲಿದೆ ಸಲಹೆ

ವಿದ್ಯಾರ್ಥಿಗಳಿಗೆ ಪರೀಕ್ಷೆ ಸಮೀಪಿಸಿರುವುದರಿಂದ ಭಯ, ಆತಂಕ ಮೂಡುವುದು ಸಹಜ. ಏಕಾಗ್ರತೆಯಿಂದ ಹೇಗೆ ಅಧ್ಯಯನ ಮಾಡಬಹುದು ಎಂಬುದಕ್ಕೆ ಇಲ್ಲಿದೆ ಸಲಹೆ.  

ವೇಳಾಪಟ್ಟಿ ರಚಿಸಿ

ವೇಳಾಪಟ್ಟಿ ರಚಿಸುವ ಮೂಲಕ ದಿನವನ್ನು ಯೋಜಿಸಿ. ಅಧ್ಯಯನದ ಸಮಯ, ವಿರಾಮ, ಇತರೆ ಚಟುವಟಿಕೆಗಳನ್ನು ಬರೆಯಿರಿ. ಪ್ರತಿದಿನ ಈ ವೇಳಾಪಟ್ಟಿಯನ್ನು ಅನುಸರಿಸಿ.

ಮಾಡಬೇಕಾದ ಕೆಲಸಗಳೇನು ಎಂಬುದರತ್ತ ಗಮನ ಕೊಡಿ. ಒತ್ತಡವನ್ನು ಕಡಿಮೆ ಮಾಡಲು ಯೋಜಿಸಿರುವ ಕಾರ್ಯಗಳನ್ನು ಪೂರ್ಣಗೊಳಿಸುವತ್ತ ಗಮನಹರಿಸಿ.

ಪ್ರಮುಖ ಕೆಲಸಕ್ಕೆ ಆದ್ಯತೆ ನೀಡಿ

ತುರ್ತು ಮತ್ತು ಪ್ರಮುಖ ಕೆಲಸಗಳನ್ನು ಮೊದಲು ಗುರುತಿಸಿ. ಕೆಲಸದ ಹೊರೆಯನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಪಟ್ಟಿ ಮಾಡಿರುವ ಕೆಲಸವನ್ನು ಒಂದೊಂದಾಗಿ ಮಾಡಿ.

ನಿಯಮಿತ ವಿರಾಮ ತೆಗೆದುಕೊಳ್ಳಿ

25 ನಿಮಿಷಗಳ ಕಾಲ ಅಧ್ಯಯನ ಮಾಡಿ, ನಂತರ 5 ನಿಮಿಷ ವಿರಾಮ ತೆಗೆದುಕೊಳ್ಳಿ. ಇದು ಗಮನವನ್ನು ಕೇಂದ್ರೀಕರಿಸಲು ಸಹಾಯ ಮಾಡುತ್ತದೆ.

ಒಂದೇ ವಿಷಯದ ಮೇಲಿರಲಿ ಗಮನ

ಒಂದು ಸಮಯದಲ್ಲಿ ಒಂದು ವಿಚಾರದ ಮೇಲೆ ಮಾತ್ರ ಗಮನವಿರಲಿ. ಬೇರೆ-ಬೇರೆ ವಿಷಯದತ್ತ ಗಮನಹರಿಸಿದರೆ ಮನಸ್ಸು ವಿಚಲಿತಗೊಳ್ಳುತ್ತದೆ.

ಅಧ್ಯಯನದ ಕೋಣೆ ಅಚ್ಚುಕಟ್ಟಾಗಿರಲಿ

ಅಧ್ಯಯನ ಮಾಡುವ ಕೋಣೆ ಅಚ್ಚುಕಟ್ಟಾಗಿರಲಿ. ಗಾಳಿ, ಬೆಳಕು ಸರಿಯಾಗಿ ಬರುವಂತಹ ಕೋಣೆಯಲ್ಲಿ ಅಧ್ಯಯನ ಮಾಡಿ. ಆರಾಮದಾಯಕ ಕುರ್ಚಿಯಲ್ಲಿ ಕುಳಿತುಕೊಳ್ಳಿ.

ಕಲಿಕೆಯನ್ನು ಸರಳಗೊಳಿಸಲು ಫ್ಲಾಶ್‌ಕಾರ್ಡ್, ಮೈಂಡ್ ಮ್ಯಾಪ್‍ನಂತಹವುಗಳನ್ನು ಬಳಸಿ. ಪರಿಣಾಮಕಾರಿ ಅಧ್ಯಯನಕ್ಕೆ ಇದು ಸೂಕ್ತ.

ಮೊಬೈಲ್ ಬಳಕೆ ಮಿತಿ

ಅಧ್ಯಯನದ ವೇಳೆ ಮೊಬೈಲ್ ವೀಕ್ಷಣೆಯನ್ನು ಕಡಿಮೆ ಮಾಡಿ. ಮೊಬೈಲ್ ಬಳಸಿದರೆ ಓದುವುದರತ್ತ ಏಕಾಗ್ರತೆ ಕಡಿಮೆಯಾಗುತ್ತದೆ.

ಆರೋಗ್ಯವಾಗಿರಿ

ಸಾಕಷ್ಟು ನಿದ್ದೆ ಮಾಡಿ, ಪೌಷ್ಟಿತ ಆಹಾರ ಸೇವಿಸಿ ಹಾಗೂ ನಿಯತವಾಗಿ ವ್ಯಾಯಾಮ ಮಾಡಿ. ನೀವು ಆರೋಗ್ಯವಂತರಾಗಿದ್ದರೆ ಮನಸ್ಸು ಕೂಡ ಸಕ್ರಿಯವಾಗಿರುತ್ತದೆ. ಇದರಿಂದ ಏಕಾಗ್ರತೆಗೆ ಭಂಗವಾಗುವುದಿಲ್ಲ.

ಮನೆಯಲ್ಲೇ ಈ ರೀತಿ ತಯಾರಿಸಿ ಬಿರಿಯಾನಿ ಮಸಾಲೆ